Më shumë se 10 vjet pasi që ka luajtur për herë të parë në rolin kryesor, Scarlet Johanssoni ka thënë se nuk planifikon që të rikthehet më në filmin “Black Widow”.
Aktorja e famshme e cila e ka luajtur në këtë film që nga viti 2010, ka deklaruar se filmi i ardhshëm “Black Widow”, do të ishte një rrugë e mirë për tu larguar nga karakteri.
“Nuk kam plane që të rikthehem në rolin e Natashas”, ka thënë aktorja 35-vjeçare për Fatherly, transmeton KultPlus.
“Jam shumë e kënaqur me filmin. Është momenti më i mirë tani që të largohem nga kapitulli i identitetit tim si Marvel në këtë film”, ka thënë Johanssoni.
Kjo është hera e parë që aktorja diskuton planet e saj për të mos qenë më pjesë e filmit “Black Widow”.
Muajin e kaluar, ajo kishte deklaruar se lënia e rolit të saj pas 11 vjetësh ishte diçka e ëmbël. / KultPlus.com
