ITV, STV dhe Livewire Pictures kanë bashkuar forcat me Komitetin e Emergjencave të Fatkeqësive (DEC) dhe grupin mediatik dhe argëtues Global për të organizuar ngjarjen dy-orëshe në Birmingham këtë mbrëmje, e cila do të kombinojë shfaqje muzikore nga Sheeran dhe yjet e tjerë.
Sonte gjithashtu do ketë edhe filma të shkurtër që njohin përpjekjet e vazhdueshme të ndihmës dhe vështirësitë me të cilat përballen të prekurit nga konflikti.
Shikuesit do të jenë në gjendje të dhurojnë para për Apelin Humanitar të Ukrainës DEC gjatë gjithë mbrëmjes dhe të gjitha të ardhurat nga sponsorizimi dhe reklamat e krijuara nga transmetimi që vlerësohet të jenë më shumë se 3 milionë funte do të shkojnë gjithashtu për ndihma.
Koncertin mund ta dëgjoni drejtpërdrejtë nga ora 19:00 në Capital and Heart dhe në orën 20:00 në ITV dhe STV./ KultPlus.com
Camila Cabello, Ed Sheeran dhe Snow Patrol do të luajnë të gjithë në koncertin humanitar të javës së ardhshme për Ukrainën, përcjell KultPlus.
Biletat për shfaqjen dalin në shitje sot, më 22 mars, me koncertin që do të zhvillohet në Birmingham më datë 29 të këtij muaji.
Cabello u shpreh se të gjithë kemi një përgjegjësi për të ndihmuar rreth kësaj çështje.
Koncerti do të drejtohet nga Spice Girl Emma Bunton, së bashku me Marvin Humes dhe Ronan Kemp, ku do të marrin pjesë edhe The Manic Street Preachers dhe Tom Odell.
Të ardhurat nga koncerti do të shkojnë për apelin humanitar të Ukrainës të Komitetit të Emergjencave të Fatkeqësive, i cili ofron ushqim, ujë, strehim dhe ndihmë mjekësore për refugjatët në Ukrainë dhe vendet fqinje. /KultPlus.com
Camila Cabello dhe Ed Sheeran po bëhen gati ta publikojnë bashkëpunimin e radhës.
Ylli i hitit “Senorita” e shfrytëzoi rrjetin social Instagram për ti informuar fansat me hollësitë rreth këngës së saj të ardhshme, “Bam Bam”, e cila vjen në bashkëpunim me kantautorin e famshëm britanik, Ed Sheeran.
Kënga lansohet më 4 mars një ditë para ditëlindjes së 25-të të Cabellos.
“Bam Bam lansohet më 4 mars në bashkëpunim me Ed Sheeranin, një prej njerëzve dhe artistëve të mi të preferuar. Po ashtu, një ditë më herët e kam ditëlindjen kështu që do të jetë festë e dyfishtë” shkruhej në postimin e këngëtares.
“Bam Bam” është kënga e re e Camilas e cila vjen pas hiteve, “Don’t Go Yet” dhe “Oh Na Na”, të cilat janë pjesë e albumit të saj të tretë si solo këngëtare të titulluar, “Familia”. Ende nuk është bërë e ditur data e publikimit të këtij incizimi por fansat po e presin me padurim. / KultPlus.com
Camila Cabello ka publikuar trailerin e filmit ku ajo do të ketë rolin kryesor. Bëhet fjalë për një version tjetër të filmit të Hirushes, përcjell KultPlus.
Historia tashmë dihet, por megjithatë do të vijë me disa ndryshime. Në këtë përshtatje, Hirushja është një rrobaqepëse. Thënë kjo, ajo nuk mund të shkojë në ballon e princit (Nicholas Galitzine) derisa “zana e saj” (luajtur nga Billy Porter) e lejon të hyjë brenda. Ka muzikë, shkëlqim dhe magji. Ah, dhe shumë humor gjithashtu.
Cabello e publiko trailerin në rrjetin social Twitter. “Një nga përvojat më magjike të jetës sime. Mezi pres ta shihni”, shkroi Camila në publikimin e trailerit.
Ndërkaq, Cabello poashtu ka bërë të ditur se premiera e filmit do të jetë më 3 shtator të këtij viti. / KultPlus.com
Çifti i njohur i showbizit, Camila Cabello dhe Shawn Mendes, janë bërë bashkë për një projekt të ri i cili fokusohet tek shëndeti mendor.
Dy këngëtarët janë pajtuar të bashkëpunojnë me aplikacionin për mirëqenie, “Calm”, për të diskutuar rreth shëndetit të tyre mendor si pjesë e një projekti të quajtur “Breathe Into It”. Sipërmarrja e tyre e re do ta përfshijë gjithashtu prezantimin e një qendre, e cila ofron këshilla falas për shëndetin mendor si dhe donacione nga aplikacioni “Calm” për aktivistët, organizatat dhe të rinjtë që kanë nevojë për mbështetje.
