Deputetët konservatorë e përshëndetën me duartrokitje daljen e fundit të Boris Johnon si kryeministër i Britanisë së Madhe.
“Ne ndihmuam, unë ndihmova për ta nxjerrë këtë vend nga pandemia dhe për të ndihmuar në shpëtimin e një vendi tjetër nga barbaria. Dhe, sinqerisht, kjo është e mjaftueshme për kursin. Misioni u krye në një masë të madhe. Dua t’i falënderoj të gjithë këtu dhe hasta la vista, baby”, tha ai në fund të fjalimit. /KultPlus.com
“Hasta la vista baby” – Boris Johnson’s final words as he exits #PMQs for the last time to a standing ovation: pic.twitter.com/rlSqVNDX5R
Boris Johnson do të japë dorëheqjen si lider konservator sot, pas dorëheqjeve të mëtejshme ministrore këtë mëngjes, njofton BBC.
Por ai planifikon të vazhdojë të shërbejë si kryeministër deri në vjeshtë për të lejuar që një garë për udhëheqje konservatore të zhvillohet në verë.
Disa deputetë konservatorë po bëjnë thirrje që ai të tërhiqet menjëherë pasi më shumë se 50 ministra dhe ndihmës të qeverisë u larguan nga qeveria e tij, transmeton KultPlus.
Udhëheqësi i Laburistëve Keir Starmer e mirëpret lajmin, duke thënë se konservatorët kanë “shkaktuar kaos në vend” gjatë një krize të kostos së jetesës.
Sekretarja e Jashtme Liz Truss – e cila ka qëndruar e heshtur për ditë të tëra – po ndërpret një udhëtim jashtë vendit dhe po kthehet në Londër.
Ndërsa sekretarja e re e arsimit Michelle Donelan dhe sekretari i Irlandës së Veriut Brandon Lewis dhanë dorëheqjen nga kabineti. /KultPlus.com
Në një video të shpërndarë nga presidentja e Komisionit Evropian, Ursula von der Leyen, janë të përfshirë liderë nga e gjithë bota që po dënojnë agresionin rus nga Vladimir Putin në Ukrainë, shkruan KultPlus.
“Më shumë se 10 milionë njerëz duhej të largoheshin nga bombat e Putinit dhe të kërkonin strehim brenda Ukrainës ose në vendet fqinje. Dje bota u bashkua me një mesazh të fuqishëm uniteti dhe solidariteti. Të dashur popull ukrainas, qëndroni të fortë. Ne jemi me ty. Ne #QendrojmëPërUkrainën”, shkruhet në postimin e Ursula Leyen.
More than 10 million people had to flee Putin’s bombs and seek shelter either inside Ukraine or in neighbouring countries.
Yesterday the world came together with a powerful message of unity & solidarity.
Kryeministri i Kosovës, Albin Kurti, i cili shihet përkrahë liderë botërorë përfshirë këtu kryeministrin e Mbretërisë së Bashkuar, Boris Johnson dhe vetë Volodymyr Zelenskyn, shihet duke thënë se Kosova është rreshtuar krahë shteteve më demokratike të botës dhe i ka vënë sanksione Rusisë.
“Kosova është bashkuar së bashku me vendet më demokratike në botë për t’i vënë sanksione ndaj Rusisë. Që të qëndrojmë me Ukrainën, ne jemi zotuar që të pranojmë 5 mijë refugjatë ukrainas dhe gjithashtu kemi shprehur gatishmërinë tonë për t’i strehuar 20 gazetarë nga Ukraina”. /KultPlus.com
Kryeministri i Mbretërisë së Bashkuar, Boris Johnson ka zhvilluar bisedime në Kiev me presidentin e Ukrainës Volodymyr Zelensky, përcjell KultPlus.
Vizita e zotit Johnson në Kiev nuk u njoftua paraprakisht dhe treguesi i parë se ai ishte në qytet erdhi kur fotografia e takimit të tij me Presidentin Zelensky është postuar në Twitter nga ambasada e Ukrainës në Londër.
“Ata do të diskutojnë mbështetjen afatgjatë të Mbretërisë së Bashkuar për Ukrainën dhe kryeministri do të përcaktojë një paketë të re ndihme financiare dhe ushtarake”, bëhet e ditur nga MB.
