Etiketë: Elon Musk

Elon Musk po dështon me premtimin e tij mbi racizmin, lojtarët me ngjyrë të Botërorit 2022 po fyhen në Twitter

Posted on by Kult Plus

Pavarësisht garancive të Elon Musk se Twitter do të ishte pa gjuhën e urrejtjes, një raport tregon se postimet raciste kundër futbollistëve në Kampionatin Botëror po lejohen dhe platforma e rrjeteve sociale me sa duket nuk po bën asgjë për t’i fshirë ato ose për të sanksionuar llogaritë që i kanë postuar, edhe pse ato ishin raportuar gati një javë më parë.

Përpara fillimit të Botërorit 2022 shumë të diskutueshëm në Katar, Elon Musk publikoi një status në Twitter duke thënë se politika e re në Twitter është liria e fjalës, por jo liria e arritjes, duke shtuar se çdo status negativ ose urrejtje do të debostohet dhe demonetizohet maksimalisht, duke nënkuptuar se nuk do të ketë mundësi fitimi parash nga Twitter në këtë mënyrë.

Raporti tregon që postimet racore në Twitter të lojtarëve të Kampionatit Botëror nuk janë fshirë, shkruan Marca.

Qendra kundër urrejtjes digjitale është një organizatë jofitimprurëse britanike që bëri një studim i cili zbuloi se mbi 100 statuse abuzive racore u drejtoheshin lojtarëve të Kampionatit Botëror përpara fillimit të turneut, pa u fshirë nga poseduesit e faqes.

Ndër mënyrat më ofenduese në statuset në Twitter gjendet fjala “nigger (zezak)”, si dhe emoji me majmun dhe banane, me të cilat ofenduesit iu referohen njerëzve me ngjyrë që të kthehen në vendet e tyre.

Disa nga lojtarët me ngjyrë që ky studim kërkimor zbuloi se ishin në shënjestër të racizmit janë: Bukayo Saka, Marcus Rashford, Gabriel Jesus, Jadon Sancho, Richarlison, Mohamed Salah dhe të tjerë.

Twitter po e ka të vështirë të trajtojë rritjet masive të trafikut të prodhuara nga Kampionati Botëror 2022 në Katar, edhe më shumë për shkak të faktit se rreth 5,000 punonjës janë pushuar nga puna në tri javët e fundit që kur Musk mori drejtimin e platformës së rrjeteve sociale.

Imran Ahmed, CEO i Qendrës kundër urrejtjes digjitale tha se hulumtimi i tyre dëshmon se Twitteri i Elon Musk nuk është më i përshtatshëm për qëllimin dhe duhet të frenohet.

“Racistët kërkojnë të dërgojnë një mesazh se nëse edhe heronjtë kombëtarë mund të jenë në shënjestër të pandëshkueshëm, atëherë as ne të tjerët nuk jemi të sigurt”, tha Ahmed për VICE. / KultPlus.com

AP

OKB i kërkon Musk që të respektojë të drejtat e njeriut në Twitter

Posted on by Kult Plus

Komisionari i Lartë për të Drejtat e Njeriut i OKB-së, Volker Turk, i ka shkruar një letër të hapur Elon Muskut, duke i bërë thirrje të sigurojë që të drejtat e njeriut të jenë në qendër të menaxhimit të Twitter-it.

“Twitter është pjesë e revolucionit global dhe ka transformuar mënyrën se si ne komunikojmë. Por, iu shkruaj me shqetësim dhe frikë lidhur me sferën publike dhe rolin e Twitterit në të”, tha Turk.

Kjo letër vjen pasi Musk njoftoi për largime masive nga puna në Twitter, përfshirë edhe të gjithë stafin e drejtave të njeriut, përveç dy pjesëtarëve të ekipit etik të inteligjencës artificiale.

Njeriu më i pasur në botë, Elon Musk, bleu platformën sociale Twitter në fund të tetorit, në vlerë prej 44 miliardë dollarë.

Ai ka thënë se dëshiron që Twitter të ketë më pak kufizime lidhur me përmbajtjen që postohet në të. /REL/ KultPlus.com

Twitter konfirmon blerjen e verifikimit të llogarisë me shenjë blu

Posted on by Kult Plus

Twitter ka konfirmuar planet për të lejuar përdoruesit të blejnë statusin e verifikuar, transmeton KultPlus.

Në një përditësim për pajisjet Apple, kompania tha se funksioni do të jetë i hapur për përdoruesit në vende të caktuara që regjistrohen në shërbimin e saj Twitter Blue për 7,99 dollarë në muaj.

Ndryshimi i politikës është i diskutueshëm, mes shqetësimeve se platforma mund të mbushet me llogari të rreme.

Ky vendim vjen nga Elon Musk, i cili të premten pushoi nga puna rreth gjysmën e fuqisë punëtore të kompanisë.

Tiku blu i kërkuar më parë ishte i disponueshëm vetëm për individë dhe organizata të profilit të lartë ose me ndikim – të cilëve iu kërkua të provonin identitetin e tyre.

Është përdorur si shenjë se një profil është autentik dhe është një mjet kyç për të ndihmuar përdoruesit të identifikojnë informacione të besueshme në platformë.

Ndryshimi i politikës mund të nxisë shqetësimet se figurat qeveritare, të famshëm, gazetarë dhe marka mund të imitohen nga çdo përdorues i gatshëm të paguajë një tarifë mujore.

