Këngëtari kanadez, Bryan Adams, do të mbajë turne në Mbretërinë e Bashkuar.
Në kuadër të kësaj, ai do ta mbajë edhe një rezidencë trenatëshe në Royal Albert Hall.
Turneu i tij në Mbretërinë e Bashkuar është pjesë e turnout të tij global, “So Happy It Hurts”.
Ai do të vizitojë Coventryn, Sheffieldin, Cardiffin pasi t’i ketë përfunduar datat në Londër. / KultPlus.com
Këngëtari i njohur, Bryan Adams ka rezultuar pozitiv me COVID-19, sapo mbërriti në Aeroportin Malpensa të Milanos, në Itali.
Lajmin e ka bërë të ditur vetë ai përmes një postimi në Instagram, ku shihet teksa po bën testin në një dhomë.
“Sapo arrita në Milano dhe dola pozitiv për herë të dytë brenda një muaji, për COVID-19”, ka shkruar Adams, duke falënderuar me këtë rast fansat për mbështetjen që i kanë ofruar.
Adams i cili ka edhe karrierë si fotograf, ka bërë fotografitë për kalendarin Pirelli të vitit 2022, pasi paraprakisht ishte angazhuar për të kryer setin e fotografive për kalendarin e vitit 2021, i cili ishte anuluar për shkak të pandemisë.
Këngëtari pritej që të paraqitej para mediave për ta promovuar kalendarin, mirëpo tani nuk dihet nëse kjo do të ndodhë./KultPlus.com
Yjet e njohur të muzikës, Jon Bon Jovi dhe Bryan Adams, kanë rezultuar pozitiv me koronavirus, për çka edhe janë detyruar t’i anulojnë të gjitha performancat e planifikuara për fundjavën që e lamë pas.
Bon Jovi e mori lajmin se është prekur nga COVID-19, vetëm disa orë para se të dilte në skenë për të performuar në koncertin e tij në Miami. Mediat lokale raportuar se fansat tashmë ishin future në lokacionin ku do të mbahej koncerti, kur u njoftuan se performance e këngëtarit ishin anuluar.
Zëdhënësit e Bon Jovit kanë bërë të ditur se ai është i vaksinuar dhe po ndihet mirë me shëndet.
Ylli legjendar i muzikës ka qenë përkrahës i madh i masave të sigurisë ndaj COVID-19. Në prill të vitit të kaluar, ai e lansoi videoprojektin “Do What You Can”, një këngë e realizuar me ndihmën e fansave të tij e cila kishte për qëllim t’i motivojë njerëzit që ta vënë në rend të parë shëndetin e tyre dhe ta kalojnë vetizolimin me lehtësi.
Bon Jovi po ashtu ishte pjesë e fushatës së muzikantit Bruce Springsteen për rregullat e sigurisë ndaj koronavirusit, me titull #MaskUpNJ.
Kurse, Bryan Adams ishte planifikuar të performonte në ceremoninë e së shtunës, me ç’rast disa yje u nderuan duke u bërë pjesë e “Rock and Roll Hall of Fame”. Në këtë ngjarje, Adams planifikohej të shfaqej krahas kantautores, H.E.R., për ta interpretuar këngën “It’s Only Love” për nderë të ikonës së muzikës, Tina Turner, e cila ishte në mesin e artistëve të nderuar gjatë mbrëmjes. Bryan dhe Tina kanë realizuar duet së bashku në vitin 1985. Ndërkaq, ylli australian i muzikës rok dhe country, Keith Urban, e zëvendësoi Adamsin në këtë performancë.
Një përfaqësues i këngëtarit tha për revistën “Billboard” se ai është i vaksinuar dhe nuk po përjeton simptoma të rënda të COVID-it.
Vitin e kaluar, Bryan u bë lajm dhe shënjestër e kritikave për sharjet e tij në mediat sociale, me ç’rast kishte deklaruar se i fajëson disa persona të ndyrë që hanë lakuriqë nate të blerë në tregje të fëlliqura të kafshëve, për krijimin dhe përhapjen e këtij virusi vdekjeprurës. Kantautori kanadez më vonë kishte kërkuar falje publike për fjalët e tij të ashpra, duke thënë se kishte për qëllim të fliste për “mizorinë e tmerrshme të kafshëve” dhe të promovonte veganizmin.
Muajin e kaluar, Adams e paralajmëroi turneun muzikor nëpër Britani të Madhe, i cili ka për qëllim promovimin e albumit të tij të 15-të të incizuar në studio, “So Happy It Hurts”, dhe i cili pritet të lansohet në mars të vitit të ardhshëm. Turneu fillon në maj të vitit 2022 dhe i përfshinë gjithsej 20 koncerte. / KultPlus.com
Bryan Adams e ka fotografuar Rita Orën të zhveshur duke pozuar në një vaskë, në fotosesionin e krijuar për kalendarin e vitit 2022 të markës “Pirelli”.
Rok ylli kanadez i njohur edhe si fotograf, është angazhuar t’i fotografojë disa emra të njohur të showbizit, si Cher, Rita Ora, Grimes, Jennifer Hudson, Iggy Pop, Normani, Saweetie, Bohan Phoenix, Kali Uchis dhe St. Vincent, për edicionin e ardhshëm të kalendarit ikonik të titulluar, “On The Road”.
Dhe për ta zbuluar lajmin e realizimit të këtij fotosesioni dhe emrave të yjeve që do të jenë pjesë e kalendarit të ardhshëm, “Pirelli”, Adams e postoi një fotografi intime bardh e zi ku shihet këngëtarja 30-vjeçare, Rita Ora, e shtrirë në një vaskë hoteli, transmeton KultPlus.
Muzikanti 61-vjeçar, Bryan Adams, përmes një komunikate për media ka deklaruar: “Në rrugë është vendi ku i kam kaluar 45 vjetët e fundit, sepse jeta e një muzikanti përbëhet nga rrugët, udhëtimet, pritja nëpër hotele dhe orët e tëra në prapaskenë”.
Adams, fotografitë i ka realizuar për dy ditë në Los Angeles gjatë qershorit të këtij viti, dhe një ditë në Capri në muajin korrik.
Filiali në Britani të Madhe i markës italiane të gomave “Pirelli”, e themeloi kalendarin e famshëm në vitin 1964, me drejtorin artistik Derek Forsyth dhe fotografin britanik Robert Freeman, të cilin e kishin realizuar e edicionin e parë. Përgjatë vjetëve, yje të tillë si: Cindy Crawford, Miranda Kerr, Nicole Kidman, Hilary Swank dhe Uma Thurman, e kanë hijeshuar këtë kalendar.
Numri i ardhshëm me titull, “On The Road”, do të prezantohet në muajin nëntor dhe njëherësh e shënon rikthimin e kalendarit ikonik “Pirelli”, pasi publikimi i tij ishte pezulluar vitin e kaluar si pasojë e pandemisë COVID-19. / KultPlus.com