Ylli i hitit “Havana” është krenare të flasë hapur në këtë projekt, sepse shpreson që në këtë mënyrë do të mund t’i bëjë t’i destigmatizojë bisedat rreth shëndetit mendor.
“Ballafaqimi i secilit me shëndetin mendor është ndryshe, por pavarësisht këtyre sfidave, ju duhet ta dini se nuk jeni të vetëm në këtë betejë. Meditimi dhe ndërgjegjësimi më kanë ndihmuar shumë në drejtimin e jetës sime, duke i dhënë përparësi shërimit. Duke e ndarë eksperiencën time me të tjerët, shpresoj që do të ndihmoj në vazhdimin e destigmatizimit të bisedave në lidhje me shëndetin mendor, dhe t’ua lehtësojmë të tjerëve të kërkojnë mbështetje rreth këtij problemi. Zgjerimi i qasjes në këto lloje burimesh është kaq i rëndësishëm, veçanërisht për komunitetet të cilave shpesh nuk u jepet kohë ose hapësirë për t’u përqendruar në mirëqenien e tyre mendore”, citohet të ketë thënë Camila Cabello.
Kurse 22-vjeçari Mendes e lavdëroi aplikacionin “Calm”, duke treguar se ka qenë pjesë e rëndësishme në rutinën e tij të ndërgjegjësimit, gjë që ia ka përmirësuar jetën si në skenë, ashtu edhe jashtë saj.
“Aplikacioni ‘Calm” është një pjesë integrale e rutinës time të ndërgjegjësimit. Meditimi me të vërtetë ma ka ndryshuar jetën. Më ka bërë një performues më të mirë si dhe më ka ndihmuar jashtëzakonisht edhe jashtë skenës. Qëllimi im është që t’i bëjë edhe të tjerët të ndihen të fuqishëm për t’i pranuar këto mjete në jetën e tyre, për të krijuar rutina të shëndetit mendor dhe për t’iu ndihmuar të tjerëve”.
“Calm” është një përvojë e plotë kushtuar shëndetit mendor, me përmbajtje e cila ka për qëllim ta mbështetë çdo hap të individëve që kërkojnë ndihmë përmes këtij aplikacioni, duke përfshirë këtu meditimin, histori të gjumit, muzikë origjinale dhe më shumë. / KultPlus.com
Camila Cabello dhe Billie Eilish janë ndër yjet e radhitura në listën e revistës “Time” për yjet në ngritje, 100 Next 2019.
Billiet dhe Camilës u janë bashkuar në listë reperët Lil Nas X, dhe Megan Thee Stallion, kantautorja Maggie Rogers, komedianja Awkwafina, ylli latin Bad Bunny, dhe aktorët Noah Centino, Ezra Miller, Henry Golding, Beanie Feldstein, Mj Rodriguez, dhe Keke Palmer.
Në një video të xhiruar për TIME, ylli i hitit Havana, e cila si fëmijë u largua nga Kuba për në SHBA me prindërit e saj, shpjegoi se përveç bërjes së muzikës ajo mendoi se ishte e rëndësishme të fliste për çështjet që kanë rëndësi për të, si shëndeti mendor dhe emigracioni.
“Emigracioni është një çështje kaq e madhe tani, dhe është me të vërtetë e pikëllueshme se është kjo energji që flet për termat politikë, këta njerëz (emigrantë) po ikin nga rreziku në shumë raste dhe thjesht po përpiqen të kujdesen për fëmijët e tyre, si kushdo tjetër”, tha ajo. “Kjo është arsyeja se pse jam e sinqertë për historinë e familjes time”.
Ashtu si me listën normale TIME 100, e cila ka vazhduar për 15 vjet dhe i radhit njerëzit më me ndikim në botë, shumica e tyre nderohen nga ndonjë yll tjetër i cili shpjegon se pse janë kaq të veçantë, shkruan KOHA Ditore.
Duke shkruar për Camila, superylli latin Alejandro Sanz e quajti atë “artiste të pastër dhe magnetike”.
Nas mori mirënjohje nga bashkëpunëtori i tij në Old Town Road, Billy Ray Cyrus, Bad Bunny nga Ricky Martin, Golding nga kolegia e Last Christmas dhe Crazy Rich Asians, Michelle Yeoh. Ndërsa ylli i Pose, Rodriguez, mori mirënjohje nga Laverne Cox.
Duke e sqaruar arsyetimin i cili qëndron prapa listës së re të figurave me ndikim, redaktorët e TIME shkruan se lista synon t’i dallojë figurat e reja që dalin jashtë “strukturave tradicionale të pushtetit” të politikës dhe biznesit. / KultPlus.com