Musk, personi më i pasur në botë, duket se po kërkon të diversifikojë të ardhurat e Twitter-it, pas blerjes së tij të firmës në fund të muajit të kaluar në një marrëveshje prej 44 miliardë dollarësh.

Të premten, miliarderi tha se Twitter po humbte më shumë se 4 milion dollarë në ditë. /KultPlus.com

Nis “epoka Musk” në Twitter, 8 dollarë në muaj për verifikimin e llogarisë, shkarkime në administratë

Posted on by Kult Plus

Elon Musk merr vendimin e parë si pronari i Twitterit, 8 dollarë do të jetë pagesa mujore për përdoruesit, për të verifikuar llogarinë në emër të tyre. Ky është vetëm një nga ndryshimet e platformës sociale, mes shumë të tjerash që pritet të ndodhin, pasi Musk bleu kompaninë për 44 miliardë dollarë.

Aktualisht, shenja në ngjyrë blu që shfaqet në krah të emrit, që normalisht është një figurë me profil të lartë, është falas. Sipas kritikëve, kjo lëvizje mund ta bëjë edhe më të vështirë identifikimin e burimeve të besueshme.

Elon Musk, njeriu më i pasur në botë tha se përdoruesit me pagesë të Twitterit, do të jenë prioriteti, sa i takon furnizimit me informacion dhe për kërkime.

“Pushtet për njerëzit, blu për 8 dollarë në muaj”, tha miliarderi, duke kritikuar metodën e vjetër të tikerit në ngjyrë blu.

Projekti iu dha punonjësve të tij të dielën dhe me detyrim, skema e re duhet të hyjë në fuqi nga e hëna e ardhshme e 7 nëntorit, ndryshe ata rrezikojnë të humbasin vendin e punës.

Fillimisht ishte menduar për një tarifë 20-dollarëshe, por tashmë vendimi u mor për 8 dollarë në muaj./GazetaExpress/KultPlus.com

Vendim i Musk – verifikimi i llogarive në Twitter me para

Posted on by Kult Plus

Përdoruesit e rrjetit social Twitter që kanë shpenzuar vite duke gjeneruar audiencën e tyre dhe kanë arritur verifikimin e shumëpritur të llogarisë së tyre nga platforma, tani do të duhet të hapin portofolin e tyre nëse duan të mbajnë atë. 

Verifikimi në Twitter, deri më tani, u jepet personazheve publike, institucioneve, kompanive ose atyre që kanë një numër të mirë ndjekësish dhe janë me rëndësi shoqërore. Dhe nuk ka asnjë kosto.

Por sipas një raporti të fundit, tashmë që Elon Musk është pronar i saj, i gjithë procesi i verifikimit do të rinovohet dhe, më e keqja, ata që e kanë tashmë do të duhet të paguajnë 20 dollarë në muaj nëse duan ta mbajnë. Vetë Elon Musk shkroi të dielën në Twitter se:

I gjithë procesi i verifikimit është duke u rinovuar tani.

Sipas raportit, kompania dëshiron të rrisë abonimin e saj premium opsional – të quajtur Twitter Blue – nga 4,99 dollarë në 19,99 dollarë në muaj. Në këmbim, Twitter do të shtojë më shumë veçori, duke përfshirë verifikimin, për ta rritur abonimin e tij në atë që dëshiron të tarifojë. Por ata që duan ta bëjnë këtë, d.m.th., përdoruesit aktualë të verifikuar kanë 90 ditë kohë për t’u abonuar në Twitter-in e ri Blue pas fillimit të tij ose do të humbasin verifikimin e tyre të tanihëm. Një nga idetë e Musk është rritja e numrit të abonentëve në Twitter derisa të bëhen gjysma e të ardhurave të kompanisë.

Deri më sot, Twitter Blue ofron akses në artikuj pa reklama dhe disa rregullime shtesë të personalizimit. Përveç kësaj, Musk ka komentuar se ai synon që reklamat në Twitter të gjenerojnë më shumë të ardhura. Kjo, së bashku me deklaratat e tij se do t’i japë hapësirë ??çdo lloj shprehjeje, kanë ngjallur frikën se do të bëhet më agresive dhe me më shumë gjuhë urrejtjeje dhe ksenofobie sesa ka./ KultPlus.com

Elon Musk po kërkon të fusë çipa në trurin e njeriut, kjo është arsyeja

Posted on by Kult Plus

Elon Musk i është rikthyer sërish propozimit të tij të vjetër për vendosjen e çipave në trurin e njeriut me qëllim që të kontrollojnë kompjutetat dhe telefonat inteligjentë me anë të mendjes.

Këtë herë Musk ka ardhur me prova konkrete, ndërsa ka publikuar një video të një majmuni duke luajtur ping-pong me trurin e tij.

Teknologjia e njohur si “Neuralink” tashmë ka tronditur botën

Sipas Musk qëllimi kryesor i kësaj teknologjie është që çipat implantohen në trurin e njerëzve, duke i lejuar ata me paralizë të kontrollojnë gjëra si telefonat inteligjentë dhe kompjuterët.

Ishte parashikuar që kjo gjë të ndodhte në fund të muajit tetor, por Musk ka lajmëruar shtyrjen e këtij projekti për një muaj më mbrapa.

