Etiketë: coachella

Fundjavë e mbushur me yje në festivalin “Coachella”

Posted on by Kult Plus

Befasitë nuk reshtën së mbaruari në tri ditët e para të festivalit “Coachella”.

Adhuruesit e mbledhur për këtë ngjarje, patën rastin t’i ndjekin performancat fantastike ‘live’ të idhujve të tyre, si The Weeknd, Justin Bieber, Snoop Dogg, Doja Cat dhe të tjerë.

Nata e parë e festivalit, të premten (15 prill), u hap me performancën fantastike të këngëtarit britanik, Harry Styles. Ai i befasoi adhuruesit e pranishëm me të ftuar në skenë yllin legjendar të muzikës, Shania Twain. Dyshja e interpretoi hitin ikonik të Twainit, “Man, I Feel Like A Woman” dhe turma e mirëpriti këtë befasi me brohoritje e duartrokitje të vazhdueshme, raportoi të hënën portali “NME”.

Ndër performuesit e tjerë që e entuziazmuan turmën jashtëzakonisht shumë, ishin Justin Bieber dhe Snoop Dogg, të cilët i bashkuan forcat në skenë me artistët, Daniel Caesar dhe Anitta.

Edhe Big Sean e mahniti turmën e adhuruesve me ta ftuar në skenë këngëtaren, Jhene Aiko, e cila njëherësh është e dashura e tij.

Në natën e dytë ishte këngëtarja, Billie Eilish, ajo e cila e rrëmbeu vëmendjen e publikut me performancën e saj. Ajo po ashtu u bë artistja më e re në moshë që ka performuar në skenën e festivalit “Coachella”.

Eilish i interpretoi disa prej hiteve të saja më të njohura, e shoqëruar nga bendi dhe vëllai i saj, Finneas. Në një moment gjatë mbrëmjes, këngëtarja 20-vjeçare e ftoi në skenë vokalistin e grupit “Gorillaz”, Damon Albarn, me të cilin i performoi disa këngë, përfshirë këtu edhe hitin, “Feel Good Inc.”. Khalid ishte artisti tjetër i cili iu bashkua Eilishit në skenë për ta interpretuar këngën e tyre të përbashkët, “Lovely”.

Në fund të performancës së saj, Billie Eilish, e shfrytëzoi rasti për t’i falënderuar adhuruesit e saj duke thënë: “Kjo është një ndjenjë e çuditshme. Unë nuk duhet të isha këtu si performuesja kryesore e mbrëmjes. Por, për këtë ju falënderohem juve dhe ndihem mirënjohëse që jam këtu bashkë me të gjithë ju. Kjo është një ëndërr e shndërruar në realitet për mua. Një çmenduri e vërtetë”.

Nata e dytë gjithashtu e shënoi debutimin e reperes Megan Thee Stallion, në festivalin e famshëm të Kalifornisë. Ajo nuk i zhgënjeu fansat e saj duke i interpretuar disa prej hiteve më të njohura, përfshirë edhe një këngë të re të padëgjuar më parë.

Nata e tretë i takoi këngëtarit kanadez The Weeknd, grupit “Swedish House Mafia” dhe rep artistes, Doja Cat. Ata ishin ndër performuesit kryesorë të mbrëmjes dhe u kujdesën që ta argëtonin publikun me interpretimet fantastike të hiteve të tyre më të njohura. Edhe muzika latine ishte pjesë e rëndësishme e kësaj mbrëmjeje me interpretimin fantastik të yllit, Karol G.

Festivali i njohur i muzikës “Coachella” vazhdon edhe fundjavën e ardhshme. Fansat kanë mundësi të argëtohen me interpretimet live të idhujve të tyre, nga 22 deri më 24 prill kur edhe përmbyllet festivali./koha.net/ KultPlus.com

Kanye West e anulon pjesëmarrjen në “Coachella”

Posted on by Kult Plus

Reperi i famshëm amerikan, Kanye West, është tërhequr nga performanca në festivalin e njohur të muzikës, “Coachella”, ku ishte njëri ndër performuesit kryesorë, raportoi të martën portali “Female”.

Ye, kishte muaj të tërë që i kishte paralajmëruar fansat se do të jetë pjesë e festivalit i cili zë vend në shkretëtirën e Kalifornisë, e ku pritet të performojnë edhe yje tjerë të muzikës, si: Billie Eilish, Harry Styles, Doja Cat, “Swedish House Mafia” dhe të tjerë.

Festivali do të mbahet nga 15 deri më 24 prill.

Sipas uebfaqes “Page Six”, reperi 44-vjeçar nga Chicago, do të zëvendësohet në këtë ngjarje nga këngëtari kanadez, The Weeknd.

