Kurti në ditën e mësuesit përkujton Shaban Jasharin: Ai u bë mësues i lirisë për bijat e bijët e tij

Posted on 7 Mars, 20217 Mars, 2021 by Kult Plus

Teksa sot shënohet 7 Marsi, Dita e Mësuesit, secili prej nesh kujton mësuesin tonë të parë, ata që na mësuan, mirëpo edhe ata për të cilët mësuam, shkruan KultPlus.

Në një postim në Facebook lideri i Lëvizjes Vetëvendosje, Albin Kurti ka kujtuar figurën e Shaban Jasharit, që sipas tij krahas mësuesit rezistent ai ishte dhe luftëtar e më pas u bë edhe dëshmor.

“Le të kujtojmë sot figurën e mësuesit rezistent, luftëtar, dëshmor. Por edhe të rindjejmë e përkujtojmë atë vrull arsimues të Shaban Jasharit. Le ta rikujtojmë si mësuesi më i shpallur i bijve e bijave të tij. Mësues special ishte baca Shaban sepse u kthye në mësues për fëmijët e tij”, ka shkruar Kurti.

Tutje ai ka shtuar se Shaban Jashari ishte një mësues integral ngasë u mësoi lirinë bijëve dhe bijave të tij. Dhe sipas Kurtit vetëm në këtë mënyrë 7 marsi mund të marrë vlerën e tij të plotë.

“Por baca Shaban ishte edhe mësues integral sepse u bë mësuesi i lirisë për bijat dhe bijtë e tij. Në këtë kuptim 7 marsi mund të marrë vlerën e vet më të plotë. Mësuesi nuk është ai që na sjell dijen abstrakte dhe vetminë, por virtytin publik të lirisë, deri edhe dijen e vetëmohimit në emër të hapjes së një epoke të re”, ka përfunduar Kurti.

Më poshtë mund të lexoni statusin e tij të plotë:

Sot është dita e mësueseve dhe mësuesve tanë. Personaliteti mësimdhënës mbart drejtpërdrejt fuqinë që i jep virtyti publik i shoqërisë sonë. Mësuesi vjen menjëherë pas prindit. Sapo fëmija del prej ngrohtësisë së nënës, babait dhe vatrës, ka përpara vetes dhe bashkëmoshatarëve të vet një autoritet të ri të cilin e dashuron jo thjesht prej ndjenjës, por prej dijes. Në sytë e shkollarit mësuesi është përfaqësuesi i një jete që çelet përpara.

Le të kujtojmë sot figurën e mësuesit rezistent, luftëtar, dëshmor. Por edhe të rindjejmë e përkujtojmë atë vrull arsimues të Shaban Jasharit. Le ta rikujtojmë si mësuesi më i shpallur i bijve e bijave të tij. Mësues special ishte baca Shaban sepse u kthye në mësues për fëmijët e tij. Por baca Shaban ishte edhe mësues integral sepse u bë mësuesi i lirisë për bijat dhe bijtë e tij. Në këtë kuptim 7 marsi mund të marrë vlerën e vet më të plotë. Mësuesi nuk është ai që na sjell dijen abstrakte dhe vetminë, por virtytin publik të lirisë, deri edhe dijen e vetëmohimit në emër të hapjes së një epoke të re./ KultPlus.com

Në Ditën e Mësuesit protestohet para Ministrisë së Arsimit, ministrat vlerësohen me notën 1

Posted on 7 Mars, 20217 Mars, 2021 by Kult Plus

Në Ditën e Mësuesit, sot është protestuar para Ministrisë së Arsimit.

Aksioni është organizuar nga organizata joqeveritare “Global Shapers Prishtina”.

Në këtë aksion aktivistët e kësaj organizate në mënyrë simbolike kanë vlerësuar me notë 1 të gjithë ministrat e Arsimit për gjendjen në këtë fushë, ndërsa u kanë dhënë notat 5 sa i përket nepotizmit.

Avdyl Gashi, organizator i këtij aksioni ka thënë Kosova radhitet ndër vendet e fundit sa i përket cilësisë në arsim.