Njeriu më i pasur në botë nuk dha asnjë shpjegim për vonesën.

Ai thjesht shkroi në Twitter: “Neuralink shfaqe më 30 nëntor.”

E themeluar në vitin 2016, Neuralink po zhvillon çipa truri të implantueshëm që futen në rajonet e mendjes që kontrollojnë lëvizjen.

Përfundimisht, kompania dëshiron të sigurojë implantet e saj për njerëzit për të rritur inteligjencën e tyre.

Qëllimi është të krijohet një ndërfaqe e plotë e trurit brenda 25 viteve.

Musk ka pohuar se teknologjia do të ndalojë që njerëzit të tejkalohen nga inteligjenca artificiale, e cila ai beson se një ditë mund të kthehet kundër nesh.

Neuralink thotë se tashmë ka futur çipat e saj në lëndën gri të minjve dhe derrave.

Por në fillim të këtij viti, firma u akuzua për mizori ndaj kafshëve mes pretendimeve se disa nga majmunët e përfshirë në teste kishin vdekur.

Disa ekspertë janë gjithashtu të shqetësuar se teknologjia mund të keqpërdoret. / Express / KultPlus.com

Elon Musk paralajmëron 75% shkurtim të stafit të Twitter

Posted on by KultPlus

Multimiliarderi Elon Musk ka paralajmëruar shkurtim me 75% të stafit të Twitter muajin e ardhshëm. Lajmi për planet e Musk, nëse ai përfundimisht merr përsipër biznesin, vijnë në një moment të vështirë për Twitter. Kompania tha në korrik se tashmë kishte “ngadalësuar ndjeshëm punësimin”.

Ndërkohë, marrëveshja e Musk për blerjen e Twitter ka sjellë largimin e shumë punonjësve javët e fundit. Kujtojmë se Twitter është përfshirë në një betejë ligjore me miliarderin për muaj të tërë pasi Musk u përpoq të largohej nga marrëveshja e blerjes prej 44 miliardë dollarësh, përpara se të kthente kursin në fillim të këtij muaji.

“Twitter duket se është pa timon, dhe në një spirale në rënie, dhe është përkeqësuar vetëm nga Musk. Duket se do të jetë lundrim i vështirë për ca kohë”, tha Carl Tobias, kryetar i drejtësisë Williams në Universitetin e Richmond./ KultPlus.com

Musk: Starlink do të vazhdojë të financojë qeverinë ukrainase falas

Posted on by Kult Plus

Edhe pse u paralajmërua se një nga njerëzit më të pasur në botë, Elon Musk, do të ndërpresë furnizimin me rrjet ndaj qeverisë ukrainase, një gjë e tillë nuk do të ndodhë, shkruan KultPlus.

Një gjë të tillë e ka konfirmuar vetë Musk, përmes një shkrimi në rrjetin social “Twitter”.

“Le të shkojë në djallë… edhe pse Starlink ende po humbet para dhe kompanitë e tjera po marrin miliarda dollarë taksapagues, ne thjesht do të vazhdojmë të financojmë qeverinë e Ukrainës falas”, thuhet në postimin e tij.

Starlink është një sistem konstelacioni satelitor që synon të ofrojë mbulim global të internetit. Ky sistem është i përshtatshëm në mënyrë ideale për zonat rurale dhe gjeografike. /KultPlus.com

Musk propozon një qasje të ngjashme si ndaj Kosovës për Krimenë dhe Donbasin

Posted on by Kult Plus

Njeriu më i pasur në botë dhe njëri ndër figurat më me ndikim të shekullit njëzetenjë, Elon Musk, e ka përmendur rastin e pavarësisë së Kosovës kur ka folur për krahinat ukrainase të Donbasit dhe Krimesë.

Ai e ka hapur një anketë në llogarinë e tij në Twitter duke propozuar që të mbahet një referendum se me kë duan që të jenë këto dy territore, me Ukrainën apo Rusinë.

“Le ta provojmë këtë: vullneti i njerëzve që jetojnë në Donbas dhe Krime duhet të vendosë se a janë pjesë e Rusisë apo Ukrainës”, ka shkruar ai.

I pyetur  nga një ndjekës se a po tenton ta legjitimojë pseudorefendumin që ndodhi nën kushte persekutimi, tortura dhe ekzekutime, Elon Musk sugjeroi që të votimi të zhvillohet nën mbikëqyrjen e Kombeve të Bashkuara.

Më pas ai e ka sugjeruar një qasje të ngjashme për këto territore siç ishte bërë me Kosovën, por pa e elaboruar më qartë se çfarë donte të thoshte me këtë.

“Ndoshta një qasje të ngjashme si me Kosovën?” ka shkruar Musk dhe ia ka bashkëngjitur artikullin e Britannica për Kosovën.

Elon Musk i jep fund ofertës për ta blerë Twitter-in

Posted on by Kult Plus

Elon Musk thotë se po i jep fund ofertës së tij prej 44 miliardë dollarësh për të blerë Twitter, duke pretenduar shkelje të shumta të marrëveshjes së bashkimit.

Njoftimi i jep fund një sage të gjatë pasi njeriu më i pasur në botë vendosi të blinte Twitter në prill.

Musk tha se u tërhoq pasi Twitter nuk arriti t’i jepte atij informacion të mjaftueshëm për numrin e llogarive të padëshiruara dhe false.

