Etiketë: Denata Ndreca

Poetes shqiptare i dorëzohet çmimi “Universum del patrimonio femminile”

Posted on by Kult Plus

Ditën e djeshme në ambientet e Teatrit social të Comos poetes shqiptare Denata Ndreca i është dorëzuar çmimi “Universum del patrimonio femminile” (Universi i Trashëgimisë së Gruas). I pranishëm në ceremoni ishte edhe kryetari i bashkisë Mario Landriscina.

Edizioni 2022 i është dedikuar grave që kanë dhënë kontributin e tyre në fushën e mjeksisë, letërsisë dhe muzikës. Për Ndrecën, objekt analize nga kritika letrare, vlersohet dhe  angazhimi i saj në rolin e promovimit social dhe kulturor të gruas.

“Një çmim që më bën të mendoj, që më bën të vazhdoj rrugën time dhe t’u jap zë atyre që nuk kanë… (edhe pse shpesh herë  e vetme dhe me shkopinjë nën rrota, sepse ato si unë – nuk janë gra komode).

Në motivacionin e jurisë, përveç kritikës letrare dhe asaj që ka të bëjë me angazhimin tim në fusha të tjera, ka një fjali që më ka mbetur:

“Një forcë misterioze e mban atë.”

Mes meje dhe meje, i them vetes, ndoshta ajo e Arkimedit,

ajo është dashuri …

Faleminderit gjithashtu akademisë letrare La Pergola Arte në Firence, Peter Michael Musone dhe Lilly Brogi – që kanë qenë pranë meje” shkruan Ndreca në facebook pas marrjes së vlerësimit. /KultPlus.com

Denata Ndreca sot në Festivalin e Poezisë Qytetare dhe Bashkëkohore në Mesdhe

Posted on by Kult Plus

Poetja Denata Ndreca është e ftuara kryesore sot në mbrëmjen e festivalit të parë të Poezisë Qytetare dhe Bashkëkohore në Mesdhe i cili po mbahet në Pulia. Sot në mbrëmje në orën 19:30 ajo do të jetë përballë gazetarit puljez Nicola Sammali për të diskutuar mbi krijimtarinë dhe poezinë në tërësi.

“Taranto – Festivali i Parë Ndërkombëtar i Poezisë Qytetare Bashkëkohore në Mesdhe. Pulia – një tokë që mirëpret, një det që nuk ndan gjithmonë. E fortë është heshtja që noton në gjoks, fjalët që i kam mbajtur brenda prej vitesh. Për mua ky nuk është thjesht një festival. Po kthehet në kohë. Është duke mbajtur diçka që gjithmonë e kam mbajtur për dore dhe nuk e kam humbur kurrë – atdheun tim”, thotë për “Diaspora Shqiptare” poetja Ndreca.

Poete, shkrimtare, gazetare, përkthyese, pedagoge e shkëlqyer, e vlerësuar me çmime të shumta brenda dhe jashtë vendit, si dhe e përkthyer në gjuhë të ndryshme Denata Ndreca prej vitesh jeton dhe krijon në Itali. / Diaspora shqiptare / KultPlus.com

Pesë poetë interpretojnë poezi mes trenave dhe stacioneve në Itali, mes tyre edhe Denata Ndreca

Posted on by Kult Plus

Një ide interesante për të kremtuar ditën ndërkombëtare të poezisë në Itali. Pesë poet, interpretojnë mes trenave dhe stacioneve poezitë e tyre. Një simbolikë domethënëse për njerëzimin, ikja, ardhja, zhvendosja në kohë dhe hapësirë, një udhëtim i përhershëm që poezia e bën pa kohë dhe në çdo kohë, e në një tjetër dimenison.

Mes pesë poetëve të përzgjedhur është edhe autorja shqiptare Denata Ndreca e cila ka lexuar vargjet e poezisë së saj  në  gjuhë n italiane “La carezza” (Përkëdhelja).

***

Që prej vitit 1505 Dita e Poezisë ka qenë e pranishme për të gjthë ata që e duan pranë. Por UNESCO në vitin 1999 më 21 Mars ndërmori një iniciative për t’i dhënë gjallëri, vlerësim dhe shtysë lëvizjeve poetike kombëtare, rajonale dhe ndërkombëtare.

Vendimi i marrë në kongresin e 30-të të kësaj agjencie, zhvilluar në Paris, ka si objektiv kryesor mbështetjen e diversitetit linguistik përmes shprehjes poetike. Në të njëjtën kohë, caktimi i një dite ndërkombëtare për poezinë bëhet edhe me qëllimin për ti kthyer kësaj gjinie të letërsisë funksionin e saj të parë, traditën gojore.

