Etiketë: Delegacioni

“Delegacioni“ me skenar të Artan Minarolli e regji të Bujar Alimani ka marrur çmimin e jurisë në Festivalin Frankofon të Filmit në Romë, shkruan KultPlus.

Këtë e ka bërë të ditur regjisori i filmit Bujar Alimani, i cili përmes një postimi ka njoftuar se çmimin e merr ambasadorja e Shqipërisë në Romë, Anila Bitri.

“Tetor 1990, regjimi komunist në Shqipëri po përpiqet të mbajë pushtetin. Një delegacion evropian vjen në Tiranë për të monitoruar zbatimin e reformave të qeverisë – një parakusht i madh që Shqipëria të pranohet në OSBE. Leo është marrë fshehurazi nga një burg i largët dhe është sjellë në kryeqytet. Ai ka qenë një i burgosur politik për 15 vjet. Tani ai është bërë jashtëzakonisht i vlefshëm për qeverinë. Delegacioni evropian udhëhiqet nga një shok i shkollës së vjetër të Leo’s. Detyra e tij është të kontrollojë progresin e të drejtave të njeriut në Shqipëri. Leo mund ta bindë atë se gjithçka është në rregull. Por asgjë nuk shkon siç është planifikuar.“

Ky film është bashkëprodhim në mes të Shqipërisë (Art Film shpk), Kosovës (Bleri Production), Francës (Zorba production) dhe Greqisë (Graal Films). Në film luajnë aktorët: Viktor Zhusti, Xhevdet Ferri, Ndriçim Xhepa, Richard Sammel, Kasem Hoxha, ndërsa nga Kosova në film paraqiten aktorët Bislim Muçaj, Selaman Lokaj, Avdullah Gjikokaj, Fatlume Bunjaku, Armend Ismajli, Gani Morina, Artan Selimi, Imer Loshi./KultPlus.com

Filmi “Delegacioni”, që fitoi çmimin e madh “Grand Prix” në Festivalin e Filmit në Varshavë vjen përpara publikut në kinematë e Tiranës.

Filmi me skenar nga i ndjeri Artan Minarolli dhe regji Bujar Alimani, që nga prezantimi i parë i tij ka marrë vlerësimin e kritikës dhe tani premiera është në kinema për publikun.

Aktorë në role janë Viktor Zhusti, Ndriçim Xhepa për të vijuar me Xhevdet Ferin, Kasem Hoxha, Rovena Lule, Bislim Muçaj, Kristaq Skrami, Mehmet Xhelili, Jorgaq Tushe, Todi Llupi, Lulzim Zeqja, Mirela Naska, etj.

Në një reagim të tij për filmin që ka filluar që nga data 10 janar të shfaqet në kinematë e Tiranës për publikun regjisori Bujar Alimani shprehet se po vjen në ekranin e madh pas suksesit në Varshavë.

Përveçse fitues nga grandi i Qendrës Kombëtare të Kinematografisë, ky film u shpall më parë dhe fitues i një grandi nga “Europa Krijuese”.

Filmi shqiptar “Delegacioni” nis ngjarjet në tetor të vitit 1990. Disa të burgosur politik ndjekin me interes në televizion mbërritjen e një delegacioni evropian për të parë nga afër reformat demokratike, që ka marrë qeveria e Tiranës, si kusht kryesor për t’u futur Shqipëria në KSBE (sot OSBE). Kryesues është zoti Loherin, që i vetmi njeri i besuar për të është miku i shkollës në Pragë, Leo, i gjendur brenda  burgut në Shqipëri. Rreth kësaj zhvillohet “Delegacioni”.

Leon që regjimi e kishte burgosur, e nxjerr nga burgu për të pohuar ato vite se Shqipëria është një vend i reformave demokratike dhe për të takuar kreun e delegacionit që do të vinte. Ndërkohë që Leo e kupton se çfarë do të ndodhte dhe kërkon të vrasë veten, por këtë e bën gardiani i burgut

Projekti filmik “Delegacioni” me skenar të Artan Minarollit dhe regji të Bujar Alimanit, u dha premierë botërore në edicionin e 34 të festivalit prestigjioz ‘Warsaw Film Festival’.

Filmi ishte pritur shumë mirë në ketë kompeticion nga ku edhe u shpërblye me çmimin e madh Grand Prix dhe fitoi edhe një çmim për humanizëm. Dy jave më pas, filmi ishte gjithashtu në kompeticion edhe në Tirana International Film Festival. Kjo ishte edhe premiera për Shqipëri, ku gëzoi një interesim të madh. “Delegacioni” në TIFF u shpall fitues i shumëfishtë, me gjithsej katër çmime. Çmimin si skenari më i mirë, çmimin e publikut, çmimin e medias dhe çmimin special të jurisë për kastën e mrekullueshme të aktorëve.

Pas rrugëtimit të suksesshëm, më 26 Nëntor filmi “Delegacioni” vjen premierë edhe në Kosovë, në Cineplexx, në ora 19:00./telegrafi.com /KultPlus.com

Pas triumfit të filmit “Delegacioni” me regji të Bujar Alimanit në edicionin e 34-t të Festivalit Ndërkombëtar të Filmit në Varshavë, në një intervistë për mediet e huajak ka reaguar një prej antareve të jurisë, Joanna Kos-Krauze.
Ajo është shprehur se “Grand Prix” shkoi për “Delegacionin”, pasi ky ishte një film i përmbushur në çdo aspekt. Krauze zbulon ndër të tjera gjatë intervistës, se vendimi për t’i dhënë “Çmimin e Madh” filmit të Alimanit ka qenë unanim.

