Elbenita Kajtazi është solistja e re nga Kosova e cila do të jetë pjesë e operes Der Rosenkavalier. Operë në të cilën do të ngjitet në skenë se bashku me mezosopranojen botërore Sophie Koch, ketë e ka konfirmuar vetë solistja përmes një statusi në rrjetin social Facebook.
“Tashmë e konfirmuar, mezosopranoja e mirënjohur në të gjithë botën Sophie Koch do luaj rolin e Octavian dhe unë jam e stërlumtur ta ndaj skenën me një këngëtare të tillë nga e cila do kem rastin të mësoj shumë, dhe të këndoj duetin e mirënjohur nga opera Der Rosenkavalie”, është shprehur Kajtazi. /KultPlus.com
Një rol tjetër i rëndësishëm do i shtohet listës së roleve të shumta që ka interpretuar sopranoja e njohur kosovare, Elbenita Kajtazi, shkruan KultPlus.
Kajtazi do të ketë rolin e Marzillines në operën e njohur “Fidelio” të cilin do e sjellë në
vitin 2020 në Staatsoper në Hamburg.
“Petkun e rolit të
Marzelline nga opera e vetme e kompozuar nga Ludwig van Beethoven do e vesh me
28.04.2020 në Staatsoper Hamburg nën dirigjimin e të mrekullueshmit Kent Nagano
. E stërlumtur të bëj debutimin tim në mesin e këngëtarëve me nivel botëror
prej të cilëve mësoj gjithmonë aq shumë, e padyshim është privilegj dhe fat i
madh të jem në skenën e mrekullueshme të operës shtetërore të Hamburgut!” është
shprehu Kajtazi në një postim në facebook.
Në Operën shtetërore të Hamburgut Kajtazi do të jetë edhe vajza e luleve në operën “Parsifal”./ KultPlus.com
Sopranoja Elbenita Kajtazi ka konfirmuar se është pajisur me pasaportën e Shqipërisë, gjë që ia mundëson që të udhëtojë për në Kili.
Në një prononcim për Koha Ditore Kajtazi më parë kishte bërë të ditur se sherri i pasaportës mund të humbiste debutimin në rolin e Sophies në operën “Der Rosenkavalier” të Richard Straussit, që është një nga ëndrrat e saj.
E këtë ëndërr tani mund ta realizojë falë pasaportës shqiptare, që i mundëson udhëtimin për në Kili, shtet ky që nuk e njeh Pavarësinë e Kosovës.
Në rrjetin social në Facebook ajo ka shkruar sot se ndjehet e lumtur dhe me shumë krahë pasi nga dje është edhe qytetare e Shqipërisë.
“Dëshiroj të falënderoj me këtë rast të gjithë instancat më të larta të shtetit shqiptar presidentin e Republikës së Shqipërisë shkelqësinë e tij zotërinë, Ilir Meta, ish-ministren e Kulturës, Mirela Kumbaro-Furxhi. Përfaqësues të të lartë të Ministrisë së Brendshme, Gjendjes Civile dhe Policisë së Shtetit, dy ambasadorët atë të Kosovës në Gjermani, Beqë Cufaj si dhe ambasadorin e Shqipërisë , Artur Kuko dhe nga zemra falënderoj Adem Sallauken nga Ambasada e Kosovës në Shqipëri që bën të mundur marrjen e shtetësisë shqiptare në kohë rekord”, ka shkruar Kajtazi.
Elbenita Kajtazi, sopranoja e njohur nga Kosova, sonte do të debutojë në rolin e Sussanës në ‘Le nozze di Figaro’ nga Mozart.
Në mbështetje për këtë debutim sonte dhe për sukses të radhës të sopranos ka dhënë edhe Ermonela Jaho, emri i madh shqiptar që po pushton skenat e të gjithë botës me emocionet e saj, shkruan KultPlus.
Ajo ka shkruar në rrjetin social se ëndrrat bëhen realitet kur njeriu beson në to dhe i kushtohet në tërësi, duke i uruar suksese Elbenitës në këtë rrugëtim.