Andriy Sybiha, nënkryetari i zyrës së presidentit ukrainas, tha: “Britania e Bashkuar është lider në mbështetjen e mbrojtjes për Ukrainën. Lider në koalicionin kundër luftës. Lider në sanksionet kundër agresorit rus.”
Johnson është lideri i fundit perëndimor që udhëton në kryeqytetin ukrainas për bisedime me presidentin e vendit.
Presidentja e Komisionit Evropian Ursula von der Leyen dhe shefi i politikës së jashtme të BE-së Josep Borrell bënë vizita të dy të premten dhe kancelari austriak Karl Nehammer më herët të shtunën. /KultPlus.com
Kryeministri i Britanisë së Madhe, Boris Johnson, në një intervistë për prestigjiozen “El Pais”, është pyetur për fjalimin e tij në Parlamentin britanik ku e ka krahasuar Vladimir Putinin me Sllobodan Millosheviqin, trasnmeton Gazeta Express.
Johnson thotë se ai beson që është një analogji tepër e ngusht në mes të sjelljeve aktuale të Vladimir Putinit me ato që Sllobodan Millosheviq kishte bërë në vitet e fundit.
“Është shumë interesante që të dy liderët kanë qenë në pushtet për një kohë të gjatë, të dy autokratë që synonin rritjen, që kërkonin të forcojnë pozicionin e tyre të brendshëm, dhe gjetën një kauzë të madhe nacionaliste”, ka thënë kryeministri Johnson, trasnmeton Gazeta Express.
Johnson thotë se Sllobodan Millosheviq kishte tentuar të bindte serbët se Fushë Kosova është vendi ku “nacionalizmi dhe kombi serb kishte lindur”, dhe thotë se kishte tentuar t’i inspironte serbët me idenë e gabuar” që ai vend “duhej çliruar dhe shpëtuar”.
“Sllobodan Millosheviq e kishte identifikuar vendin e lindjes së nacionalizmit serb, në të vërtet kombit serb, në Fushë Kosovë, dhe ai inspiroi njerëzit e tij me këtë ide të gabuar, që ai [vend], duhej çliruar dhe shpëtuar” ka thënë Johnson.
Ai thotë se ekziston një ngjashmëri shumë e madhe mes këtij gabimi katastrofik të Sllobodan Millosheviqit dhe asaj që presidenti i Rusisë ka thënë për Kievnin, origjinën e fesë, kulturës dhe qytetërimit rus dhe objektivave të tij ndaj Ukrainës.
Johnson ka folur tutje edhe për çështjen e Gjykatës së Hagës dhe provave kundër Rusisë.
“Kur bëhet fjalë për Gjykatën Penale Ndërkombëtare, kjo është një çështje e tyre. Do të duhej të ishte mbledhja e provave. Nëse ka prova të përdorimit të municioneve të paligjshme, bombave thërrmuese, armëve me tytë, kjo do të duhet të trajtohet në Holandë” ka thënë tutje Johnson./ KultPlus.com
Sot kryeministri i Kosovës, Albin Kurti, ka takuar në Londër, homologun e tij britanik, Boris Johnson, gjatë pjesëmarrjes së tij në samitin vjetor për investime në Ballkanin Perëndimor.
Veç Johnson, ai ka takuar edhe zyrtarë të tjerë britanikë.
”WB6 është i domosdoshëm për sigurinë e Evropës dhe ky është tashmë një besim i përbashkët në shumë kryeqytete evropiane. Një kënaqësi e vërtetë të takojë Kryeministrin e Britanisë së Madhe @BorisJohnson”, ka shkruar Kurti referuar edhe takimeve me zyrtarë të tjerë. / KultPlus.com
WB6 is indispensable for the security of Europe & this is now a shared belief in many European capitals. A real pleasure to meet PM of 🇬🇧@BorisJohnson, Foreign Sec. @trussliz & M. for Europe @JamesCleverly at a reception for WB6 where we discussed investment opportunities. pic.twitter.com/gtS5JZ3dhN
Mbretëria e Bashkuar do të ndryshojë ligjin për të mundësuar ndalesa ndaj tifozëve që përfshihen në racizëm online, ka thënë kryeministri britanik, Boris Johnson të mërkurën.
