Etiketë: “BLACKPINK”

“BLACKPINK”, grupi muzikor më i ndjekur në YouTube

Posted on by Kult Plus

Grupi nga Korea Jugore, “BLACKPINK”, vazhdon ta ruajë titullin e grupit me më së shumti ndjekës në platformën muzikore YouTube, raporton portali “NME”.

Aktualisht, grupi i përbërë nga katër vajza, Rosé, Lisa, Jennie dhe Jisoo, i ka 75 milionë ndjekës në faqen zyrtarë në këtë platformë, duke u bërë edhe grupi i parë muzikor që e arrin këtë sukses.

Lajmin e konfirmoi edhe një përfaqësues nga YouTube.

Kështu, “BLACKPINK” e vazhdon dominimin si grupi më i ndjekur në këtë platformë muzikore, pasi e kishte marrë këtë titull nga këngëtari kanadez, Justin Bieber, vitin e kaluar.

Bieber aktualisht i numëron 69.3 milion ndjekës në faqen e tij zyrtare në YouTube.

Në fillim të këtij viti, njëra prej këngëtareve të “BLACKPINK”, Rosé, foli publikisht për të ardhmen e grupit të famshëm të muzikës K-Pop.

Kur u pyet nëse e ka imagjinuar ndonjëherë jetën pas shpërbërjes së bendit, Rosé deklaroi se nuk mendon se një gjë e tillë do të mund të ndodhë së shpejti.

“Unë jam rritur me këto vajza. Ajo janë pjesë e pandashme e imja. Nuk mendoj se grupi ‘BLACKPINK’ do të shpërbëhet në një të ardhme të afërt. Prandaj është budallallëk të brengosem për një gjë të tillë apo edhe të mendoj për këtë. Ne do të jemi familje përgjithmonë”, deklaroi këngëtarja.

Derisa tri anëtarët e bendit, Lisa, Jennie dhe Rosé, tashme e gëzojnë një karrierë edhe si solo këngëtare, pjesëtarja e katërt e bendit, Jisoo, po e sfidon veten në tjetër fushë, që është filmi. Në një intervistë të fundit ajo ka treguar se ende ndihet e pasigurt për ndjekjen e një karriere muzikore jashtë “BLACKPINK”./koha/ KultPlus.com

Anëtarja e grupit “BLACKPINK”, Lisa debutoi si solo këngëtare me albumin “Lalisa” (VIDEO)

Posted on by Kult Plus

Lisa njëra nga katër anëtaret e grupit me famë botërore nga Korea Jugore, “BLACKPINK”, e ka publikuar albumin e parë solo me titull “Lalisa”, shkruan KultPlus.

Krahas këtij incizimi, ylli i muzikës K-pop gjithashtu i ka lansuar dy këngët, “Lalisa” që numëron gjithsej 56 milionë shikime, 14 orë pas publikimit dhe kënga “Money”, që të dyja në gjuhën koreane dhe angleze.

Lisa e cila e gëzon një bazë të madhe adhuruesish edhe si solo këngëtare, dhe i numëron më shumë se 58 milionë ndjekës në rrjetin social Instagram, e shfrytëzoi këtë rrjet social për t’i falënderuar të gjithë ata që kanë qenë pjesë e këtij projekti shumë për zemër.

“A jeni duke e dëgjuar dhe shijuar albumin tim? Unë jam shumë e lumtur që po e shijojmë së bashku më në fund albumin tim të parë. Faleminderit shumë që keni pritur kaq gjatë dhe faleminderit shumë që gjithmonë keni qenë afër meje. Sot është një ditë e vecantë për mua dhe është ndjenjë e mirë ta ndaj me juve këtë ditë”, ka shkruar Lisa në mesazhin e saj.

Lisa nuk është anëtarja e vetme e grupit “BLACKPINK” që po zhvillon karrierë si solo këngëtare. Anëtarja tjetër, Jennie e kishte publikuar videoprojektin e parë si solo këngëtare në vitin 2018. Kënga titullohet “Solo”. Ndërsa, Rosé ka debutuar si solo këngëtare me albumin “R”.

Anëtarja e fundit e grupit, Jisoo gjithashtu pritet që së shpejti të publikojë projektin e saj si solo këngëtare.