Elbenita sonte ngjitet në Staatsoper Hamburg, në një rol tjetër të rëndësishëm në karrierën e saj e cila tanimë nuk ka të ndalur.
Jaho dhe Kajtazi po e mbështesin njëra tjetrën në karrierën e tyre dhe si rrallëherë nga rastet tjera, duket se dyshja kanë këshilla dhe ndihmë për njëra tjetrën dhe po e ngrisin njëra tjetrën në majat e larta të performancave klasike në rruzull. / KultPlus.com
Sopranoja nga Kosova, Elbenita Kajtazi po shkelë tashmë skenat më të njohura operistike ndërsa së fundmi ka njoftuar se do të debutojë me një rol të madh nga opera Le Nozze di Figari, shkruan KultPlus.
Gjatë karrierës së saj në Gjermani, Kajtazi njofton se ka
luajtur jo dhe pak role por ky është një nga rolet më të vështira që sopranoja
kosovare ka marrë përsipër.
“Roli i Susannës do jetë një ndër rolet më të vështira që
kam debutuar deri tani, por jam shumë e lumtur ta kem edhe këtë rol të
mrekullueshëm nga opera Le Nozze di Figaro në listën time eventualisht të gjatë
🙂 “, ka shkruar Kajtazi.
Kajtazi tutje ka njoftuar se me këtë rol do të ngjitën në
skenën e Operës së Hamburgut “Staatsoper Hamburg”.
“Mezi pres ta debutoj e ta shijoj çdo sekondë të kësaj shfaqje në skenën e mrekullueshme të Operës së Hamburgut, Staatsoper Hambug”, ka shkruar tutje Kajtazi./ KultPlus.com
Sopranoja kosovare, e cila tashmë ka krijuar karrierë nëpër skena botërore, do të bëhet pjesë e një koncerti humanitar në Hamburg. Elbenita Kajtazi do të jetë në mesin e 16 muzikantëve të cilët së bashku formojnë ansamblin e “Staatosper Hamburg”.
Për më shumë se 30 vjet, shtëpia operistike “Staatosper Hamburg”, ka mbështetur punën e “German Muscular Diminution Aid e.V”. Edhe këtë sezon, ansambli i “Staatosper” i dedikon një mbrëmje të gjithë atyre që janë të prekur nga sëmundja e muskujve.
Qëllimi i “German Muscle Loss Aid” është që t’i përkrahë njerëzit me sëmundje të muskujve dhe familjet e tyre që t’u ndihmojnë të jetojnë e kujdesen për veten. Përveç kësaj, asociacioni ofron edhe këshilla shtesë, grupe për t’u kujdesur për veten dhe shërbime të veturave pa pagesë. Në Gjermani, vlerësohet se janë rreth 150 mijë njerëz të prekur nga kjo sëmundje, e muskujve, ende e pashërueshme, shkruan KohaDitore.
Kajtazi do të ngjitet në skenën e “Hamburg State Opera”, ku edhe tani po punon, për koncertin i cili do të zërë vend me datën 8 të këtij muaji./KultPlus.com
Sopranoja nga Kosova, Elbenita Kajtazi po shkelë tashmë skenat më të njohura operistike ndërsa së fundmi ka njoftuar se do të këndojë në një ndër shtëpitë operistike më prestigjioze në botë, në “The Glyndenbourne Opera House” në Angli, shkruan KultPlus.
Elbenita Kajtazi tutje ka njoftuar se do të këndojë e përformojë rolin kryesor, Adina nga opera Donizettit “L’elisir D’amore” dhe meqenëse performanca e saj do të mbahet në vitin 2020, ajo nuk ka dashur të zbulojë informacione të tjera.
