Edicioni i 17-të i Festivalit Ndërkombëtar të Filmit, “Hyjnesha në Fron” është mbyllur. Në natën finale të këtij edicioni janë ndarë 10 çmime për dy kategori kryesore: filma të shkurtër dhe filma të gjatë.
Çmimet për filmat e shkurtër:
Filmi më i mirë i shkurtër: Rreth
Skenari më i mirë: Siasar
Regjia më e mirë: The Lady with the Blue Tag
Aktorja më e mirë: Adriana Matoshi
Çmimi special “Hyjnesha në Fron”: The Steak
Çmimet për filmat e gjatë:
Filmi më i mirë i gjatë: Këtu Vallezohet me Hijet
Skenari më i mirë: The Stranger’s Case
Regjia më e mirë: The Stranger’s Case
Aktori/Aktorja më i mirë: Jason Beghe
Çmimi special “Hyjnesha në Fron”: The Last Days of Sulukule/ KultPlus.com
Ceremonia e 96-të e çmimeve Oscar po mbahet sot dhe ndërsa të ftuarit janë të bukur se kurrë, shkruan CNN.
Le të kthejmë një vështrim prapa në disa nga fjalimet më të paharrueshme të Oscar-it në ceremoni gjatë dekadave të fundit.
Roberto Benigni, “Life is Beautiful” (1999)
Regjisori dhe aktori Roberto Benigni kërcen i emocionuar në shpinën e disa karrigeve pasi fitoi Oscarin për filmin më të mirë në gjuhë të huaj për “Life is Beautiful” në Oscars 1999.
Kur regjisori dhe aktori Roberto Benigni fitoi Oscarin për filmin më të mirë në gjuhë të huaj në 1999, ai u hodh lart, eci mbi karriget aty pranë, kapi dorën e Steven Spielberg gjatë ecjes pastaj, fjalë për fjalë, kërceu drejt skenës për të bërtitur: “Ky është një moment gëzimi!”
Leonardo DiCaprio, “The Revenant” (2016)
Leonardo DiCaprio pranon Oscarin për performancën e jashtëzakonshme nga një aktor në rolin kryesor në “The Revenant” në Academy Awards 2016.
Leonardo DiCaprio pasi Oscar në 2016 për interpretimin e tij të aktorit kryesor në “The Revenant”, përdori momentin e tij në qendër të vëmendjes për t’i nxitur njerëzit të punojnë së bashku për të trajtuar kërcënimin e ndryshimit të klimës.
“Unë ju falënderoj të gjithëve për këtë çmim të mrekullueshëm sonte. Le të mos e marrim këtë planet si të mirëqenë. Nuk e marr si të mirëqenë këtë mbrëmje”, theksoi DiCaprio.
Lupita Nyong’o, “12 Years a Slave” (2014)
Lupita Nyong’o morri çmimin për aktoren më të mirë për “12 Years a Slave” gjatë Oscars 2013.
Fjalimi i tij prekës përfundoi me një mesazh të fuqishëm.
“Kur e shikoj këtë statujë të artë, le të më kujtojë mua dhe çdo fëmije pa marrë parasysh se nga vijmë, ëndrrat tona janë të vlefshme”, theksoi ajo.
Michelle Yeoh, “Gjithçka kudo dhe gjithçka në të njëjtën kohë” (2023)
Në vitin 2023, Michelle Yeoh u bë gruaja e parë aziatike që fitoi çmimin Oscar për aktoren më të mirë në rolin kryesor për interpretimin e saj.
Duke u ngjitur në skenë, Yeoh, atëherë 60 vjeç, tha me krenari: “Kjo është dëshmi se ëndrrat e mëdha bëhen realitet, dhe zonja, mos lejoni askënd t’ju thotë se keni kaluar kulmin”.
Ben Affleck dhe Matt Damon, “Will Hunting” (1997)
Ben Affleck dhe Matt Damon, fituan Oscarin për skenarin më të mirë origjinal me “Will Hunting” në 70th Academy Awards në 1998.
Ben Affleck dhe Matt Damon ishin të rinj në industrinë e filmit kur fituan një Oscar për shkrimin e “Good Will Hunting”. Në listën e tyre falënderuese ata përfshinë nënat e tyre, të cilat i kishin marrë me vehte në ceremoni.
Halle Berry, “Monster Ball” (2002)
Halle Berry morri Oskarin për aktoren më të mirë për rolin e saj në “Monsters Ball” gjatë ndarjes së çmimeve të Oscar-it të 74-të në 2002.
Ky ishte një moment dhe Berry më shumë preku në fjalimin e saj në vitin 2002, kur ajo u bë gruaja e parë me ngjyrë që fitoi Oscarin për aktoren më të mirë. Duke e pranuar çmimin me lot, Berry pranoi rëndësinë historike të fitores së saj.
“Ky moment është shumë më i madh se unë. Ky moment është për Dorothy Dandridge, Lena Horne, Diahann Carroll. Është për çdo grua ”të zezë” pa fytyrë dhe pa emër, e cila tani ka mundësinë sepse kjo derë është hapur sonte”, theksoi Berry.
Robin Williams, “Will Hunting” (1998)
Kur Williams fitoi Oscarin për aktorin dytësor për interpretimin e tij në “Will Hunting”, komediani i ndjerë i shkëlqyer bëri shaka se ”rrallëherë i humbiste fjalët”.
“Ah, mik! Kjo mund të jetë e vetmja herë që mbetem pa fjalë,” tha Robins, përpara se të falënderonte Affleck dhe Damon.
Fjalimi i tij, i përshtatur në kohë dhe i mbushur me zemër dhe humor, përfundoi me një shaka të madhe.
“Dua të falënderoj babanë tim, atje lart, njeriun që kur i thashë se doja të bëhesha aktor, tha: “E mrekullueshme, unë kam vetëm një profesion, atë të saldimit,” kujtoi Williams. “Faleminderit. Zoti ju bekoftë”, shtoi ai.
Është përmbyllur festivali ndërkombëtar i filmit dokumentar ‘Dokufest’.
Dokufest është një ngjarje shumë e rëndësishme në botën e kinematografisë që sjell bashkë krijues të talentuar dhe publikun e interesuar për të eksploruar histori të ndryshme nëpërmjet filmave dhe dokumentarëve.
