Facebook po ndryshon përsëri politikat e saj dhe kompania ka njoftuar disa masa për të luftuar dezinformimin në lidhje me vaksinat, përfshirë vështirësimin e gjetjes së llogarive që dekurajojnë njerëzit të vaksinohen përmes kërkimeve në Instagram, e cila është në pronësi të Facebook.
Siç raporton CNN, Facebook njoftoi të hënën se po zgjeron përpjekjet e saj për të hequr pretendimet e rreme në platformën e saj dhe Instagram në lidhje me coronavirus, vaksinat kundër COVID-19 dhe përgjithësisht rreth vaksinave gjatë një pandemie, transmeton KultPlus.
Kompania njoftoi gjithashtu se do të fillojë të postojë lajme për pandeminë në një sektor të veçantë për shëndetësi, për të ndihmuar përdoruesit të përcaktojnë nëse kualifikohen për vaksinën dhe si mund ta marrin atë.
Njoftimi i Facebook vjen një ditë pasi “CNN Business” raportoi se Instagram vazhdoi të shfaqte në mënyrë të dukshme llogaritë “anti-vaaksina” në rezultatet e tij të kërkimit, ndërsa grupet e Facebook që janë kundër vaksinave janë ende të lehta për t’u gjetur.
Gjetjet kanë shkaktuar shqetësim në mesin e ekspertëve të shëndetit publik amerikan, duke pasur parasysh se Shtetet e Bashkuara janë në mesin e zbatimit më të madh të imunizimit si pjesë e masave për të luftuar pandeminë e coronavirusit, raporton rrjeti televiziv amerikan. / KultPlus.com
Filmi Contagion tregoi rëndësinë e sigurimit të mjaftueshëm të vaksinave Covid për përdorim pasi të jenë aprovuar, tha sekretari i shëndetësisë Matt Hancock.
Matt Hancock tha se ai e kishte shikuar filmin i cili flet për një virus vdekjeprurës dhe këmbënguli që MB të marrë vaksina të mjaftueshme për popullsinë e saj.
Ai i tha LBC Radio se filmi tregon se ekziston një “debat i madh” për atë se kush duhet të ketë prioritet për vaksina.
Kjo bëri që Britania e Madhe që përcaktonte herët “rendin e përparësisë” së saj për goditjet.
Contagion, në të cilin luajnë Gëyneth Paltroë dhe Matt Damon, tregon se çfarë do të ndodhte në rast të përhapjes së një virusi nëpër botë.
Ai tha se filmi nuk ishte burimi i tij “parësor” i këshillave, por ai e dinte se kur vaksina u miratua kërkesa për të do të ishte “e madhe”, duke u bazuar te filmi.
“Unë këmbëngula se duhet të porosisim doza të mjaftueshëm që çdo i rritur të kishte dy doza , por gjithashtu kërkuam këshilla klinike lidhur me faktin se kush duhet të ketë përparësi”./ KultPlus.com
Një ngjarje e çuditshme ka ndodhur në Angli, ku një 91-vjeçar kishte një vit që nuk dilte nga shtëpia prej frikës nga COVID-19 dhe mori virusin ndërsa po vaksinohej.
Familjarët e tij thonë se ai po lufton me koronavirusin në spital, pasi u infektua derisa po vaksinohej.
Sipas mediave të huaja, një inxhinier në pension nuk ishte larguar nga shtëpia e tij në Bloxwich, Walsall që nga shkurti i vitit 2020 para se ta merrte vaksinën e Pfizer-BioNTech në Bloxwich Active Living Center më 13 janar, percjell Metro.
Djali i tij e çoi të moshuarin në qendër të qytetit dhe i tha familjes së tij se gjithçka që prekte Shorti ishte dezinfektuar para se ta përdorte, me përjashtim të një stilolapsi që ai përdori për të mbushur një formular.
Short u sëmurë vetëm disa ditë më vonë dhe u dërgua me urgjencë në Spitalin Walsall Manor më 16 janar, ku rezultoi pozitiv me koronavirus.
Mbesa e tij Emma Loundes, 36 vjeç, tha se familja tani beson se ai duhet të jetë infektuar derisa po vaksinohej. Ajo u shpreh se 91-vjeçari ishte “krejtësisht i shëndetshëm” para se të shkonte për t’u injektuar./ KultPlus.com
Thomas Moore, ‘Kapiten Tomi’ për tërë britanikët, një veteran 100-vjeçar i Luftës së Dytë Botërore, i cili u bë një simbol i betejës kundër pandemisë në Britaninë e Madhe, vdiq sot në spitalin ku ndodhej i shtruar që nga e diela, për shkak të COVID-19.
Ai frymëzoi një mbledhje rekord fondesh pranverën e kaluar, që tejkaluan të gjitha pritshmëritë duke shkuar në më shumë se 30 milionë stërlina dhe që iu dorëzuan Shëndetit Publik britanik për të luftuar kundër pandemisë së COVID-19 .
Angazhimi i tij u njoh nga Mbretëresha Elizabeth II, që i dha titullin kalorës dhe sër./atsh/KultPlus.com
Shkeljet e rregullave të Koronavirusit nga këngëtarja Rita Ora nuk kanë shkaktuar ndonjë problem midis saj dhe të dashurit Romain Gavras, ka pretenduar një burim i brendshëm
I dashuri i Rita Orës, Romain Gavras po e mbështet këngëtaren pasi ajo theu rregullat e rrepta anti-COVID, pavarësisht se ata ishin mbi 9,000 milje larg.
Interpretuesja e shumë hiteve u kritikua për organizimin e festës së saj ilegale për ditëlindjen e saj të 30-të në restorantin londinez ‘Casa Cruz’ gjatë periudhës së izolimit në nëntor.
Pas daljes në dritë të shkeljes së rregullave, Rita, e cila është aktualisht në Australi si anëtare e jurisë në spektaklin “The Voice” – kërkoi falje publikisht dhe ofroi të paguante një gjobë prej 10,000 funtesh për skandalin.
Është e kuptueshme që dyshja aktualisht janë duke u qëndruar mijëra milje larg për shkak të orarit të punës së Ritës e cila është detyruar të udhëtojë në Australi për angazhimet e saj të reja në “The Voice”.
Për shkak të rregullave aktuale të izolimit në Mbretërinë e Bashkuar, Romain nuk ishte në gjendje të takohej me interpretuesen e hitit “I Will Never Let You Down”, pasi udhëtimet në këtë kohë lejohen vetëm për qëllime pune.
Në fund të vitit 2020, Rita bëri bujë kur hodhi poshtë rregullat e izolimit për të organizuar një festë për të shënuar ditëlindjen e saj.
Pasi u shfaqën fotografi nga bastisja e saj, fansat e furishëm në rrjetet sociale e kritikuan Ritën deri sa ajo kërkoi falje.
Rita shkroi në atë kohë në Instagram Story: “Përshëndetje të gjithëve, unë organizova një mbledhje të vogël me disa miq për të festuar 30 vjetorin e lindjes”.
“Ishte një nxitje e momentit kur vendimi u mor me pikëpamjen e gabuar se ne po dilnim nga izolimi dhe kjo do të ishte në rregull … Më vjen keq për shkeljen e rregullave dhe nga ana tjetër e kuptoj që kjo i vë njerëzit në rrezik”, shkroi shqiptarja.
