Etiketë: daily

‘History Daily’: Eksploroni historinë antike dhe aventurat në natyrë të Shqipërisë

Posted on by Kult Plus

Shqipëria, e vendosur midis Greqisë dhe Malit të Zi përgjatë bregut të Adriatikut, është shfaqur si një destinacion popullor për shkak të përballueshmërisë së saj, duke tërhequr një numër në rritje të turistëve italianë në vitin 2023, shkruan Sophia Maddox në një artikull të botuar në revistën “History Daily”.

Hapja e ardhshme e një aeroporti të ri në Vlorë në vitin 2024 do të rrisë aksesin në vijën e tij bregdetare mahnitëse.

Megjithatë, Shqipëria nuk ofron vetëm plazhe.

Me një trashëgimi të pasur kulturore që ndërthur ndikimet e krishtera dhe myslimane, qytetet si Berati dhe Gjirokastra krenohen me qendrat historike magjepsëse, ndërsa peizazhet malore të Thethit ofrojnë aventura piktoreske.

Për më tepër, Shqipëria shpalli zyrtarisht më 15 mars të vitit 2023 Parkun e parë Kombëtar të një lumi të egër në Evropë, lumi i Vjosës, duke shfaqur bukurinë e saj të pacenuar natyrore.

Qoftë duke eksploruar historinë e lashtë apo duke shijuar aventurat në natyrë, Shqipëria premton një udhëtim të paharrueshëm duke ndërthurur autenticitetin me mrekullitë natyrore.

“History Daily” e ka renditur Shqipërinë mes 15 destinacioneve kryesore për pushime në vitin 2024./ atsh/ KultPlus.com

‘Daily Express’: Shqipëria, një nga xhevahiret e fshehura të Evropës për pushime në shtator

Posted on by Kult Plus

Nuk është tepër vonë për të rezervuar pushimet e shtatorit në destinacionet më të mira për këtë vit!, shkruan gazetarja Esther Marshall në një artikull të botuar në të përditshmen britanike “Daily Express”.

Shqipëria është renditur mes destinacioneve më të mira për pushimet e shtatorit, pasi vendi ofron klimë të ngrohtë, plazhe të bukura dhe çmime miqësore.

Shqipëria

Shqipëria padyshim që është një pretendente e vërtetë. Me plazhet që rivalizojnë fqinjët e saj mesdhetarë dhe kulturën e bollshme, është një vend që nuk duhet humbur!

Shqipëria është një vend i larmishëm me plazhe, qytete dhe male për t’u eksploruar.

Pse të mos zbuloni destinacionin e ashtuquajtur “Maldivet e Evropës”?

Turistët që kërkojnë pushime në qytet mund të rezervojnë një udhëtim në Tiranë ose të explorojnë historinë osmane të vendit në Berat.

Berati

Qyteti historik i Beratit është një nga xhevahirët e fshehur të Shqipërisë.

Berati ndodhet në lumin Osum, në Shqipërinë qendrore, rreth dy orë me makinë nga kryeqyteti i Shqipërisë, Tirana.

Një vend i Trashëgimisë Botërore, Berati rrethohet nga male dhe kodra.

Një udhëtim në Berat është jashtëzakonisht i përballueshëm dhe kushton vetëm 18 paund për një natë në qytet, me mëngjesin të përfshirë.

I njohur si “Qyteti i një mijë dritareve” për arkitekturën e tij unike, qyteti ka qenë i banuar për mijëra vjet.

Pamjet nga Kalaja e Beratit, e cila daton në shekullin e XIII shfaqet mbi qytet.

Qyteti i Vjetër i Beratit është një labirint kafenesh dhe restorantesh, me shtëpi me arkitekturë osmane që i dhanë emrin qytetit.

Nëse do të qëndroni në Berat për shumë ditë, mund të bëni një udhëtim në grykën befasuese të Osumit ose të bëni një shëtitje në mal.

Shtëpitë janë të ruajtura mirë dhe shumë prej tyre kanë dekorin e tyre origjinal të gdhendjes në dru, që ofron një përvojë vërtet autentike.

Nëse kërkoni të eksploroni më shumë Shqipërinë, vizitoni kryeqytetin e saj Tiranën ose një nga vendpushimet më të mira të plazhit në Rivierën Shqiptare!/atsh/KultPlus.com