Ky reagim vjen pas abuzimeve që janë parë në rrjetet sociale kundër tre lojtarëve anglezë, Marcus Rashford, Jadon Sancho dhe Bukayo Saka, pas humbjeve të penalltive në finalen e Kampionatit Evropian në futboll, të zhvilluar të dielën kundër Italisë.
Pasi i është përgjigjur pyetjes së një deputeti, Johnson ka falënderuar secilin sportist për atë që ka bërë, si dhe për fushatën që, sipas tij, ka prezantuar më të mirën e Mbretërisë së Bashkuar.
“E përsëris se, i dënoj ashpër komentet raciste që kemi parë të dielën mbrëma, prandaj ajo çfarë jemi duke bërë është se po marrim hapa praktikë për të siguruar se do të ndërrohet regjimi për ndalesa në futboll, prandaj nëse dikush është fajtor për bërje të komenteve raciste online ndaj futbollistëve, atëherë nuk do të jetë pjesë e ndeshjes, pa arsyetime”, ka thënë ai.
Në ndeshjen e finales, që është zhvilluar të dielën mbrëma në stadiumin Wembley në Londër, Italia ka mposhtur Anglinë me rezultat 3:2.
Ndeshja e rregullt 90-minutëshe ka mbaruar me rezultat 1:1 dhe loja pastaj ka vazhduar me kohën shtesë dhe me penallti.
Ekipi italian ka qëlluar tri nga pesë penalltitë, ndërsa ekipi anglez dy.
Italia ka fituar titullin evropian edhe më 1968.
Euro 2020 është dashur të mbahet vitin e kaluar, por është shtyrë për shkak të pandemisë së koronavirusit. / evropaelire.org / KultPlus.com
Kryeministri britanik Boris Johnson nuk do të marrë pjesë në funeralin e Dukës së Edimburgut për të lejuar pjesëmarrjen e sa më shumë anëtarëve të familjes, në sfondin e kufizimeve antiCOVID-19.
Një zëdhënës i kryeministrit tha se “Si rezultat i rregulloreve të COVID-19, vetëm 30 persona mund të marrin pjesë në varrimin e HRH Princit Philip, Duka i Edimburgut”.
“Kryeministri gjatë gjithë kohës ka dashur të veprojë në përputhje me atë që është më e mira për familjen mbretërore dhe kështu, për të lejuar praninë e sa më shumë anëtarëve të familjes, nuk do të marrë pjesë në varrim të shtunën”.
Varrimi i Dukës do të bëhet në Kështjellën Ëindsor më 17 prill, por do të jetë ndryshe nga përcjelljet tipike mbretërore, me publikun që do të duhet të qëndrojë larg për shkak të pandemisë.
Fëmijët, nipërit dhe mbesat e familjes së Dukës priten të jenë midis 30 të pranishmëve./atsh/ KultPlus.com
“This sceptred isle” është titulli i serialit të njoftuar nga Sky në Londër me Kenneth Branagh në rolin e Boris Johnson.
“Pesë seritë, filmimi i të cilave është shumë pranë, do të tregojnë kryeministrin, qeverinë dhe vendin që përballen me valën e parë të pandemisë globale”, tha Sky.
Transmetimi do të jetë në Sky Atlantic vitin e ardhshëm.
Branagh, aktor i rafinuar shekspirian, yll i filmave të suksesshëm si “Vrasje në Orient-Express” i Agatha Christie dhe së fundmi personazhi negativ i “Parimit” të Christopher Nolan do të drejtohet nga Michael Winterbottom.
Ky i fundit tha se do të përqendrohet “në përpjekjet e shkencëtarëve, mjekëve dhe politikëbërësve për të na mbrojtur nga virusi”.
Vetë Johnson u godit nga virusi dhe u shtrua në spital. Politika e tij në fillim të pandemisë është kritikuar ashpër. Dhe nuk është hera e parë që ajo përfundon në një film.
“Channel 4 ka transmetuar një program të quajtur “Brexit: The Uncivil War” me Benedict Cumberbatch, i cili luan Dominic Cummings, strategu i fushatës “Voto largimin”./ atsh/ KultPlus.com