“Ky ishte një gabim serioz dhe i pafalshëm i gjykimit. Duke pasur parasysh kufizimet, unë e kuptoj se sa të papërgjegjshme ishin këto veprime dhe unë marr përgjegjësinë e plotë”, theksoi 30-vjeçarja./gazetaexpress/ KultPlus.com
Susan Booth, shitëse pronash në Yorkshire të Britanisë së Madhe, nuk shqetësohet as për t’u veshur. Në vend të kësaj, ajo i bën vetes dy filxhanë çaj (për të kursyer ngjitjen dhe zbritjen e shkallëve), vesh bluzën e saj të preferuar gri, bën laptopin gati dhe nga dritarja shikon diellin duke lindur mbi Swaledale.
“Kur punoj nga shtrati është gjithmonë spontane”, ka thënë ajo.
Booth, e cila deri në marsin e kaluar punonte me orar të plotë në një zyre, e që tani po punon nga shtëpia, nuk qëndron kurrë në shtrat më shumë se për disa orë. Pasi pi filxhanin e saj të gjashtë me çaj, ajo e di kur është koha për t’u ngritur dhe për të vazhduar pjesën tjetër të ditës. Ndoshta kjo është për shkak se është mesi i dimrit dhe të gjithë tani po përpiqen të qëndrojnë edhe më gjatë në shtrat. Kjo është se pas 10 muajve të punës, jetesës, mësimit nga shtëpia, ne kemi qëndruar mjaftueshëm në çdo dhomë të shtëpisë (ose sepse fëmijët tuaj po vrapojnë në tryezën e kuzhinës). Por puna nga shtrati, duket se është në modë.
Tavolinat e shtratit
Një artikull i gazetave sugjeron që ne po blejmë tavolina dhe jastëkë për t’i lënë mbi shtrat, që të mbështetemi. Shitësi online, Etsy, ka thënë se ka pasur një rritje prej 606% në kërkimet për laptop, krahasuar me vitin e kaluar dhe një rritje prej 347% në kërkimet për sirtarë laptopësh, raportoi gazeta “Times”. Në mediat sociale ne po tregojmë se jemi duke u rehatuar me mace, laptop, telefon dhe fletore. Pothuajse 10.000 njerëz kanë përdorur thurjen #workingfrombed në Instagram.
Në mëngjes, ajo kishte zgjedhur një apartament, ndërsa ishte ulur në shtrat dhe kjo duhej përshtatur si me hapësirën në dispozicion ashtu edhe me buxhetin.
Në anën tjetër, shumë praktikues të shëndetit deri tek ekspertët e gjumit dhanë alarm për këtë trend të ri.
“Nëse keni një marrëdhënie të mirë me gjumin, atëherë ekziston probabiliteti që ju do të ndiheni më të relaksuar dhe më të qetë në shtratin tuaj, gjë që është mirë për një periudhë afatshkurtër”, ka thënë Sophie Bostock, themeluese e “The Sleep Scientist”.
Por me kalimin e kohës, kjo mund ta dëmtojë aftësinë tuaj për të fjetur mirë, thekson ajo.
Nëse nuk keni një ditë të mirë në punë, lidhje me stresin, afatet a një bisedë të vështirë me shefin tuaj, ju do të filloni t’i ndryshoni shoqërimet tuaja me shtratin.
“Marrëdhënia pozitive që keni pasur dikur mund të zhvendoset në një marrëdhënie të punës. Pastaj kur shkoni në shtrat.. zhgënjimet , mendimet mund të fillojnë t’i pushtojnë netët tuaja”.
Bëni ndryshime
Bostocku gjithmonë i përmbahet rregullës: “Dhoma ime e gjumit është vetë, për gjumë dhe për asgjë tjetër”. Pra, ajo është me fat, që ka vend në shtëpi që të zgjedhë një dhomë tjetër për të punuar. Disa njerëz nuk kanë zgjidhje.
“Atëherë, çështja është se si mund të bëni psikologjikisht një ndarje midis zonës tuaj të gjumit dhe zonës së punës”, ka thënë ajo.
Ajo sugjeron të hidhni një mbulesë shtrati me ngjyra të ndryshme mbi shtrat, të ndryshoni ndriçimin ose të shkëmbeheni me fëmijët tuaj, duke i lënë ata të studiojnë në dhomën tuaj të gjumit, ndërsa ju të punoni në dhomën e tyre. Nëse duhet të punoni në dhomën tuaj të gjumit, në mënyrë ideale, futeni një tavolinë dhe vendoseni poshtë dritares, shton ajo.
Por, kjo mund të nënkuptojë humbjen e disa përparësive të dallueshme të punës në krahasim me ato të shtratit, argumenton Stephen Morse.
“Në një tavolinë jeni shumë të ngurtë. Ndoshta ai avantazh krijues mund të vijë deri në shtrat. Ju mendoni më qartë kur jeni të qetë”.
Sigurisht që ekziston një mendim që thotë se të kesh një kotje gjumi, mund të rrisë kreativitetin, që Stephen e pranon me gatishmëri. Dhe zonja Bostock pajtohet që ndonjëherë, veçanërisht nëse jeni një punëtore me turne të privuara nga gjumi ose prind i fëmijëve të vegjël, mund të jetë vetëm përtëritja ajo që ju nevojitet e asaj që dikur njihej si një “dremitje e energjisë”.
“Nëse keni nevojë të jeni vigjilentë, atëherë 15 minuta ju japin nivele më të lehta të gjumit, por mos bini në gjumë të thellë”, këshillon ajo. “Një gjumë i shkurtër përmirëson disponimin dhe njohuritë, por jo gjumë të thellë që jep inerci të gjumit. Kur zgjoheni pas 40 minutash nga një gjumë i thellë, mund t’ju duhet një orë për t’u ndier i gatshëm”.
Nuk jemi vetëm ne, që bashkëpunuam edhe në pandemi, duke u kthyer në shtretërit tanë në një situatë jashtëzakonisht të vështirë. Ky zakon ka një histori të gjatë dhe të shquar.
Piktorja meksikane, Frida Kahlo, prodhoi kryeveprat e saj. Shkrimtari amerikan, Truman Capote, pretendoi se ai “nuk mund të mendonte nëse nuk ishte shtrirë”.
Louis XIV i Francës e shndërroi dhomën e vizatimeve në pallatin e Versajës, në një dhomë shtrati dhe u dha audienca dhjetëra njerëzve çdo ditë nga shtrati.
Kryeministri Winston Churchill diktoi letrat i mbështetur mbi jastëkë.
e famshmja, Viktoriane Florence Nightingale, e kaloi gati gjysmën e shekullit të shtrirë në shtrat, por duke zhvilluar politikë spitalore nga dhoma e saj.
Megjithatë, ende nuk është plotësisht e respektueshme. Ju akoma do të hezitoni t’i thoni shefit tuaj se po akordoni takimin, në orën nëntë, me pizhamet tuaja.
Në fakt, kjo mund të jetë pjesë e joshjes, rrëfen Stephen.
“Më pëlqen të jem amerikan në Mbretërinë e Bashkuar, më pëlqen t’i thyej rregullat. Keni shumë rregulla. Kur nuk lëndon askënd dhe është e ligjshme, duhet t’i shkelësh rregullat”. /koha/ KultPlus.com
Ky fenomen i ka goditur njerëzit në tërë botën. Janë shfaqur përherë e më shumë raste të pagjumësisë të ndërlidhura me stresin e jetës gjatë pandemisë. Vetëm në Mbretërinë e Bashkuar, një studim i gushtit të 2020-s nga Universiteti i Southamptonit ka treguar se numri i personave që kanë shfaqur probleme me gjumin është rritur nga një në çdo gjashtë persona deri në një në katër
Viti i ri përherë vjen me vendime. Një nga qëllimet më të famshme, jo për t’u çuditur, është që të flemë më shumë. Por ekziston një problem: kriza e vazhdueshme me koronavirusin e ka vështirësuar shumë bërjen e një gjumi të rehatshëm. Disa ekspertë tashmë edhe e kanë një term për këtë dukuri: “korona-somnia” apo “Covid-somnia”.
