Etiketë: blinding lights

‘Blinding Lights’, kënga e parë që ka tejkaluar 4 miliardë transmetime në Spotify

Posted on by Kult Plus

“Blinding Lights” e The Weeknd është bërë kënga e parë që ka tejkaluar 4 miliardë transmetime në Spotify, konfirmoi një zëdhënës i kompanisë për Variety.

Kënga kaloi “Shape of You” të Ed Sheeran si kënga më e transmetuar e të gjitha kohërave në shërbimin e transmetimit të muzikës. Është gjithashtu një nga dy këngët e Weeknd në top 10: “Starboy” i 2016-ës është në vendin e 6-të, me afro 2.5 miliardë transmetime.

Në një deklaratë, kantautori kanadez The Weeknd (emri i vërtetë i të cilit është Abel Tesfaye) tha: “Unë kurrë nuk do të ndalem së ndjeri i përulur për çdo gjë që krijoj që arrin miliona, e lëre më miliarda!“. Sakaq, këngëtari theksoi se është mirënjohës që kjo këngë i bën njerëzit të kenë dëshirë ta dëgjojnë sërish.

The Weeknd është gjithashtu artisti nr. 1 në Spotify me 113.5 milionë dëgjues mujor, duke kaluar artisten femër më të transmetuar të Spotify në vitin 2023, Taylor Swift, e cila ka 107.7 milionë dëgjues mujor./KultPlus.com

The Weeknd do të nderohet me çmim për kontributin e tij në bamirësi

Posted on by Kult Plus

Ylli i muzikës, The Weeknd, do ta pranojë çmimin “Quincy Jones Humanitatian Award” në ceremoninë e parë shpërblyese “Music in Action Awards”.

Këngëtari i hitit “Blinding Lights” do të jetë ndër artistët e nderuar në ngjarjen e përvitshme të organizuar nga “Black Music Action Coalition”, e që mbahet në një hotel të Hollywoodit më 23 shtator të këtij viti.

Çmimi që do t’i ndahet muzikantit kanadez e nderon angazhimin e tij të madh në fushën e bamirësisë, me ç’rast artisti ka dhuruar miliona dollarë për çështje të ndryshme bamirëse, prej fillimit të pandemisë së koronavirusit.

Ndër organizatat që kanë përfituar nga donacionet e artistit 31-vjeçar, janë: “Black Lives Matter Global Network”, “Colin Kaepernick Know Your Rights Camp Legal Defense Initiative” dhe “National Bail Out”, si dhe fushatat për lehtësimin e pasojave të shkaktuara nga COVID-19, “MusiCares” dhe disa organizata tjera në Etiopi dhe Libi.

Çmimet “Music in Action” do t’i nderojnë artistët, drejtuesit dhe bizneset në industrinë e muzikës, të cilët kanë dhënë kontributet më të rëndësishme për drejtësi sociale, barazi dhe ndryshim, gjatë vitit të fundit. / Koha.net / KultPlus.com

@AP/Associated Press