Etiketë: erenik beqiri

Kryeministri Kurti uron delegacionin shqiptar për suksesin në Festivalin e Filmit në Venecia

Posted on by Kult Plus

Këto ditë në Venedik të Italisë është mbajtur Festivali i 80-të Ndërkombëtar i Filmit në Venecia.

Ndonëse festivali këtë vit ka qenë shumë më i zbehtë për shkak të bojkotit nga yjet e filmit për shkak të grevës në Hollywood, organizimi arriti që përsëri të shkaktonte mjaft bujë.

Pjesëmarrës në edicionin e sivjetmë kanë qenë edhe dy prodhime filmike kosovare, përkatësisht filmat “A Short Trip” i regjisorit Erenik Beqiri dhe “Bota Jonë” e Luana Bajramit.

E në mbështetje të shqiptarëve pjesëmarrës në Festivalin Ndërkombëtar të Filmit, ka qenë edhe kryeministri i Kosovës, Albin Kurti.

Ai ka publikuar në llogarinë e tij zyrtare në platformën X (ish-Twitter), një fotografi bashkë me kastin shqiptar në Venedik.

“Një vit i shkëlqyer për kinematografinë tonë në Festivalin e Filmit në Venecia! Urime Erenik Beqirit për fitoren e çmimit ‘filmi më i mirë Orizzonti’ me filmin ‘A Short Trip’ me Luana Bajramin dhe Tristan Halilajn dhe vetë Luanës për premierën e filmit të saj të dytë ‘Bota Jonë’ në Bienale”, ka shkruar Kurti.

E ftuar speciale për të marrë pjesë këtë vit në Festivalin e Filmit në Venecia ka qenë edhe këngëtarja shqiptare me famë botërore, Rita Ora, e cila ka performuar në gala-mbrëmjen e amFAR, e cila organizohet në ndihmë të mbledhjes së fondeve për kërkimet e HIV/AIDS. / KultPlus.com

“Një udhëtim i shkurtër” i Erenik Beqirit pjesë e Festivalit të Filmit në Venecia, Luana Bajrami me rol kryesorë

Posted on by Kult Plus

Filmi i metrazhit të shkurtër, “Një Udhëtim i Shkurtër” i regjisorit Erenik Beqiri është përzgjedhur zyrtarisht për edicionin e 80-të të Festivalit të Filmit në Venecia në seksionin Orizzonti, përcjell KultPlus.

Regjisori Erenik Beqiri është shprehur i nderuar për këtë sukses dhe ka falënderuar të gjithë ekipin e filmit.

“Është një nder i madh të jesh pjesë e një eventi kaq prestigjioz kinematografik. Një falënderim nga zemra për të gjithë ata që e bënë të mundur këtë dhe qëndruan pranë, veçanërisht për kastën e talentuar dhe ekipin punëtorë, pa të cilët ky film nuk do të ishte i mundur”, ka shkruar regjisori Beqiri.

Në këtë film një prej roleve kryesore është aktorja dhe regjisorja kosovare, Luana Bajrami e cila poashtu do të jetë pjesë e Festivalit të Filmit në Venecia me filmin e saj “Bota jonë”. Luana do të ketë një paraqitje të dyfishtë në këtë festival, si aktore dhe regjisore.

Në qendër të filmit “Një Udhëtim i Shkurtër” është Klodi dhe Mira. Një çift i ri shqiptar, vendosin të martojnë Mirën me një francez për pesë vjet në këmbim të parave, për të marrë nënshtetësinë franceze. Më pas ata duhet të zgjedhin burrin e duhur për të dhe të mësojnë të heqin dorë nga njëri-tjetri.

Në këtë film luajnë aktorët: Luana Bajrami, Tristan Halilaj, Arben Bajraktaraj dhe Walid Afkir. / KultPlus.com

Projekti filmik “After Dark” shpërblehet me çmime në festivalin e Mesdheut

Posted on by Kult Plus

Projekti filmik “Pas errësirës” (After Dark), me regji të Erenik Beqirit dhe produksion të shtëpisë kinematografike “On Film Production”, është një nga projektet fitues të çmimit Region Sud Prize në Mediterranean Co-production Forum, i cili u zhvillua në Marsejë.

