Etiketë: bogujevci

3 vite pa ikonën e folklorit shqiptar, Ismet Bogujevcin

Posted on by Kult Plus

Ismet Bogujevci është një ndër figurat më të shquara të muzikës dhe folklorit kombëtar, shkruan KultPlus.

Ai ka lindur më 9 prill 1952 në Podujevë. Fillet e karrierës së tij mjaftë të bujshme, ishin në shoqërinë kulturo-artistike ‘Josip Rela’ në Podujevë në vitin 1972 në muzikë dhe aktrim pasi në atë kohë kjo shoqëri kulturo-artistike kishte shtrirje paralele në muzikë dhe në aktivitete teatrore.

Drama ‘Halili dhe Hajria’ ishte ngjarja e parë që i mundësoi Bogujevcit të ngjitet në skenë në rolin e Qatipit. Më vonë ai ka vazhduar aktivitetin e tij artistik edhe në shoqërinë ‘Ramiz Sadiku’ duke pasur paraqitje në Prishtinë dhe në gjithë rajonin ballkanik.

Nga viti 2000, ai ka punuarsi solist në Ansamblin e Këngëve dhe Valleve ‘Shota’. Kurse nga viti 2012 – 2013 ishte në pozitën e UD Drejtor i Ansamblit.

Disa prej këngëve të tij janë: “Kur ta fala një tufë gërshetë”, “Martesa jonë”, “O moj bukuroshe”, “Ke selvite e namazgjasë”, “Tefik Canga”, “Bajram Curr o Bajram Curr” etj.

Ai vdiq më 13 maj të vitit 2021./ KultPlus.com

Kur Ismet Bogujevci e Nexhmije Pagarusha këndonin bashkë këngën ‘Njëri tjetrin duam shumë’

Posted on by Kult Plus

Nexhmije Pagarusha dhe Ismet Bogujevci, ishin këngëtarë të njohur të muzikës popullore shqipe, të cilët vazhdojë të kumbojë përherë në veshët e atyre që e deshën muzikën e tyre, shkruan KultPlus.

KultPlus ju sjell sot këngën “Njëri-tjetrin e duam shumë” e shoqëruar memelodi e tekst mjaft të ëmbël e nostalgjik për secilin. /KultPlus.com

Kryeministri Kurti përkujton masakrën në familjen Bogujevci: Kopshti me diell pret festën e madhe të ditës së lindjes së Norës

Posted on by Kult Plus

Sot janë mbushur 25 vite nga masakra në familjen Bogujevci, përcjell KultPlus.

Në përkujtim të kësaj masakre, mbrëmë u dha edhe shfaqja ‘Kopshti i hijeve’ ku i pranishëm ishte edhe kryeministri i Kosovës, Albin Kurti.

Në vijim, KultPlus ua sjell postimin e plotë të kryeministrit Kurti:

Kopshti me diell pret festën e madhe të ditës së lindjes së Norës.

Pastaj, kopshtin e mbuluan hijet. Dita u bë 2000 orë. Të shtëna. Tanke. Sirena.

U kthyem pas në 28 marsin e vitit 1999, në kopshtin e familjes Bogujevci. Kënga e vallja e fëmijëve u ndal. I rreshtuan te muri. “Ata janë veҫ fëmijë!” ishin fjalët e fundit të Nënës. “Shkorpionët” e Serbisë hapën zjarr. Qëlluan me plumba.

Pesë nga fëmijët mbijetuan, përkundër 32 plumbave që shpuan trupat e tyre. Saranda, Fatosi, Jehona, Liria dhe Genci.

Shfaqja teatrale “Kopshti i hijeve” nga Sarah Hehir, me regji të Nastazja Domaradzka, mbrëmë na solli rrëfimin e masakrës së familjes Bogujevci në skenën e Teatrit Kombëtar të Kosovës.

Narracioni ishte teatral, por historia e vërtetë. Personazhet ishin aktorë, por emrat ishin të vërtetë. Disa role i kishim në skenë, e personazhin e vërtetë në audiencë.

Kopshti është ende aty. Skena ishte teatrale, por rrëfimet e përjetimet reale. Ashtu do të mbeten përherë në kujtesën tonë. Siç thanë personazhet, asgjë kurrë nuk mundet me u humb e as me u harru./KultPlus.com

Presidentja Vjosa Osmani kujton Masakrën ndaj familjeve Bogujevci e Duriqi

Posted on by KultPlus

Presidentja e Republikës së Kosovës Vjosa Osmani ka kujtuar masakrën ndaj familjeve Bogujevci e Duriqi, e cila mes tjerash ka thënë se strategjia e regjimit gjenocidal të Serbisë kundrejt shqiptarëve pa dallim moshe ishte shfarosja dhe spastrimi etnik.