Grupi me famë botërore është shfaqur në shumë shfaqje amerikane, dhe Lisa do të përformojë këngën e re për herë të parë drejtpërdrejt në ‘The Tonight Show Starring Jimmy Fallon’. / KultPlus.com

Anëtarja e grupit “BLACKPINK”, Lisa së shpejti debuton si solo këngëtare me albumin “Lalisa” (VIDEO)

Posted on by Kult Plus

Anëtarja e grupit të muzikës K-pop “Blackpink”, Lisa, pritet të debutoj me solo album së shpejti.

Të martën ajo ka shpërndarë një video të shkurt për albumin e saj “Lalisa”, që pritet të dalë këtë të premte.

Videoja 14 sekondëshe përcillet nga tingujt muzikorë deri në fund kur shfaqet Lisa me një fustan të zi vezullues dhe këndon fjalët: “Say Lalisa love me, Lalisa love me”.

Lisa është anëtarja e radhës e Blackpink që debuton me projekt solo, pas anëtarëve të tjera, Jennie dhe Rosé.

Në vetëm dy orë videoja në kanalin YouTube ka marrë 3 milionë shikime. Për këtë arsye dhe jo vetëm, pritet që albumi të jetë një super hit i ndjekur nga miliona admirues nga e gjithë bota.

Tani pas një dite, videoja numëron gjithsej 13 milionë shikime. / KultPlus.com

Anëtarja e grupit “BLACKPINK”, Rosé debutoi si solo këngëtare me albumin “R”

Posted on by Kult Plus

Rosé njëra nga katër anëtaret e grupit të njohur nga Korea Jugore, “BLACKPINK”, e ka publikuar albumin e parë solo me titull “R”.

Krahas këtij incizimi që ka marrë dy vjet për t’u finalizuar, ylli i muzikës K-pop gjithashtu i ka lansuar dy këngët, “On The Ground” dhe “Gone”, që të dyja në gjuhën angleze.

Rosé e cila e gëzon një bazë të madhe adhuruesish edhe si solo këngëtare, dhe i numëron më shumë se 37 milionë ndjekës në Instagram, e shfrytëzoi këtë rrjet social për t’i falënderuar të gjithë ata që kanë qenë pjesë e këtij projekti shumë për zemër.

“Kur i kujtoj gjithë ato natë që unë dhe ekipi im i kemi kaluar duke e perfeksionuar këtë album!! Jam e lumtur që më në fund po ua prezantoj albumin ‘R’. Edhe pse është një incizim solo, unë dëshiroja që të gjithë të jenë të kënaqur me të dhe të ndihen sikur kanë kontribuar në punën kreative në ndonjë formë. Nuk është diçka e madhe, por shpresoj se do t’iu pëlqejë. Ky është albumi im i parë si solo këngëtare”, kishte shkruar Rosé në mesazhin e saj.

Në kuadër të promovimit të këtij projekti, Rosé performoi në kuadër të edicionit të fundit të emisionit “The Tonight Show Starring Jimmy Fallon”. Kjo është hera e parë që anëtarja e grupit shumë të suksesshëm “BLACKPINK” performoi e vetme në këtë shou.

Ajo po ashtu është ylli i parë i muzikës K-pop që e hijeshon e vetme këtë skenë. Rosé më parë kishte qenë pjesë e emisionit “The Tonight Show” në qershor të vitit 2020, ku performoi krahas anëtarëve tjera të grupit “BLACKPINK”, Jennie, Jisoo dhe Lisa, me ç’rast edhe e promovuam hitin e tyre “How You Like That”.

Për performancën e saj si solo këngëtare, Rosé e interpretoi këngën “On The Ground”, e shoqëruar në skenë nga një grup i valltarëve.

Rosé nuk është anëtarja e vetme e grupit “BLACKPINK” që po zhvillon karrierë si solo këngëtare. Anëtarja tjetër Jennie e kishte publikuar videoprojektin e parë si solo këngëtare në vitin 2018. Kënga titullohet “Solo”. Jisoo dhe Lisa gjithashtu pritet që së shpejti t’i publikojnë projektet e tyre si solo këngëtare. / KultPlus.com