“Hana e Re” dhe “Prishtinë 2002” ishin dy projektet e subvencionuara nga QKK që fituan çmime në DokuFest.
Filmi “Prishtinë 2002” nga regjisorja Trëndelinë Halili fitoi në kategorinë National Competition në DokuFest.
Regjisorja Trendelinë Halili ka fituar gjithashtu një çmim në vlerë prej 7000 eurosh nga Ikonë Studio, për filmin e saj të rradhës.
Gjithashtu, filmi “Hana e Re” nga regjisorja Jehona Berisha fitoi çmimin për distribution/shpërndarje.
Vlen të përmendet edhe nisma e bashkëpunimit mes QKK-së dhe DokuFest-it për themelimin e çmimit Talent Doc. Ky çmim u nda për filmin e ardhshëm “The future is better Comrade”.
Ky çmim u dha me qëllim të mbështetjes dhe motivimit të talenteve të reja.
Këto janë laureatat e merituara për punën e tyre të shkëlqyeshme në festivalin e dokumentarëve.
Në vazhdim gjeni listën e plotë të fituesve në DokuFest;
•BALKAN DOX – WINNER: DRIFTING
•DOC ALLIANCE – SHORT WINNER: THE CERVIX PASS
•DOC ALLIANCE – FEATURE WINNER: DEATH OF A CITY
•DISTRIBUTION AWARD: HANA E RE
•NEW WAVE GRANT – WINNERS: AURELA BERILA, FLAKA KOKOLLI
•GREEN DOX – WINNER: LAST THINGS
•HUMAN RIGHTS DOX – WINNER: A GOLDEN LIFE
SPECIAL MENTION: MY NAME IS HAPPY
•NATIONAL COMPETITION
TALENT DOC AWARD – QKK : THE FUTURE IS BETTER, COMRADE
LE FRESNOY AWARD: THE FUTURE IS BETTER, COMRADE
WINNER: PRISHTINË, 2002
•TRUTH DOX
SPECIAL MENTION: 7 WINTERS IN TEHRAN
WINNER: TOTAL TRUST
•AUDIENCE AWARD- SNAJKA: DIARY OF EXPECTATIONS
•INT’L SHORTS – WINNER: NEIGHBOUR ABDI
DOKUFEST CANDIDATE FOR EFA SHORT FILM 2023: DAYDREAMING SO VIVIDLY ABOUT OUR SPANISH HOLIDAYS
Pas një viti në mungesë të një audience, ceremonia e 65-të e çmimeve “Grammy” do të rikthehet në normalitet të dielën në mbrëmje, në qendër të Los Anxhelosit.
Të nominuarit kryesorë përfshijnë Beyoncé me nëntë nominime, e ndjekur nga Kendrick Lamar me tetë nominime, Adele dhe Brandi Carlile me shtatë nominime. Ndër superyjet e tjerë për çmimet kryesore janë, Bad Bunny, Harry Styles, Lizzo dhe Taylor Swift.
Parashikimet për 10 kategoritë kryesore janë;
Albumi i vitit
ABBA, “Voyage”
Adele, “30”
Bad Bunny, “Un Verano Sin Ti”
Beyoncé, “Renaissance”
Mary J. Blige, “Good Morning Gorgeous”
Brandi Carlile, “In These Silent Days”
Coldplay, “Music of the Spheres”
Kendrick Lamar, “Mr. Morale & the Big Steppers”
Lizzo, “Special”
Harry Styles, “Harry’s House”
Duhet të fitojë: Beyoncé, “Renaissance”
Do të fitojë: Brandi Carlile, “In These Silent Days”
Hit-i i vitit
ABBA, “Don’t Shut Me Down”
Adele, “Easy on Me”
Beyoncé, “Break My Soul”
Mary J. Blige, “Good Morning Gorgeous”
Brandi Carlile feat. Lucius, “You and Me on the Rock”
Doja Cat, “Woman”
Steve Lacy, “Bad Habit”
Kendrick Lamar, “The Heart Part 5”
Lizzo, “About Damn Time”
Harry Styles, “As It Was”
Duhet të fitojë: Steve Lacy, “Bad Habit”
Do të fitojë: Lizzo, “About Damn Time”
Kënga e vitit
“abcdefu,” shkruar nga Sara Davis, Gayle dhe Dave Pittenger (kënduar nga Gayle)
“About Damn Time,” shkruar nga Melissa “Lizzo” Jefferson, Eric Frederic, Blake Slatkin dhe Theron Makiel Thomas (kënduar nga Lizzo)
“All Too Well (10 Minute Version),” shkruar nga Liz Rose and Taylor Swift (kënduar nga Taylor Swift)
“As It Was,” shkruar nga Tyler Johnson, Kid Harpoon and Harry Styles (kënduar nga Harry Styles)
“Bad Habit,” shkruar nga Matthew Castellanos, Brittany Fousheé, Diana Gordon, John Carroll Kirby dhe Steve Lacy (kënduar nga Steve Lacy)
“Break My Soul,” shkruar nga Beyoncé, S. Carter, Terius “The-Dream” Gesteelde-Diamant dhe Christopher A. Stewart (kënduar nga Beyoncé)
“Easy on Me,” shkruar nga Adele Adkins dhe Greg Kurstin (kënduar nga Adele)
“God Did,” shkruar nga Tarik Azzouz, E. Blackmon, Khaled Khaled, F. LeBlanc, Shawn Carter, John Stephens, Dwayne Carter, Williams Roberts dhe Nicholas Warwar (kënduar nga DJ Khaled featuring Rick Ross, Lil Wayne, Jay-Z, John Legend dhe Fridayy)
“The Heart Part 5,” shkruar nga Jake Kosich, Johnny Kosich, Kendrick Lamar dhe Matt Schaeffer (kënduar nga Kendrick Lamar)
“Just Like That,” shkruar nga Bonnie Raitt (kënduar nga Bonnie Raitt)
Duhet të fitojë: “All Too Well (Version 10 Minutësh)”
Do të fitojë: “Easy on Me”
Artisti më i mirë i ri
Anitta
Omar Apollo
Domi & JD Beck
Muni Long
Samara Joy
Latto
Maneskin
Tobe Nwigwe
Molly Tuttle
Wet Leg
Duhet të fitojë: Omar Apollo
Do të fitojë: Molly Tuttle
Kantautori i vitit
Amy Allen
Nija Charles
Tobias Jesso Jr.