Në Greqi poemat e Homerit mësoheshin përmendësh dhe recitoheshin kryesisht në ambiente publike. Në këtë mënyrë UNESCO kërkon që përmes recitaleve të ndryshme, përmes takimeve poetike dhe mbrëmjeve artistike të krijojë një urë lidhëse mes poezisë dhe formave të tjera të artit.

Para caktimit të 21 marsit, si dita botërore e poezisë, ishte 15 tetori që kremtohej në të gjithë botën, pasi ai përkonte me ditëlindjen e poetit epik romak, Virgjil. Në disa vende kjo traditë e të festuarit në muajin tetor vazhdon të ruhet ende.

Megjithëse shumë prej nesh e pëlqejnë poezinë, ose më mirë parapëlqejnë ta përdorin atë sidomos në komunikimin me personin e zemrës, poezia në ditët tona nuk lexohet më aq shumë sa vite më parë.

Poezia “Në mundësh”, ndryshe e quajtur psalm i shenjt i vullnetit, qarkullon ende për të mbetur përjetësisht në kujtesën e gjeneratave si një shkreptimë e vezullimtë drite./ KultPlus.com

Poetja shqiptare Denata Ndreca vlerësohet me çmimin “Frida Kahlo”

Posted on by Kult Plus

Poetja shqiptare Denata Ndreca është vlerësuar me çmimin ndërkombëtar të artit “Frida Kahlo”, Çmimet e këtij edicioni të parë u ndanë në Milano në datën 8 mars.

Ndreca është vlerësuar me këtë çmim për librin e saj, “La ragazza sul ponte Vecchio”.

Kritiku Simone Innocenti e ka cilësuar si “Forca e egër e një vajze në Urën e Vjetër”, pasi sipas tij poezia e saj është e egër, e mprehtë, fjala është gozhduar në faqe, sikur të ishte e vetmja mënyrë për ta ëmbëlsuar atë.

Denata Ndreca, poetja shqiptare që jeton në Firence, me “La ragazza del Ponte Vecchio” (Vajza e Urës së Vjetër), futet në një rrugëtim narrativ që e shndërron një ndër zërat e ri lirikë më interesantë.

“Dhe fjalët e Denatës udhëtojnë në kohë dhe hapësirë duke u shndërruar në detonatorë ndjenjash dhe idesh. Në këtë rrëfim tema mbizotëruese është dashuria, në të gjitha format dhe kujtimet, por edhe bukuritë.

Kujtesa është diçka rilevante nëse lind në Shkodër (vendlindjen e Ndrecës), Firencën e Ballkanit siç do ta quajnë shumë. Pulsi i kulturës shqiptare, mes krishtërimit dhe islamit, një qytet ky në njërën anë të trotuarit qëndron këmbana e një kishe dhe në anën tjetër minareja e një xhamie, dhe në mes shkon historia e një kombi”, shkruhet në një tjetër recensë për librin pak ditë pas publikimit të tij në qershor 2020, ku ndër të tjera janë veçuar vargjet e Ndrecës.

Noi albanesi,

emigranti senza le valige,

con un numero mai scritto

sopra le camice

(Ne shqiptarët/ emigrantë pa valixhe me një numër të pashkruar/ mbi këmishë)

Autore e tregimeve “Intorno a me” (Rreth meje), “Senza Paura” (Pa frikë), “Un faro nella nebbia” (Një far në mjegull), “Tempo Negato” (Kohë e mohuar), Denata Ndreca me publikimin e ri ngulit në fraza forcën e një narracioni të pastër. Nëpërmjet një mënyre të shprehuri të drejtpërdrejtë të duket sikur je në një realitet që është në të njëjtën kohë ëndërr, pasion, dëshirë dhe delikatesë: “Facciamo che ogi nevica/ io diventero terra/ e tu ti sdrai su di me”. /diasporashqiptare/ KultPlus.com

Autorja Denata Ndreca pjesë e festivalit “Filmit të Vendeve me Ngjyra”

Posted on by Kult Plus

Nga Japonia në Oqeani, në Liban dhe në Ballkan, një udhëtim nëpër botë përmes filmave dhe debateve: ky është Festivali i “Filmit i Vendeve me Ngjyra – Vështrime Ndërkulturore”, organizuar nga “Circolo La Pace e Compiobbi”, në rrethinat e Firences.

Njëmbëdhjetë takime në mbrëmje, duke filluar nga data 17 tetor 2021 deri më 25 mars 2022 për të udhëtuar me mendje nëpër kultura të ndryshme.