Ai përballet me një tarifë ndarjeje prej 1 miliard dollarësh dhe një padi të mundshme në daljen e tij.

Në maj, Musk tha se marrëveshja ishte “përkohësisht në pritje” pasi ai priste të dhëna për numrin e llogarive të rreme dhe të postës së padëshiruar në Twitter. /Telegrafi/ /KultPlus.com

Elon Musk paditet për 258 miliardë dollarë, kjo është arsyeja

Posted on by Kult Plus

Pronari i Tesla dhe SpaceX, Elon Musk, është paditur për 258 miliardë dollarë nga një investitor i Dogecoin, i cili e akuzoi atë për drejtimin e një skeme piramidale për të mbështetur kriptomonedhën.

Skema piramidale është një sistem mashtrues për të fituar para bazuar në rekrutimin e një numri gjithnjë në rritje të “investitorëve”. Promovuesit fillestarë rekrutojnë investitorë, të cilët nga ana e tyre rekrutojnë më shumë investitorë, e kështu me radhë.

Në një ankesë të paraqitur në gjykatën federale në Manhattan, paditësi Keith Johnson akuzoi Musk, kompaninë e makinave elektrike Tesla Inc dhe kompaninë e turizmit hapësinor SpaceX, për shantazh për reklamimin e Dogecoin dhe rritjen e çmimit të tij, vetëm për ta lënë çmimin të bjerë.

“Të pandehurit ishin të vetëdijshëm që nga viti 2019 se Dogecoin nuk kishte asnjë vlerë ende duke promovuar Dogecoin për të përfituar nga tregtimi i tij. Musk përdori piedestalin e tij si njeriu më i pasur në botë për të operuar dhe manipuluar Skemën Piramidale Dogecoin për përfitim, ekspozim dhe argëtim”, thuhej në padi.

Ankesa gjithashtu grumbullon komente nga Ëarren Buffett, Bill Gates dhe të tjerë që vënë në dyshim vlerën e kriptomonedhës.

Johnson po kërkon 86 miliardë dollarë dëmshpërblim, që përfaqëson rënien e vlerës së tregut të Dogecoin që nga maji 2021, dhe dëshiron që ajo të trefishohet.

Ai gjithashtu dëshiron të bllokojë Musk dhe kompanitë e tij nga promovimi i Dogecoin, raporton Reuters, transmeton Klankosova.tv.

Tesla në shkurt 2021 tha se kishte blerë 1.5 miliardë dollarë Bitcoin, dhe për një kohë të shkurtër e pranoi atë si pagesë për automjetet.

Dogecoin për momentin tregtohet me rreth 5.8 centë, nga kulmi i majit 2021 prej rreth 74 cent./ Gazeta express / KultPlus.com

Elon Musk kërcënon me heqje dorë nga blerja e Twitter-it

Posted on by KultPlus

Miliarderi Elon Musk ka kërcënuar me tërheqje të ofertës 44 miliardë dollarëshe për blerje të rrjetit social, Twitter, duke akuzuar drejtuesit e platformës për pengim të kërkesave të tij për të mësuar më shumë për përdoruesit e kompanisë.

Në një letër dërguar rregullatorëve, Musk ka thënë se ka të drejtë të bëjë matjet e veta për llogaritë fiktive.

Kjo letër formalizon mospajtimet që kanë qarkulluar për disa javë, meqë Musk e ka vënë “në pritje” finalizimin e marrëveshjes.

Twitter, në anën tjetër, ka mbrojtur matjet e veta.

Pas pezullimit të ofertës për afat të shkurtër kohor, Musk ka thënë se dyshon që llogaritë fiktive në këtë rrjet social përbëjnë 20 për qind të totalit të përdoruesve, në krahasim me pretendimet e Twitter-it për pesë për qind.

Mospajtimet mes palëve kanë rritur dyshimet nëse do të realizohet blerja, të cilën e ka miratuar bordi i Twitter-it në muajin prill.

Analistët kanë thënë se Musk – shef i kompanisë Tesla dhe SpaceX – mund të jetë duke përdorur çështjen e përdoruesve fiktivë për rinegociuar çmimin apo edhe për të hequr dorë plotësisht nga blerja e rrjetit social.

Musk përballet me gjobë prej 1 milion dollarëve dhe padi të mundshme, nëse heq dorë nga marrëveshja./ KultPlus.com 

Pasi u tërhoq nga dëshmia para Gjykatës, Elon Musk flet për herë të parë për Johnny Depp dhe Amber Heard

Posted on by KultPlus

Elon Musk theu heshtjen për Amber Heard dhe Johnny Depp duke u shprehur me fjalë lavdëruese për të dy aktorët pasi avokatët e tyre dhanë argumentet përfundimtare në gjyqin për shpifje.

CEO i ‘Tesla’ dhe ‘SpaceX’, i cili ka qenë në lidhje me aktoren për disa muaj pas ndarjes së çiftit, fillimisht u konisderua si dëshmitar i mundshëm në këtë rast, por në fund nuk dëshmoi. Megjithatë në një status në Twitter ai shkroi: “Shpresoj që ata të dy të vazhdojnë përpara. Në më të mirën e tyre, ata janë të dy të pabesueshëm.”

