Etiketë: Coffee and Tea Festival

Edicioni i pestë i “Coffee and Tea Festival” po vjen

Posted on by KultPlus

Në këto ditët të para të vjeshtës, sheshi “Zahir Pajaziti” në Prishtinë do të mbushet me aromën e kafes dhe çajit.

Në datat 30 shtator, 1 dhe 2 tetor, nga ora 10:00 deri në ora 20:30 Festivali i Kafes dhe Çajit rihap dyert për të mirëpritur adhuruesit e kafes dhe çajit.

Brendet e reja që e dominojnë tregun vendor dhe ndërkombëtar të kafesë dhe çajit, do të ekspozohen në ambient të hapur nga rreth 15 kompani pjesëmarrëse.

Prezentë do të jenë afër 25 lloje të ndryshme të kafes dhe çajit – nga top brendet botërore si: Prince Caffe, Llavazza, Antica Tostatura Triestina, Pavin Caffe, Ama Caffee, Barcaffee, Galliano, Mokate, Michelad’oro, pastaj çajërat si Emona Brand, Albred, Lloyds, Podravka, Millford, Naturavita etj.

Përveç shërbimit me kafe dhe çaj, dhuratave për vizitorë, performimit të maskotave, risi do të jetë muzika live nga ora 11:00 – 13:30 si dhe performimi i baristave të kafes të cilët do të përkujdesen për dekorimin e kafeve me dizajne kreative. / KultPlus.com

Coffee and Tea Festival – së shpejti në Prishtinë me edicionin e tretë

Posted on by KultPlus

Festivali i Kafes dhe Çajit vjen për herë të tretë në Sheshin Zahir Pajaziti në Prishtinë.

Ky festival do të mbahet për dy ditë radhazi, më 27 dhe 28 shtator 2017, duke nisur nga ora 10:00 deri në orën 23:00.

Edicioni i tretë i Festivalit të Kafes dhe Çajit, do të sjell një frymë të re tek qytetarët pasi që vet karakteri i këtij festivali është argëtues, informues dhe promovues. Çdo gjë që do të shërbehet gjatë festivalit do të jetë falas apo me çmime promovuese.

Në këtë edicion do të jenë prezentë një numër më i madh i pjesëmarrësve, krahasuar me vitin e kaluar, përfshirë prezencën e afër 25 brendeve të njohura të kafes dhe çajit.
Nga brendet e kafes si: Lavazza, Pavin Caffee, kafe turke dhe expresso Essi Caffe, Mokate, Micleadoro, Merre me Veti dhe Antica dhe nga brendet e çajerave si: Emona, Albred, Kraco që vjen nga Shqiperia, Milford, Podravka, Dogadan tea, Lloyds, Essi Tea etj..

Si dhe brendet e reja të kafes dhe çajit, të cilat për herë të parë do të prezantohen në këtë festival janë: “Dogadan Tea”, brendi i kafes “Antica Tostatura Triestina”, “Pavin Caffee” etj.

Përveç shijeve të kafes dhe çajit, festivali do sjellë edhe një ambient të këndshëm argëtimi. Në sheshin Zahir Pajaziti do të performojnë DJ të njohur vendor, do të ketë maskota me karaktere të ndryshme, të cilat do të përkujdesen për argëtimin e vizitorëve. Në festival nuk do të mungojnë as dhuratat e ndryshme të dedikuara për vizitorët që do vijnë të shijojnë këtë event.

Gjithashtu, për qëllime humane, organizatorët e festivalit aktualisht janë në konsultim me partnerë, që të arrihet një marrëveshje për grumbullimin e një fondi i cili do të dedikohet për personat në nevojë./KultPlus.com