Komuna e Prishtinës se bashku me Komitetin Olimpik të Kosovës, nesër shënon ditën botërore të ecjes me qëllim që ti inkurajoj njerëzit që të zgjedhin mënyra aktive të lëvizjes ose të kombinojnë ecjen, vrapimin dhe çiklizmin, shkruan KultPlus.
Nëpërmjet një postimi në Facebook nga ana e Komunës së Prishtinës është bërë e ditur se të dielën nga ora 10:00 e deri në orën 16:00 do të organizohet ecje në Parkun e Gërmisë.
Më poshtë gjeni postimin e tyre të plotë:
Ditën Botërore të Ecjes TAFISA këtë fundjavë po e shënojmë në bashkëpunim me Komitetin Olimpik të Kosovës (KOK) me një fushatë që ka për qëllim inkurajimin e njerëzve që të zgjedhin mënyra aktive të lëvizjes ose të kombinojnë ecjen, vrapimin dhe çiklizmin.
Të dielen, me 4 tetor prej orës 10:00 deri në orën 16:00 do të organizojmë ecje në Parkun e Gërmisë. Vendtakimi është hyrja e Parkut, para pishinës.
Alternativat e ndryshme të lëvizjes active duke minimizuar përdorimin e automjeteve sjellin përfitime të mëdha shëndetësore, mjedisore e ekonomike.
Të ecim, të çiklojmë e të vrapojmë bashkë! Për shëndetin tonë dhe të mjedisit ku jetojmë!/ KultPlus.com
