Politikania gjermane, Doris Pack ka bërë të ditur se është kthyer në vendlindjen e saj pas vizitës që ka realizuar në Kosovë.
Ajo ka kujtuar presidentin Ibrahim Rugova me rastin e ditëlindjes së tij.
“Sapo u ktheva në shtëpi nga Kosova duke menduar për mikun e njeriun e jashtëzakonshëm, Ibrahim Rugova, ish-presidenti i Kosovës dhe fitues i Çmimit Sakharov. Sot do të ishte ditëlindja e tij”, ka shkruar Pack./ KultPlus.com
Kolegji AAB i ndan Çmimin Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, Doris Pack.
Ky çmim ndërkombëtar i Kolegjit AAB, i ndahet zonjës Doris Pack për angazhimin e saj në njohjen ndërkombëtare dhe mbështetjen në procesin e transformimit demokratik të Kosovës.
Ceremonia e ndarjes së çmimit, do të zhvillohet të enjten, më 01 dhjetor 2022, nga ora 15:00, në Teatrin AAB “Faruk Begolli”. / KultPlus.com
Presidentja e Kosovës, dr. Vjosa Osmani ia dorëzoi sot znj. Doris Pack “Urdhrin e lirisë”, të cilin ia kishte ndarë presidenti Rugova, më 2004, për kontributin e jashtëzakonshëm të saj për lirinë e Kosovës dhe pavarësinë e saj.
Në takimin e përzemërt të cilin Presidentja Osmani e zhvilloi sot me znj. Pack, e cila shoqërohej edhe nga z. Daniel Braun, udhëheqës i fondacionit “Konrad Adenauer”, Presidentja Osmani e falënderoi znj. Pack për angazhimin e saj të gjatë në njohjen e subjektivitetit ndërkombëtar të Kosovës.
“Roli juaj ka qenë shumë i rëndësishëm në gjithë rrugëtimin tonë. Duke filluar nga fundi i viteve ’80 e këtej ju keni qenë promovuese e madhe e së drejtës sonë për liri. Pas çlirimit të vendit, ju i keni shërbyer njohjes dhe promovimit të shtetësisë së Kosovës”, tha Presidentja Osmani.
Po ashtu, znj. Osmani dhe znj. Pack diskutuan për procesin e integrimit të rajonit në Bashkimin Europian, si dhe hapat që po i ndërmerr Kosova për ta përshpejtuar integrimin e saj euroatlantik.
Nga ana tjetër, znj. Pack, znj. Pack, anëtare shumëvjecare e Bundestagut gjerman dhe e Parlamentit Europian, si dhe kryetare e Forumit të Gruas të Partive Popullore Europiane (EPP Women), theksoi se i kupton shumë mirë sfidat me të cilat vendi ynë ballafaqohet ende, sfida të kuptueshme për një shtet të ri sikur Kosova.
“Për ta njohur mirë Kosovën, secili duhet ta kuptojë të kaluarën e saj”, tha znj. Pack.
Ajo shprehu edhe një herë kënaqësinë e saj që ka mundur t’i shërbejë popullit të Kosovës, me të cilin, sikur tha ajo e lidh miqësi e hershme./ KultPlus.com