Musk e bëri komentet e tij duke iu përgjigjur shkencëtarit të MIT Lex Fridman, i cili shkroi në Twitter: “Përfundimet e mia nga gjyqi Johnny Depp kundër Amber Heard: 1. Fama është një drogë e tmerrshme (për disa). 2. Psikiatrët dhe avokatë vijnë nga nivel drastike të ndryshme aftësish. 3. Të gënjesh miliona njerëz është diçka që njerëzit janë të aftë ta bëjnë. 4. Dashuria mund të jetë një rrëmujë. 5. Mega pint of wine.(referuar deklaratës së Amber për Johnnyn)”

Depp po e padit Heardin për 50 milionë dollarë për shpifje në një shkrim të ‘Washington Post’, në të cilin ajo shkroi, “Unë u bëra një figurë publike që përfaqëson abuzimin në familje”, pa përmendur emrin e aktorit. Heard ka kundërpaditur Depp për 100 milionë dollarë. Të dy akuzojnë njëri-tjetrin për dhunë në familje gjatë një viti të martesës së tyre, ku secili mohon abuzimin.

Në padinë e tij për shpifje, Depp akuzoi Heardin se kishte një lidhje jashtëmartesore me miliarderin. “Pa e ditur zotin Depp, jo më vonë se një muaj pas martesës së tij me zonjën Heard, ajo po kalonte kohë në një marrëdhënie të re me themeluesin e Tesla dhe Space X, Elon Musk”, thuhet në dosje. Megjithatë, një përfaqësues i Musk tha për E!News në 2019, “Elon dhe Amber nuk filluan të takoheshin deri në maj 2016, madje edhe atëherë takoheshin rrallë. Marrëdhënia e tyre nuk u bë romantike deri pak kohë më vonë.”

Heard dhe Musk ndezën thashethemet për romancë rreth korrikut 2016. Ata dolën publikisht së bashku për herë të parë dhe gjithashtu e bënë lidhjen zyrtare në Instagramit në prill 2017. Gushtin e ardhshëm ata u ndanë. insajderi / KultPlus.com

Elon Musk në negociata për blerjen e kompanisë Twitter

Posted on by Kult Plus

Bordi i kompanisë Twitter është duke negociuar me kreun e kompanisë “Tesla”, Elon Musk mbi ofertën e tij për të blerë platformën e mediave sociale dhe një marrëveshje mund të njoftohet që të hënën, njoftojnë mediat amerikane.

Drejtuesit e kompanisë Twitter dhe Musk negociuan në orët e para të së hënës mbi ofertën e tij për të blerë platformën e mediave sociale, thuhet në një njoftim të gazetës The New York Times, më pak se dy javë pasi miliarderi njoftoi për herë të parë përpjekjet për blerjen e një pjese të madhe të aksioneve të kësaj kompanie.

Musk tha javën e kaluar se kishte përgatitur 46.5 miliardë dollarë në fonde për të blerë platformën Twitter, duke ushtruar presion mbi bordin e kompanisë për të negociuar një marrëveshje.

Gazeta The New York Times, duke cituar persona në dijeni të negociatave për situatën, të cilët nuk i identifikoi, tha se të dyja palët po diskutonin detajet, duke përfshirë një afat kohor dhe tarifat nëse palët tërhiqen pas nënshkrimit të një marrëveshje. Njoftohet se gjërat po ndryshojnë me shpejtësi në negociatat mes dy palëve.

Aksionet e kompanisë Twitter Inc. u rritën me 4% sot pas hapjes së bursës në Nju Jork.

Twitter kishte miratuar një masë kundër blerjes, e cila do ta bënte shumë të vështirë dhe me kosto jashtëzakonisht të lartë një përpjekje për ta blerë atë. Por bordi vendosi të negocionte pasi Elon Musk doli me një propozim të ri që demonstronte se ai e kishte siguruar financimin për blerjen e kompanisë Twitter, njoftoi gazeta The Wall Street Journal, e cila ishte e para që raportoi se negociatat ishin duke u zhvilluar.

Nuk pritet të ketë një ofertë të shpejtë rivale ndaj asaj të Musk sepse shumë kompani i frikësohen punës së madhe të monitorimit të përmbajtjes së publikuar në platformë. Musk është zotuar se do të bënte më pak ndërhyrje në këtë drejtim.

“Bordi i kompanisë Twitter nuk mundi të gjente një blerës tjetër dhe me financimin e siguruar nga Musk, presioni ndaj bordit u rrit, duke çuar në fillimin e negociatave për arritjen e një marrëveshjeje”, tha Dan Ives, i cili ndjek zhvillimet në kompaninë Twitter për organizatën “Wedbush Securities”.

Më 14 prill, Elon Musk njoftoi një ofertë për të blerë platformën e mediave sociale për 54.20 dollarë për aksion, ose rreth 43 miliardë dollarë, por nuk dha hollësi në atë kohë mbi mënyrën si do ta financonte blerjen.

Javën e kaluar, ai tha në dokumentet e depozituara në zyrën amerikane që merret me rregullimin e shitblerjeve të këtij niveli se paratë do të vinin nga Morgan Stanley dhe banka të tjera, disa prej tyre të siguruara nga aksionet e tij të mëdha në prodhuesin e makinave elektrike, “Tesla”.

Kompania Twitter nuk ka bërë komente mbi këtë çështje.