“25-vjet më parë, forcat kriminale vranë në mënyrë mizore 14 anëtarë të familjeve Bogujevci e Duriqi, në mesin e të cilëve 7-fëmijë të moshës 2 deri 15 vjeç dhe 7 gra.

Saranda, Fatosi, Jehona, Liria dhe Genc Bogujevci janë dëshmitarë të aktit makabër, ndaj këto dëshmi janë në funksion të kujtesës dhe të sjelljes se autorëve para drejtësisë.

Liria dhe paqja kanë kuptim vetëm kur drejtësia të vihet në vend!

Qoftë i përhershëm kujtimi për martirët e familjeve Bogujevci dhe Duriqi!”, ka shkruar Osmani. / KultPlus.com

Bogujevci i tregon shenjat në trup nga masakra e vitit 1999: Serbia akoma sulmon, mjaft është mjaft

Posted on by Kult Plus

Nënkryetarja e Kuvendit të Kosovës, Saranda Bogujevci, ka thënë se janë të papranueshme veprimet e Serbisë që janë duke vazhduar akoma ndaj Kosovës, duke përmendur agresionin e 24 shtatorit në Banjskë të Zveçanit.

Ajo, në Asamblenë Parlamentare të Këshillit të Evropës, deklaroi kështu pas deklaratës së përfaqësueses serbe, Biljanta Pantiq, e cila pretendoi se në Kosovë po ndodh spastrim etnik.

“25 vjet më parë si 13-vjeçare i kam mbijetuar një masakre të ushtrisë serbe, që atë herë ishte udhëhequr nga njerëzit që tani janë duke e udhëhequr shtetin, dhe ishin pjesë e atij regjimi. Si 13-vjeçare isha lënë e shtrirë në një grumbull të trupave të familjes sime me 16 plumba”.

“Sot i kam dhe i mbajë akoma këto shenja në dorën time dhe në pjesë të tjera të trupit tim. Dhe të shoh 25 vjet pas, kur ne sulmohemi vazhdimisht verbalisht dhe në forma të tjera, së fundmi edhe me një sulm terrorist, në Kosovë është e papranueshme. Mjaft është mjaft. Kurrë nuk ka pasur një kërkim falje, nuk ka pasur kurrë asgjë që është ndërmarrë për t’u vendosur drejtësia, jo vetëm se çfarë ka ndodhur atëherë, por edhe tani”, ka thënë Bogujevci./Klankosova.tv/KultPlus.com

‘Një lulishte me trëndafila’, nga zëri i veçantë i Ismet Bogujevcit (VIDEO)

Posted on by Kult Plus

Ismet Bogujevci ëshë një ndër figurat më të shquara të muzikë dhe folklorit kombëtar, shkruan KultPlus.

Fillet e karrierës së tij mjaftë të bujshme, ishin në shoqërinë kulturo-artistike ‘Josip Rela’ në Podujevë në vitin 1972 në muzikë dhe aktrim pasi në atë kohë kjo shoqëri kulturo-artistike kishte shtrirje paralele në muzikë dhe në aktivitete teatrore.

Drama ‘Halili dhe Hajria’ ishte ngjarja e parë që i mundësoi Bogujevcit të ngjitet në skenë në rolin e Qatipit.Më vonë ai ka vazhduar aktivitetin e tij artistik edhe në shoqërinë ‘Ramiz Sadiku’ duke pasur paraqitje në Prishtinë dhe në gjithë rajonin ballkanik.

Nga viti 2000, ai ka punuarsi solist në Ansamblin e Këngëve dhe Valleve ‘Shota’. Kurse nga viti 2012 – 2013 ishte në pozitën e UD Drejtor i Ansamblit.

Disa prej këngëve të tij janë:

“Kur ta fala një tufë gërshetë”

“Martesa jonë”

“O moj bukuroshe”

“Ke selvite e namazgjasë”

“Tefik Canga”

“Bajram Curr o Bajram Curr”

Ai vdiq më 13 maj të vitit 2021.

KultPlus ju sjell interpretimin e tij “Një lulishte me trëndafila”:

Nji lulishte me trandafila
Asht parajsa e vërtetë,
ky asht ven, qi knojn’ bilbilat
flak q’mu dogj ashiku i shkretë.

Vetë më the mëre xhanan
n’at lulishte jetën ta çojm
Mos më le në kët zindan
Të gjithë jetën nuk do t’rrojmë.

Maraku asht nji shkendi
Djeg si dielli në qeshor
Kët’ sevda, kush ma din’
Shpirtin tem’ ja jap në dorë.

Të gjitha lulet jane lavdëru
Trandafili asht me famë
Ashiku ç’u përvëlu
ç’u dogj flakë si përvan.

N’Elbasan asht një gur varri
Të zest ashket si se panë
Flakë u dogj Isuf Myzyri
Si Mexhnuni për Lajlanë./KultPlus.com