Ky fenomen i ka goditur njerëzit në tërë botën. Janë shfaqur përherë e më shumë raste të pagjumësisë të ndërlidhura me stresin e jetës gjatë pandemisë.
Në Mbretërinë e Bashkuar, një studim i gushtit të 2020-s nga Universiteti i Southamptonit ka treguar se numri i personave që kanë shfaqur probleme me gjumin është rritur nga një në çdo gjashtë persona deri në një në katër. Probleme më të shpeshta me gjumin kanë raportuar nënat, punëtorët e shërbimeve esenciale dhe grupet minoritare, aziatikët dhe personat me ngjyrë.
Në Kinë, shkalla e pagjumësisë është rritur nga 14.6 në 20 për qind gjatë kulmit të izolimit. “Përhapja alarmante” e pagjumësisë klinike është vërejtur edhe në Itali dhe Greqi, ku përafërsisht 40 për qind e respondentëve të një studimi të fillimmajit kanë raportuar për probleme me gjumin. “Pagjumësi” është fjala që është kërkuar më së shumti në “Google” gjatë vitit 2020.
Dukuria mund për më tepër të ndikojë për keq në shëndetin dhe produktivitetin.
Jeta e çrregullt
Pagjumësia, qoftë në kohë pandemie apo jo, është dukuri me të cilën vështirë jetohet. Vështirësitë e vazhdueshme për të marrë gjumë të rehatshëm apo gjumi jocilësor mund të sjellin probleme afatgjata, si obezitetin, ankthin, depresionin, sëmundjet kardiovaskulare dhe diabetin. Gjumi i mangët – që cilësohet gjumi që zgjat më pak se shtatë orë çdo natë – ndikon edhe në punë.
Shumë faktorë luajnë rol këtu. Së pari, përditshmëria dhe ambienti aktualisht janë çrregulluar, gjë kjo që e vështirëson ritmin aktual cirkadian. Zakonisht, ditët përbëhen nga një numër alarmesh, pushimesh dhe nga gjumi – por COVID-19 e ka trazuar plotësisht këtë renditje.
“Kemi humbur oraret që i kemi në punë, pushimet e caktuara me orar”, ka thënë Steven Altchuler, psikiatër dhe neurolog i mjekësisë së gjumit në Klinikën Mayo.
“Truri i njeriut u përshtatet kushteve: jeni në punë gjithmonë dhe punoni, më pas shkoni në shtëpi dhe çlodheni. Këtu kemi një diferencim. Kurse tani jemi në shtëpi gjatë tërë kohës”, ka thënë Angela Drake, profesoreshë në Universitetin e Kalifornisë, e cila i trajton pacientët që kanë probleme me gjumin dhe ka shkruar rreth korona-somnisë.
Problem tjetër është edhe performanca në punë. Papunësia ka qenë më e larta këto vite në shumë vende të botës, kështu që ata që janë të punësuar po punojnë fort për të mos mbetur pa punë. Problemi i punës nga shtëpia nënkupton se njerëzit punojnë më gjatë dhe kanë orar të çrregullt. Tashmë për shumëkënd, lënia “e punës në punë” është e pamundur dhe kjo sjell më shumë stres brenda ditës.
Tërë kësaj katrahure i shtohet edhe pjesa tjetër, mungesa e miqve dhe aktiviteteve jashtë, që janë burime jetësore për çlodhje dhe heqje të stresit. Të shumtë janë ata që kanë shfaqur edhe probleme mendore, të cilat mund të ndikojnë në gjumë apo anasjelltas. Pasiguria, mungesa e kontrollit janë disa prej faktorëve që po ashtu ndikojnë.
Sipas Drakes, disa probleme me gjumin janë shndërruar në “kronike dhe afatgjata”, për shkak se pandemia ka ndikuar që të anulohen vizitat mjekësore në disa raste; njerëzit kanë kërkuar ndihmë mjekësore vetëm për raste emergjente dhe disa spitale kanë qenë të stërmbushura me pacientë me COVID-19.
Si të luftohet pagjumësia?
Ekspertët kanë thënë se është jashtëzakonisht e rëndësishme që të kërkohet ndihmë kur shfaqen problemet me gjumin – veçmas në kohë të pandemisë.
“Pasi pandemia ka vazhduar për një periudhë goxha të gjatë, jo vetëm për disa muaj, ka shumë mundësi se shifrat e pagjumësisë nuk do të bien”, ka thënë Lisa Artis nga “Sleep Charity” në Mbretërinë e Bashkuar. “Kjo ndodh ngase, nëse njerëzit nuk kërkojnë ndihmë kur fillojnë të kenë probleme me gjumin, ekziston mundësia që këto probleme të kthehen në çrregullim, siç është pagjumësia dhe për fat të keq nuk ndreqen shpejt…Vështirë ndryshohen shprehitë që veçse janë formuar”.
Por ekzistojnë edhe lajme të mira. Pas më se 12 muajsh pandemie, disa ekspertë mendojnë se janë bërë përparime në aspektin e trajtimit të çrregullimeve me gjumin.
Altchuler ka theksuar “zhvillimin e shpejtë të tele-shëndetit – që ngërthen vizitat virtuale dhe ilaçet virtuale”, që janë mundësuar shkaku i pamundësisë për të shkuar në qendrat spitalore.
Trajtimi më i zakonshëm për problemet me gjumin është terapia kognitive e sjelljeve për pagjumësi (e njohur si CBT-I), që e përmirëson “higjienën e gjumit” (p.sh. të mos pihet duhan apo alkool para gjumit) dhe që ofron trajnime ashtu që shtrati të mos ndërlidhet vetëm me gjumin dhe që të ndryshohen shprehitë (të mos punohet në shtrat).
Një studim i kryer nga Universiteti i Michiganit ka treguar se pacientët që zbatuan CBT-I-në i ishin nënshtruar një trajtimi po aq efikas sa ai në klinikë.
Ekzistojnë gjithashtu edhe disa gjëra që njerëzit mund t’i bëjnë për ta zgjidhur këtë problem.
“Një nga rregullat kryesore është se nuk duhet të punoni me laptop në shtrat”, ka thënë Drake. “Nuk më intereson se sa e rehatshme është. Me kalimin e kohës, truri e bashkon punën me shtratin – është diçka që përforcohet”.
Gjithashtu, duhet kufizuar leximi i lajmeve për t’iu shmangur ankthit që mund t’ju mbajë zgjuar natën. Nuk duhet përdorur telefonat si alarm (rrezatimi nuk është i mirë për gjumin), por duhet lënë ora në dollapin afër shtratit që të mos stresoheni përderisa po mundoheni të flini.
Dhe duhet mbajtur mend se rrethanat, në të cilat aktualisht jetohet, janë larg të qenit të zakonshme – nuk është e befasishme se jemi duke u ballafaquar me sfida.
“Hera e fundit që ka ndodhur diçka e tillë ka qenë para 100 vjetësh”, ka thënë Drake. “Këtë gjë nuk e ka pritur kurrkush prej nesh”. /koha/ KultPlus.com
Historia e një 101-vjeçareje shqiptare që jeton në Itali e që i ka mbijetuar koronavirusit, ka marrë vëmendjen e mediave italiane, përcjell KultPlus.