Miliarderi Musk ka thënë se dëshiron të blejë platformën Twitter sepse nuk mendon se ajo po e përmbush potencialin e saj si një platformë në mbështetje të fjalës së lirë.

Në javët e fundit, ai ka shprehur një sërë ndryshimesh të propozuara për kompaninë, nga lehtësimi i kufizimeve të përmbajtjes, si rregullat që çuan në pezullimin e llogarisë së ish-presidentit Donald Trump, deri tek eliminimi i problemit të platformës me llogaritë e rreme dhe të automatizuara.

Sipas vlerësimit të revistës “Forbes”, sipërmarrësi Elon Musk është personi më i pasur në botë, me një pasuri prej rreth 279 miliardë dollarësh. Por, sipas organizatës “FactSet”, shumica e parave të tij janë të lidhura në aksionet e kompanisë Tesla dhe kompanisë tjetër private të hapësirës SpaceX. Musk zotëron rreth 17% të aksioneve të kompanisë “Tesla”, e cila mendohet të ketë vlerën e mbi 1 trilionë dollarëve. / KultPlus.com

Elon Musk: Gati çdokush mund të kursejë 100 mijë dollarë për të shkuar në Mars

Posted on by Kult Plus

Elon Musk, zyrtarisht njeriu më i pasur në botë, po komentohet për deklaratat që ai i dha gjatë një paraqitje të tij në “TED Talk”.

Musk, ndër të tjera ka thënë se “gati gjithkush” mund t’i kursejë deri në 100 mijë euro, shkruajnë mediat britanike.

Pronari i “Tesla”-s ka folur për biletat për në Mars me raketat “Space X”, sipas të cilit, ato do të ishin të përballueshme për gati çdokënd.

“Nëse shkuarja në Mars do të kushtonte, ta zëmë, 100,000 dollarë, atëherë mendoj se çdokush do të mund të punonte dhe të kursente 100 mijë dollarë dhe do të mund të shkonte në Mars, nëse do”, ka thënë ai.

Musk thotë se dëshiron që ta bëjë të mundur që të shkojë Mars kushdo që do.

Një deklaratë tjetër e Musk që bëri bujë është pohimi i tij se nuk ka një shtëpi të tij dhe se ndonjëherë fle nëpër shtëpi të miqve të tij. / KultPlus.com

Elon Musk ofron blerjen totale të aksioneve së ‘Twitterit’

Posted on by Kult Plus

Shefi ekzekutiv i Tesla-s, Elon Musk po ofron blerjen e Twitter-it, duke thënë se platforma e mediave sociale që ai ka kritikuar për mosrespektimin e parimeve të fjalës së lirë duhet të transformohet si një kompani private, përcjell KultPlus.

Twitter ka thënë në një rregullatore të enjten se Musk, aktualisht aksioneri më i madh individual i kompanisë, ka propozuar blerjen e aksioneve të mbetura të Twitter me një ofertë me vlerë më shumë se 43 miliardë dollarë.

Musk e quajti atë çmim ofertën e tij më të mirë dhe përfundimtare, megjithëse ai nuk dha detaje mbi financimin.

“Twitter duhet të transformohet si një kompani private”, ka shtuar Musk. /KultPlus.com

Shifra të paimagjinueshme, Elon Musk njeriu më i pasur në botë

Posted on by Kult Plus

Elon Musk ka tejkaluar Jeff Bezos, dhe është bërë njeriu më i pasur në botë me 100 miliardë dollarë më shumë se Bezos.

Sipas listës së fundit të të pasurve të Forbes, CEO i Tesla arriti një vlerë neto prej 282 miliardë dollarësh, duke e vendosur atë në vendin e parë – për momentin, gjithsesi.

Ndërkohë, pasuria neto e ish-shefit të Amazon është 180.2 miliardë dollarë, e cila qëndron në 100 miliardë dollarë nën vlerën e Musk.

Megjithatë, ndërsa lista e të pasurve përditësohet, vlera e Musk ka rënë paksa në 274.3 miliardë dollarë.

Dyshja kanë lëvizur vazhdimisht mes dy vendeve gjatë viteve falë sipërmarrjeve të tyre të ndryshme të biznesit.

Të dy sipërmarrësit kanë ndërmarrë udhëtime në hapësirë me bizneset e tyre SpaceX dhe Blue Origin, të cilat i përkasin respektivisht Musk dhe Bezos.

Siç raportohet nga gazeta, asnjë miliarder nuk ka përfituar më shumë gjatë pandemisë sesa Musk, i cili e filloi vitin 2020 me një vlerë neto prej 26.6 miliardë dollarësh.

Biznesmeni 50-vjeçar gjithashtu u bë kohët e fundit aksionari i vetëm më i madh në Twitter pasi bleu 9.2 për qind të kompanisë.

Bezos, ndërkohë, shiti 8.8 miliardë dollarë të aksioneve të tij në Amazon vitin e kaluar, ndërsa gjithashtu dha disa, dhe sipas Forbes ai tani zotëron vetëm 10 për qind të kompanisë. /KultPlus.com

‘Spanja mund të furnizojë gjithë Evropën me energji diellore’, Musk dhe Sanchez planifikojnë një takim

Posted on by Kult Plus

Komunikimi përmes rrjeteve sociale mes liderëve botërorë dhe njerëzve me ndikim të madh, po kthehet në një trend të ri në të gjitha vendet. Së fundmi, kryeministri spanjoll, Pedro Sanchez, ka ftuar në takim sipërmarrësin Elon Musk, kjo pasi ky i fundit ka thënë se Spanja mund të furnizojë me energji diellore gjithë kontinetin e vjetër, përcjell KultPlus.