The-Dream
Laura Veltz
Duhet të fitojë: The-Dream
Do të fitojë: The-Dream
Performanca më e mirë Pop-duo/në grup
ABBA, “Don’t Shut Me Down”
Camila Cabello feat. Ed Sheeran, “Bam Bam”
Coldplay dhe BTS, “My Universe”
Post Malone dhe Doja Cat, “I Like You (A Happier Song)”
Sam Smith dhe Kim Petras, “Unholy”
Duhet të fitojë: Sam Smith dhe Kim Petras, “Unholy”
Do të fitojë: Coldplay dhe BTS, “My Universe”
Albumi më i mirë Rap
DJ Khaled, “God Did”
Future, “I Never Liked You”
Jack Harlow, “Come Home the Kids Miss You”
Kendrick Lamar, “Mr. Morale & the Big Steppers”
Pusha T, “It’s Almost Dry”
Duhet të fitojë: Kendrick Lamar, “Mr. Morale & the Big Steppers”
Do të fitojë: Kendrick Lamar, “Mr. Morale & the Big Steppers”
Performanca më e mirë solo “Country”
Kelsea Ballerini, “Heartfirst”
Zach Bryan, “Something in the Orange”
Miranda Lambert, “In His Arms”
Maren Morris, “Circles Around This Town”
Willie Nelson, “Live Forever”
Duhet të fitojë: Zach Bryan, “Something in the Orange”
Do të fitojë: Willie Nelson, “Live Forever”
Albumi më i mirë Rock
The Black Keys, “Dropout Boogie”
Elvis Costello dhe The Imposters, “The Boy Named If”
Idles, “Crawler”
Machine Gun Kelly, “Mainstream Sellout”
Ozzy Osbourne, “Patient Number 9”
Spoon, “Lucifer on the Sofa”
Duhet të fitojë: Spoon, “Lucifer on the Sofa”
Do të fitojë: Ozzy Osbourne, “Patient Number 9”
Kënga më e mirë e shkruar për median vizive
“Be Alive,” from “King Richard,” shkruar nga Beyoncé dhe Darius Scott Dixson (kënduar nga Beyoncé)
“Carolina,” from “Where the Crawdads Sing,” shkruar nga Taylor Swift (kënduar nga Taylor Swift)
“Hold My Hand,” from “Top Gun: Maverick,” shkruar nga Bloodpop dhe Stefani Germanotta (kënduar nga Lady Gaga)
“Keep Rising (The Woman King),” nga “The Woman King,” shkruar nga Angelique Kidjo, Jeremy Lutito dhe Jessy Wilson (kënduar nga Jessy Wilson dhe Angelique Kidjo)
“Nobody Like U,” from “Turning Red,” shkruar nga Billie Eilish dhe Finneas O’Connell (kënduar nga 4*Town, Jordan Fisher, Finneas O’Connell, Josh Levi, Topher Ngo dhe Grayson Villanueva)
“We Don’t Talk About Bruno,” from “Encanto,” shkruar nga Lin-Manuel Miranda (kënduar nga Carolina Gaitán, Mauro Castillo, Adassa, Rhenzy Feliz, Diane Guerrero, Stephanie Beatriz dhe “Encanto”)
Duhet të fitojë: “We Don’t Talk About Bruno”
Do të fitojë: “We Don’t Talk About Bruno” /atsh / KultPlus.com
PriFilm Fest mbrëmë ka mbyllur edicionin e tij të 14-të i cili ka nisur me 20 shtator. Në këtë mbrëmje u ndanë edhe çmimet e festivalit, shkruan KultPlus.
Aktorja Rina Krasniqi ka fituar dy çmime, atë për aktoren më të mirë dhe për aktorin më të mirë pasi që Krasniqi ka luajtur dy role në filmin “Virgjëresha Shqiptare”, njëri si Luana dhe tjetri si një burrneshë me emrin Jack.
Kjo është hera e parë në historinë e çmimeve “PriFest” që një aktore arrin të fitojë të dy çmimet.
Por për këtë vlerësim ka reaguar shkrimtari Ag Apolloni i cili ka vlerësuar që kjo gjë nuk ka ndodhur asnjëherë në botë dhe sipas tij është idiotizëm.
“Në PriFilmFest një aktores (femër) i është ndarë çmimi i dyfishtë ‘Aktorja më e mirë’ dhe ‘Aktori më i mirë’. Ky idiotizëm s’ka ba vaki kurrë në botë. Cate Blanchett, Barbara Straisend, Linda Hunt, Hillary Swank, Glenn Close, Tilda Swinton, Meryl Streep, Angeline Jolie etj., kanë luajtur role meshkujsh, por kurrë s’janë nominuar në kategorinë “aktori mashkull më i mirë”. Po ashtu, shumë aktorë meshkuj kanë luajtur rolin e femrës, por kurrë s’janë nominuar në kategorinë “Aktorja më e mirë”. Do të ishte tallje, në mos ofendim, në të dy rastet”, shkruan Apolloni i cili tutje ka potencuar se kur thuhet ‘aktori’ ose ‘aktorja’, nënkuptohet gjinia e personit që luan, jo gjinia e personazhit të cilin e luan.
“Cate Blanchet ka luajtur Bob Dylanin, por është nominuar në kategorinë “aktorja më e mirë”. Është kaq e thjeshtë. Ti mund t’i japësh aktores çmimin “Aktori më i mirë”, por është njësoj si ta lavdërosh një grua, duke i thënë “gjynah që s’je burrë”, ose “je aq e mirë sa meriton me qenë burrë”. Pastaj, s’mund t’ia japësh një aktoreje dy çmimet kryesore për dy gjini, edhe sikur aktorja të jetë hermafrodite. Nejse, Kosova shkruan histori në budallaki. Dhe, natyrisht, budallakia ka emër (edhe pse unë s’i di emrat e jurisë)”, shkruan Apolloni. / KultPlus.com
Çmimet e larta në jug të Shqipërisë po bëjnë që numri i turistëve të jetë i vogël dhe plazhet të boshatisen.
I pyetur në lidhje me këtë, kryeministri Edi Rama u shpreh se nëse është e vërtetë, ky do të jetë një mësim për bizneset që abuzojnë me çmimet ndërsa ndodhen në një treg shumë konkurrues, ku kanë afër Turqinë, Greqinë, Malin e Zi e Kroacinë.
