Kur Musine Kokalari doktoronte në vitin 1941, ja diploma origjinale e saj (FOTO)

Posted on 10 Shkurt, 202311 Shkurt, 2023 by Kult Plus

Një emër i spikatur i letërsisë shqiptare dhe që përfaqësonte gruan e pavarur dhe inteligjente ishte Musine Kokalari, shkruan KultPlus.

E lindur në Turqi, Musineja rikthehet me familje në Gjirokastër ku e vazhdon shkollimin deri për studimet akademike.

Studimet në Universitetin e Romës, në Itali, i kreu shkëlqyeshëm në vitin 1941. Teza e disternacionit të saj ishte “Naim Frashëri”, një studim pak i njohur, ndonse i çmuar në literaturën naimjane.

Në librin “Si lindi partia social demokrate”, Musineja kishte përshkruar pasionin e saj përgjatë përgatitjes së disteracionit të temës, duke e çmuar lartë kontributin e Naim Frashërit në letërsinë shqiptare.

“…Une u laurova më Nëntor 1941, duke mbrojtur tezën në përgjithësi për jetën dhe veprën e Naim Frashërit, në katedrën e gjuhës shqipe që përfaqesohej nga arbëreshi Zef Skiroi

dhe Namik Resuli. Ne jemi brezi i rritur dhe ushqyer me ndjenja, mendime te vëllezërve Frashëri. Ata të tre ishin per ne apostuj të shqiptarizmit, të lirisë, te barazise, te demokracisë.
…Une e kam njohur këtë ambient që në vogëli. Jam rritur me gjithshka qe rritej, zhvillohej, kërkohej, ishte mbështetur ne botëkuptimin e thellë iluminist dhe në reformimin e parlamentarizmin që na ushqeu Sami Frasheri që në bankat e shkollës…”, kishte shkruar Kokalari.

KultPlus ua sjell pamjen origjinale të diplomës së doktoraturës së Musine Kokalarit.

Pas 30-të viteve ndërprerje të studimeve, nëna diplomon bashkë me tre fëmijët në të njëjtën ditë

Posted on 11 Korrik, 202111 Korrik, 2021 by Kult Plus

Alisa Perry Johnson pas 30-të viteve të ndërprerjes së studimeve ka realizuar ëndrrën e saj të diplomimit, teksa këtë ditë do ta kujtoj gjithmonë pasi diplomoi në të njëjtën ditë me tre fëmijët e saj.

Ajo kishte ndërprerë studimet pasi ishte bërë nënë teksa humbja e vendit të punës gjatë pandemisë e kishte shtyrë që t’ju rikthet studimeve, shkruan Fox News, transmeton KultPlus.

“E di që jam diplomuar, por ishte emocionuese që pashë fëmijët e mi të diplomoheshin”, tha Johnson.

Ajo ka treguar se i kanë ndihmuar dy vajzat e saja pasi matematika nuk kishte qenë e njëjtë si ajo që e kishte mësuar kur ishte vet në shkollë para 30 vjetësh.

Vajza e vogël, Mia, ka diplomuar nga shkolla fillore si më e suksesshmja e klasës së saj. Vajza e saj e mesme, Makaela, ka diplomuar nga shkolla e mesme dhe është drejtuar për në Universitetin Tuskegee ndërsa djali, Malik, ka diplomuar në Universitetin Georgetown.

Nëna e sapodiplomuar ka thënë se sekreti i saj për të pasur fëmijë të suksesshëm është t’i mbështesësh ata. / KultPlus.com

Studentët e Bukureshtit me ceremoni unike të diplomimit (VIDEO)

Posted on 16 Korrik, 202016 Korrik, 2020 by Kult Plus

Studentët në një universitet në Bukuresht mbanin maska dhe u ulën në distancë shoqërore gjatë një ceremonie unike të diplomimit, e cila u mbajt në mes të pandemisë së koronavirusit.

Studentët e Universitetit Politeknik morën pjesë në ceremoni në të njëjtën ditë kur presidenti rumun Klaus Iohannis njoftoi një zgjatje 30-ditore të gjendjes së vigjilencës së vendit.

Gjatë ceremonisë së mbajtur në një hapësirë të jashtme, studentët hodhën kapelat e tyre të diplomimit në ajër, duke sinjalizuar përfundimin e studimeve të tyre universitare.

Ramona Stefan, studente e Fakultetit të Kontrollit automatik dhe shkencës kompjuterike, tha që mësimi në internet gjatë pandemisë paraqiti si përfitimet ashtu edhe sfidat e saj.

“Pjesa e mirë është se duke qenë vitin e kaluar kam pasur më shumë kohë për të punuar në tezën time përfundimtare,” tha Stefan.

“Unë padyshim kam humbur gjëra të tjera si bashkëveprimi me kolegët ose shpjegimet nga mësuesit,” shtoi ajo.

Profesoresha e fakultetit Simona Iuliana Caramihai tha se kriza e koronavirusit kishte përshpejtuar procesin e diplomimit dhe do të thoshte se studentët po hynin në botën e vërtetë shumë më shpejt sesa do të kishin bërë në rrethana të tjera

Pandemia gjithashtu ka detyruar disa studentë të diplomuar të rimendojnë planet e tyre të ardhshme.

Cristovao Yago, një student ndërkombëtar që ndoqi universitetin me bursë, tha se ai kishte dashur të bënte master, por tani po mendonte të kthehej në shtëpi për të qenë më afër familjes së tij.

Rumania ka regjistruar një numër në rritje të infeksioneve me koronavirus gjatë javës së kaluar.

Të shtunën, vendi regjistroi një rekord të përditshëm prej 698 raste të reja, raporton AP, transmeton Klan Kosova.

Kjo erdhi disa ditë pasi Gjykata Kushtetuese ndaloi qeverinë të detyrojë njerëzit e infektuar me koronavirus të karantinohen ose të qëndrojnë në spital për trajtim.

Si rezultat i rritjes së numrit të rasteve, presidenti Iohannis njoftoi të mërkurën se gjendja e vigjilencës së vendit do të zgjerohej për 30 ditë shtesë, transmeton Klan Kosova.

Rumania ka regjistruar të paktën 34.226 raste me koronavirus me 1,952 vdekje, sipas shifrave të qeverisë.