“Musk duhet “të vijë dhe të shohë se Spanja tashmë po investon shumë në energjinë diellore”, shkroi Sanchez të martën në Twitter, në përgjigje të postimeve të mëparshme nga sipërmarrësi miliarder. “Ne mirëpresim investitorët në Spanjë.”

Në një postim të mëvonshëm, Musk pranoi se Portugalia mund të zhvillojë gjithashtu projekte diellore në shkallë të gjerë.

Tweetet e Musk vijnë ndërsa qeveritë evropiane përpiqen të gjejnë opsione alternative të energjisë për të shkurtuar varësinë e kontinentit nga gazi rus.

Sanchez është një adhurues i madh i energjisë së pastër dhe në dhjetor qeveria e tij njoftoi planet për të investuar deri në 16 miliardë euro (17.5 miliardë dollarë) në tranzicionin e energjisë deri në vitin 2026. Andaluzia, një rajon me diell në Spanjën jugore, ofron energjinë më të lirë në të gjitha të Evropës.

Firmat e energjisë së rinovueshme ishin ndër fituesit më të mëdhenj në bursën spanjolle të martën, pas komenteve të Musk.

Gjithashtu të martën, Twitter Inc. njoftoi se Musk do t’i bashkohet bordit të kompanisë, pasi ai zotëron tanimë 9.2% të aksioneve në kompani. /KultPlus.com

Musk e sfidon Putinin në duel ‘një me një’, fituesi e merr Ukrainën

Posted on by Kult Plus

Njëri nga njerëzit më të famshëm në botë dhe njohësi i teknologjisë, Elon Musk, ka sfiduar “një me një” liderin e Rusisë, Vladimir Putin, shkruan KultPlus.

Përmes një postimi në “Twitter”, Musk ka sfiduar Putinin “një me një”, dhe fituesi do të marrë Ukrainën.

“Me këtë e sfidoj Vladimir Putinin në luftime ‘një me një’”, shkroi ai, duke përdorur alfabetin rus në postim.

Musk gjithashtu shtoi: “Basti është Ukraina”, duke shkruar edhe emrin e vendit në gjuhën ruse, e duke e pyetur më pas se “A pajtohesh me këtë përballje?”.

Ky postim ka ngjallur reagime të shumta në rrjetet sociale dhe përdorues të shumtë kanë supozuar se kjo është një tjetër shaka nga pronari i SpaceX. /KultPlus.com

Elon Musk do të furnizojë Ukrainën me më shumë terminale Starlink

Posted on by Kult Plus

Presidenti ukrainas Volodymyr Zelensky tha se ai kishte folur me CEO-n e SpaceX, Elon Musk dhe njoftoi se vendi do të marrë më shumë nga terminalet e tij të internetit satelitor Starlink këtë javë.

“Kam biseduar me @elonmusk”, shkroi Zelensky në Twitter. “Unë i jam mirënjohës atij për mbështetjen e Ukrainës me fjalë dhe vepra. Javën e ardhshme do të marrim një grup tjetër sistemesh Starlink për qytetet e shkatërruara. Diskutuam projektet e mundshme hapësinore. Por unë do të flas për këtë pas luftës”.

Starlink ofron internet me shpejtësi të lartë nga hapësira me satelitët që fluturojnë në orbitën e ulët të Tokës. Musk tha të enjten se sistemi ishte i vetmi sistem komunikimi jo-rus që ende punon në disa pjesë të Ukrainës pas pushtimit rus raporton “BBC”.

Ndërkohë, në një fjalim drejtuar popullit ukrainas të shtunën mbrëma, Zelensky u bëri thirrje qytetarëve në zonat e pushtuara ruse të vendit që të luftojnë kundër ushtrisë së Vladimir Putin.

“Ukrainas! Në të gjitha qytetet tona, ku armiku pushtoi, shkoni në ofensivë. Dilni në rrugë. Ne duhet të luftojmë sa herë që kemi një mundësi,” tha ai. / abcnews.al/ KultPlus.com

Elon Musk: Brenda 10 viteve do të dërgojmë njerëz në Mars

Posted on by Kult Plus

Njëri nga njerëzit më të pasur dhe me më ndikim në botë, Elon Musk, beson se kompania e tij Space X do të bëjë dërgimin e njërëzve në planetin Mars, shkruan KultPlus.

Këtë gjë po e planifikon tanimë për një kohë të gjatë, Musk, i cili thotë se Space X do të zbarkojë njerëzit në Mars në 10 vitet e ardhshme.

Musk bëri parashikimin e guximshëm gjatë një paraqitjeje në podcastin Lex Fridman.

Themeluesi i Tesla-s përsëriti pikëpamjen e tij se njerëzimi duhet të bëhet një “specie me shumë planetë” dhe detajoi planet e SpaceX për të zhvilluar teknologjinë e nevojshme për udhëtimin. /KultPlus.com

SpaceX Chief Engineer and Tesla CEO Elon Musk has said that he plans to put a person on Mars within the next 10 years.