Ky projekt është mbështetur nga Qendra Kombëtare e Kinematografisë dhe CNC për zhvillim projekti.

Ky ishte edicioni i katërt i Mediterranean Co-production Forum, në të cilin u paraqitën 11 projekte filmash artistikë, fiction dhe dokumentarë, nga 7 vende të ndryshme që lagen nga Mesdheu: Shqipëria, Egjipti, Italia, Libani, Maroku, Tunizia e Palestina. Kineastët ua paraqitën projektet bashkëprodhuesve, distributorëve ndërkombëtarë dhe financuesve të mundshëm.

Çmimi “Region Sud Prize” me vlerë 20 mijë euro, shkoi për Erenik Beqirin, përfaqësues i Shqipërisë dhe për Amer Shomali, nga Palestina.

Juria bëri dhe një vlerësim special për Nadia Rais, për filmin “Entre ciel et terre”.

Regjisori shqiptar Erenik Beqiri fitoi gjithashtu çmimin “The 42 Studio Label”, nëpërmjet të cilit fiton 3 ditë post-produksion falas, për filmin “After dark”. / KultPlus.com

‘The Van’ i Erenik Beqirit fiton çmimin ‘Rai Cinema Channel’ në Cinelido

Posted on by Kult Plus

Regjisori shqiptar Erenik Beqiri me dramën ‘The Van’ ka fituar çmimin ‘Rai Cinema Channel’ në Cinelido (Festival i Filmit në Itali), përcjellë KultPlus.

‘’Një skenë e papërpunuar dhe e drejtpërdrejtë, një shfaqje reale dhe bindëse nga interpretimi i shkëlqyeshëm i protagonistit që kërkon të fitojë një të ardhme tjetër, larg dhunës dhe varfërisë me një kosto. Një dramë njerëzore që godet shikuesin dhe e shtyn atë të vërë në dyshim vlerën e paçmuar të së ardhmes’’, thuhet në njoftimin e bërë nga kompania e prodhimit ‘Rai Cinema’.

Filmi i metrazhit të shkurtër “The Van” me regji të Erenik Beqirit dhe me kooproduksion mes Shqipërisë dhe Francës, ka qenë edhe në shumë festivale prestigjioze të filmit, ku ka marrë edhe çmime të shumta.

Me role kryesore në këtë film janë aktorët: Phenix Brossard, Arben Bajraktaraj dhe Afrim Mucaj. / KultPlus.com

Filmi ‘The Van’ nga Erenik Beqiri, hyn në listën e ngushtë në kategorinë ‘Live Action Short Film’ në Oscars

Posted on by Kult Plus

Dhjetë filma kanë hyrë në listën e ngushtë në kategorinë e ‘Live Action Short Film’ për në Akademinë e çmimeve Oscar. Në këtë dhjetëshe, hyn edhe filmi ‘The Van’ i regjisorit shqiptar Erenik Beqiri, shkruan KultPlus.

‘The Van’ i Erenik Beqirit ka qenë edhe në shumë festivale prestigjioze të filmit, ku ka marrë edhe çmime të shumëta.

Ndërkaq, më poshtë gjeni listën e filmave të tjerë që janë pjesë e kësaj liste të ngushtë:

“Bittu”
“Da Yie”
“Feeling Through”
“The H00uman Voice”
“The Kicksled Choir”
“The Letter Room”
“The Present”
“Two Distant Strangers”
“The Van”
“White Eye”. / KultPlus.com

Dy filma shqiptarë fitojnë çmime në festivalin e filmit në Barcelonë

Posted on by Kult Plus

Festivali i Filmit “Star” në Barcelonë ka shpërblyer me çmime dy filma shqiptarë, shkruan KultPlus.