“Kanye është tërhequr zyrtarisht nga pjesëmarrja në ‘Coachella’. Ai nuk ka bërë fare prova dhe nuk është përgatitur për një shou të stilit të tij. Travis Scott pritej ta shoqëronte atë në skenë. Kurse tani, praktikisht është e pamundur për të që ta organizojë një performancë të mirë. Besohet se The Weeknd do ta zëvendësojë atë në festival”, deklaroi një burim.

Mediat e huaja gjithashtu raportojnë se, reperi i cili në nëntor të vitit të kaluar e ndërroi emrin në Ye, është tërhequr nga pjesëmarrja në festival, pasi dëshiron të largohet për ca kohë nga vëmendja e publikut. Besohet se tani, West dëshiron ta largojë veten nga dramat e shkaktuara nga vet ai, të kujdeset për shëndetin e tij mendor dhe të kërkojë ndihmë profesionale. / KultPlus.com

Rikthehet në skenë festivali “Coachella” në Kaliforni

Posted on by Kult Plus

Festivali dedikuar muzikës e artit “Coachella” në Kaliforni po rikthehet. Kjo ngjarje dy javore ka dy vite që nuk u organizua për shkak të pandemisë së COVID-19.

Ajo do të fillojë më 15 prill 2022.

Festivalin “Coachella” e themeluan Paul Tollett e Rick Van Santen në vitin 1999. Gjatë tij interpretojnë artistë të zhanreve të ndryshme të muzikës, si rok, pop, hip hop, electronic dance. Atje po ashtu bëhen prezantime të krijimeve artistike, si instalacioneve të ndryshme e skulpturave.

Origjina e festivalit “Coachella” rrjedh prej vitit 1993, kur bendi Pearl Jam interpretoi në Empire Polo Club.

Kjo çoi në inaugurim të festivalit “Coachella”, që në vitin 1999 mbajt për dy ditë.

Gjatë festivalit “Coachella” interpretojnë artistë të njohur, por ka edhe nga ata që janë më pak të njohur. Ai u bë njëri prej festivaleve më të mëdhenj dhe më profitabil në SHBA e botë.

Gjatë viteve 2013 e 2017, kjo ngjarje theu rekordin për pjesëmarrje.

Vetëm në vitin 2017, atë e ndoqën 250,000 persona, ndërkaq përfitimet nga ai arritën shumën $114.6 milion.

Edhe në ngjarjen e sivjetme do të interpretojnë një radhë këngëtarësh të njohur./21Media / KultPlus.com

Organizatorët largojnë Travis Scottin nga lista e performuesve të “Coachella 2022”

Posted on by Kult Plus

Mediat e huaja kanë raportuar se Travis Scott është larguar në lista e performuesve të festivalit muzikor “Coachella 2022”, pas tragjedisë së muajit të kaluar e cila ndodhi në festivalin e reperit “Astroworld”, ku mbetën të vdekur 10 persona e qindra të tjerë të lënduar.

Sipas raportimeve të fundit, , Jim Curtis, menaxher i shërbimeve komunale të qytetit Indio, ku mbahet festivali tradicional, ka deklaruar se Scott nuk do të performojë në edicionin e ardhshëm të festivalit.

Edhe revista “Variety” ka bërë të ditur se reperi i njohur amerikan është larguar përfundimisht nga lista e yjeve që do ta kryesonin këtë ngjarje muzikore. Sipas tyre, organizatorët e “Coachella” i kanë thënë agjentes së Scottit, Cara Lewis, se po planifikojnë ta largojnë reperin nga lista e performuesve dhe se janë të gatshëm ta paguajnë një shumë të nevojshme për anulimin e koncertit të tij.

Megjithëkëtë, konfirmimi zyrtarë dhe përfundimtarë i këtij lajmi mbetet të bëhet nga “Goldenvoice”, kompania prapa organizimit të festivalit “Coachella”, apo nga zëdhënësit e reperit.

Muajin e kaluar u formula një peticion online i cili bënte thirrje për largimin e Travisit nga të gjitha festivalet e organizuara nga kompania “Goldenvoice”, dhe deri më tani janë siguruar 60 mijë nënshkrime të peticionit.

Travis Scott po përballet me disa padi ligjore të ngritura kundër tij, bashkë me kompaninë “Live Nation” që merret me organizimin e koncerteve dhe persona të tjerë të përfshirë në përgatitjen e festivalit “Astroworld”. Në njërin rast gjyqësor, reperi akuzohet për neglizhencë dhe ballafaqohet me padi në vlerë prej 2 miliardë dollarësh, e ngritur në emër të 282 personave.