“Rezultatet e Testit Pisa radhitin Kosovën si ndër vendet e fundit, ashtu edhe organizatat tjera. Shkollat tona kanë mungesë të infrastrukturës, stafit, e të psikologëve. Po ashtu s’ka reforma. Pandemia ka dëshmuar vështirësitë në sistemin arsimor”, ka thënë aktvisiti i kësaj organizate.

Përfaqësues të kësaj organizate kërkun qe Qeveria e re ta ketë prioritet arsimin./ KultPlus.com

Likaj: Mësuesit janë faktor kyç për emancipim shoqëror

Posted on 7 Mars, 20217 Mars, 2021 by Kult Plus

Ministri në detyrë i Arsimit dhe Shkencës, Ramë Likaj me rastin e 7 marsit, ka uruar të gjithë mësuesit, duke theksuar se ata janë faktori kyq për emancipimin shoqëror, shkruan KultPlus.

Nëpërmjet një postimi në Facebook, Likaj ka shkruar se pikërisht kjo datë, 7 Marsi na përkujton marsin e 1887-ës, kur në Korçë u hap mësonjëtorja e parë shqipe nën drejtimin e Pandeli Sotirit.

Në ditën e tyre, 7 marsin, urojmë dhe nderojmë të gjithë mësuesit! Kjo datë na përkujton 7 marsin e 1887-ës, kur u hap…
Posted by Ramë Likaj on Saturday, March 6, 2021

7 Marsi na rikujton themelet e para të shkollës shqipe, mirëpo marset shënohen si festë që nga vit 196-të kur dhe shteti shqiptar i asaj kohe e kishte vendosur këtë për të përkujtuar hapjen e Mësonjëtores së parë Shqipe./ KultPlus.com

Në ditën e mësuesit protestë në Prishtinë, si shenjë pakënaqësie për gjendjen e arsimit në vend

Posted on 7 Mars, 20217 Mars, 2021 by Kult Plus

Dita e Shkollës së parë Shqipe, apo siç dhe njihet ndryshe si Dita e Mësuesit këtë vit në Prishtinë do të shënohet më një protestë përballë Ministrisë së Arsimit dhe Shkencës, shkruan KultPlus.

Në njoftimin e bërë nga organizatorët e kësaj proteste theksohet se Kosova ka më së paku arsye për festimin e ditës së mësuesit, për shkak të gjendjes në të cilën ndodhet arsimi në vend.

“Kjo ditë tradicionalisht është festuar në Kosovë, madje edhe me dreka, darka e mirënjohje. Ne konsiderojmë, se Kosova ka më së paku arsye për të festuar, duke marrë parasysh gjendjen e rëndë në të cilen ndodhet Arsimi”, thuhet ndër të tjera në njoftim.

Tutje ata kanë shtuar se kjo protestë gjithashtu po organizohet për të ngritur vetëdijen në opinoni publik, por dhe për të kërkuar përgjegjësi nga politika që arsimi të bëhet prioritet.

“Në kuadër të aksionit para objektit të MASH ne do të vendosim një ditar shkollor ku kemi notuar me notën 1 si më e dobëta të gjithë ministrat/et që kanë drejtuar këtë ministri nga paslufta e deri më sot”, thuhet tutje në njoftim.

Kjo protestë e cila është thirrur nga Global Shapers Prishtina do mbahet sot në orën 11:00 duke respektuar të gjitha masat anti covid./ KultPlus.com

7 Marsi, Dita e Mësuesit

Posted on 7 Mars, 20217 Mars, 2021 by Kult Plus

Dita e mësuesit është një festë, e cila i kushtohet personelit edukues të shkollave dhe universiteteve. Deri në fillim të viteve ’90 në Shqipëri, për të nxitur mësimdhënien e një cilësie sa më të lartë, mësuesit më të njohur shpërbleheshin me dekoratat e larta që ishin Mësues i Merituar dhe Mësues i Popullit.