Bajame Goxhabelli është nëna e shtatë fëmijëve, gjyshja e 15 nipërve e mbesave dhe stërgjyshja dhe stërgjyshja e 25 stërnipërve e stërmbesave. Ajo pasi që u sëmur nga koronavirusi, pati probleme të mëdha me frymëmarrje, por ia arriti të shërohej.
“Bajame është një grua e lindur në Shqipëri në 12 Mars 1920 e cila jeton në Tricesimo për shumë vite. Por kur, në moshën gati 101 vjeç rezultoi positive me Covid-19, një shqetësim i madh përfshiu të gjithë familjen e saj të madhe. Por Bajamja, me këmbëngulje dhe forcë, iu bashkua jetës dhe arriti të mposhtte sëmundjen, e rrethuar nga dashuria e familjes së saj”, shkruan udinetoday.it.
Për gjendjen e saj ka folur edhe mbesa, Esmeralda.
“Gjyshja jonë 101 vjeçare i mbijetoi Covidit dhe për momentin është në shëndet të mirë fizik dhe mendor. Ajo madje kujton emrat e stërnipërve të saj”, ka thënë ajo. / KultPlus.com
Mjekët kinezë janë filmuar fshehurazi, ku dëgjohet se ata ishin në dijeni sesa i rrezikshëm ishte koronavirusi që po bënte kërdinë në Wuhan, transmeton KultPlus.
Mirëpo, ata theksojnë se ishin detyruar që të gënjenin për të. Ekspertët e Shëndetësisë në Wuhan thonë se ata e dinin për vdekjet nga virusi që në dhjetor të vitit 2019, por vetëm në mes të janarit Kina informoi për herë të parë OBSH-në për në fatalitet.
Ata gjithashtu rrëfejnë se e kuptuan se virusi po transmetohej mes njerëzve, por spitaleve u thanë “të mos e thoshin të vërtetën”.
Madje autoritetet refuzuan thirrjet për të hequr dorë nga festimet e Vitit të Ri, pasi kërkonin të paraqisnim para syve të botës një shoqëri në harmoni dhe në prosperitet. / KultPlus.com
Edhe pse jo në gjendje të mirë shëndetësore, aktori i njohur Mirush Kabashi, nuk mund të mos ishte i pranishëm në aktivitetin e organizuar sot paradite nga Forumi i Shoqërisë Civile mbi reformën zgjedhore.
Mirush Kabashi nuk fshehu dot shqetësimin për situatën në të cilën ndodhet vendi dhe mesazhi i tij ishte për një reformë të vërtetë politike
“Reforma jo elektorale, por reforma politike. Pasi tek reforma elektorale kemi diskutuar si të vjedhim votat apo si të ruajmë nga armiqtë por të vjedhim ne brenda familjes politike. Po kush i futi, vetë partitë politike. E kanë perfeksionuar deri në këtë formë sa sot nuk po arrijmë dot ti gjejmë zgjidhjen dhe kanë harruar kryesoren nuk kemi sistemin politik. Shoqëria shqiptare sot është si anije që nuk ka pusull dhe as destinacion.
Të mos thotë njeri që kemi demokraci, ku është shprehur. Aty ku mund të shprehej demokracia ishte parlamenti shqiptar. Por kush thotë që është i popullit? Çfarë lidhje ka populli me sistemin? Nuk ka asnjë akses.”
Fjalimi i plotë i Mirush Kabashit
Jam më i vjetri këtu 72 vjeçar. Më i preferuari i COVID-it që mezi pret ta kapë. Nëse ka ndonjë gjë të mirë covidi, është kriteri i moshës që ka zgjedhur, nuk e themi se nuk duam të jetojmë por do të ishte mbivdekje të mos shikonim fëmijët tanë e aq më tepër nipërit e mbesat. Ky motiv më nxiti që në një gjëndje jo fort të mirë shëndetësore të jem këtu, për të ardhmen.
Artistët e kanë një parti është arti.
Reforma jo elektorale, por reforma politike. Pasi tek reforma elektorale kemi diskutuar si të vjedhim votat apo si të ruajmë nga armiqtë por të vjedhim ne brenda familjes politike.
Po kush i futi, vetë partitë politike. E kanë perfeksionuar deri në këtë formë sa sot nuk po arrijmë dot ti gjejmë zgjidhjen dhe kanë harruar kryesoren nuk kemi sistemin politik. Shoqëria shqiptare sot është si anije që nuk ka pusull dhe as destinacion. Të mos thotë njeri që kemi demokraci. Aty ku mund të shprehej demokracia ishte parlamenti shqiptar. Por kush thotë që është i popullit? Çfarë lidhje ka populli me sistemin? Nuk ka asnjë akses.
Në më 8 shkurt 1991 organizova të parin koncert recital për demokracinë. Nuk ishte punë e lehtë në atë situatë ku nuk dihej nëse mund të kthehej mbrapsht. Kujtoj dhe i kam ndjekur të gjithë aktivitetet që janë bërë në Durrës e Tiranë.
Nuk harroj vargjet e Bardhyl Londos ku mitingjet i përshkruante me vargjet: Mbaruan duartrokitjet, thirrjet entuziaste, u ulën krahët me “V”-të e gishtave në erë. Pastaj filloi shiu si për të na kujtuar se këpucët na fusnin ujëdhe se lata e druve duhej prerë…
Më duken aktuale dhe këto vargje. Kur gjithcka do të ketë mbaruar përfundimisht. Të njëjtat ministra me të njëjtat detyra. Me të njëjtët shoferë do të drejtojnë të njëjtët ministri
Po si kështu. Fitimtarët, fitimtarë dhe të mundurit të mundur në përjetësi
A jo, në qoftë kështu mos ardhsh kurrë moj Demokraci”
Si profet më duket Bardhyl Londo. Drejt kësaj do të shkojmë nëse do të vazhdohet kështu, do të formojmë dhe diktator të ri. /ora/ KultPlus.com
Kërkimet e kryera nga Fondacioni i Shëndetit Mendor kanë zbuluar se 62% e të rriturve në Mbretërinë e Bashkuar gjetën çlirim nga stresi i shkaktuar nga COVID-19 vetëm duke bërë shëtitje.
Gati gjysma e të anketuarve thanë se kalimi i kohës në hapësira të gjelbra i ka ndihmuar ata të përballen me rritjen e ankthit lidhur me pandeminë.
Edhe nëse distanca e koha nuk ishin të mëdha, dalja jashtë ka pasur një ndikim pozitiv në mirëqenien mendore të tyre.
Për këtë studim, Fondacioni i Shëndetit Mendor është bashkuar me Fondin Botëror për Natyrën për të krijuar një udhëzues për shëndetin mendor. Udhëzuesi i titulluar “Lulëzo me natyrën”, eksploron këtë marrëdhënie midis botës natyrore dhe mirëqenies mendore të njerëzve. Udhëzuesi tregon se si natyra mund të mbështesë mirëqenien pozitive mendore por gjithashtu tregon se si njerëzit mund ta ndihmojmë natyrën.
Si mund ta ndihmojmë ne natyrën? “Përfitimet shpesh lidhen me mënyrën se si shqisat tona na lidhin me mjedisin, nga format në natyrë që shohim tek aromat që japin pemët dhe magjepsja e butë që natyra mund të stimulojë, e cila e ndihmon mendjen tonë të pushojë”, thuhet në udhëzues.
Nuk duhet të jetë një shëtitje nëpër shkretëtirë, madje të dy organizatat po i inkurajojnë njerëzit të gjejnë pushim dhe lehtësim në hapësirat e gjelbra.
Nga Fondacioni i Shëndetit Mendor, guida e quajtur “Të rritesh me natyrën”, ka sugjerime për aktivitete sezonale si kultivimi i perimeve vetë apo kryerja e “ushtrimeve të gjelbra”, që mund të jenë xhirot me biçikletë apo xhirot në ambiente të gjelbëruara.
