Etiketë: Elia Zaharia

Nga Arbana Osmani, Angela Martini dhe Princeshë Elia, fytyrat publike që shkruan libra për këtë panair

Posted on by KultPlus

Panairi i Librit ‘Tirana 2019’ i çelur prej disa ditësh në Pallatin e Kongreseve ka sjellë për lexuesit disa vepra nga personazhe të njohura të ekranit shqiptar, transmeton KultPlus.

Moderatorja e njohur Arbana Osmani ka sjellë librin e saj për amvisat shqiptare të titullin ‘Receta për 5 Minuta’ duke sjellë në panair jo vetëm njerëz të apasionuar pas leximit dhe gatimit por edhe fansa të vetë moderatores.

Një tjetër personazh i njohur i ekranit gazetari dhe moderatori Blendi Fevziu solli librin ‘Tirana e Nonës’ i cili për ditë me radhë u reklamua jo vetëm në stendën e panairit, por edhe në rrjetet sociale.  Gazetari Andi Bejtja solli librin e tij me poezi  “Atdhe dashuri, me pesëdhjetë poezi t’i thuash të gjitha”.

Një libër në këtë panair solli edhe bashkëshortja e princ Leka Zogut, Elia Zaharia një përrallë me ilustrime për Mbretëreshën Geraldinë, me titull ‘Trëndafili i Bardhë’.

Ndërsa befasoi edhe modelja e njohur me Angela Martini e cila erdhi si autore e librit ‘Dashuri, shpresë, dritë’. /shqiptarja.com/ KultPlus.com

Elia Zaharia: Të gjithëve na dhemb Teatri, ja çfarë kërkoj unë

Posted on by KultPlus

Kryeministri Edi Rama ka cituar këtë pasdite Elia Zaharinë, vajzën e aktores së madhe Yllka Mujo, lidhur me çështjen e Teatrit Kombëtar.

Rama ndan me miqtë virtualë në “Facebook” qëndrimin e aktores dhe princeshës Zaharia, e cila shprehet mes të tjerash se “nuk është mëkat të kërkosh parametra dhe kapacitete europiane për një teatër dinjitoz kombëtar”.

Në mesazhin e saj, Zahari shkruan se nuk ka “me ne ose kundër nesh”, pasi nuk ka asnjë artist që nuk e do dhe nuk i dhemb Teatri Kombëtar.

Mesazhi i Ramës: Elia Zaharia, vajza e aktores së madhe Yllka Mujo, është edhe ajo një aktore e talentuar e teatrit, që njësoj si shumica dërrmuese e komunitetit teatror, ka opinionin e arsyeshëm lidhur me të ardhmen e godinës së Teatrit Kombëtar

ELIA ZAHARIA:
Nuk mendoj se është mëkat të kërkosh parametra dhe kapacitete europiane për një teatër dinjitoz kombëtar. Nëse do qe e mundur të ndërtohet ky teatër i ri modern, dhe krahas tij të restaurohet apo rikonstruktohet ai ekzistues, kjo do të ishte një zgjidhje ideale dhe ne të gjithë do të ishim shumë të lumtur! Por sa reale është në kushtet e sotme kjo dëshirë e jona? A i përmbush godina e sotme këto parametra?

Këtë përgjigje ata që e njohin sadopak teatrin në brendi e dinë. Ata që e kanë parë vetëm nga fasada apo në televizor, i ftoj ta vizitojnë. Për një gjë i siguroj të gjithë ata që i kanë ndarë me dashje artistët në “me ne ose kundra nesh” – nuk ka asnjë artist që nuk e do apo nuk i dhëmb Teatri Kombëtar, përkundrazi! Të gjithë jemi teatri! /balkanweb/KultPlus.com

Elia Zaharia, aktorja më e mirë e ‘Koko Fest’

Posted on by KultPlus

Elia Zaharia është shpallur aktorja më e mirë e edicionit të pestë të Festivalit KokoFest që mbahet në qytetin e Korçës.

Juria e përbërë nga Ndriçim Xhepa, Luiza Xhuvani, Enver Petrovci, Rajmonda Bulku dhe Adem Karaga, vlerësuan interpretimin e saj në komedinë “Vetëvrasësi” nën regjinë e Sulejman Rushitit.

“Vetëvrasësi” është një shfaqje e vitit 1928 nga dramaturgu rus Nikolai Erdman. Performanca e tij u ndalua gjatë epokës staliniste dhe u prodhua vetëm në Rusi disa vjet pas vdekjes së shkrimtarit të saj. Sot ajo konsiderohet si një nga dramat më të mira, që ka dalë nga Rusia komuniste. Për ta sjellë këtë premierë në skenë regjisori Rushiti angazhoi një kastë aktorësh të njohur, por dhe të rinj të teatrit.

Me çmime të tjera në këtë festival u vlerësuan: Ilir Bokshi si regjia më e mirë, Aktori më i mirë Adrian Morina &Ylber Bardhi, aktori më i mirë jo protagonist Visjan Ukcenaj, aktorja më e mirë jo protagonistë Monika Lubonja, artistja e re Paola Kodra, artisti i ri Margent Caushi . Çmimi i karrierës (Femër) shkoi për dy aktoret “Margarita Xhepa dhe Tinka Kurti . Ndërsa çmimi i karrierës (Mashkull) shkoi për aktorin Reshat Arbana .Çmimi i KoKo FEST “Nderi i Festivalit ” shkoi për Koço Qëndro./KultPlus.com

Elia Zaharia, aktore tek ‘Vetëvrasësi’ i Nikolai Erdman

Posted on by KultPlus

Elia Zaharia do të interpretojë këtë fundjavë në skenën e Teatrit “Andon Zako Cajupi” të Korçës, në veprën e Nikolai Erdman “Vetëvrasësi” nën regjinë e Sulejman Rushitit.