Filmi i metrazhit të shkurtër ‘Më e bukur se pranvera’  me skenar dhe regji të Lorena Sopit, ka fituar Çmimin e filmit më të mirë romantik në ‘Star Film Festival’ në Barcelonë.

Në anën tjetër, Filmi ‘The Van” në këtë edicion nga Erenik Beqiri, ka fituar Çmimin për aktorin më të mirë.

Me rastin e ndarjes së çmimeve, në fjalën e jurisë për filmin “Më e bukur se pranvera” thuhet se kjo vepër artistike është një shtjellim inteligjent dhe romantik.

“Performanca shumë të mira të karaktereve, duke u thelluar në mënyrë perfekte në personazhe. Situata anormale, të çuditshme të cilat e mbajnë spektatorin ne pritje, duke dëshmuar një histori romantike shumë të ndryshme nga ato të zakonshmet. Regji perfekte ne planin artistik dhe atë teknik. Planet dhe kuadrot e krijuara me shumë stil”, kanë vlerësuar juria profesionale.

Në rolet kryesor në këtë film paraqiten aktorët e nohur May-Linda Kosumovic, Agron Shala, Fidan Jupolli dhe Beslidhje Bytyqi. 

Në anën tjetër, filmi “The Van” flet për një djalë rreth të 20-ve i cili ka si qëllim të emigrojë jashtë vendit. Në mënyrë që të fitojë lekët e duhura sa me shpejt, ai pranon të bëhet pjesë e disa ndeshjeve që zhvillohen brenda një furgoni. Rregullat e furgonit janë të thjeshta, dyert mbyllen dhe furgoni niset në një trajektore rutinë, duke u kthyer në pikën e nisjes. Dyert hapen dhe nga aty mund të dalë vetëm një fitues.

Me role kryesore në këtë film janë aktorët: Phenix Brossard , Arben Bajraktaraj dhe Afrim Mucaj./ KultPlus.com

Filmi shqiptar “The Van” shfaqet sot në Festivalin e Cannes

Posted on by Kult Plus

Filmi i metrazhit të shkurtë “The Van” me regji të Erenik Beqirit është përzgjedhur në konkurrencë zyrtare në Festivalin e Filmit në Cannes, një ndër festivalet më prestigjioze në botë, shkruan KultPlus.

Ky film i metrazhit të shkurtë më kooproduksion mes Shqipërisë dhe Francës është përzgjedhë në mesin e 11 filmave në këtë kategori.

“The Van” (Furgoni) do të shfaqet sot para publikut të Cannes dhe është në konkurencë për Palmën e Artë.

Filmi flet për një djalë rreth të 20-ve i cili ka si qëllim të emigrojë jashtë vendit. Në mënyrë që të fitojë lekët e duhura sa me shpejt, ai pranon të bëhet pjesë e disa ndeshjeve që zhvillohen brenda një furgoni. Rregullat e furgonit janë të thjeshta, dyert mbyllen dhe furgoni niset në një trajektore rutinë, duke u kthyer në pikën e nisjes. Dyert hapen dhe nga aty mund të dalë vetëm një fitues.

Me role kryesore në këtë film janë aktorët: Phenix Brossard , Arben Bajraktaraj dhe Afrim Mucaj. /KultPlus.com

Festivali i Cannes hapë portën për regjisorin shqiptar, “The Van” në konkurrencë zyrtare

Posted on by KultPlus

Filmi i metrazhit të shkurtë “The Van” me regji të Erenik Beqirit është përzgjedhur në konkurrencë zyrtare në Festivalin e Filmit në Cannes, një ndër festivalet më prestigjioze në botë, shkruan KultPlus.

Ky film i metrazhit të shkurtë më kooproduksion mes Shqipërisë dhe Francës është përzgjedhë në mesin e 11 filmave në këtë kategori.