Pos rekomandimeve praktike ka dhe sugjerime të tjera që ndihmojnë në stresin dhe ankthin duke ju inkurajuar t’i kushtoni vëmendje asaj që mund të shihni, dëgjoni, ndjeni, shijoni dhe nuhatni./agroweb/ KultPlus.com
Ceremonia e çmimeve Grammy e paraparë për të mbahej më 31 janar, është shtyrë për shkak të rritjes së numrit të rasteve me koronavirus në Los Angeles, kanë njoftuar revistat “Rolling Stones” si dhe “Variety”.
Dy revistat duke cituar shumë burime kanë thënë se ceremonia që ndanë çmimet më të larta në industrinë e muzikës mund të organizohet në mars, njofton agjencia Reuters, transmeton KultPlus.
Los Angelesi është duke përjetuar një rritje të numrit të rasteve me koronavirus e po ashtu edhe të vdekjeve si pasojë e COVID-19. Spitalet janë të ngarkuara, ndërsa autoritetet kanë marrë masa kufizuese.
Organizatorët e Grammy disa javë më parë kishin thënë se po shikojnë mundësinë që ceremoninë ta mbajnë pa audiencë dhe tepih të kuq.
Dua Lipa është në mesin e këngëtareve që ka marrë më së shumti nominime për Grammy 2021. I ka marrë gjashtë sosh, sa Taylor Swift e Roddy Ricch. Kryeson Beyonce me nëntë nominime./ KultPlus.com
Dëshironi ndonjëherë që të nxitoni për të përshëndetur dikë që është pra jush, por nuk jeni të sigurt se personi që qëndron pas maskës është vërtet dikush që e njihni? Studiuesit në Universitetin e Jorkut në Toronto të Kanadfasë dhe ata në Universitetin Ben-Gurion në Izrael, thonë se nuk jeni vetëm.
Një studim i ri, i udhëhequr nga studiuesit në Fakultetin e Shëndetësisë dhe programi VISTA (Vision Science to Applications) në Universitetin e Jork, zbulon se aftësia jonë për të njohur fytyrat po dëmtohet rëndë nga përdorimi i maskave, dhe se ky perceptim i dobësuar i fytyrave po ndikon në ndërveprimet tona shoqërore me të tjerët.
“Maskat e fytyrës, janë një mjet thelbësor në përpjekjet tona për të minimizuar transmetimin e Covid-19, dhe këto maska janë këtu për një të ardhme të parashikueshme. Prandaj, është e rëndësishme të kuptojmë se si maskat ndikojnë në aftësinë tonë më të rëndësishme perceptuese, që është perceptimi i fytyrës”-thotë profesor Erez Frojd, i Departamentit të Psikologjisë në Fakultetin e Shëndetësisë të Universitetit York.
“Ne zbuluam se maskat e fytyrës jo vetëm e reduktojnë aftësinë tonë për të njohur fytyrat e njerëzve, por gjithashtu ato po e ndryshojnë mënyrën sesi truri ynë përpunon fytyrat e njerëzve. Perceptimi i fytyrës, mbështetet zakonisht në përpunimin holistik, që është përpunimi i fytyrës në tërësi. Por për fytyrat e maskuara, kjo formë e perceptimit nuk është aq efikase”- thotë ai.
Frojd dhe bashkautorët e studimit, rekrutuan 496 të rritur për të kryer një detyrë të përbashkët për njohjen e fytyrës në internet, në të cilën ata panë në fillim fytyra të panjohura, dhe më pas u përpoqën t’i njihnin ata në kushte të ndryshme. Studimi përfshiu 253 femra dhe 243 meshkuj.
Duke përdorur një version të përshtatur të “Cambridge Face Memory Test”,ata vlerësuan aftësitë e përpunimit të fytyrës për fytyrat e pa maskuara dhe të maskuara. Pjesëmarrësit në studim u caktuan rastësisht në njërin nga dy grupet.
Studiuesit zbuluan se maskat ndërhyjnë në atë që konsiderohet si përpunim normal holistik i fytyrave. Kjo rënie e performancës, varionte në një numër të konsiderueshëm tek pjesëmarrësit me performancës më të dobët,që vërehet shpesh tek njerëzit me një defiçit të lindur në perceptimin e fytyrës (e njohur si “verbëria e fytyrës” ose prozopagnozia).
“Efekti i përmbysjes së fytyrës, është një fenomen i mirënjohur, që tregon një aftësi të zvogëluar për të identifikuar fytyrat e përmbysura, krahasuar me fytyrat e paraqitur më këmbë.
Gjatë eksperimentit tonë ne zbuluam se ky efekt i njohur zvogëlohet për fytyrat e maskuara, duke sugjeruar që ato fytyra të përpunohen në një mënyrë më analitike, nga tipare specifike sesa nga tërësia e tipareve. Ky zbulim mund të shpjegojë arsyen, pse nuk mund të kemi mundësi të krijojmë një paraqitje holistike të një fytyre të maskuar, atëherë aftësia jonë për njohjen e fytyrës ka më shumë të ngjarë të dështojë”- thekson Frojd.
Ne e përdorim njohjen e fytyrës në çdo aspekt të ndërveprimit tonë shoqëror. Ne gjejmë të dhëna për identitetin, gjininë, emocionin dhe qëllimet e njerëzve përreth nesh, thonë studiuesit. Por në epokën e maskave të fytyrës, fytyrat nuk duken njësoj. Ky ndryshim, është ai që studiuesit thonë se mund të ndikojë në aftësinë tonë për të bashkëvepruar me njerëzit përreth nesh, si dhe për të interpretuar ndërveprimin shoqëror. bota.al/ KultPlus.com
Doktor Dorjan Bardhi, specializant në fushën e shëndetit publik në Universitetin e l‘Aquila, Romë Itali, ka marrë sot në datën 04.01.2021 dozën e parë te vaksinës anti SARS-CoV-2 të firmës Pfizer-Biontech.
Doktor Bardhi është pjesë e formacionit të Institutit Kombëtar të Sëmundjeve Infektive (INMI) L. Spallanzani./ KultPlus.com
Britania ka nisur vaksinimin e qytetarëve me vaksinën anti-COVID të AstraZeneca/Oxford të hënën, ndërsa i pari që ka marrë këtë vaksinë ishte 82-vjeçari Brian Pinker, një pacient në dializë.
Ai u vaksinua në një spital disa qindra metra larg nga vendi ku u zhvillua kjo vaksinë, raporton Reuters.
Pinker ka vlerësuar lartë shkencëtarët që e kanë zhvilluar vaksinën, duke thënë se po shikon para që ta festojë përvjetorin e martesës.
“Unë jam shumë i lumtur që kam marrë sot vaksinën kundër COVID-it dhe jam krenar se është vaksina e zhvilluar nga Oxfordi. Infermierët, mjekët dhe stafi sot kanë qenë të mrekullueshëm dhe po shikoj para të festojë përvjetorin e 48-të të martesës sime me bashkëshorten Shirley më vonë këtë vit”, ka thënë Pinker./ KultPlus.com
Sipas shumicës së standardeve, 2020-a ka qenë një vit i tmerrshëm, duke shkaktuar vdekje dhe përçarje në shoqëritë anembanë botës. Por nëse ai ka qenë shumë sfidues sot, si mund t’u duket historianëve kur të kthehen pas në kohë pas 50 vitesh?