“Përshëndetje miq të dashur , jam e stërlumtur t’iu informoj se tash së fundi kam nënshkruar një kontratë në të cilën më është ofruar të këndoj në një ndër shtëpitë operistike më prestigjoze në botë “The Glyndenbourne Opera House” në Angli. Do të këndoj e performoj rolin kryesor Adina nga opera e mrekullueshme e Donizettit “L’elisir D’amore”. Do të performoj në vitin 2020 në muajin qershor dhe korrik andaj është pak herët për informacione të tjera. Shumë e lumtur t’i kthehem rrugës time me lajme kaq të mira për mua dhe njerëzit të cilët i dua e janë gjithmonë pranë meje dhe të cilët gjithnjë i falemnderoj për mbështetjen dhe dashurinë”, shkruhet në postimin e sopranos Elbenita Kajtazi.
Pasi ka falënderuar të gjithë për përkrahjen ajo ka ndarë edhe një porosi motivuese për të gjithë.
“Një gjë të fundit: Kurrë mos hiqni dorë nga ëndërrat, ka gjithmonë një rrugë për ti bërë realitet!”, ka shkruar Kajtazi./ KultPlus.com
Elbenita Kajtazi dhe Marigona Qerkezi ishin gjysmë-finaliste të garës së madhe operistike Operalia, shkruan KultPlus.
Ato mbrëmë ishin në garë bashkë me 24 artistë të tjerë për të hyrë në finale të kësaj gare.
Këtë të dyja kosovaret nuk e arritën mirëpo duartrokitjet dhe dashurinë e publikut e morën me vete.
“Te dashur miq e familjare, dua te ju falenderoj nga zemra per mbeshtetjen e perhershme qe me jepni pergjate rrugetimit tim artistik, pjese e te cilit ishte edhe Operalia.
Ju faleminderit shume”, ka shkruar në rrjetin social Facebook soprano Marigona Qerkezi.
Elbenita Kajtazi dhe Marigona Qerkezi, nuk janë shqiptaret e vetme që morën pjesë në këtë garë.
Në vitin 1993, këtë çmim e pati marrë Inva Mula ndërsa në vitin 2016-të njëri nga fituesit ishte tenori Ramë Lahaj.
OPERALIA është themeluar në vitin 1993 nga i madhi Placido Domingo për të promovuar dhe ndihmuar talentet e reja në botën e operës./ KultPlus.com
Elbenita Kajtazi dhe Marigona Qerkezi e kanë kaluar edhe një fazë tjetër në garën operistike Operalia.
Sonte, në një natë tjetër gjysmë-finale, dy shqiptaret kanë kaluar në fazën tjetër të garës së artistëve të rinj të botës së operës. Ato tanimë janë semifinaliste të garës.
Dy artistet do të jenë pjesë e garës me datë 30 gusht. Janë gjithsejt 24 artistë në këtë garë të gjysmëfinales në fushën e operës.
OPERALIA është themeluar në vitin 1993 nga i madhi Placido Domingo për të promovuar dhe ndihmuar talentet e reja në botën e operës.
Në vitin 1993, këtë çmim e pati marrë Inva Mula ndërsa në vitin 2016-të njëri nga fituesit ishte tenori Ramë Lahaj.
/ KultPlus.com
Sopranot kosovare, Marigona Qerkezi dhe Elbenita Kajtazi të cilat po vazhdojnë suksesshëm të jenë pjesë e skenave operistike botërore, së fundmi janë bërë pjesë në njërën ndër garat më prestigjioze siç është ajo e konkursit të famshëm operistik “Operalia”, shkruan KultPlus.
Qerkezi dhe Kajtazi janë zgjedhur në mesin e 40 artistëve që do të konkurrojnë në këtë konkurs për çmimin “Operalia”.
Tashmë kanë mbetur vetëm edhe një muaj deri në finalen e kësaj gare.
Vetë Placido Domingo ka njoftuar përmes rrjetet sociale rreth datave dhe vendit se ku do të mbahet kjo garë si dhe ka zbuluar posterin e Operalia 2018.