Në mars të vitit 1887 në Korçë u hap mësonjëtorja e parë shqipe. Mësues dhe drejtor i parë i saj ishte Pandeli Sotiri. Veç tjerash kjo ngjarje ishte një fitore e madhe për popullin shqiptar, pasi deri atëherë dhënia e mësimeve për shkak të pushtimit osman bëhej privatisht brenda shtëpive në mënyrë të fshehtë. Kështu që nga ajo ditë 7 marsi festohet në Shqipëri si dita e mësuesit për të përkujtuar atë ngjarje të rëndësishme kulturore dhe historike.

Me ato mundësi që kishin ata u bënë iniciatorët e krijimit të teksteve të para shkollore të dokumentuara. Ata i përkushtuan një rëndësi te madhe pajisjes me mjetet e duhura të mësimdhënies, për të bërë më tej dhe shpërndarjen e tyre te nxënësit e tyre. Të edukuar me frymën e lartë të patriotizmit këta nxënës do të bëheshin në të ardhmen pasuesit e denjë të ideologjisë së mësuesve të tyre dhe luftëtarë të devotshëm ne luftën për liri dhe pavarësi.

Organizata e Kombeve të Bashkuara për Arsim, Shkencë dhe Kulturë, UNESCO, në vitin 1994, ka përcaktuar 5 tetorin si Ditën Botërore të Mësuesit, për të përkujtuar nënshkrimin e Rekomandimit, në lidhje me Statusin e Mësuesve, miratuar nga ana e ILO/UNESCO, në Paris, më 5 tetor 1966. Po në këtë vit, sipas idesë dhe sugjerimit të UNESCO-së, pedagogu zviceran Robert Dottrens (1893 – 1984) hartoi edhe betimin solemn të mësuesit mbi bazën e betimit të Hipokratit. / KultPlus.com

Festa e mësuesit dhe historia e saj

Posted on 6 Mars, 20206 Mars, 2020 by Kult Plus

Sot festohet “Dita e Mësuesit”, që na përkujton ditën kur më 7 mars 1887, u hap në Korçë, nën drejtimin e Pandeli Sotirit, Mësonjëtorja kombëtare shqipe. Ajo ishte shkollë me karakter kombëtar e laik ku të gjitha mësimet jepeshin në gjuhën shqipe. Drejtues të saj ishin figura të njohura të Rilindjes shqiptare, si: Pandeli Sotiri, Petro Nini Luarasi, Nuçi Naçi, Thoma Avrami. Në këtë ditë në të gjithë së bashku kujtojmë mësuesit tanë të parë që na mësuan shkronjat shqipe, na mësuan se si ta duam dhe ta respektojmë atdheun.

Na mësuan poezitë e bukura të autorëve tonë të mrekullushëm që çdo fjalë e varg i saj të mbetet e të ngulitet thellë në mendjet tona. Me aq dashuri e respekt janë sjellë me ne për të na mësuar e kritikuar me atë metodën dashamirëse kur ne bënim gabime. Mësimet e mësuesve tonë u bënë udhërrëfyes për rrugën tonë në të ardhmen. Ato mësime na ndjekin edhe sot që kemi dalë në jetën tonë të pavarur. Le t’ua dedikojmë suksesin tonë në jetë mësuesve tanë.

Mësuesit shqiptare në çdo kohë e në çdo krahinë, kanë qenë jo thjeshtë profesionistë të arsimit, por në radhë të parë ishin patriotë dhe njerëz të emancipuar, agjitatorë të shqiptarizmës dhe idealistë, humanë dhe artistë të fushave të ndryshme. Cdo njëri nga ne ka në zemër monumentin e mësuesit të tij të preferuar, të cilit i falet me mirënjohje. Pra çdo njeri pavarësisht se çfarë detyre ka sot, qoftë ky ministër apo politikan , biznesmen apo punëtor, ka qenë dikur nxënës, ka pasur përballë mësuesin, mësuesen që s’kursente kohën, frymën, pasionin, jetën, për të brumosur vogëlushët me dije, me kulturë dhe edukatë. /KultPlus.com

Drejtoria e Arsimit në Prishtinë ua ndalon mësuesve të pranojnë dhurata për 7 dhe 8 mars

Posted on 6 Mars, 20206 Mars, 2020 by KultPlus

Drejtoria e Arsimit në Komunën e Prishtinës u është drejtuar mësimdhënësve dhe udhëheqësve të shkollave me një letër ku thuhet se mësuesve u ndalohet të pranojnë dhurata për 7 dhe 8 mars.

