Etiketë: driton

Kuka, xhudistëve: Heronj, ju faleminderit nga zemra

Posted on by Kult Plus

Trajneri i njohur i xhudos, Driton Kuka, i ka shprehur mirënjohje ekipit të tij, për sukseset e arritura në tri olimpiadat, në të cilat Kosova ishte pjesëmarrëse.

Kuka xhudistët i quajti heronj.

“Ju faleminderit nga Zemra. Mbushët rrathët Olimpik me medalje”, u shpreh Kuka.

Kosova në tri Lojërat Olimpike nuk shpëtoi pa marrë medalje.

Në “Rio 2016”, ishte “mbretëresha e xhudos” Majlinda Kelmendi, ose që ishte stolisur për herën të parë në historinë e xhudos kosovare, me medaljen e artë.

Katër vjet më vonë, dy xhudiste tjera, Distria Krasniqi dhe Nora Gjakova, morën të artën në “Tokyo 2020”.

Ndërkaq në “Paris 2024”, xhudistet Distria Krasniqi dhe Laura Fazliu i sollën vendit dy medalje, të argjendten dhe të bronztën.

Kështu duke arritur numri i përgjithshëm i medaljeve në pesë.

“Mirënjohje Majlindes e Fatosit për punën afër meje! Agronit Presidentit tonë falenderim të veçantë! Klubit më të mirë në Botë një falenderim i veçantë Judo Team Ippon -Peja,We make Champions of the World. Gjithë komunitetit të xhudos që jemi pak por me vlera shumë. Komiteti Olimpik e Ministria e Sportit ishin afër nesh me përkahje sa herë kishim nevojë!”, u shpreh Toni Kuka.

Kuka: Luftove si luan sot Akil, meritove medaljen por fati s’ishte me ne

Posted on by Kult Plus

Trajneri i xhudos, Driton Kuka, ka thënë se Akil Gjakova sot ka luftuar si një luan, por se me të nuk ishte fati.

Në një postim në Facebook, ai ka thënë se Gjakova e ka merituar një medalje sot për paraqitjen që pati në Lojërat Olimpike “Paris 2024”.

“Tri fitore të mëdha, Azeri e Japonezi ndalën medaljen e parë për shtetin e Kosovës për meshkuj pas luftës! Pesë lufta të çmendura dhe të forta. Ishe në çdo element më i mirë në gjysmëfinale por në sport ndonjëherë fati luan rolin e vet!”, ka thënë Kuka.

Më tej, ai ka shtuar se Akili i dha Kosovës vendin e pestë në lojëra olimpike, rezultati më i madh për meshkuj pas shpalljes së pavarësisë.

Më tej, ai shkroi edhe për motrën e Akilit, xhudisten tjetër, Nora Gjakova, për të cilën tha do të mbetet një shembull për të tërë jetën.

“Nora sot garoi e lënduar por e pati dëshirën edhe një herë të garoj në Lojëra Olimpike, jo për veten por për shtetin tonë,për popullin Shqiptar,por nuk eci ashtu si menduam por je Kampione Olimpike dhe e tillë do mbetesh për mua krejt jetën! Shkojmë më tutje …”, ka thënë Kuka.

Konfirmohet ekipi olimpik i xhudos, Kuka: Caku, medalja olimpike

Posted on by Kult Plus

Tashmë është kompletuar ekipi olimpik i xhudos që do ta përfaqësojë Kosovën në Lojërat Olimpik ‘Paris 2024’.

Trajneri i Kosovës, Driton Kukat të martën përmes llogarisë së tij në Facebook, ka konfirmuar ekipin olimpik të xhudos.

Akil Gjakova, Distria Krasniqi, Nora Gjakova, Laura Fazliu dhe Loriana Kuka janë xhudistët që do ta përfaqësojnë Kosovën në Paris. Trajneri Driton Kuka ka thënë se caku do të jetë medalja olimpike.

“Për një ditë të mirë miq … Sot zyrtarisht konfirmohet mbyllja e kualifikimit për Lojëra Olimpike! Lista e ekipit tonë. Punë e madhe e përkushtim tash shkojmë tutje. Caku medalja Olimpike. Do Zoti shpaguhet mundi dhe puna e këtij ekipi dhe mbarë federatës tonë me medalje Olimpike të radhës”, ka shkruar Kuka.