Rama gjithashtu u shpreh se Qeveria e tij ka ndryshuar për mirë kartëvizitën e Shqipërisë.
“Nëse ka një problem me çmimet e larta është për tu parë dhe analizuar në fund, jo tani. Nëse dikush vendos çmim të lartë dhe nuk i vjen njeri, dëm vetes së vetë i bën. Nëse në fund do të kemi këtë konstatim, do të jetë një mësim shumë i mirë, në treg konkurrues, duhet menduar mirë para se të vihen çmimet. Po qe kështu, ky do të bëhet një mësim i madh. Mos harrojmë se ku ndodhemi. Ndodhemi mes konkurrentëve të fortë të Mesdheut. Meqë u hap nami i Shqipërisë për të ardhur si një vend me të gjitha magjitë e veta, hajde t’u biem me top çmimeve. Investimet e Qeverisë kanë ndryshuar kartëvizitën e vendit. Në Lungomare nuk kishe ku kaloje se kishte jashtëqitje delesh, dhe në anën tjetër ndërtime pa leje, sot është ndryshe”, tha Rama. / KultPlus.com
epa09044890 Albania Prime Minister Edi Rama during a joint press conference after an EU – Albania Association Council meeting in Brussels, Belgium, 01 March 2021. EPA-EFE/JOHN THYS / POOL
Jepen katër çmime “Ibrahim Kodra” për të rinjtë shqiptarë. Në konkursin e organizuar nga “Fondacioni “Ibrahim Kodra” në Milano, në bashkëpunim me Galerinë e Artit Tiranë, u ndanë çmimet “Ibrahim Kodra”.
Në këtë konkurs të ideuar me rastin e 104-vjetorit të lindjes së piktorit shqiptar me famë ndërkombëtare, Ibrahim Kodra, arti i të cilit njihet në të gjithë botën, morën pjesë të rinj nga e gjithë Shqipëria.
Janë kryesisht nxënës të shkollave të mesme artistike nga e gjithë Shqipëria, të cilët prezantohen me mbi 70 punime në pikturë, të realizuara në teknika të ndryshme.
Gjatë këtij eventi, i cili përkoi me ditën e ditëlindjes së post-kubistit shqiptar, çmimi i parë iu dha Orianda Priftit nga Liceu i Tiranës. Çmimi i dytë shkoi në Shkodër për të riun Endris Hysa dhe çmimin e tretë e fitoi Mikela Taragjini.
Ndërkaq gjatë konkursit u nda dhe një çmim special për Sindi Thartorin. Këto çmime u mundësuan nga fondacioni “Ibrahim Kodra” që mban emrin e piktorit, me seli në Milano të Italisë.
“Ky aktivitet organizohet për të mbajtur gjallë emrin e Ibrahim Kodrës, por gjithashtu edhe për t’i qëndruar gjithmonë besnikë dëshirës së tij të madhe: “Të ndihmoj të rinjtë” – shprehet kryetari i fondacionit Fatos Faslliu. Këto punime, të cilat do të qëndrojnë të ekspozuara për më shumë se një javë në ambientet e Galerisë së Artit në Tiranë, janë përzgjedhur dhe kuruar nga kuratorja e ekspozitës Ina Elezi.
“Më vjen mirë që iu përgjigjën kaq shpejt dhe kaq shumë të rinj thirrjes sonë për të realizuar punime për çmimin “Ibrahim Kodra” dhe kjo është shumë shpresëdhënëse për artin shqiptar” thotë Elezi.
Ndërkaq sipas drejtorit të GAT, Abaz Hado, ky event organizohet për të lartësuar emrin e një prej figurave më të njohura të artit shqiptar Ibrahim Kodrës, i cili edhe pse aktivitetin e tij artistik e kishte jashtë kufijve, asnjëherë nuk e harroi dhe gjithmonë e mbështeti Shqipërinë. / KultPlus.com
Festivali i Teatrove në qytetin e Ferizajit i cili tash e sa kohë është shndërruar në traditën më të njohur kulturore të këtij vendi, mbrëmë ka përfundur edhe edicionin e sivjetëm, me ç’rast u ndanë edhe çmimet për pjesëmarrësit në këtë Festival, përcjell KultPlus.
Ishte shfaqja ”Provo edhe një herë, Sam” me regji të Ilir Bokshi, shfaqje kjo nga Teatri ”Bekim Fehmiu” në Prizreni, e cila u shpall fituese e çmimit për shfaqjen më të mirë.
Më poshtë, gjeni listën e plotë të fituesëve të çmimeve të këtij festivali.
Çmimi i jurisë së gazetarëve: Ernest Malazogu.
Çmimet e jurisë profesionale: Kostumografia më e mirë: Mentor Berisha, Kosovo for Dummies, Teatri i Gjilanit.
Skenografia më e mirë: Petrit Bakalli, Provo edhe një herë, Sam, Teatri Bekim Fehmiu – Prizren.
Roli më i mirë epidosik: Vlora Dervishi, Farsë në Varvolth, Teatri Hadi Shehu – Gjakovë.
Roli më i mirë dytsorë – grua: Donikë Ahmeti, Bob Vatson bie nga kati i nëntë por nuk vdes plotësisht, Teatri Dodona – Prishtinë.
Roli më i mirë dytsorë – burrë: Tristan Halilaj, Brinat, Art Image, Teatri AAB – Faruk Begolli.
Roli më i mirë – burrë: Ernest Malazogu, Provo edhe një herë Sam, Teatri Bekim Fehmiu – Prizren.
Roli më i mirë – grua: Vjosa Abazi, Vizita e Zonjës Plakë, Teatri Adriana – Ferizaj.
Çmimi special i jurisë: Takime në burg. – Teatri Avdush Hasani – Podujevë.
Regjia më e mirë: Blertë Neziraj – Kosovo for Dummies, Teatri i Gjilanit.
Shfaqja më e mirë: Provo edhe një herë, Sam. Regjisor: Ilir Bokshi, Teatri Bekim Fehmiu – Prizren. / KultPlus.com
Dokumentari ”Hope” i realizuar nga Vjosa Abazi, është shpërblyer me dy çmime mujore në Festivalin Ndërkombëtar të Filmit ”Tagore” që mbahet në Indi, përcjell KultPlus.