Po çfarë është në qëndër të kësaj vepre? Një i ri, i papunë, Semyon, beson se përgjigja ndaj problemeve të tij është të mësojë të luajë tuba. Megjithatë, plani i tij dështon dhe ai mendon vetëvrasje. Fqinji i tij, Aleksandër Petroviç, vendos të fitojë para nga mjerimi i Semyon, duke shfrytëzuar vetëvrasjen e tij për disa ofertues. Këta ofertues kanë planifikuar të shfrytëzojnë vdekjen e Semyon-it në avancimin e çështjes së tyre individuale.

Inteligjenca, e përfaqësuar nga Aristarku, është i pari që i afrohet atij. Nga kjo pikë, Semyon e gjen veten, duke u manipuluar nga njerëz të ndryshëm që përfaqësojnë botën e biznesit, artet, punëtorët, romancat etj. Gjatë rrjedhës së shfaqjes, secili personazh zbulon anën më të keqe të personalitetit të tyre, me efekt humorist. “Vetëvrasësi” u përkthye për herë të parë në anglisht nga Peter Tegel dhe u shfaq nga kompania Royal Shakespeare në The Other Place, Stratford, më 13 qershor 1979. Prodhimi u drejtua nga Ron Daniels dhe roli kryesor i Semyon Semyonovitch luhej nga Roger Rees. Ajo u vendos për herë të parë në Broadëay më 9 tetor 1980 në Playhouse ANTA (tani i quajtur Ëilson Theatre August) dhe u mbyll më 30 nëntor 1980 pas 60 shfaqjeve.

Bashkëpunimi më i mirë i Erdman me Meyerhold ishte “The Suicide (1928)” e njohur universalisht si një nga veprat më të mira të shkruara gjatë periudhës sovjetike. Veprimi bazohet në temën e vetëvrasjes së falsifikuar, e cila ishte futur në literaturën ruse nga Aleksandër Sukhovo-Kobylin në “Vdekjen e Tarelkinit” (1869) dhe u eksplorua nga Leo Tolstoy në “The Living Corpse” (1900). Në role të tjera intepretojnë Neritan Licaj, Olta Gixhari . “Vetëvrasësi” është një shfaqje e vitit 1928 nga dramaturgu rus Nikolai Erdman. Performanca e tij u ndalua gjatë epokës staliniste dhe u prodhua vetëm në Rusi disa vjet pas vdekjes së shkrimtarit të saj. Sot ajo konsiderohet si një nga dramat më të mira, që ka dalë nga Rusia komuniste. Edhe më parë në skenën e teatrit në Shqipëri Rushiti është vlerësuar me veprat e tij. Kjo premierë pas skenës së Korçës do të vijë dhe në skenën e teatrit në Tiranë.Vepra do të ngjitet në skenë në datat 28-29-30 prill dhe 1-12-13-14 maj.

Reshat Arbana rikthehet në teatër me rolin te ‘Babai’

Posted on by KultPlus

“Babai”, vepra e Florian Zeller rikthen në skenën e Teatrit Kombëtar aktorin e njohur Reshat Arbana. Përkrah tij interpretojnë aktorët Elia Zaharia, Flaura Kureta, Hysen Mullajonuzi dhe Mario Elezi. Në qëndër të veprës është historia e një burri të moshuar me demencë. Por Zelleri thotë se ai nuk u nis nga një ide për ta shkruar dramën.

“Unë nuk përpiqem të them diҫka kur filloj të shkruaj. Unë e zbuloj në fund se ҫfarë dua të them. Kur shkrova ‘Babain’ nuk u mundova kurrë të bindja veten ose që të bëja ҫmos të shkruaja një dramë për demencën. Me mua ndodhi ndryshe. Unë fillova të shkruaja dhe personazhi erdhi natyrshëm…Në fund të dramës, unë u habita kur zbulova se drama ishte për demencën”, shprehet autori i veprës.

“Të shkruash romane është punë vetmitare”, -shprehet Zeller, “kurse kur shkruan për teatrin dramaturgu nuk është asnjëherë vetëm. Kjo ndodh pasi dramaturgu gjithnjë ka parasysh fytyrat e aktorëve, që në fillim, ai nuk është vetëm. Kjo është një mënyrë për të parë diҫka më të madhe se vetvetja.”

Zelleri nuk e krahason shkrimin e dramave me asnjë përvojë tjetër: as me leximin, shkuarjen në kinema ose degjimin e muzikës që interpretohet ‘live’. Kjo sipas tij ndodh sepse “spektatori ka shpirt, një shpirt të veҫantë, për një natë dhe unë nuk e kuptoj përse kjo gjë më emocionon së tepërmi. Ajo që ai sheh në një shfaqje nuk do të përsëritet më kurrë, është diҫka që do të zhduket.

Vepra do të jetë në skenën e Teatrit Kombëtar në datat 21-22-23-24 Dhjetor në Teatrin Kombëtar.

Florian Zeller u lind më 28 Qershor 1978 në France. Është romancier dhe dramaturg . Vepra e tij është botuar dhe vënë në skene në të gjithë botën. Ai ka fituar disa ҫmime Molier në France. Ҫmimi Molier ështe ҫmimi më i lartë në France në fushën e dramaturgjise. Florian Zeller, sipas gazetës prestigjoze The Guardian, është “dramaturgu më i mirë i epokës sonë”.