Natyrisht, është e vështirë t’i jepet një përgjigje e saktë, duke pasur parasysh faktin se mënyra se si ne e shohim një ngjarje historike, varet shumë nga zgjedhjet që njerëzit
bëjnë më pas. Për shembull, ne do ta kujtonim shumë ndryshe Luftën e Dytë Botërore, nëse Amerika thjesht do të tërhiqej sërish në vetvete pasi mbaroi ai konflikt, në vend se të angazhohej pa u lodhur për të formuar rendin global të pasluftës.
Gjithsesi, viti 2020 do të lërë një goxha gjurmë në përpjekjet e ardhshme për të ndërtuar strukturën gjeopolitike të shekullit 21. Ai mund të hyjë në histori ndoshta si viti kur rendi global i drejtuar nga amerikanët filloi të shpërbëhej, ose ndoshta si viti që i dha këtij rendi njëjetë të re.
Por nga ana tjetër është e lehtë të imagjinohet se si historianët mund t`a shohin një ditë vitin 2020, si fillimin e një epoke të re të errët. Në harkun kohor të disa muajve, bota u trondit nga tronditjet strategjike që ndodhin një herë në një shekull.
Një pandemi globale vrau miliona njerëz, dhe i“ngriu” shoqëritë në të gjithë kontinentet. Bota iu nënshtrua një de-globalizimi të fortë, kufijtë u mbyllën dhe udhëtimet praktikisht ndaluan. Organet ndërkombëtare si Organizata Botërore e Shëndetësisë dhe G7-a, ishin të paafta për të ofruar një lloj kompetence teknokratike apo për të nxitur bashkëpunimin global.
Në frontin gjeopolitik, Kina, autokracia kryesore sot në botë, nisi një ofensivë në shumë fronte, duke demonstruar se nuk ishte më e përmbajtur, siç rekomandoi dikur Deng Xiaoping, për të fshehur aftësitë e saj, por edhe për të diktuar tonin në skenën globale.
SHBA, demokracia udhëheqëse e botës, përjetoi trazira të forta të brendshme, dhe pa se si presidenti i saj përpiqej t`a shndërronte vendin në një lloj autokracie të butë, pas një palë zgjedhjeve të kontestuara. Për më tepër, ajo që e bëri kaq të trazuar vitin që po ikën, ishte se ky vit pasoi një dekadë thellësisht traumatike.
Demokracia u tërhoq shumë në krahasim me kulmin e epokës së pas Luftës së Ftohtë. Ajo bëri shumë hapa prapa në shumë vende, në vend se të ecte përpara. Brexit dhe populizmi në rritje e kërcënuan integrimin evropian, një nga përpjekjet përcaktuese të epokës së pas Luftës së Dytë Botërore.
Globalizimi u ndesh me erëra të ashpra politike dhe gjeopolitike,ndërsa Organizata Botërore e Tregtisë u fut në ngërç, rritja ekonomike e Kinës u bë më ogurzezë,ndërsa Shtetet e Bashkuara u bënë një mbrojtëse e pasigurt e tregtisë së lirë. Revizionizmi dhe përmbysja gjeopolitike i sfiduan rendet rajonale në të gjithë Euroazinë.
Mosfunksionimi politik u bë një mënyrë jetese në SHBA. Nga kjo perspektivë, goditjet që solli 2020-a nuk ishin një rrufe në qiell të pastër. Ato ishin kriza që nxorën në pah një kalbëzim shumë të përhapur brenda institucioneve dhe rregullimeve, që e strukturuan rendin botëror të udhëhequr nga amerikanët.
Prandaj, një mundësi është që ky vit të shihet si momenti në të cilin një sistem tashmë shumë nën tension të fillojë të zhytet drejt një gjendje më anarkike dhe jo liberale. Por ekziston edhe një histori e ardhshme më shpresëdhënëse e vitit 2020.
Një nga pikat e forta të rendit të pasluftës ka qenë rezistenca e tij e jashtëzakonshme, pra fakti që shpesh sfidat kanë nxitur inovacionin konstruktiv. Për shembull, në vitet 1970 u duk se ishin ditët e fundit të fuqisë amerikane dhe ekonomisë së botës së lirë.
Kjo për shkak të tronditjes të tregut global të naftës, fundit të sistemit financiar tëBretton Woods,si dhe pengesave të shumta gjeopolitike. E megjithatë krizat çuan nëmë shumë ripërtëritje sesa rënie. Shumë shpejt SHBA-ja nisi një kundërsulm shkatërrues gjeopolitik kundër një Bashkimi Sovjetik që kishte ezauruar shumë nga burimet e tij.
Uashingtoni bashkëpunoi me aleatët kryesorë për të krijuar institucione të reja (si G7-a), për të lehtësuar kalimin në një sistem më të globalizuar. Vendet në mbarë Perëndimin përqafuan reformat pro-tregut,të cilat çuan në një vrull të ri zhvillimi.
Për pasojë, ne tani e shohim vitin 1979 – si vitin e tmerrshëm kur ndodhi Revolucioni Iranian, pushtimi sovjetik i Afganistanit dhe një recesion global i rëndë-dhe si fillimin e ri të ndikimin amerikan. Ndoshta viti 2020 do të jetë një tjetër moment i rilindjes.
Tek e fundit, ky ishte vitikur sistemi politik amerikan e korrigjoi veten, pas një flirti të rrezikshëm me një populizëm gati-autoritar të së djathtës, ndërsa refuzoi në të njëjtën kohë një populizëm destabilizues të së majtës.
Ky vit u shoqërua me përpjekje të udhëhequra nga aleatët amerikanë, për nisjen e reformimit e organizatave ndërkombëtare të dobëta, dhe krijimin e mekanizmave të rinj – si një G7 e zgjeruar – për një bashkëpunim më të thellë dhe më të gjerë demokratik.
Gjithashtu, po këtë vit u shfaq një shqetësim i rindaj fuqisë kineze jo vetëm në Amerikë, por edhe në Evropë si dhe në demokraci të tjera të përparuara:Epoka e Trump nuk përfundoi me një përçarje transatlantike mbi Kinën, por me diskutimet e para se si të bashkëpunojmë më ngushtësisht kundër kërcënimit që paraqet Pekini për botën demokratike.
Pra në mesin e errësirës së pandemisë dhe vendosmërisë autokratike, pati disa “drita” të ripërtëritjes liberale. Ne nuk mund t`a dimë ende, se cilën trajektore do të ndjekë në të . Historia është gjithmonë e kushtëzuar:Një zhvendosje prej rreth 45.000 votash në 4 shtete do të kishte rizgjedhur Donald Trump si president, duke e vendosur demokracinë amerikane dhe politikën e saj të jashtme në një rrugë shumë të ndryshme nga ajo që ndoshta do të ketë nën presidentin e zgjedhur Joe Biden.
Udhëheqja është një aspekt jetik:Se në cilin drejtim do të kthehet e ardhmja, kjo do të varet nga cilësia e zgjedhjeve dhe fuqia e retorikës e politikë-bërësve në SHBA, por dhe në vende të tjera. Së fundmi, historia përfshin shembuj të agimeve të rreme, si dhe rënieve të rreme.
Në fundin e viteve 1920, u duk se Evropa më në fund po i shpëtonte një epoke të konfliktit të egër. Por Depresioni i Madh e zhyti atë në një konflikt tjetër edhe më të egër.
Për mirë apo për keq, ne do ta shohim vitin 2020 si një “çekiç” të historisë, si një vit që i shkaktoi valë tronditëse rendit global, duke e ndryshuar atë në terma afatgjatë. Krizat mund t`a shtyjnë një sistem ndërkombëtar drejt shkatërrimit ose rigjenerimit, por ato vështirë se nuk vijnë dhe ikin pa lënë një gjurmë të qëndrueshme. / KultPlus.com
“Kultura nuk është gjithçka”, është shkruar në tabelën e kinemasë, “por pa kulturë, asgjë nuk ka më vlerë!”