Filmi është shpallur fitues i çmimeve Documentary film dhe Film On Woman.
Dokumentari i cili premierën e kishte në DokuFest-in e viti të kaluar, shpalos historinë e katër grave që i lidhin histori të ndryshme por një fat i përbashkët. Heroina që ndonëse të goditura si mos më keq nga fatkeqësia, mbajnë të freskëta rrëfimet e tyre. Nuk është historia e njëjtë ajo që i bashkon, por është shpresa që i mban të gjalla, ju jep kurajo dhe forcë për të vazhduar më tutje.
Dokumentari “Hope” sjellë rrëfimet dhe përditshmërinë e këtyre katër grave, Hajries, Ferdonijes, Valintinës e Makfiretes, i bënë të gjalla dhe njëherë historitë që nuk duhet të kalohen në heshtje. / KultPlus.com
Edhe pse pandemia bëri që ceremonia shpërblyese “SAG” të mos mbahej në formën tradicionale, mbrëmja sërish ishte një festë absolute e projekteve kinematografike dhe televizive.
Drama e platformën Netflix, “The Trial of Chicago 7”, në të cilën luajnë aktorët Yahya Abdul-Mateen, Joseph Gordon-Levitt dhe Michael Keaton, u nderua me çmimin kryesor të mbrëmjes, “Kasta më e mirë në film”, përmes ceremonisë e cila u mbajt në formatin virtual, përcjell KultPlus.
Filmi i regjisorit Aaron Sorkin bazohet në ngjarjen e vërtetë të vitit 1969 ku shtatë burra paditen për konspiracion nga qeveria federale.
Aktori i ndjerë, Chadwick Boseman, e fitoi çmimin e radhës postmortum duke u shpallur “Aktori më i mirë në film”. Ai u nderua për performancën e shkëlqyer në filmin “Ma Rainey’s Black Bottom”. Kurse kolegia e tij në film, Viola Davis, u nderua me shpërblimin “Aktorja më e mirë në film”, për portretizimin e kryepersonazhit në këtë film.
Sa i takon shpërblimeve për televizion, “Drama më e mirë” u shpall seriali i Netflixit “The Crown”. Jason Bateman u shpall “Aktori më i mirë në dramë” për rolin e tij në serialin “Ozark”, derisa Gillian Anderson u nderua me çmimin “Aktorja më e mirë në dramë”, për portretizimin e mrekullueshëm të kryeministres Margaret Thatcher në serialin “The Croën”.
Në kategoritë për projektet më të mira të zhanrit komedi, seriali “Schitt’s Creek”, u shpërblye me çmimin kryesor “Kasta më e mirë në komedi”, dhe protagonistja e këtij projekti, Catherine O’Hara, e fitoi çmimin “Aktorja më e mirë në komedi”. Kurse Jason Sudeikis u nderua më shpërblimin “Aktori më i mirë në komedia”, për rolin e tij në serialin “Ted Lasso”.
Ndër aktorët e tjerë të shpërblyer gjatë mbrëmjes ishin: Anya Taylor-Joy, Mark Ruffalo dhe Daniel Kaluuya. Çmimet “SAG” i ndanë shoqata e aktorëve të hollywoodit. / KultPlus.com
Më qëllim të zhvillimit, avancimit dhe promovimit të krijimtarisë teatrore, dhe në pajtim me Rregulloren për ndarjen e çmimeve për teatër, e nënshkruar nga ana e Ministrit më 30.06.2014, Ministria e Kulturës, Rinisë dhe Sportit shpall konkursin për çmimet në fushën e teatrit për vitin 2020.
MKRS fton të giithë të interesuarit që të propozojnë kandidatët për Çmimin Kombëtar për Vepër Jetësore dhe Çmimet vjetore për teatër, që u jepet krijuesëve të dalluar, të cilët me krijimtarinë e tyre kanë lënë gjurmë në fushën e teatrit.
Ministrja e Kulturës, Rinisë dhe Sportit, Vlora Dumoshi ka pritur në takim ekipin e xhudos së Kosovës në krye me trajnerin Driton Kuka, me ç’rast ka bërë ndarjen e shpërblimeve shtetërore për sportistët që kanë arritur rezultate kulminante në garat ndërkombëtare.
Trajneri i xhudos, Driton Kuka së bashku me xhudistën Distria Krasniqi, Loriana Kuka, Laura Fazliu janë fituesit e shpërblimeve shtetërore për sportistët që arrijnë rezultate kulminante në garat ndërkombëtare.
Ministrja Dumoshi uroj ekipin e xhudos për sukseset e arritura gjatë këtij viti duke theksuar se si ministre është munduar të punojë që të ofrojë kushte sa më të mira për sportistët që Kosovës po i sjellin suksese në arenën ndërkombëtare.
Gjithashtu ministrja gjatë takimit theksoi se Qendra Kombëtare e Xhudos pritet të përfundohet gjatë vitit të ardhshëm.
“Qendra Kombëtare e Xhudos që ka nisur të ndërtohet është një nga të arriturat, që si ministre e vlerësoj dhe kjo qendër pritet të ndërtohet gjatë vitit të ardhshëm. Kosova mund të merret shembull në rajon se si bashkëpunohet me federata sportive,”- tha ministrja Dumoshi.
Ndërkaq, trajneri Driton Kuka falënderoj ministrinë për mbështetjen dhe të gjitha institucionet duke e vlerësuar bashkëpunimin me ta.
“Po synojmë që të kemi pesë cikle për në olimpiadë dhe të sjellim tituj sa më shumë dhe për këtë na nevojitet edhe mbështetja”,-tha Kuka. / KultPlus.com
Edicioni i 30-të i festivalit “Zambaku i Prizrenit”, i cili u mbyll mbrëmë, e për të cilin janë hedhur kritika e dyshime për mungesë transparence, ku në kopshtin e kinemasë “Lumbardhi” në Prizren, mbrëmjen e të shtunës u mbajt edicioni jubilar i këngës së vjetër qytetare nën patronatin e Komunës së Prizrenit. “Zambaku i Prizrenit”.
Në këtë edicion u paraqitën 16 këngë, të cilat garuan për çmimet tradicionale të festivalit.
