Emine Çunmulaj: Dikur u largova nga shtëpia për një jetë më të mirë

Posted on 12 Shtator, 202012 Shtator, 2020 by Kult Plus

Modelja e njohur shqiptare, Emina Cunmulaj, është kthyer në vendlindjen e saj këtë 36-vjetorin, për të festuar në tokën nënë ditën speciale.

Ajo ka ndarë me ndjekësit në Instagram një foto nga veranda e shtëpisë, ku 18 vite më parë po përgatitej të nisej për një jetë të re.

Modelja ka ndarë një mesazh frymëzimi me ndjekësit e saj, duke i shtyrë ata të ndjekin ëndrrat dhe të përpiqen për më të mirën për veten e tyre, ashtu siç bëri edhe ajo.

Krahas fotos, Emina tregon si ndryshoi gradualisht jeta e saj, pasi u nis e vendosur për të ndjekur ëndrrat që kishte që prej fëmijërisë.

“Ky është 36-vjetori! Të mendosh që 18 vite më parë, në të njëjtën ditë, isha ulur në të njëjtin vend teksa bëhesha gati për t’u larguar nga shtëpia në kërkim të një jete më të mirë, si dhe të ndiqja një ëndërr që me shumë punë dhe pak fakt, u kthye në një udhëtim të jashtëzakonshëm dhe karrierë. Takova shpirtin tim binjak dhe solla në jetë dy vajza të bukura.

Tani jam po në të njëjtin vend me vajzat e mia pranë, me kaq shumë kujtime të bukura dhe kaq shumë mësime jete. Jeta është e bukur me gjithçka që ofron, të mira dhe të këqija! Na takon ne sesi t’i kthejmë ato momente dhe si të vazhdojmë të jetojmë.”- shkruan Emina në instagram. / KultPlus.com

https://www.instagram.com/p/CFCME6bHCrA/?utm_source=ig_web_copy_link

Emina Çunmulaj rikthehet në vendlindje për të votuar Listën Shqiptare

Posted on 29 Gusht, 202029 Gusht, 2020 by Kult Plus

Tashmë është zyrtare se në Mal të Zi, Zgjedhjet Parlamentare do të mbahen me 30 gusht. Ndërkaq partitë shqiptare do të dalin me dy lista zgjedhore pasi nuk kanë arritur t’i tejkalojnë mosmarrëveshjet për t’u bashkuar në një listë të vetme.

Shumë shqiptarë nga diaspora kanë ardhur pikërisht për këtë ditë, që të përkrahin bashkëkombësit e tyre.

Ndër këta përkrahës është edhe modelja e njohur shqiptare, Emina Çunmulaj, e cila ka udhëtuar nga Amerika për në vendlindjen e saj duke treguar kështu mbështetjen për Listën Shqiptare.

“Shihemi së shpejti Malësi. Hajde, vëllezër e motra…koha është tani. Të gjithë së bashku në vota për numër 10”, ishte thirrja që Emina bëri pak ditë më parë në Instagram.

Ndërkohë, së fundmi ja ka ndarë me ndjekësit edhe disa imazhe tjera, duke treguar momentet e këndshme që po shijon në Malësi të Madhe. / KultPlus.com

https://www.instagram.com/p/CEak1JxnWz4/?utm_source=ig_embed

Emina Cunmulaj realizoi testin e Covid-19 dhe filmoi gjithçka: Ndihesh sikur do të dalin sytë vendit

Posted on 22 Korrik, 202022 Korrik, 2020 by Kult Plus

Emina Cunmulaj ka kryer testin e koronavirusit për herë të dytë, dhe ka treguar hap pas hapi të gjithë procedurën për ndjekësit e saj në Instagram.

Modelja e njohur shqiptare, asistohet nga një profesioniste e cila i kryen tamponin në një ambient jashtë shtëpisë së saj.

Fatmirësisht Emina doli negative, por thotë se kjo është një ndër testet më të vështira që ka realizuar ndonjëherë në jetën e saj.

“A jeni testuar ndonjëherë për COVID? Dola negative. Kjo ishte hera e dytë dhe ndihesh sikur do të të dalin sytë nga vendi”, ka shkruar ajo.

Emina ndan shpesh herë eksperienca të tilla private nga familja e saj, por një gjë e tillë ishte e nevojshme për t’u parë nga të gjithë ata që mendojnë akoma se virusi është një shaka. / KultPlus.com

Emina Cunmulaj realizoi testin e Covid-19 dhe filmoi gjithçka: Ndihesh

Emine Çunmulaj e fascinuar me punën e dizajneres shqiptare (FOTO/VIDEO)

Posted on 20 Shtator, 201720 Shtator, 2017 by KultPlus

Modelja e njohur shqiptare Emine Çunmulaj e cila njihet për stilin e saj të veçantë, duket që po e pëlqen punën e një dizajnereje poashtu shqiptare, shkruan KultPlus.

Me një elegancë të thellë, ajo së fundi ka postuar një fotografi ku shihet të jetë e veshur me mjaftë shije, dhe unazën që e ka të vendosur në gisht, është punë e dizajneres shqiptare Sara Shala,e cila tash e sa vite ka të themkeluar brendin e saj të aksesorëve në New York.

Mirëpo, Emine Çunmulaj përpos që ka vendosur unazën që është punuar nga Sara Shala, ajo ka zgjedhur të realizojë edhe një video ku shihet duke folur për aksesorët e Sarës, e cila tashmë ka të nxjerra në treg modele të ndryshme të aksesorëve./KultPlus.com