Komuna thotë se 7 marsi duhet të kuptohet si ditë reflektimi për mangësitë e evidentuara.

“Dita e Mësuesit duhet të kuptohet si ditë reflektimi për mangësitë e evidentuara në procesin edukativo-arsimor, por edhe si moment vlerësimi për rezultatet e arritura”, thuhet në shkresën e Komunës së Prishtinës.

Në shkresë gjithashtu thuhet se në të kaluarën mësuesit janë pajisur me dhurata të ndryshme nga nxënësit duke e ngarkuar buxhetin modest të prindërve të fëmijëve për 7 dhe 8 mars. Ndërsa sot, pranimi i dhuratave nga fëmijët është jo etike dhe e ndaluar.

“Në të kaluarën, këto dy data të rëndësishme, më shumë janë perceptuar si ditë kur mësimdhënëset e të gjitha niveleve të arsimit parauniversitar, sidomos edukatorët dhe mësueset e nivelit 0 dhe 1, janë pajisur me dhurata të ndryshme nga nxënësit, duke ngarkuar buxhetin edhe ashtu shumë modest të prindërve të fëmijëve tanë”.

“Drejtoria e Arsimit e Komunës së Prishtinës fton të gjithë prindërit që mos të investojnë në dhurata të ndryshme, përveç luleve dhe paralajmëron drejtorët e shkollave se dukuria e marrjes së dhuratave nga fëmijët është jo etike dhe e ndaluar”, thuhet në shkresën e Komunës.

Drejtoria e Arsimit e Komunës së Prishtinës premtoi se do të angazhohet me të gjitha potencialet për krijimin e vlerës shtesë në arsim.

“Drejtoria e Arsimit e Komunës së Prishtinës, uron të gjithë mësimdhënësit e të gjitha niveleve të arsimit parauniversitar për këto dy data të shënuara dhe premton se do të angazhohet me të gjitha potencialet për krijimin e vlerës shtesë në arsim”, përfundon shkresa. / KultPlus.com

7 Marsi, Dita e Mësuesit

Posted on 7 Mars, 20197 Mars, 2019 by KultPlus

Më mars të vitit 1887 në Korçë u hap mësonjëtorja e parë shqipe. Mësues dhe drejtor i parë i saj ishte Pandeli Sotiri. Veç tjerash kjo ngjarje ishte një fitore e madhe për popullin shqiptar, pasi deri atëherë dhënia e mësimeve për shkak të pushtimit osman bëhej privatisht brenda shtëpive në mënyrë të fshehtë. Kështu që nga ajo ditë 7 marsi festohet në Shqipëri si dita e mësuesit për të përkujtuar atë ngjarje të rëndësishme kulturore dhe historike.

Edhe pse në kushte të vështira, kur mësimi i gjuhës shqipe për shkak të kushteve të ndodhura nën sundimin osman ishte rreptësishtë i ndaluar, mësonjëtorja e Korçës qëndroi e hapur për gati 20 vjet. Drejtues të saj ishin figura të njohura të Rilindjes shqiptare si: Pandeli Sotiri, Petro Nini Luarasi, Nuçi Naçi, Thoma Avrami, etj. Kontributi i madh që këta atdhetarë dhe veprimtarë të shquar dhanë për kombin, dëshmohet nga dëshira e zjarrtë që ata kishin për të përhapur dijen në popull. Me ato mundësi që kishin ata u bënë iniciatorët e krijimit të teksteve të para shkollore të dokumentuara. Ata i përkushtuan një rëndësi te madhe pajisjes me mjetet e duhura të mësimdhënies, për të bërë më tej dhe shpërndarjen e tyre te nxënësit e tyre. Të edukuar me frymën e lartë të patriotizmit këta nxënës do të bëheshin në të ardhmen pasuesit e denjë të ideologjisë së mësuesve të tyre dhe luftëtarë të devotshëm ne luftën për liri dhe pavarësi.