Operalia 2018 e Placido Domingo do të zhvillohet në Teatro Nacional de São Carlos në Lisbonë, Portugali nga 27 gusht deri më 2 shtator.
Pjesë e këtij konkursi në vitin 2016-të ishte edhe tenori kosovar Ramë Lahaj, ku kishte fituar vendin e tretë, ndërkaq Elbenita dhe Marigona, do të performojnë në “Teatro Nacional de Sao Carlos” në Lisbonë të Portugalisë./ KultPlus.com
Sopranoja kosovare Elbenita Kajtazi po shijon sukseset një pas një në skena të mëdha prestigjioze, shkruan KultPlus.
Suksesi i saj i fundit është përzgjedhja në mes dhjetë finalistëve në garën prestigjioze të “Paris Opera Competition” ku këtë skenë e synojnë shumë artistë nga e mbarë bota.
Për këtë sukses ka njoftuar vetë Elbenita Kajtazi e cila ka thënë se në këtë garë do të prezantojë shtetin e saj Kosovën, në mesin e dhjetë finakistëve nga vende të ndryshme të botës./KultPlus.com
Sopranot kosovare, Marigona Qerkezi dhe Elbenita Kajtazi po vazhdojnë suksesshëm të jenë pjesë e skenave operistike botërore.
Një sukses i radhës që vije nga dy sopranot është edhe pjesëmarrja e tyre në njërën ndër garat më prestigjioze siç është ajo e konkursit të famshëm operistik “Operalia”, shkruan KultPlus.
Qerkezi dhe Kajtazi janë zgjedhur në mesin e 40 artistëve që do të konkurrojnë në këtë konkurs për çmimin “Operalia”.
Pjesë e këtij konkursi në vitin 2016-të ishte edhe tenori kosovar Ramë Lahaj, ku kishte fituar vendin e tretë, ndërkaq Elbenita dhe Marigona, do të performojnë në “Teatro Nacional de Sao Carlos” në Lisbonë të Portugalisë./ KultPlus.com
E njejta agjenci që menaxhon Ermonela Jahon, ka marë edhe sopranon kosovare Elbenita Kajtazin
Sopranoja shqiptare Elbenita Kajtazi tashmë i është bashkuar agjencionit menaxhues, Zemsky Green. Agjencion ky i cili menaxhon emra të njohur të muzikës klasike, duke përfshirë edhe sopranon e njohur botërisht Ermonela Jaho, shkruan KultPlus.
Sopranoja Elbenita Kajtazi ka shfrytëzuar rrjetit sociale për të ndarë këtë lajm të cilin e ka konsideruar të mrekullueshme.
“Miq të dashur, jam e stërlumtur të ndaj me ju një lajm të mrekullueshëm. Nga ky muaj unë i jam bashkangjitur agjencionit të madh menaxhues Zemsky Green, agjencion ky që përmban emra të mëdhenj botërorë të muzikës operistike e një ndër ta edhe diva jonë Ermonela Jaho e cila është udhërrëfyesja ime dhe të cilës i jam dhe do i jem falënderuese gjithë jetën time, Ermonela gjithmonë citon një fjali, ‘ të bashkuar jemi më të fort’”, ka shkruar ajo në postimin e saj në Facebook.
http://www.zemskygreenartists.com/roster/
Kujtojmë se një muaj më parë sopranoja Elbenita Kajtazi Në Glyndebourne të Anglisë, në një nga shtëpitë operistike më me nam, në konkursin Glyndebourne Opera Cup, ka fituar dy çmime, vendin e tretë si dhe çmimin e publikut./KultPlus.com
Gazeta prestigjioze “The Times”, i ka kushtuar një artikull të veçantë sopranos kosovare, Elbenita Kajtazi ku e ka portretizuar atë si fëmijë lufte që sot po arrin të prek majat e suksesit të saj, shkruan KultPlus.
“Ndërsa ushtarët mbanin armë tek koka e saj, shtatëvjeçarja Elbenita Kajtazi këndonte në mendjen e saj. Tani, 20 vite më vonë, zëri i sopranos kosovare ka magjepsur audiencën në Glyndebourne”, kështu e fillon shkrimin “The Times”.