Për këtë emocion të përzgjedhjes zyrtare të këtij filmi të metrazhit të shkurtë është shprehur edhe njëri nga aktorët kryesorë të këtij filmi, i cili ka thënë se kjo është ndjesia më e mirë që mund ti ndodhë një aktori.

“Fillimisht dua të theksoj që jam shumë i lumtur që jemi pjesë e Festivalit prestigjioz të Cannes…, është gjëja më e mirë që mund ti ndodh një aktori. Falenderoj regjisorin që me dha mundësië të jem ndër rolet kryesore në këtë film dhe puna jonë të prezantohet në këtë festival të madh”, ka thënë Afrim Mucaj, i cili ka thënë se për rolin e tij ka punuar një kohë të gjatë më Erenik Beqirin, dhe sipas tij, ka qenë një përkushtim i jashtëzakonshëm. “Është bërë një punë e madhe dhe jam i lumtur që po shpërblehemi në këtë formë”, ka thënë Mucaj.

Me role kryesore në këtë film janë aktorët: Phenix Brossard , Arben Bajraktaraj dhe Afrim Mucaj. /KultPlus.com

“Bon Appetit”, filmi më i mirë ndërkombëtar në Icelandic Horror Film Festival

Posted on by KultPlus

Filmi me regji të Erenik Beqirit është shpërblyer me çmimin si filmi më i mirë i metrazhit të shkurtë në Icelandic Horror Film Festival, shkruan KultPlus.

Ky film që prezantohet nëpërmjet lojës së aktorëve: Romir Zalla, Arben Bajraktaraj e Ema Andrea qysh prej premierës e deri më tashti numëron një numër të madh të çmimeve nga festival të ndryshme kombëtare e ndërkombëtare.

‘Bon Appétit’ flet për një burrë i cili bredh nëpër tunelet e errëta të një ndërtese të braktisur derisa e gjen një tryezë që po e priste dhe kamerierin e gatshëm për ta shërbyer me darkën speciale të bërë vetëm me mish njeriu. Një sfidë për oreksin e tij./KultPlus.com

‘Bon Appétit’ shfaqet në ‘Fantastic Film Festival’ në Suedi

Posted on by Kult Plus

Filmi i metrazhit të shkurtër ‘Bon Appétit’, me regji të Erenik Beqirit do të shfaqet në Lund International Fantastic Film Festival në Suedi, shkruan KultPlus.

Festivali mbahet nga data 28 shtator e deri më 7 tetor.

‘Bon Appétit’ flet për një burrë i cili bredh nëpër tunelet e errëta të një ndërtese të braktisur derisa e gjen një tryezë që po e priste dhe kamerierin e gatshëm për ta shërbyer me darkën speciale të bërë vetëm me mish njeriu. Një sfidë për oreksin e tij.

Në kastën e aktorëve bëjnë pjesë: Arben Bajraktaraj, Romir Zalla dhe Ema Andrea.

Rikujtojmë se ky filmi premierën botërore e pati në edicionin e 35-të të Brussels International Fantastic Film Festival ndërsa premierë kombëtare u dha në edicionin e 16-të të Festivalit DokuFest./ KultPlus.com

Kategoria kombëtare forcon konkurrencën në Festivalin e Filmit – DokuFest

Posted on by KultPlus

Sarandë Selimi

E katërta ditë e festivalit DokuFest, pos projeksioneve të shumë dokumentarëve e filmave të shkurtër, në orët e mbrëmjes solli edhe katër filma të metrazhit të shkurtër të kategorisë kombëtare. Në këtë natë erdhën gjithsej 4 filma: ‘Fatalist’ – regjia Edin Alija, ‘Lulet Plastike’ me regji të Ylljet Aliçka , ‘Bon Appetit’ me regji nga Erenik Beqiri dhe ‘Meeting’ me regji të Durim Kryeziut.