Ylli i hitit “Escape Plan” ishte planifikuar të performojë në edicionin e vitit 2020 të festivalit “Coachella”, por kjo ngjarje ishte anuluar për shkak të krizës shëndetësore të shkaktuar nga pandemia. Kurse në edicionin e vitit të ardhshëm të festivalit, Travis Scott, planifikohej ta ndante skenën me yje të tillë si grupi “Rage Against The Machine”, Megan Thee Stallion, Doja Cat dhe grupi “Swedish House Mafia”. / KultPlus.com

‘Coachella’ publikon datat për vitin 2022, rikthehet me muzikë live

Posted on by Kult Plus

Pasi një nga festivalet më të mëdhenj të muzikës në Kaliforni u shty ose anulua shumë herë gjatë gjithë pandemisë COVID-19, datat për rikthimin e tij janë caktuar, shkruan CNN.

Festivali i Muzikës dhe Arteve i Luginës Coachella në Indio do të mbahet nga 15 deri më 17 prill dhe 22 deri më 24 të vitit të ardhshëm, sipas faqes së internetit të Coachellas.

Pasi festivali i prillit 2020 u shty për në tetor të atij viti, ai u anulua nga shqetësimi që qindra mijëra të pranishëm do të përhapnin më tej COVID-19.

Ishte planifikuar gjithashtu për në prill të këtij viti përpara se të anulohej përsëri.

Shitjet paraprake të biletave për festivalin e 2022-ës fillojnë më 4 qershor në 10:00 PT. Të pranishmit e interesuar mund të kenë qasje në shitjen paraprake tani.

Festivali Stagecoach, i cili mbahet gjithashtu në Indio, njoftoi se do të kthehet edhe në pranverën e ardhshme: 29 prill – 1 maj.

Fansat mund të regjistrohen në faqen e internetit të festivalit për t’u njoftuar kur do të ketë shitje paraprake të biletave.

Lista e këngëtarëve për secilin festival nuk janë njoftuar ende.

Lajmi për kthimin e festivaleve të muzikës vjen mes një serie njoftimesh rikthimi: muajin e kaluar, organizatorët prapa Lollapalooza, festivali më i madh i muzikës në Çikago, njoftuan se festivali do të kthehej këtë verë me vaksinat COVID-19 ose testet negative të kërkuara nga të gjithë të pranishmit. / KultPlus.com

Anulohen dy festivale të njohura muzikore si shkak i Covid-19

Posted on by Kult Plus

Përhapja e Covid-19 bëri që edhe dy festivale tjera me nam botëror të anulohen për këtë vit, shkruan KultPlus.

Bëhen fjalë për festivalet e muzikës, “Coachella” dhe “Stagecoach”, të cilat as këtë vit nuk do të mund t’i ofrojnë publikut muzikë live.

Lajmin e ka bërë të ditur të premten, Zyrtari i Shëndetit Publik të Qarkut Riverside Dr. Cameron Kaiser.

Ai nënshkroi një urdhër për heqjen e ngjarjeve të prillit, duke përmendur Covid si fajtor.

Qindra mijëra fansa u dyndën në festivale çdo prill përpara pandemisë dhe më shumë do të kishin qenë edhe këtë vit, pas bllokimeve dhe vdekjes së muzikës live, por doktori thotë se nuk është e sigurt që njerëzit të vijnë nga të gjitha anët e botës së shkatërruar nga virusi.

Kjo është hera e dytë me radhë prej kur këto dy festivale nuk po mund të organizohen fizikisht. / KultPlus.com

Organizatorët e “Coachella” lansuan trailerin e dokumentarit “20 Years In The Desert”

Posted on by KultPlus

Organizatorët e festivalit “Coachella” e kanë publikuar trailerin e parë të dokumentarit të tyre për YouTube, me titull “20 Years In The Desert”.

Festivali është bërë bashkë me platformën gjigante në realizimin e dokumentarit, i cili do ta nderojë historinë e kësaj ngjarjeje muzikore, që nga themelimi i saj në vitit 1999.

Ky projekt e shënon premierën në YouTube më 10 prill, në të njëjtën ditë kur ishte planifikuar të fillojë festivali, transmeton Koha.

Organizatorët e “Coachellas” kanë premtuar se dokumentari do të përfshijë pamje të pa para më herët, sid he performance të yjeve të njohur të muzikës si: “Radiohead”, Billie Eilish, Kanye West, Madonna, Daft Punk, Travis Scott, “Rage Against the Machine”, “LCD Soundsystem”, “Pixies”, “Swedish House Mafia”, “Jane’s Addiction”, “The White Stripes”, Beck, Björk dhe të tjerë.