Kënga “Ura e Dashurisë”, interpretuar nga Elizabeta Krasniqi & Ilir Baxhaku, është shpallur kënga më e mirë e edicionit të 30-të të festivalit të këngës së lehtë “Zambaku i Prizrenit”.
“Ura e Dashurisë” e autorit Veton Perolli me tekst të Musa Bushranit dhe orkestrim nga Edon Ramadani ka marrë çmimin e publikut “Zambaku i Prizrenit’, duke marrë kështu edhe ‘Zambakun e Argjendtë” për kompozitorin dhe “Mikrofonin e artë” për interpretuesit e kësaj kënge. Kjo këngë është shpallur edhe si kënga me tekstin më të mirë të festivalit.
Në natën finale të këtij festivali janë ndarë edhe dy çmime:
Vendi i parë: “Lule Lule”, këndojnë Besiana Mehmedi & Shkodran Tolaj, autor Nexhat Macula, teksti Shkodran Tolaj, orkestrimi Riza Dolaku.
Vendi i dytë: Rovena Dilo “Do të çmend”, autor Adrian Hila, teksti Rovena Dilo, orkestrimi Adrian Hila./ 21media/ KultPlus.com
Mbrëmë Etno Fest ndau çmimet e edicionit të tetë, shkruan KultPlus.
Juria profesionale e përbërë nga Dilaver Kryeziu, Bislim Muquaj dhe Naser Shatrolli ndau këto çmime:
1.Aktori më i mirë: Gjelbrim Emini
2. Aktorja më e mirë: Qëndresa Kajtazi
3. Shfaqja më e mirë: “Të harruarit” në regji të Shkurte Aliut
4. Regjia më e mirë: Zana Hoxha për shfaqjen”Copë Copë’
5. Debytantja më e mirë: Verona Koxha në shfaqjen “Ana dhe Zefi”
6. Riti më i mirë: Aziza Shefitagiq për “Ritin e stolisjes së nuses Ilire”
7. Kostumet më të mira: “Karnevalet Ilire” nga Malësia e Tetoves
8. Performanca më e mirë: “Kangë e pambaruar në rexhi të Arta Mulliqit
9. Etno performanca më e mirë: “Ana dhe Zefi” nga Erson Zymberi
10. Etno Ansambi më i mirë: grupi folklorik nga Ura Vajgurore,Berat
11. Vallëtari më i mirë vjen nga Ansambli “Ura Vajgurore” Berat
12. Çmimi i karrierës: Melihate Qena
Ministria e Kulturës, Rinisë dhe Sportit, shpallë konkursin për çmimet në fushën e trashëgimisë kulturore, shkruan KultPlus.
Ftohen të interesuarit që të propozojnë kandidatët për Çmimin për Veprimtari Jetësore në fushën e trashëgimisë kulturore “Dea Dardanicae”, Çmimin Vjetor për Merita të Veçanta “Shtjefën Gjeqovi”, Çmimin Vjetor për Vepër Shkencore “Zef Mirdita” dhe Çmimin Vjetor për Menaxhim Institucional “Muhamed Shukriu”.
Çmimi për Veprimtari Jetësore në Fushën e Trashëgimisë Kulturore “Dea Dardanicae”:
Ky Çmim u jepet personaliteteve të shquara, profesionistëve të dalluar, të cilët me angazhimin e tyre të vazhdueshëm kanë pasur ndikim të drejtpërdrejtë në avancimin e trashëgimisë kulturore si dhe kanë nxitur të arriturat në mbrojtjen, ruajtjen dhe promovimin e trashëgimisë kulturore të Kosovës. Laureatë të këtij çmimi mund të jenë profesionistët, studiuesit dhe hulumtuesit në fushën e trashëgimisë kulturore, shtetas të Republikës së Kosovës dhe shtetas të vendeve të tjera.
Çmimi Vjetor për Merita të Veçanta “Shtjefën Gjeqovi”:
Ky Çmim u jepet personaliteteve të dalluara në fushën e trashëgimisë kulturore, për angazhimin, kontributin dhe të arriturat përgjatë vitit për përmbushjen e detyrimit kushtetues dhe ligjor për mbrojtjen, ruajtjen dhe promovimin e trashëgimisë kulturore të Kosovës. Laureatë të këtij çmimi mund të jenë profesionistët, studiuesit dhe hulumtuesit në fushën e trashëgimisë kulturore, shtetas të Republikës së Kosovës dhe shtetas të vendeve të tjera.
Çmimi Vjetor për Vepër Shkencore “Zef Mirdita”:
Ky Çmim u jepet autorëve për vepër shkencore në fushën e trashëgimisë kulturore. Laureatë të këtij çmimi mund të jenë profesionistët, studiuesit dhe hulumtuesit në fushën e trashëgimisë kulturore, shtetas të Republikës së Kosovës dhe shtetas të vendeve të tjera.
Çmimi Vjetor për Menaxhim Institucional “Muhamed Shukriu”:
Ky Çmim u jepet udhëheqësve të institucioneve dhe punonjësve të institucioneve publike dhe jopublike që në mandat kanë mbrojtjen, ruajtjen dhe promovimin e trashëgimisë kulturore. Laureatë të këtij çmimi mund të jenë udhëheqësit dhe punonjësit e institucioneve publike dhe jopublike të institucioneve të trashëgimisë kulturore shtetas të Republikës së Kosovës.
Vlerësimin për dhënien e çmimeve e bën juria profesionale. Konkurrimi për Çmimet në fushën e trashëgimisë kulturore mund të bëhet përmes propozimit nga: Akademia e Shkencave dhe Arteve e Kosovës (për tri çmimet e para); Institucionet e trashëgimisë kulturore; Institutet shkencore, arkivat, muzetë; Fakultetet e universiteteve publike si dhe private të Republikës së Kosovës; Shoqatat dhe organizata që merren me trashëgimisë kulturore; Personat fizikë dhe juridikë.
Propozimi duhet të përmbajë: ‐ Dokumentacion personal (kopje e dokumentit identifikues); ‐ Biografia me fokus në veprimtarinë për të cilin çmim nominohet; ‐ Dëshmitë relevante për kontributet të publikuara të të nominuarve (abstraktet e publikimeve nga fusha për të cilën nominohen, dëshmia dhe përmbajta e projekteve profesionale apo shkencore, vlerësimet dhe rekomandimet për kontribut në menaxhimin institucional në fushën për të cilën nominohet). Propozimi duhet të nënshkruhet nga titullari që ka të drejtën e propozimit.