Më tutje The Times ka përshkruar fëmijërinë e saj në qytetin e Mitrovicës, qytetit që akoma qëndron i ndarë. Atje ajo po rriste dëshirën e madhe për këndim por që situata në të cilën ndodhej ajo dhe familja, shpesh po i dhuronin pasiguri për të ngritur zërin e saj. Këtë fundjavë, në udhëtimin e saj të parë në Angli, Elbenita Kajtazi arriti të fitoi çmimin e audiencës në inaugurimin e Glyndebourne Opera Cup.
“Këndimi për mua është si terapi. Kur arritëm të kthehemi në shtëpi pas luftës, të gjithë ishin shumë të lumtur që ende ishim gjallë, kështu që askush nuk do të fliste për atë që ndodhi”, i ka dhënë sopranoja “The Times”.
Glyndebourne Opera Cup – është një konkurs ndërkombëtar për këngëtarë të operës i cili është projektuar për të nxjerrë në pah artistë të rinj të talentuar nga e gjithë bota, duke u ofruar atyre një çmim prej 15 mijë funtash dhe mundësi për nisjen e një karriere ndërkombëtare në operë. / KultPlus.com
Në Glyndebourne të Anglisë, në një nga shtëpitë operistike më me nam, sopranoja kosovare Elbenita Kajtazi në një garë tejet të fuqishme, mbrëmë ka fituar dy çmime të rëndësishme në konkursin Glyndebourne Opera Cup, shkruan KultPlus.
Elbenita Kajtazi në këtë garë operistike në Londër ka marrë vendin e tretë si dhe çmimin e publikut.
Ndërkaq çmimi i parë shkoi në SHBA ndërsa i dyti në Francë.
Glyndebourne Opera Cup – është një konkurs ndërkombëtar për këngëtarë të operës i cili është projektuar për të nxjerrë në pah artistë të rinj të talentuar nga e gjithë bota, duke u ofruar atyre një çmim prej 15 mijë funtash dhe mundësi për nisjen e një karriere ndërkombëtare në operë./ KultPlus.com
Në Glyndebourne të Anglisë, në një nga shtëpitë operistike më me nam, sopranoja shqiptare Elbenita Kajtazi do të garojë për të qenë një ndër fitueset e konkursit Glyndebourne Opera Cup, bashkë me konkurrentët nga e gjithë bota, shkruan KultPlus.
Glyndebourne Opera Cup – është një konkurs ndërkombëtar për këngëtarë të operës i cili është projektuar për të nxjerrë në pah artistë të rinj të talentuar nga e gjithë bota, duke u ofruar atyre një çmim prej 15 mijë funtash dhe mundësi për nisjen e një karriere ndërkombëtare në operë.
Sopranoja Elbenita Kajtazi është në mesin e finalistëve.
Tema e konkursit për sivjet është Moxarti, dhe finalistët do të shoqërohen me orkestër.
Ky konkurs emocionues do të transmetohet në Sky Arts. Pjesa e parë e këtij konkursi u mbajt me 22 e me 23 mars, prej ky gjysmëfinalistët performuan dhe kësisoj përfunduan vetëm dhjetë si finalistë
Finalja e konkursit do të jetë të shtunën, sonte, nga ora 17:30 deri në ora 21:00. / KultPlus.com
Sopranoja Elbenita Kajtazi ka qenë pjesë e gazetës prestigjioze britanike “The Telegraph”, me anë të një shkrimi është përshkruar në pika të shkurtra rrugëtimi i saj artistik, shkruan KultPlus.
Lidhur me sopranon kosovare, shkruhet se rrugëtimi i saj deri në nivelin e tanishëm, nuk ka qenë aspak i lehtë. Këtu përfshihet fëmijëria e saj gjatë luftës me Serbinë dhe jeta e saj si refugjate.
