Harry Styles ka njoftuar një shfaqje në Coventry si pjesë e turneut të tij evropian 2023.
Ish-ylli i One Direction do të mbështetet nga dyshja indie Wet Leg për performancën e tij në Coventry Building Society Arena më 22 maj të vitit të ardhshëm, transmeton KultPlus.
Coventry do të jetë i pari nga pesë shfaqjet në Mbretërinë e Bashkuar, i cili gjithashtu përfshin shfaqje në Londër, Cardiff dhe Edinburgh, dhe koncertin e vetëm në Midlands.
Biletat do të dalin në shitje nga ora 10:00 më 2 shtator.
Njoftimi i turneut pason publikimin e fundit të albumit të tretë solo të këngëtarit, “Harry’s House”, me hite duke përfshirë ‘Late Night Talking’ dhe ‘As It Was’.
Albumi kaloi gjashtë javë në vendin e parë dhe i fitoi Styles një nominim për çmimin ‘Mercury’.
“Ne jemi të emocionuar që po mirëpresim Harry Styles në Coventry Building Society Arena si pjesë e turneut të tij evropian,” tha drejtori komercial i lokalit, Paul Michael.
“Kjo është një mundësi e jashtëzakonshme për të parë një nga yjet më të mëdhenj në botë këtu në Coventry dhe West Midlands.” / KultPlus.com