Gazetari: përse ky film e ka fituar Festivalin e Filmit të Varshavës?

Joanna Kos-Krauze: Për ne, për pesëshen e anëtarëve të jurisë, ishte filmi më i përmbushur. Ndër fimat pjesëmarrës kishte disa shumë të mirë, por ky, absolutisht, menduam që ishte i tillë në çdo aspekt, që nga skenari, përmes një regjisure shumë të ndërgjegjësuar, karakteret e ndërtuara në mënyrë të shkëlqyer, aktorët në të gjitha episodet ishin fenomenalë, vlerësuam gjithashtu që ky ishte një ndër filmat e parë, në kinematografinë shqiptare, dukej që filmi ishte me buxhet të ulët, por sakaq, shumë i mençur i mirë-menduar në produksion, film, që gjithashtu ka nevojë për mbështetje, por ky nuk ishte aspak argumenti kryesor, por vetëm një argument anësor. Në fund të fundit, një kinematografi e shkëlqyer, njerëz të ndërgjegjshëm dhe të pjekur kanë realizuar shumë. (…) Pastaj, nuk është e thjeshtë të bësh një kinematografi politike, e cila të prekë ndjenjat, të provokojë dhe në fund të jetë edhe humoristike. Prandaj, me të vërtetë një punë e shkëlqyer, ua rekomandoj të gjithëve, tek fundit, ky është një verdikt që do të shkaktojë bujë. Verdikti ishte unanim.

Gazetari: Si i qaseni ju zonjë detyrës së anëtarit të jurisë, a i qaseni kësaj detyre me ndonjë tezë paraprake, apo e lini veten, që të habiteni nga ajo që do të gjeni në sallën e kinemasë?

Joanna Kos-Krauze: Asnjëherë nuk nisem me ndonjë tezë paraprake, unë përgjithësisht kam shumë dëshirë të jem në juri, vetëm se jo në Poloni (qesh), se këtu është e vështirë. Është vështirë që më pas t’ua shpjegosh, ndonjëherë edhe disa prej kolegëve vendimet e marra, shpesh krijohen hatërmbetje. Ndërkohë më pëlqen shumë të jem jashtë shtetit, nëse kam kohë dhe më jepet mundësia, ngaqë, kjo është edhe një mundësi të shohësh kinemanë nga rajone të ndryshme të botës, me të cilat, pavarësisht nga ç’mund të duket, nuk kemi fare kontakte, pasi, edhe pse sot ekziston një shumicë platformash shifrore, apo media, ne sidoqoftë kemi nevojë për udhërrëfyes. Unë, këtë vitin e fundit pata mundësinë të shihja filma nga kaq shumë vende të ndryshme të botës, dhe kaq shumë kinematografi të ndryshme, që është pothuaj e pamundur, jashtë këtyre festivaleve. Si anëtar i një jurie, sidoqoftë je i detyruar, që t’i shohësh me vëmendje ata katër filma në ditë dhe unë jam gjithnjë shumë mirënjohëse për një përvojë të tillë.

Filmi shqiptar “Delegacioni”

Ngjarjet në këtë film zhvillohen në tetor të vitit 1990. Regjimi komunist kërkon që të mbajë pushtetin, ndërsa në Shqipëri vjen një delegacion evropian mbërrin në Tiranë për të parë nga afër mbarëvajtjen e reformave të qeverisë. Kusht ky, që Shqipëria të pranohet në OSBE. Leo është dënuar 15 vite burg, ai është një burgosur politik, që për qeverinë është bërë jashtëzakonisht i vlefshëm, sepse delegacioni udhëhiqet nga një shok i shkollës së vjetër të Leo’s. Ata duhet që të mbarëvajtjen të drejtave të njeriut në Shqipëri. Leo është ai që duhet të bind delegacionin se çdo gjë është në rregull, por ngjarjet marrin tjetër rrjedhë. Filmi shqiptar me buxhet shumë të ulët dhe ka nevojë për mbështetje, por ishte absolutisht më i miri!/ shekull.com.al/ KultPlus.com

Konsiderohet të jetë një ndër projektet filmike më prekëse në historinë kinematografike shqiptare, pasi që, përralla e këtij filmi ishte shkruar nga i ndjeri Artan Minarolli, dhe ky projekt, me miratimin e familjes Minarolli, ka kaluar në dorën e regjisorit shqiptar Bujar Alimani, që ky film të rrumbullakohet ashtu sikur edhe e kishte nisur Minarolli, shkruan KultPlus.

Bëhet fjalë për filmin “Delegacioni”, që tash do të prezantohet premierë në festivalin e kategorisë A në Warsaw International Film Festival që do të mbahet në Poloni.

Me rolet kryesore në këtë film luajnë aktorët: Viktor Zhusti, Ndriçim Xhepa, Kasem Hoxha, Tristan Halilaj, Bislim Mucaj, Rovena Lule, Mirela Naska, Fatlume Bunjaku, Kristaq Skrami, Mehmet Xhelili, Armando Dauti, Ilirian Ali, Samuel Vargu, Denardo Neziri, Genc Minarolli, Avdullah Gjikokaj, Artan Selimi, Gjon Kola, Armend Smajli, Gani Morina, Lulzim Zejqa, Todi Llupi, Jorgaq Tushe, Drita Turkeshi, Ilira Turkeshi dhe Selman Lokaj. Ky film është mbështetur nga Qendra Kombëtare e Kinematografisë në Shqipëri dhe asaj të Kosovës.

Kurse kolon zanore e këtij filmi është punuar nga Ilir Bajri e Turkeshi Minarolli, kolonë kjo që është kënduar nga sopranoja e famshme Inva Mula./KultPlus.com