“Shumë prej tyre janë përpjekur shumë për të arritur deri këtu: 27-vjeçarja kosovare Elbenita Kajtazi, një bukuroshe flokëzezë, u rrit gjatë luftës së tmerrshme me Serbinë dhe kaloi shumë nga jeta e saj e hershme si një refugjate në Shqipëri”, shkruhet në artikullin e gazetës “The Telegraph”.
Tutje gazeta ka treguar për kontaktin e saj me operën.
“Kontakti i saj i parë me operën ishte përmes dëgjimit të Maria Callas në YouTube dhe ajo nuk është kthyer prapa që prej asaj kohe – gjatë katër viteve të fundit ajo ka nënshkruar kontratë me shtëpitë e operës gjermane dhe tani po punon në ansamblin rezident në Operën shtetërore të Hmburgut. Ardhja në Glyndebourne do të jetë udhëtimi i saj i parë në Britani, kurse deri tani ajo e ka pasur të pamundur marrjen e vizës “, shkruhet tutje në këtë shkrim. / KultPlus.com
Sopranoja kosovare Elbenita Kajtazi që nga shtatori i këtij viti do t’i bashkohet shtëpisë operistike të Hamburgut, Staatsoper Hamburg, shkruan KultPlus.
Elbenita përmes një postimi në Facebook, ka ndarë emocionet e këtij lajmi të mrekullueshëm për artisten. Sopranoja kosovare ka thënë se ndihet e lumtur që tani e tutje kjo shtëpi do të jetë shtëpia e performancave të saj në mjaft role sfiduese e të dashura.
“Të jesh pjesë e ansamblit të një shtëpie opersitike sikur ajo e Hamburgut është privilegj shumë i madh, puna dhe përkushtimi i madh që i kam vënë këtij profesioni po më shpërblehet çdo ditë, prandaj miq të dashur nuk duhet dorëzuar asnjëherë sepse asgjë nuk është e pamundur”, është mesazhi i sopranos pas marrjes së këtij lajmi.
Elbenita Kajtazi, vjen nga qyteti i Mitrovicës dhe ka pasur rastin të performoj në disa prej shtëpive më të rëndësishme të operës në Evropë./ KultPlus.com
Sopranoja e njohur shqiptare Elbenita Kajtazi e cila po shënon një sukses të madh në skena të mëdha operistike, me fokus më të madh në Gjermani, sot ka goditur udhëheqësit e Kosovës, gjithnjë duke pas në vëmendje mospërmbushjen e standardeve për liberalizimin e vizave, shkruan KultPlus.
Ajo mes të tjerash ka shkruar se pikërisht duke poseduar pasaportën e Kosovës, ajo tashmë ka humbur shumë shanse në karrierë, por përpos kësaj, ajo mungesën e lëvizjes së lirë e ka lidhur edhe me familjen e saj. Për më shumë, më poshtë mund të lexoni reagimin e saj të plotë.
Sot , si ansjëherë më parë urrej me shpirt të gjithë udhëheqësit e vendit tim të dashur Kosovës , sot e mërzitur nuk ndihem aspak krenare për vendin që kam lindur !
Prindërve të mij sot iu refuzua viza për Amerikë pa kurfar arsye , edhe pse i kanë plotësuar të gjitha kushtet dhe normal parat që paguan dyt nuk u kthyen… !!!
Ju politikan që shetitni gjithë botën jazëk ju qoft që mbani të gjithë popullin e Kosovës të izoluar!
Për shkak të pasaportës Kosovare që unë posedoj kam humbur disa nga shancat më të mrekullueshme për të kënduar në disa shtëpi operistike botërore , sepse duhet të mirresha me dokumenta!
Ndjehem e frustruar e e mërzitur jashtëmase shumë sot !
Do ta dua vendin tim me shpirt gjithmonë por edhe do jem e stërlumtur kur të posedoj pasaportën Gjermane , që më jep liri udhëtimi në gjithë botën!/KultPlus.com