Pandemia e koronavirusit, në të vërtetë, ka lënë vragë në arte dhe në skenën kulturore. Çfarëdo fjalësh inkurajuese që kanë thënë politikanët gjatë këtyre muajve të fundit, prapëseprapë kanë tingëlluar të pashpresë më shumë së kurdoherë, kur kanë thënë se sektori do të gjejë një zgjidhje kreative. Përkundër vështirësive financiare – jo të gjithë kanë reaguar si aktori gjerman dhe këngëtari Tom Schilling, që ndien “një frymëzim ekstrem në situata të tragjedisë” dhe “ ishte inspiruar me të madhe” nga karantinimi në pranverë – njerëzit që punojnë në sektorin e kulturës sidoqoftë, kanë sfiduar situatën e tensionuar me koncepte interesante në këta muajt e fundit
Termi “higjienë” pa dyshim do të mbahet mend si diçka tipike për vitin 2020. Pas karantinimit të parë, strategjitë e higjienës u bënë të domosdoshme kudo në vendet që dëshironin të kishin audiencë, bashkë me rregulla të rrepta. Shfaqjet u pritën me entuziazëm në të gjithë Gjermaninë; malli për shfaqje të drejtpërdrejta dhe koncerte ishte i madh si për publikun ashtu edhe për artistët. Salla e koncerteve “Elbphilharmonie” në Hamburg, për shembull, mbajti shfaqje të shumta me publikun që ndryshonte çdo ditë. Megjithatë, shfaqjet nuk ishin shumë fitimprurëse për shkak të numrit të vogël të publikut.
Klubet, orkestrat dhe teatrot vërtetuan se platformat “streaming” nuk janë vetëm për shikimin e tepërt të serialeve në “Netflix”. Menjëherë pas fillimit të bllokimit, klubet në Berlin bashkuan forcat dhe transmetuan ndejat në shtëpitë e njerëzve nën moton “United we Stream”. DJ-të luajtën pjesët e tyre live në klubet e zbrazëta. Orkestrat rreth botës gjithashtu transmetuan shfaqje në mënyrë digjitale. Pianisti i njohur Igor Levit dha një koncert nga salloni në shtëpi të tij, dhe artisti britanik Alexander Iskin u dha mundësinë njerëzve që të shohin veprën e tij live për 50 ditë.
Teatri Shtetëror i Augsburgut ofroi produksione që njerëzit mund t’i shikonin në shtëpi duke përdorur kufje VR – një zgjedhje që nuk ishte e rrezikshme për infektim. Në vitin 2021, teatri do t’i lejojë njerëzit në të gjithë vendin të marrin me qira kufje VR nëse nuk kanë një palë të tyre, për të shikuar shfaqjet që i ofrojnë. Falë perspektivës së tyre prej 360 gradësh, përvoja me VR ishte një vlerë e shtuar në krahasim me një performancë të rregullt të ndjekur nga audienca. Muzetë gjithashtu reaguan ndaj mbylljes dhe ofruan turne digjitale për ekspozitat e tyre.
Megjithatë, pandemia ka të ngjarë të ketë një ndikim të gjatë në arte. Si do t’i procesojnë këtë eksperiencë dhe ndryshimet në shoqëri piktorët, këngëtarët, shkrimtarët dhe aktorët?
Gjatë javëve të verës “Kunsthaus Bregenz” në Austri tregoi një ekspozitë të veçantë që gjurmonte “pasiguritë e jetës që nga fillimi i krizës së koronës. Ndërsa shkencat përpiqen të ofrojnë zgjidhje, janë artet ato që e përshkruajnë lëmshin e krizës”, ka shkruar hapësira ekspozuese në faqen e saj të internetit. Disa artistë dërguan punime të kohëve të fundit, që tashmë ishin reflektim i krizës. Në mesin e atyre që dërguan vepra ishte edhe artisti bashkëkohor i Afrikës së Jugut, William Kentridge. Artistët e tjerë, me vepra më të vjetra, reflektonin skepticizëm të progresit dhe melankoli që dukej sikur shpërfaqnin parandjenjat e pandemisë.
Gjuha është kulturë, kështu që ngjarjet kryesore shoqërore kanë tendencë të ndikojnë në mënyrën se si ne komunikojmë. Këto ditë, ndoshta të gjithë dinë të shkruajnë “epidemiologji” dhe “karantinë”. Para pandemisë, sa shpesh keni hasur në fjalët “rojë teshtimash”?
Koronavirusi ka shkaktuar krijimin e fjalëve krejtësisht të reja në gjuhën gjermane, gjithashtu rreth 1 mijë fjalë gjetën rrugën e tyre në listën e Institutit Leibniz për Gjuhën Gjermane, përfshirë “Super Spreader-Ereignis” (ngjarje superpërhapëse), “Wellenbrecher-Lockdoën” ( bllokim i kanalizimit, një term për një lloj bllokimi të dritës) dhe “ndeja në Zoom”.
Tani gjermanët janë drejtuar për në vitin 2021 në atë që po quhet “Impfstrasse” – fjalë për fjalë, rruga drejt vaksinimit, një referencë për qendrat e mëdha të vaksinimit që do u duhet ta menaxhojnë fluksin e njerëzve që duan të vaksinohen kundër COVID-19./dw/ KultPlus.com
Edhe nëse planet tuaja të Vitit të Ri janë ndryshe sivjet për shkak të COVID-19, ju përsëri mund të kënaqeni në shtëpi në natën e ndërrimit të motmoteve.
Sipas Qendrave për Kontrollin dhe Parandalimin e Sëmundjeve, mënyra më e sigurt për të festuar vitin e ri është të kremtuarit në shtëpi me njerëzit që jetojnë me ju, ose praktikisht me miqtë dhe familjen, shkruan Times Herald.
Këtu janë disa ide për të festuar natën e Vitit të Ri në mënyrë të sigurt në shtëpi.
Bëni festime virtuale
Merrni pjesë në një koncert virtual ose shfaqje.
Planifikoni një numërim mbrapa virtual deri në mesnatë me miqtë.
Shijoni një darkë apo ëmbëlsirë virtuale me miqtë dhe familjen.
Planifikoni një aheng të Vitit të Ri për njerëzit me të cilët jetoni.
Dekoroni, bëni muzikë dhe vallëzoni me njerëzit me të cilët jetoni.
Planifikoni një vakt ose ëmbëlsirë të veçantë me familjen tuaj.
Njerëzit që jetojnë me njëri-tjetrin mund të qëndrojnë para shtëpisë së tyre dhe të brohorasin së bashku në mesnatë.
Ide të tjera
Shikoni një shfaqje të drejtpërdrejtë të ndezjes së fishekzjarreve, koncert ose program tjetër të Vitit të Ri nga shtëpia juaj,
Kujdesuni për veten dhe bëni diçka që ju pëlqen, siç është leximi i një libri ose shëtitja.
Merrni një ushqim të veçantë nga një restorant lokal për ta ndarë me familjen tuaj./ KultPlus.com
Shqiptarja Detina Zalli, kërkuese shkencore në Universitetin e Oksfordit në Britaninë e Madhe, ka qenë prezente në media dhe rrjete sociale me këshilla rreth pandemisë.
Ajo ka publikuar informacionin se vaksina e përgatitur nga Oksfordi është pranë aprovimit dhe se në Angli tashmë janë porositur rreth 100 milionë doza.
