Presidenti i vendit Ilir Meta është sot në Kishën e Shna Ndout në Laç, për të marrë pjesë në pelegrinazhin e një prej 13 të martave, që kulmon më 12 qershor. Pelegrinazhi i besimtarëve nisi më 20 mars, për të përfunduar pas dy javësh, me mijëra persona që vizitojnë vendin e shenjtë.
Pelegrinët vijnë thuajse nga i gjithë vendi dhe pa dallime fetare, të krishterë apo myslimanë. Ato quhen 13 të martat e Shna Ndoit,janë ditët e shënuara të ritualit biblik në këtë kishë të moçme dhe gjithandej në tempujt e tjerë me emrin e këtij pajtori të përbotshëm.
Pas vizitës në kishë, kreu i shtetit Meta dekoroi kardinalin Dom Ernest Troshani, vit i cili përkon edhe me 90-vjetorin e lindjes së kardinalit shqiptar.
“Jemi këtu për të nderuar një nga simbolet e gjalla si rrallëkush tjetër të qëndresës së lutjeve, një promovues universal të vlerave të paqes, dashurisë humanizmit, harmonisë e bashkejetesës fetare, karidnalin Ernest Simon Troshani. Pas kësaj shërbese që na mbush shpirtin e zemrën, dëshiroj të nderoj kardinalin me dekoratën më të lartë “Gjergj Kastriot Skënderbeu”. Kjo dekoratë me emrin e madhështorit e të pavdekshmit heroit tonë, i jepet sot kardinalit si përfaqësues i brezit të jashtëzakonshëm të klerikëve katolikë që jetën ia kushtuar besimit ndaj Zotit”, tha Meta.
Në prill të vitit të shkuar, ish Presidenti Bujar Nishani nderoi me dekoratën e lartë “Nderi i Kombit” kardinalin e dytë shqiptar Dom Ernest Troshanin, shkruan Top Channel.
Papa Françesku shpalli dom Ernest Troshanin , Kardinal, më 9 tetor të vitit 2016. Historia e jetës së dom Ernest Troshanit, përloti Papa Françeskun gjatë vizitës historike në Shqipëri.