Artisti shqiptar, Defrim Kristo Hasa është vlerësuar për punën e tij artistike dhe kontributin e dhënë në komunitetin e qytetit grek Amaliada, përcjellë KultPlus.
Pas mbarimit të liceut artistik “Jordan Misja”, Hasa u vendos në Greqi ku jeton prej 27 vitesh. Ai është angazhuar në fushën e mësimdhënies, ku prej 15 vitesh jep mësime pikture në këtë qytet.
Artisti shqiptar ka marrë pjesë në ekspozita të ndryshme kombëtare dhe ndërkombëtare. Së fundmi, ai ishte pjesë e ekspozitës në muzeun e Luvrit në Paris, ku morën pjesë 1108 piktorë nga e gjithë bota.
Hasa, gjithashtu, ka realizuar edhe një portret të presidentit grek. / KultPlus.com
