Ministrja e Kulturës, Elva Margariti uroi sot drejtoreshën e re të Teatrit Kombëtar të Operës, Baletit dhe Ansamblit Popullor, Abigeila Voshtina.
Margariti uroi që Abigeila të jetë në lartësinë e detyrës, për të ngritur cilësinë artistike të institucionit që iu besua.
“Suksese Abigeila Voshtina në sfidën e drejtimit të Teatrit Kombëtar të Operës dhe Baletit, këtij institucioni unik në Shqipëri”, shkroi Margariti në një postim në rrjetet sociale.
“Urojmë që Abigeila, në krye të një stafi energjik e të talentuar, të çojë më tej punën e bërë deri më tani nga parardhësit dhe të jetë në lartësinë e detyrës, për të ngritur cilësinë artistike të teatrit; ta bëjë ftues për publikun e ri dhe një skenë të denjë për yje shqiptarë e ndërkombëtarë”, theksoi Margariti. / KultPlus.com