Nis nga Italia me filmin “Nuovo Mondo” për të kaluar në Ballkan, Liban, Kore, Mongoli, Japoni, Australi, Amazonë, Afrikë e më tej, një ftesë për të zbuluar kultura të tjera me shpresën se dija do të nxisë integrimin social.

Shqipëria në këtë aktivitet është e pranishme me autoren shqiptare Denata Ndreca, e cila u ndal në një analizë të “Underground” (1995) të regjisorit Emir Kusturica, si një ftesë për të të thyer barrierat mendore, steriotipet dhe kufijtë e tyre. / KultPlus.com

Denata Ndreca pjesë e “Passaggi Festival” në mbrëmjen kushtuar Dantes

Posted on by Kult Plus

Një qytet i mbushur me libra, me fjalë, me takime mes autorëve dhe lexuesve të të gjitha moshave. I tillë do të jetë festivali, i cili është rikthyer që prej datës 18 dhe do të vazhdojë deri më 25 qershor.

“Passaggi Festival” po mbahet në Fano, Itali, një festival me pjesëmarrjen e dhjetëra prezantimeve, një edicion më i gjati në kohë midis eseve, trillimeve, poezive dhe komedisë.

Pjesë e “Passaggi Festival” është edhe shkrimtarja shqiptare në Itali, Deneta Ndreca së bashku me Marco Ferri në mbrëmjen kushtuar Dantes.

Prej disa vitesh ky festival ka qenë i hapur për të bërë pjesë të programacionit edhe poezinë.

E premtja datë 25 qershor, do t’i kushtohet një prej emrave më të njohur në skenën poetike italiane: Mariangela Gualtieri, e cila do të bisedojë me Roberto Galaverni në mbrëmjen “La Lettura”./ KultPlus.com

Shkrimtarja shqiptare, Denata Ndreca mbanë fjalim në Senatin Italian

Posted on by Kult Plus

Shkrimtarja shqiptare Denata Ndreca ka mbajtur një fjalim prekës dedikuar të gjithë femrave që janë viktima të dhunës, në Senatin e Republikës së Italisë, fjalim ky që u duartrokit nga të pranishmit në sallë.

“Kam dashur të sjell sot një rrëfim, një shkrim që sjell historinë e të gjithë atyre grave që në emër të dashurië janë vrarë. Kemi bërë shumë rrugë. Herë të lodhura, herë të lumtura, jemi ndaluar në një cep të tokës, kemi humbur rrënjët tona, kemi qarë nën buzëqeshje, në emër të një fëmije, në emër të një dashurie. Jemi ndrydhur në frikën tonë, përpara një porte gri. Kemi shpresuar të harrojmë, duke mbajtur përbrenda të gjithë të keqen. Vazhdonim të tërhiqeshim pas një gjëje që e denim shumë mirë që nuk kishte shpresë. Kemi ëndërruar edhe të arratisemi nga realiteti, qoftë edhe për një minutë. Kemi duruar fyerje të shumta vetëm se kemi thënë të vërtetën. Kemi shtrënguar fort dhëmbët, kur bukë për ne nuk kishtë më. Kemi vdekur disa herë nën cërcafë kur duart e atij personi nuk donim t’i ndjenim më. Kemi duruar shumë…dhe kur një ditë donim të dashuronim sërish, cmimi që na u desh të paguanim ishte shumë i lartë.”

Denata Ndreca lindi në Shkodër dhe kreu atje studimet e larta. Gazetare, përkthyese dhe poete, ka botuar në Shqipëri disa vëllime poetike dhe libra për fëmijë. Veprat e saj janë vlerësuar me tituj e çmime kombëtare dhe ndërkombëtare, janë përkthyer në disa gjuhë të huaja dhe përfshirë në antologji të ndryshme letrare. Është pjesë e lidhjes së 17 akademikëve të artistëve dhe shkrimtarëve “Pergola Arte Firenze”./ KultPlus.com

Shqiptarja Denata Ndreca fiton çmim letrar në Itali

Posted on by KultPlus

Autorja shqiptare që jeton në Itali, Denata Ndreca, ka fituar çmimin letrar ndërkombëtar “Premio Letteratio NazionaleFranco Corbisiero Poesia 2019”, shkruan KultPlus.com

“Autorja shqiptare që jeton në Itali, Denata Ndreca fiton çmimin letrar ndërkombëtar “Premio Letterario NazionaleFranco Corbisiero Poesia 2019″ për poezinë e saj “Tempo negate” (Kohë emohuar). Ky ishte edicioni i tretë i këtij çmimi që jepet për disiplina të ndryshme letrare nga një juri me emra të njohur në fushën e letërsisë, të gazetarisë e të kritikës”, thuhet në njoftimin e Qendrës së Botimeve për Diasporën.