Propozimet me shkrim duhet të dërgohen deri me 31 dhjetor 2017./ KultPlus.com
Edicioni i parë i Festivalit të Teatrove “Othello”, në Gostivar, përfundoi mbrëmë me ndarjen e çmimeve, shkruan Kultplus.
Në këtë edicion fituese doli të jetë shfaqja nga Teatri Shqiptar në Shkup “Darka e Thërrimeve” me regji të Qëndrim Rijanit. Kjo shfaqje mori edhe çmimin e aktores më të mirë, që shkoi për aktoren Amernis Nokshiq.
Regjisori më i mirë iu nda regjisorit Fatos Berisha me shfaqjen nga Teatri i Ferizajt “Psikozë n’4:48” ndërkaq çmimi aktori më i mirë shkoi për Romir Zallën me shfaqjen “Një jetë me ty”./ KultPlus.com
Festivali i Teatrove në Ferizaj, përfundoi mbrëmë edicionin e tij të 47-të, me ndarjen e cmimeve, shkruan KultPlus.
Në festivalin i cili nisi më 21 tetor, parakaluan shfaqje nga rajone të ndryshme shqiptare, ndërsa ajo që mori edhe çmimin shfaqja më e mirë ishte shfaqja “G” me regji të Sulejman Rushitit e që ishte nga Teatri Shqiptar i Shkupit. Shfaqja “G”, rrëmbeu edhe çmimin e aktorit më të mirë në rol dytësor mashkull që shkoi për Fisnik Zeqirin.
Çmimi për regjinë më të mirë i takoi regjisorit Kushtrim Bekteshi për regjinë e shfaqjes “Tartufi” nga teatri ‘Migjeni’ në Shkodër. Aktori më i mire, çmimi “Ismail Rama” i takoi aktorit Shpëtim Selmani, për rolin e DR. Stokman në shfaqjen, “Armiku i Popullit”, teatri “Bekim Fehmiu” Prizren.
Aktorja më e mirë, çmimi “Adriana” ishte për Rita Gjeka, për rolin e Dorinës në shfaqjen “Tartufi”, teatri “Migjeni”, Shkodër. Roli dytësor më i mirë femër shkoi për Donikë Ahmeti, për rolin në shfaqjen “Per Gynti nga Kosova” të Qendrës Multimedia, Prishtinë. Roli episodik më i mirë iu dha Afrim Kasapollit, për rolin episodik në shfaqjen “Armiku i Popullit”, teatri “Bekim Fehmiu”, Prizren. Skenografia më e mirë ishte për Petrit Bakallin, për skenografinë e shfaqjes, “Armiku i Popullit”, teatri “Bekim Fehmiu”, Prizren.
Kostumografia më e mirë shkoi për Samka Ferrin për kostumet në shfaqjen “Tartufi”, teatri “Migjeni”, Shkodër. ndërsa Shpërblimi i medieve iu dha Shpëtim Selmanit, për rolin e DR. Stokman në shfaqjen, “Armiku i Popullit”, teatri “Bekim Fehmiu”, Prizren./ KultPlus.com
Nesër organizohet ceremonia solemne për dorëzimin e Çmimeve të Dramës Origjinale Shqipe “Katarina Josipi” për vitin 2016, përcjellë KultPlus.
Ceremonia do të mbahet në ora 15:00, në kabinetin e Ministrit të Kulturës, Rinisë dhe Sportit, Kujtim Gashi.
Në kuadër të kësaj ngjarjeje do të dorëzohen tri çmime: Çmimi i parë për Dramë Origjinale Shqipe “Katarina Josipi” do t’i dorëzohet autorit Ag Apolloni për dramën “Hamleti im, çmimi i dytë për dramën “Bosh me rudha” të autores Ulpiana Maloku dhe çmimi i tretë i dorëzohet Brikena Sopit për dramën “Rropatje”. / KultPlus.com
Tre shqiptaro-amerikanë nderohen nga organizata “Albanian Exellence” për kontributin e tyre të shkëlqyer në fusha të ndryshme, mes tyre kolegia e “Zërit të Amerikës”, Laura Konda.
Ndërkohë, po dje në mbrëmje themeluesja e “Albanian Exellence” Flora Nikolla, bëri një pasqyrë të situatës së shtypit shqiptar pas periudhës komuniste, në një aktivitet të organizuar nga biblioteka e Kongresit amerikan dhe organizata “Vatra”.
Ky takim që bën bashkë shqiptarët e Amerikës është një mundësi për tu njohur dhe vlerësuar kontributin e tyre, nga vendi i origjinës tek i riu, në një lidhje të përhershme simbiotike.
E themeluar me këtë mision, organizata “Albanian Exellence” nderoi dje tre shqiptaro-amerikanë, ish kryetarin e shoqatës
“Vatra” dr. Gjon Bucaj, gjuhëtaren dhe autoren e disa botimeve Donika Boçi, si dhe gazetaren e njohur të “Zërit të Amerikës”, Laura Konda. Vlerësimi vjen në shenjë mirënjohje për suksesin e tyre në fusha të ndryshme, por që i bashkon misioni i forcimit të dinjitetit të një kombi.
Dukshëm, diaspora shqiptare ka nevojë për atdheun, për një ndërveprim më të fortë që siç thotë gjuhëtarja Boçi, politika ia ka borxh diasporës.
Gjatë nderimit të gazetares së “Zërit të Amerikës” Laura Konda themeluesja e “Albanian Exellence” Flora Nikolla tha se kjo media ishte dhe mbetet dritarja e lajmit të vërtetë, pa ndikim politik në trojet shqip folëse. Për gazetaren Konda thënia e së vërtetës vazhdon të mbetet sfidë për gazetarinë.
Çmimi “Albanian Exellence” dr. Bucajt iu dorëzua djalit të tij, Lek Buçaj. Në një letër mirënjohje për këtë vlerësim Buçaj kërkonte që politika në Shqipëri t’i japë fund polarizimit, që siç shprehej, nuk i shërben askujt. Sipas Buçajt, diaspora ka nevojë për një ndërlidhje të gjithanshme e të shëndoshë me vendlindjen.
