Etiketë: Dukagjin Lipa

Presidenti Rugova në mesin e artistëve të njohur shqiptarë (FOTO)

Posted on by Kult Plus

Ibrahim Rugova, presidenti historik i Kosovës, krahas vizionit të tij politik, vlerësohej edhe si një intelektual e studiues shembull. Veç kësaj ai kishte një raport të afërt edhe me emrat e njohur të artit që vepronin në atë kohë, me të cilët jo dhe rrallë herë takohej.

KultPlus sot ju sjellë një fotografi të postuar nga Micky Haxhiislami ku Presidenti Rugova shihet së bashku me Sabri Fejzullahun, Dukagjin Lipën, Adelina Ismailin, këngëtarë dhe miq të tjerë.

Fotografia besohet se është realizuar gjatë vitit 1997./ KultPlus.com

Arsyeja pse Dua Lipa e ndryshoi urimin për ditëlindjen e babait të saj

Posted on by KultPlus

Ajo dje ka postuar një fotografi në Instagramin e saj, ku uron ditëlindjen e babait të saj, Dukagjin Lipës. Dhe duke qenë se Dua Lipa përcillet me interesim të madh edhe nga fansat e saj në Malajzi, fjala “babi” të cilën ajo e ka përdorur në postim ka zgjuar pak debat të panevojshëm

Dua është e njohur në Malajzi. Por në gjuhën e vendit, në Malajzi, fjala “babi” përkthehet në “pig” (derr / thi).

Komentuesit nga Malajzia kanë bërë shaka në llogari të kësaj fjale dhe më pas Dua Lipa e ka zëvendësuar fjalën me përkthimin në gjuhën angleze.

Worldofbuzz e ka dhënë lajmin ndërsa ka shkruar se Dua vjen nga Kosova dhe se ajo e ka uruar babin e saj në mënyrën më të mirë, në gjuhën e saj amtare.

Sidoqoftë, të jesh Dua do të thotë të pranosh edhe kritikat. Ajo ka reaguar me një koment në Instagram duke treguar se jo të gjithë njerëzit transmetojnë negativitet dhe gjejnë të tilla lidhje mes fjalëve.

Dukagjin Lipa, babi i Dua Lipës, është një fytyrë e njohur në Kosovë dhe dikur pjesë e Grupit ODA.

Sa për Dua Lipën, do ta kemi verës në Prishtinë, me një koncert që është paralajmëruar ta sjellë krijuesen e “New Rules” në qytetin ku ka jetuar për disa vite. / KultPlus.com

Babai i Dua Lipës sot feston datëlindjen, vjen urimi i veçantë i këngëtares (FOTO)

Posted on by Kult Plus

Babai i këngëtares shqiptare me famë botërore Dua Lipa, sot feston datëlindjen.

Kësisoj, vajza e tij, Dua ka uruar atë nëpërmjet rrjetit social Instagram, ku nis urimin me “Happy Birthday Babi”, shkruan KultPlus.

“Urime ditëlindja babi! Të dua shumë dhe më mungon. Do të doja tani të isha në shtëpi të përqafoja shumë”, ka shkruar Dua./ KultPlus.com

Kur Dua Lipa bashkë me babain e saj besonin në Diell (VIDEO)

Posted on by KultPlus

Dua Lipa është këngëtarja shqiptare,e cila karrierës së saj ia shtoi edhe vulën e cmimeve ndërkombëtare, pasi ajo tashmë ka të fituara dy cmime në Brit Awards, shkruan KultPlus.

Dua Lipa është superylli ndërkombëtar që ka depërtuar në nivel botëror, duke e konsideruar edhe si një yll shpërthyes.

Vitin e kaluar ajo është prezantuar edhe me një koncert në Prishtinë, ku bashkë me babain e saj kanë intepretuar këngën “Beso në Diell”, këngë kjo e babait të saj, Dukagjin Lipës i cili bashkë me grupin ODA, kanë sjellë këtë hit.

Beso në Diell

Kur shtrëngata mbulon qytetin tonë
Mos u frikëso natën ti
Beso n’mua se unë besoj n’ty
Shiko rrufenë drejt në sy

Pas çdo shiu, dielli do të nxej
Unë dhe ti të lirë do t’shikojm lart
Dhe e dimë se nuk është, nuk është tmerr
Nuk është tmerr, por është shtrëngatë

Më beso se nuk je vetëm jo
Më beso të lutem ti
Më beso se do t’shkrij jetën
Dhe nuk do të jem larg nga ti

Beso në diell…

Kur shiu i ftohtë fytyrën ta mbulon
Vazhdo drejt ti, rrugë mos ndërro
Ngrite kokën dhe shiko lart
Se nuk është tmerr, por është shtrëngatë ./KultPlus.com
https://www.youtube.com/watch?v=hT5glJM7RMQ&app=desktop

Babai i Dua Lipës, përkrahë Rita Orën (FOTO)

Posted on by Kult Plus

Mbrëmë ishte një natë e paharruar në Brit Awards për shqiptarët.

Dy vajzat kosovare Rita Ora dhe Dua Lipa, ishin pjesë e kësaj mbrëmje, ku ato me zërin e tyre ngritën në këmbë publikun londinez dhe jo vetëm, shkruan KultPlus.

Rita Ora me performancë magjike ndërsa Dua Lipa me pesë nominime në këtë ceremoni nga të cilat mori dy çmime edhe atë si Artistja më e Mirë Femër. Edhe Dua Lipa, performoi në skenën e Brit Awards, ndërsa për ta përkrahur atë, aty ishin familja e saj Dukagjin Lipa dhe Anesa Lipa.

Dukagjin Lipa, përveç përkrahjes që ia bënte të bijës nëpërmjet rrjeteve sociale, ai ka publikuar edhe një video në InstaStory, gjatë performancës së Rita Orës, me mbishkrimin #RitaOra.

Në vijim, po sjellim fotografitë e publikuara nga Dukagjin Lipa./ KultPlus.com

Dua Lipa feston ditëlindjen, babai e uron me një foto të veçantë (FOTO)

Posted on by KultPlus

Këngëtarja Dua Lipa, vajza e sukseseve, sot feston ditëlindjen.

Ndonëse ende e re në moshë, ajo ka arritur të përjetojë suksese të mëdha në karrierën e saj, madje këto ditë ajo është duke përjetuar kulmin e sukseseve, kjo falë këngës së saj të fundit ‘New Rules’, shkruan KultPlus.

Dua sot feston ditëlindjen e 22-të e rrethuar me miq, por urimin më të veçantë ajo e mori nga babai i saj Dukagjin Lipa i cili kishte përzgjedhur një foto nga fëmijëria e Duas ku të dy duken shumë të lumtur.

“Buzëqeshja dhe qeshja jote gjithmonë e ndriçojnë ditën time. Ne e bëjmë këtë mirë së bashku. Gëzuar ditëlindjen dashuria ime”, ka shkruar Dukagjini poshtë kësaj fotografie. / KultPlus.com