Më 10 mars të këtij viti, organizatorët e kësaj ngjarjeje e bënë të ditur lajmin se festivali po shtyhej për në muajin tetor, për shkak të pandemisë së koronavirusit.

Ata gjithashtu e lëshuar një deklaratë për media përmes së cilës e informuar publikun se, festivali do të mbahet në fundjavat 9-11 tetor dhe 16-18 tetor.

“Coachell” fillimisht ishte planifikuar të mbahet fundjavën e dytë dhe të tretë të muajit prill, dhe ndër yjet të cilët pritej të performonin ishin: Travis Scott, Frank Ocean dhe bendi “Rage Against The Machine”.

Anulohet festivali i madh “Coachella”, për shkak të Koronavirusit

Posted on by Kult Plus

Shtyhet për një datë të pacaktuar festivali i famshëm Coachella.

Një nga festivalet më me influencë kohëve të fundit, që ka zgjuar një vëmendje të madhe dhe po bën që artistët të kërkojnë të performojnë aty është anuluar.

Kjo për shkak të shpërndarjes në masë të madhe të Coronavirusit në Evropë, e organizatorët kanë parë të udhës që ky festival të mos anulohet në tërësi, por të shtyhet për një datë të tjetër.

Madona dhe Milley ishin dy emrat e famshëm të botës muzikore që deri më tani e kanë konfirmuar pjesëmarrjen në këtë festival. /KultPlus.com

Kanye West, Justin Timberlake dhe Childish Gambino në Coachella

Posted on by KultPlus

Coachella është ende gjashtë muaj larg, por tashmë po dihen performuesit kryesorë.

Burimet kanë treguar për mediat amerikane se lista e artistëve performues do të konsistojë nga Childish Gambino, Justin Timberlake dhe Kanye West.

Gambino, i cili më parë e ka shtyrë turneun e tij “This is America Tour” për shkak të një lëndimi në këmbë, më parë performoi në Coachella në vitin 2012.

Kanye performoi në vitin 2006 dhe më pas në vitin 2011.

Kjo do të jetë hera e parë që Timberlake do të performojë në këtë festival.

Zyrtarisht lista e artistëve performues nuk do të bëhet e ditur seri në janar.
Festivali Coachella mbahet nga 12-14 prill dhe 19-21 prill. /KultPlus.com
https://twitter.com/HITSDD/status/1046844210375057409/photo/1

Hiti i Selena Gomezit u krijua për Rita Orën

Posted on by Kult Plus

Këngëtarja Rita Ora ka performuar në Coachella dhe dalja në skenë për të kishte një rëndësi të cilën të pranishmit nuk e kuptuan.

Ylli me prejardhje nga Kosova në vend të hiteve të saj këndoi këngën “It Ain’t Me”, e cila është realizuar në bashkëpunim të Kygos me këngëtaren Selena Gomez.

Rita ka treguar se kënga që ka arritur 450 milionë klikime në YouTube ishte e shkruar për të, prandaj nuk e kishte të vështirë që ta këndonte edhe në Coachella.

“Kemi punuar së bashku për një kohë dhe kur ai [Kygo] më telefonoi, nuk mund ta refuzoja”, ka thënë Rita Ora, transmeton Koha.net.

“Ai më pyeti nëse mund t’ia bëja një të mirë dhe ta këndoja këngën. Më pëlqeu ajo këngë. Ishte i shkruar nga ekipi im, prandaj e dija. Ishte e lehtë [ta këndoja]”, ka shtuar ajo.

Kënga jo vetëm që ishte shkruar nga i dashuri i Rita Orës, Andrew Watt, por tema e hitit të Selena Gomezit ishte për lidhjen e këngëtares shqiptare me producentin Watt.

Beyonce kthen Destiny’s Child në Coachella (VIDEO)

Posted on by Kult Plus

Destiny’s Child kanë bërë një performancë të jashtëzakonshme në Coachella.

Këngëtarja e njohur Beyonce, ka kthyer për një natë Kelly Rowland dhe Michelle Williams, dhe të tria morën vëmendjen në festivalin e muzikës në Kaliforni, Coachella, shkruan BBC, transmeton Koha.net.

‘Trio’ hapi performancën e tyre me hitin e vitit 2004 “Lose My Breath”, më pas me “Say My Name” dhe “Soldier”.

Kjo ishte hera e parë që ato janë shfaqur bashkë që nga viti 2015 në “Stellar Gospel Music Awards”.

KultPlus ju përcjellë një video nga paraqitja e tyre atje:

https://www.youtube.com/watch?v=9oCYNo1kzeg