Për organizatën “Albanian Exellence” mision i saj është bashkimi nën një logo i suksesit shqiptar në të gjitha dimensionet.
Ceremonia e nderimit të tre shqiptaro-amerikaneve, u parapri nga një takim në ambientet e bibliotekës së Kongresit amerikan me fokus shtypin në Shqipëri pas viteve 90.
Kryeredaktorja e Agjencisë Telegrafike Shqiptare, Flora Nikolla, bëri një pasqyrë të rrugës së vështirë të shtypit shqiptar që siç tha në 10 vitet e fundit vuan nga dorëzimi i bizneseve që drejtojnë shtypin, tek politika. Sipas Nikollës, sot është e vështirë të bësh dallimin mes një plani biznesi dhe misionit të medias për të informuar e lirë.
Por, sipas Nikollës, krahas ligjeve më të forta, situatën sot mund ta ndryshojnë vetë njerëzit e shtypit./ KultPlus.com
Nё njё gala mbrёmje çmimesh, tё mbajtur tё mёrkurёn, nё Hotel Hyjnesha, juria e festivalit tё Hn’F-sё ka zgjedhur pёr edicionin e tij tё dhjetё filmin boshnjak “Zaba” (“Bretkoca”) si filmin mё tё mirё, pёrcjellё KultPlus.
Filmi “Zaba” (“Bretkoca”) njё prodhim boshnjak me njё kast aktorёsh tё mrekullueshёm nga disa vende, me skenar tё tё njohurit Pjer Zalica e me regji tё Emir Jukicit, pёrveç si filmi mё i mirё nё festival ka fituar edhe njё çmim aktori.
Drejtori i festivalit Besim Ajeti me kёtё rast deklaroi para filmbёrёsve qё i shihnin statujat e praruara ilire se simboli i hyjneshёs do tё vazhdojё tё rrojё.
“Ёshtё njё histori e tёrё qё nga antika e ekzistencёs sё saj, prandaj besojmё se edhe kjo hyjnesha e festivalit do tё ketё jetё tё gjatё”, tha Ajeti.
Njё tjetёr film me njё kast aktorёsh kosovarё ёshtё filmi amerikan “The Kingdom” (“Mbretёria”) i James Mayerit i cili fitoi Çmimin Special tё jurisё.
“Mikёpritja e kosovarёve ёshtё e mrekullueshme”, deklaroi regjisori James Meyer duke pranuar statujёn e hyjneshёs, e i cili sё bashku me bashkёshorten e tij Sara Meyer kanё realizuar dhe prodhuar filmin “The Kingdom”.
Janё kёto momente tё magjishme me miq dhe me krijues filmik tё mbledhur rreth festivalit tё filmit qё i japin shkëlqim festivalit.
“Ёshtё e pazakonshme kur si regjisor shikon listёn e festivaleve dhe nё mesin e tyre e gjenё njё tё tillё qё mbahet nё stacionin e trenit”, deklaroi laureati i çmimit special, Benjamin Hameury me filmin “Let there be night” (“Le tё bёhet natё”).
Hamury aplikoi dhe fitoi ishte pёrfundimi i tij, tё cilin çmim ia ndau regjisori kosovar Naser Shatrolli.
Por, filmi mё i mirё i mbrёmjes nga metrazhi i shkurtё ishte “Nimmer” (“Jo mё”) njё film estetik bardh e zi, nё tush, me efekte vizuele i belgut Lieven Vanhove, i cili ishte i pranishёm nё mbrёmje sё bashku me protagonist tё tjerё.
“Ёshtё njё festival me filma tё mrekullueshёm tё shkurtё por nё tren, arsyeja pse aplikova dhe fitova”, tha ai duke iu falёnderuar organizatorit.
Çmimin pёr aktorin mё tё mirё e fitoi Ido Chen i cili gjithashtu ishte i pranishёm nё skenё ndёrsa
“Kinemaja e sё ardhmes” pёr filmin shqiptar “Tradhti me letra”.
Festivalin e mbylli drejtori dhe themeluesi i tij, Besim Ajeti i cili duke uruar laureatёt dhe krijuesit filmik tha se ka kaq shumё emra dhe artistё anembanё botёs pёr t’i falёnderuar./ KultPlus.com
Sonte bëhet ndarja e çmimeve të festivalit ‘Hyjnesha në fron’, shkruan KultPlus. Gjithsej, do të ndahen dhjetë çmime në dhjetë kategoritë përkatëse nga dy juritë profesionale, nga juria për filmat e metrazhit të gjatë dhe nga juria e filmave të metrazhit të shkurtë, si dhe një çmim i vetëm do të ndahet në lëmin e filmit dokumentar.
Bordi i Festivalit të Filmit Ndërkombëtar “Hyjnesha në fron”, ka konfirmuar listën e çmimeve, që do t’u ndahen natën finale filmave të përzgjedhur nga juria profesionale përfshirë atë për Filmin Më të Mirë.
Dhjetë kategoritë përfshijnë: Skenari i Filmit të Metrazhit të Shkurtë, Regjia Më e Mirë e Filmit të Metrazhit të Shkurtë, Filmi Dokumentar Më i Mirë, Produksioni Më i Mirë, Fotografia Më e Mirë, Aktorja Më e Mirë, Aktori Më i Mirë, Skenari Më i Mirë, Regjia Më e Mirë dhe Filmi i Gjatë Më i Mirë.
Dy juritë përbëhen nga këto emra artistësh dhe krijuesish filmik nga vendi dhe nga jashtë. Juria për film të metrazhit të gjatë është në këtë përbërje: regjisori Benjamin Hameury, regjisori Lieven Vanhoven, dramaturgu Mentor Haliti, regjisori i teatrit dhe i filmit Mark Norfolk dhe avokati e rokeri Naser Gjinovci.
Ndërsa juria e filmave të shkurtë e ka këtë përbërje: Dramaturgu dhe regjisori i teatrit Naser Shatrolli, regjisori i teatrit dhe aktori Ekrem Sopi si dhe dramaturgia Albana Muja.
Çmimet e festivalit të Hn’F-së ndahen, sonte më 4 tetor në mbrëmje, në një gala festive në “Hotel Hyjnesha”, në praninë e mysafirëve dhe laureatëve./ KultPlus.com