Elon Musk, njeriu më i pasur në botë, rrëfen jetën e tij studentore: Erdha në Amerikë pa para

Posted on by Kult Plus

Elon Musk përkundër faktit që njihet si njëri ndër njerëzit më të pasur në gjithë botën, ai prapë se prapë ka interaktivitet të madh me ndjekësit e tij, shkruan KultPlus.

Së fundmi, në rrjetin të cilin Elon Musk e përdor më së shumti për të ndarë rrëfime nga jeta dhe copëza nga jeta e tij e përditshme, Twitter, ai ka treguar se si dikur ishte vetëm një student me kredi prej 100 mijë eurove, sikurse çdo student i tillë në ditët e sotme.

May be a Twitter screenshot of text that says 'Elon Musk @elonmusk Replying to @WholeMarsBlog I came to the US with no no money & graduated with over $100k in debt, despite scholarships & working 2 jobs while at school 10:59 AM Dec 16, 2021 Twitter for iPhone'

I pyetur për jetën e tij, suksesin dhe shumë pyetje të tjera për jetën personale, Musk u përgjigj duke thënë se kishte të njëjtën jetë sikurse që kanë studentët sot.\

“Erdha në Amerikë pa para dhe arrita që të diplomoj me 100 mijë euro borgj, pavarësisht bursave nga kolegjet. Punoja vazhdimisht në dy puna të tjera, derisa isha edhe në fakultet”, ka shkruar ai.

Elon Musk, sipas revistës prestigjioze Forbes, konsiderohet të ketë një pasuri prej më shumë se 245 miliardë dollarë, e madje këtë vit është shpallur edhe si njeriu i vitit në revistën “Times” për ndikimin e tij. /KultPlus.com

Tesla share price falls after Elon Musk's Twitter poll - BBC News

Elon Musk u zgjodh si njeriu i vitit, kritikohet revista “Time”

Posted on by KultPlus

Revista Time po përballet me një rrebesh kritikash për faktin që e zgjodhi shefin e Teslas dhe SpaceX, Elon Musk, si “Njeriun e vitit” 2021.

Disa ligjvënës menjëherë ngritën pyetje sesa taksa ka paguar ai lidhur me pasurinë e vet të përgjithshme.

“Nuk mund ta besojmë që Time zgjodhi Elon Muskun; ai është njeriu më i pasur i botës e kur vjen fundi, bënë gjithçka për të shmangur taksat në një kohë kur familjet e varfra mezi vënë ushqim në tryezë e luftojnë për të paguar qiranë”, tha republikania, Pramila Jayapal.

ProPublica nxori në muajin qershor një raport mbi taksat e paguara nga amerikanët më të pasur përfshirë Musk. Sipas raportit, miliarderi kishte paguar vetëm $68,000 dollarë taksa federale në 2015, $65,000 dollarë në 2017 dhe asnjë taksë federale në 2018.

Musk u përpoq të shpjegonte se “gjatë pandemisë, të pasurit u pasuruan më shumë dhe fitimet e tyre ishin marramendëse, në një kohë kur mjaft njerëz humbën vendet e punës në Amerikë, si dhe mundësinë e kujdesit shëndetësor”.

Ligjvënësja republikane u shpreh se fare mirë, në kopertinën e kësaj reviste mund të ishin shfaqur heronjtë e frontit të parë të luftës anti-Covid, e jo miliarderë si Musk./ KultPlus.com

Elon Musk shpallet ‘Njeriu i Vitit’ nga revista Times

Posted on by Kult Plus

Elon Musk, i cili konsiderohet të jetë njëri ndër njerëzit më të pasur në botë, është vlerësuar si personi me më së shumti ndikim për vitin 2021 nga revsita prestigjioze “The Times”, përcjell KultPlus.

“Personi i vitit përpos ndikimit të tij të jashtëzakonshëm që ka pasur në Tokë, ai gjithashtu shënoi edhe ndikim në jetën jashtë Tokës”, ka shkruar kryeredaktori i Times, Edward Felsenthal.

“Në vitin 2021, Musk u shfaq jo vetëm si personi më i pasur në botë, por edhe si ndoshta shembulli më i pasur i një ndryshimi masiv në shoqërinë tonë”. Ishte me të vërtetë një vit i madh për Musk, i cili tërhoqi vëmendjen për t’u bërë personi më i pasur në botë pjesërisht për shkak të rritjes së çmimit të aksioneve të Tesla.

Elon Musk Uses the 85 Percent Rule to Help Staff Increase Productivity With Less Energy | Inc.com

Me SpaceX, Musk nisi misionin e parë ndonjëherë në orbitën e Tokës me një ekuipazh prej vetëm turistësh dhe pa astronautë profesionistë.

Kjo traditë nga revista “Times” filloi në vitin 1927, ku edhe filluan që të zgjidhnin “Njeriun e Vitit”, dhe që nga atëherë kjo gjë nuk ka ndryshuar.

Gjatë viti të kaluar, ndikimi i një grupi, lëvizjeje ose ideje që pati ndikim më të madh në vit konsiderohej të ishin Joe Biden dhe Kamala Harris.

Megjithatë, zgjedhja vjetore nuk konsiderohet domosdoshmërisht një nder, pasi përzgjedhja mund të ketë pasur ndikim negativ. Për shembull, Adolf Hitler u emërua Njeriu i Vitit në 1938. /KultPlus.com