Etiketë: Clinton

Jahjaga takon ish-sekretaren Clinton, falënderon ShBA-në që i qëndroi afër Kosovës në momentet më të vështira

Posted on by Kult Plus

Ish-presidentja e Kosovës, Atifete Jahjaga, ka njoftuar se sot në New York është takuar me ish-sekretaren amerikane të Shtetit, Hillary Clinton.

Ajo tha se në këtë takim me ish-sekretaren amerikane, ka shprehur mirënjohjen e thellë për kontributin e ish-sekretares dhe presidentit Bill Clinton për Kosovën ndër vite për angazhimin e tyre për paqe dhe siguri duke qëndruar krah popullit të Kosovës në momentet më të vështira.

“Në Kombet e Bashkuara pata kënaqësinë të takoj miken time, Sekretaren Clinton, një mike të madhe të popullit të Kosovës. I shpreha mirënjohjen më të thellë Sekretares Clinton për kontributin dhe mbështetjen e saj dhe Presidentit Clinton ndaj Kosovës ndër vite. Ne jemi përherë falenderues për angazhimin e tyre në paqe, siguri dhe zhvillim të vendit tonë, duke qëndruar përkrah popullit të Kosovës në momentet më të vështira”, shkroi Jahjaga transmeton Klankosova.tv

“Me Sekretaren Clinton diskutuam edhe për rëndësinë e avancimit të të drejtave të grave dhe rëndësinë e pjesëmarrjes së tyre në pozita të larta udhëheqëse. Përvoja e saj në lidership dhe përkushtimi për fuqizimin e grave dhe vajzave mbeten frymëzim”, theksoi ish-presidentja e Kosovës, Atifete Jahjaga.

Clinton në Katedralen e Washingtonit: Busti i Albright i ndërtuar në Prishtinë shërben si nderim për atë që kishte bërë për Kosovën

Posted on by Kult Plus

Ish-presidenti amerikan, Bill Clinton, në shpalosjen e kujtimeve të bukura që kishte me ish-sekretaren e Shtetit, Madeleine Albright, në ceremoninë e varrimit të saj në Katedralen e Washingtonit, e veçoi një ditë me diell qershori në Kosovë kur bashkë ecën dorë për dore shesheve të Prishtinës.

Ai tha se busti i saj i ndërtuar në Prishtinë shërben si nderim për atë që kishte bërë për Kosovën.

“Ne kaluam një ditë të bukur bashkë dy vjet më parë në Kosovë, 20 vjet pas konfliktit atje. Ecëm dorë për dore, në një ditë me diell qershori. Kishte plot njerëz në një vend të vogël si ai. Të gjitha gjërat që bëri për Kosovën dhe Bosnjën, i shohim në shumë mënyra. Ndaluam në një bulevard ku edhe e kishin ngritur një bust të bukur si dedikim për Sekretaren Albright. E shohim se trashëgimia e saj u nderua. Sot, ne kemi presidenten, kryeministrin dhe ish-presidenten e Kosovës këtu. Kemi ministrin e Jashtëm të Bosnje e Hercegovinës”.

Clinton duke lavdëruar të bëmat e Albright, tha se tha se ndikimi i saj në shumë çështje ishte “elektrik”.

Në ceremoninë e varrimit të ish-sekretares Albright po marrin pjesë edhe presidentja e Kosovës, Vjosa Osmani, kryeministri Albin Kurti dhe ish-presidentja Atifete Jahjaga./Express/ KultPlus.com

Clinton dekorohet me ‘Urdhrin e Lirisë’

Posted on by KultPlus

 

Ish-presidenti amerikan Bill Clinton është dekoruar me Urdhrin e Lirisë për kontributin e tij në çlirimin e Kosovës.

Në ndarjen e kësaj dekorate, presidenti i Kosovës Hashim Thaçi ka thënë se populli i Kosovës është tejet mirënjohës për vendimin që Clinton kishte ndërmarrë më 1999 për të nisur bombardimet ndaj forcave serbe dhe për të çliruar popullin e Kosovës.

“Zoti e bekoftë Kosovën, Zoti e bekoftë Amerikën”

Posted on by Kult Plus

Presidenti historik Ibrahim Rugova i cili kujtohet për politikën e tij pacifiste e properëndimore, cilësohet si arkitekt i Pavarësisë së Kosovës, shkruan KultPlus.

Ibrahim Rugova ishte Presidenti i parë i Republikës së Kosovës, duke shërbyer në vitet 1992–2000 dhe përsëri në vitet 2002–2006. “Zoti e bekoftë Kosovën, Zoti e bekoftë Amerikën dhe miqtë tanë perëndimor” është shprehja që e karakterizonte pothuajse çdo fjalim të presidentit Rugova. Me këtë frazë ai largohej nga çdo tubim, takim brenda dhe jashtë Kosovës. Këtë frazë populli e dëgjonte çdo të premte kur ai mbante konferencën për media.

Kjo frazë u mishëruar me popullin dhe lidhshmëria vetëm u forcua kur Bill Klinton urdhëroi NATO-n që të bombardojë objektet serbe gjatë luftës në Kosovë në vitin 1999./ KultPlus.com

Letra e fuqishme e Hillary Clinton, drejtuar vetës së saj në adoleshencë

Posted on by Kult Plus

Është ish-kandidatja presidenciale Hillary Clinton ajo që do të sjellë lot dhe gëzim me shumë vargje të zemrës me qarkullimin e librit të saj të ri “What happened”. Kurse letra e saj drejtuar vetes si adoleshente sjellë në mënyrë të jashtëzakonshme fuqinë që i nevojitet çdo vajze sot, shkruan Elite Daily, përcjellë KultPlus.

Më 8 nëntor, Teen Vogue botoi një letër që Clinton e kishte shkruar për veten e saj si një vajzë e re në kolegj. Në letër, ajo ofroi disa këshilla shumë të vlefshme dhe nxjerri në pah disa nga pasiguritë me të cilat është përballë si një studente e re. Duke iu drejtuar vetes si një studente e semestrit të parë në Wellesley College, ajo kishte shkruar.

“Kur erdhe për herë të parë në kampus, u gjenda e rrethuar nga gra të mrekullueshme dhe të kualifikuara. Ato flisnin rrjedhshëm në shumë gjuhë të tjera. Ato kishin jetuar jashtë vendit. Ato kishin lexuar tashmë gjysmën e librave të programit mësimor. Kjo më frikësonte – ishte aq e frikshme për mua sa që u telefonon prindërve për t’u thënë se nuk i përket kolegjit Wellesley, dhe në fund të fundit duhet që të ktheheshe në shtëpi”, kishte shkruar Hillary.

Mësimi që Hillary kishte nxjerrë nga kjo përvojë ishte. “Rrezikoni dhe mos kini frikë të kapeni duke u përpjekur”, tha Clinton. “Bëni çmos për të përqafuar entuziazmin që vjen me mosnjohjen e asaj që vjen në të ardhmen dhe mos harroni se besimi dhe mendja e hapur gjithmonë do t’ju shërbejnë më mirë se pasiguria dhe dyshimi”, kishte shkruar Hillary Clinton. / KultPlus.com