Selmani prezantohet në Vjenë me projektin ‘Geisters or Vice Versa’

Posted on by Kult Plus

Në kuadër të ekspozitës në “Kahán Art Space”, Vienna, Austria, vazhdon të jetë i prezantuar edhe projekti: Geisters or Vice Versa, i artistit kosovar Driton Selamni.

Geisters or Vice Versa është një projekt artistik në hapësirë publike nga artisti kosovar Driton Selmani. Ajo shoqëron ekspozitën e tij të parë solo në Austri, e cila aktualisht është e hapur në Kahan Art Space Vjenë (Große Sperlgasse 37/Große Pfarrgasse 7) deri më 27 gusht 2023.

Geisters or Vice Versa (2019/2023) reflekton mbi kompleksitetin dhe boshllëqet midis kohës, kujtesës dhe vendit. Rrobat (palltot dhe xhupat) në fotografitë e realizuara nga artisti i përkasin z. Ismail (l. 1944 në Kosovë), një i afërm familjar i artistit. Z. Ismail rastësisht i pozicionoi ata si dordolecë arash nëpër kopshtin e tij të perimeve në fshatin e tij të lindjes Doganaj (Kosovë), pasi u kthye në shtëpi nga Gstaad (Zvicër) dhe Paznaun-Ischgl (Austri), ku jetoi për 45 vitet e fundit.

Dordolecat e arave të zotit Ismail, të krijuara për të frikësuar zogjtë grabitqarë, përfaqësojnë ose më saktë dokumentojnë udhëtimin fizik dhe mendor të historisë së tij të migrimit “Gastarbeiter” nga fshati i tij i lindjes në Perëndim dhe, pas dekadash, në atdhe.1 Ndërsa përshtatej me mjedisin e huaj, Z. Ismail luftoi financiarisht për të siguruar jetesën, duke përfshirë blerjen e rrobave të reja. Tani të njëjtat mbulesa shërbejnë si artefakte fantazmë, monumente të bëra vetë të statusit të tij ekonomik dhe shijes së modës, të qëndresës së tij; kujtime të jetës së tij të kaluar në një shtëpi larg shtëpisë.

Ndërhyrjet artistike janë të pozicionuara në sipërfaqe reklamuese në pesë lokacionet e mëposhtme në Vjenë:

• Hellwagstraße, bei Bahnunterführung

• Taborstraße gü. Nr. 102-108

• Rotenkreuzgasse 9 Ecke Haidgasse 11

• Währinger Str. 23, Oben

• Taborstraße 95, bei Einfahrt zum Nordwestbahnhof/Gazeta Express/KultPlus.com

Trajneri Kuka pas fitores së Fazliut në Masters: Ditë e lumtur, sporti po i shfaq vlerat gjithmonë

Posted on by Kult Plus

Sot, me fitoren e xhudistes kosovare, Laura Fazliu, trajneri Driton Kuka është shprehur se ndihet i lumtur, duke thënë se sporti po arrin shfaq t’i vlerat gjithmonë, shkruan KultPlus.

Sportistja Fazliu, sot në podium ka ka arritur të mposhtë dy Japoneze ish-Kampione Botërore dhe Clarise francezen 6 herë Kampione.

Më poshtë gjeni postimin e plotë të trajnerit Kuka:

Çfarë Laure 🏅
World Judo Masters 2023
Laura Fazliu e artë!
Çfarë podiumi dy Japoneze Ish Kampione Botërore dhe Clarise Francezja 6 x Kampione Botërore e Kampione Olimpike e Laura Fazliu e artë 🏅
Një performancë e shkelqyeshme e saj.
Dominoj ajkën Botërore.
1800 Pikë Olimpike dhe ajo tashmë po paralajmërohet si një ndër favoritet për medalje Olimpike në #paris2024
Një ditë e bukur dhe e lumtur për mua.,ekipin dhe shtetin tonë që përmes sportit po shfaq vlerat gjithmonë!
Laura sot drejt të artës mposhti të dy japonezet,Izraeliten Gefen dhe Rumunen Ivanescu !
Performancë të mirë dhe tashmë me 488 pikë do hyj nē Normë Olimpike kishte edhe Akil Gjakova fitoj dy lufta dhe pësoj dy herë vendi i 7 dhe tash lirisht po them që u rikthye në krye të detyres.
Kosova mbi të gjitha …
Foto pas garës na u bashkangjit Clarise Agbegnenou legjenda e xhudos që sot ishte e bronztë në kategorinë e Laures deri 63 k./KultPlus.com