Ministri i Kulturës, Rinisë dhe Sportit, Hajrulla Çeku ka njoftuar se kanë nisur gërmimet arkeologjike në lokalitetin arkeologjik, në Cernicë të Gjilanit.
Ministri Çeku tha se Gradina e Cernicës, bazuar në materialin e zbuluar arkeologjik, përfaqëson njërin nga vendbanimet kryesore të periudhës së hekurit dhe asaj helenistike – periudha e Mbretërisë Dardane, në territorin e Republikës së Kosovës.
“Arkeologjia po trajtohet me prioritet. Përmes zbulimeve arkeologjike tregohet historia e lashtë e vendit tonë”, thuhet në shkrimin e Ministrit Çeku në facebook./ KultPlus.com