‘Fatalist’ filmi që flet për fatin
‘Fatalist’, është filmi 12 minutësh me regji nga Edin Alija. Ky film edhe pse studentor, bëri publikun kureshtar me ngjarjen që u zhvillua brenda pak minutash nga pesë personazhe sa kishte filmi. ‘Fatalist’, ashtu si tregoi vetë regjisori Alija, është i bazuar në përvojat e tij që ka pasur me njerëzit që rrinë nëpër vendet ku pihet alkooli dhe të cilët flasin për gjëra të ndryshme. Kësisoj këtë përjetim regjisori e ka kombinuar me librat e Dostojevskit.
“Mesazhi i këtij filmi nuk është ndjenjë por është ide filozofike e parapërcaktimit. Filmi nuk imponon asnjë ide, vetëm e detyron audiencën të bëjë disa pyetje në lidhje me veten dhe rrethanat ku jetojnë ata. Filmin e kam xhiruar për një natë, me buxhet të vogël, por e mira ka qenë se ekipi ishte shumë entuziast dhe kemi punuar me shpirt”, tha për KultPlus Edini, njëherësh student i regjisorit Ismet Sijarina.
“Qysh sezonin e parë unë kam përcjellë filma në Dokufest, dhe aty jam dashuruar me filmin dhe pas disa vitesh po vij në Dokufest me filmin tim, është ndjenjë e jashtëzakonshme”, pohoi regjisori i ri, filmi i të cilit ka udhëtuar edhe në 16 festivale të tjera.
Në ‘Fatalist’ luajnë Xhevdet Doda, Labinot Lajqi, Ylber Bardhi, Basri Shala dhe Agim Sylejmani.

‘Lulet plastike’, dhe çifti i lezetshëm
‘Lulet plastike’, është filmi 28 minutësh i regjisorit Ylljet Aliçka. Ky film sjellë një histori të dhimbshme të një çifti në moshë, dy personazhe që jetojnë në një fshat të Shqipërisë. Ata thirren në një dasmë në kryeqytet, dhe dëshira e tyre për të qenë pjesë e asaj dasme, për të blerë dhuratën më të shtrenjtë në dyqanin e fshatit, për tu zgjuar herët që mos të vonohen asnjë minutë, e bëri publikun herë të qeshë e herë të ndihet goxha keq.
Në fund, ironikisht, ata nuk priten aq mirë në atë dasmë dhe ‘Lulet e plastikës’, nuk ishin dhurata më e mirë për qiftin e ri.
Ky film vjen nëpërmjet aktorëve Robert Ndrenika, Suzana Prifti, Elia Zaharia dhe Gentian Hazizi.

‘Bon Appetit’, film që flet për kanibalizmin politik
‘Bon Appetit’, film fitues i shumë çmimeve ndërkombëtare erdhi kësaj radhe edhe në DokuFest. Erenik Beqiri, regjisor i këtij filmi, sjellë një qasje tjetër për politikën e keqe në shtetin shqiptar. Çfarë është në gjendje të bëjë një njeri për pushtet tregohet më së miri në filmin e Erenikut, ku personazhi kryesor, në këtë rast Presidenti (Arben Bajraktaraj) ushqehet me kundërkandidatin e tij.
Me role në këtë film paraqiten aktorët Arben Bajraktaraj, Romir Zalla, Ema Andrea e aktorë tjerë.

‘Meeting’, filmi i fundit në natën e katërt të DokuFest
‘Meeting’, film ky me regji të Durim Kryeziut, paraqet jetën e një drejtori, i cili rrin gjatë gjithë kohës duke pirë me shokët e tij aq shumë sa që as dhëmbët e tij nuk di se ku i ka. Gjatë gjithë kohës filmi flet për disa dhëmbë artificial të humbur të një drejtori të ‘humbur’. Në këtë film luajnë: Hysen Binaku, Miradije Muriqi, Ramadan Kurti…
Këta ishin katër filmat e prezantuar mbrëmjen e së hënës në Doku Plato. Sonte vijnë edhe katër të tjerë të regjisorëve shqiptarë në Doku Plato, në kategorinë kombëtare./ KultPlus.com