“Vaksina do të jetë efikase dhe ndaj variantit të ri të koronavirusit”, ka shkruar shkencëtarja shqiptare.
“100 milionë vaksina të Universitetit të Oxford-it janë porositur në Angli. Vaksina duhet të aprovohet këto ditë. Vaksina duhet të punojë dhe me variantin e ri të virusit. Më shumë informacione do t’u shkruajmë ditët e ardhshme. Më poshtë është shpjeguar se si është ndërtuar vaksina”, ka shkruar ajo në rrjetin social Facebook. / KultPlus.com
Vaksinat kundër COVID-19 kanë filluar të merren edhe nga qytetarët e Berlinit, kryeqytetit të Gjermanisë.
Personat e parë që morën vaksinën në këtë qytet janë disa të moshuar në një shtëpi të pleqve në Steglitz të Berlinit, shkruan BZ-Berlin.de, transmeton KultPlus.
Doktori kosovar, Fatmir Dalladaku, ia ka dhënë vaksinën kundër COVID-19 gruas së parë në Berlin.
E moshuara ishte një 101 vjeçare e vendosur në shtëpinë e pleqve.
Bashkimi Evropian ka marrë vendim që në shtetet anëtare të fillojnë që qytetarëve të vet t’ia japin vaksinat kundër COVID-19.Vaksinat që janë duke u përdorur janë të kompanive “Pfizer” dhe “BioNTech”. / KultPlus.com
Sot filloi vaksinimi kundër Covid-19 në Gjermani, disa orë pas dorëzimit të dozave të para dhe kjo lëvizje është në kundërshtim me planin për fillimin e koordinuar të fushatës së imunizimit të Bashkimit Evropian të njoftuar për nesër.
Çdo ditë vonesë do të thotë një numër më i lartë i njerëzve të infektuar, tha Tobias Kruger, drejtori i shtëpisë për të moshuarit në Halberstadt.
Ai tha se 40 nga 59 përdoruesit e shtëpisë ishin vaksinuar së bashku me dhjetë nga rreth 40 punëtorë.
Personi i parë që mori vaksinën ishte 101-vjeçarja, Edith Kwoizalla. Në konferencën e sotme për shtyp, Ministri gjerman i Shëndetësisë, Jens Spahn tha se vaksina është thelbësore për t’i dhënë fund pandemisë dhe për të kthyer jetën në normalitet.
Deri më tani, 1,627,103 njerëz janë infektuar në Gjermani dhe 29,422 njerëz kanë vdekur./ KultPlus.com
Themeluesi i kompanisë Microsoft, Bill Gates, ka thënë se ky vit ka qenë i keq dhe sipas tij pritet që lajme të mira do të na vijnë gjatë vitit të ardhshëm.
“Më shumë se 1.6 milion njerëz kanë humbur jetë gjatë pandemisë së coronavirusit dhe mbi 75 mijë tjerë janë infektuar me COVID-19, kurse dëmet ekonomike kapin vlerën e dhjetëra trilion dollarëve. Miliona njerëz kanë mbetur pa punë dhe kanë probleme të mëdha për të paguar faturat, e mbi një miliard fëmijë kohën më të rëndësishme për shkollë, e kanë humbur. SHBA këtë vit ishte dëshmitare e vrasjeve të tmerrshme siç ishte ajo e George Floyd dhe Briana Taylor, zjarret në zonat malore dhe zgjedhjet presidenciale që kurrë më parë nuk janë parë të zhvillohen në atë mënyrë”, ka shkruar Gates në blogun e tij “Gates notes”, transmeton KultPlus.
Megjithatë, thotë së gjërat do të përmirësohen gjatë vitit 2021.
“Gjatë vitit të ardhshëm do të na vijnë lajme të mira. E kam kaluar 2020-ën me kolegët nga Fondacioni, duke u munduar ta kuptojmë se si duhet ta testojmë, trajtojmë dhe parandalojmë COVID-19. Kur mendoj shpejtësinë dhe përparimin e shkencëtarëve, jam i befasuar. Raca njerëzore kurrë nuk ka bërë përparim më të madh kur është fjala për shërimin e çfarëdo sëmundje brenda një viti. Një gjë e tillë kurrë më parë nuk është bërë sikur në luftën kundër COVID-19”, ka shtuar Gates.
Në rrethana të zakonshme, zbulimi dhe prodhimi i vaksinës mund të marrë kohë deri në 10 vite, por kësaj radhe, shumë vaksina kundër koronavirusit janë zbuluar brenda më pak se një vit.
Sidoqoftë, Gates konsideron se pavarësisht përparimit, njerëzit vazhdojnë të jenë të rrezikuar nga pandemia e koronavirusit.
“Modelet kompjuterike parashikojnë që pandemia do të mundte të jetë edhe më e rëndë gjatë muajve të ardhshëm. Gjithashtu duhet të bëjmë më shumë për variantin e ri të koronavirusit që është shfaqur, për të cilin thonë se përhapet më shpejtë, por që nuk është edhe aq vdekjeprurës”, ka theksuar miliarderi amerikan. / KultPlus.com
Bujar Qamili është prekur nga COVID-19, thotë Euronews Albania. Këngëtari, sipas të njëjtës media, është transportuar për në Itali për të marrë një trajtim më të specializuar mjekësor, transmeton KultPlus.
Burime të Euronews Albania bëjnë me dije se këngëtari prej dhjetë ditësh ndodhet në Itali, ndërsa gjendja shëndetësore e tij raportohet e rënduar. Disa media të tjera thonë se ai kaloi në koma, por tashmë ka dalë prej saj.
Kur të gjithë u mbyllën në shtëpi për shkak të Covid-19, këngëtari Bujar Qamili zgjodhi të bënte të kundërtën.
Ai këndoi këngë popullore për rreth 60 minuta në qendër të qytetit të Shkodrës, duke përcjellë mesazhe shprese për qytetarët, të cilët ndiheshin tepër të frikësuar nga pandemia.
Këngëtari në muajin prill tha se ishte hera e parë në jetën e tij, që performonte në shesh pa praninë e spektatorëve, të cilët, për shkak të izolimit nga COVID-19 e ndoqën Bujar Qamilin dhe e duartrokitën nga ballkonet dhe dritaret e shtëpive. / KultPlus.com
Ali Sakalliogllu do t’i kalojë Krishtlindjet në shtëpinë e tij, pasi qëndroi në spital për 222 ditë, ndërsa u diagnostikua me koronavirus, një kohë rekord për Britaninë.
Fëmijët e 57-vjeçarit u thirrën tre herë nga mjekët për t’i dhënë lamtumirën e fundit babait të tyre.
Sidoqoftë, ata nuk pranuan ta linin të vdiste dhe u kërkuan mjekëve që të vazhdonin të përpiqeshin ta mbanin gjallë. Pacienti më në fund arriti të mposhtë virusin pas një kohe të gjatë i intubuar.
” M’u dha shansi zero për të mbijetuar, kështu që është si një mrekulli për të festuar Krishtlindjen ,” tha Ali për Mirror përcjell KultPlus.
“Mezi pres Krishtlindjet, duhet të jem i kujdesshëm pasi dua të jem këtu Krishtlindjet e ardhshme.”, tha Ali, i cili doli nga spitali muajin e kaluar.
Ali ka pesë fëmijë, të moshës 31-38 vjeç. Djali 32-vjeçar, Jay kujton se në ditët e vështira, ata vetëm shpresonin dhe e dinin se ai nuk do të hiqte dorë. Ai madje tha që prania e tij me ta në Krishtlindje është dhurata më e mirë që mund të kërkojnë. / KultPlus.com
