Etiketë: Erza Muqolli

Këngëtarja e njohur shqiptare Erza Muqolli po shijon punën e madhe për realizimin e albumit të saj të parë solo, album që tashmë ka dalë në shitje, shkruan KultPlus.

Erza Muqolli në këtë album ka punuar ngushtë më këngëtarin dhe kompozitorin e njohur francez Vianney.

Në këtë album, Erza Muqolli ka futur edhe gjuhën shqipe, ku kënga që fillon albumin e saj është titulluar “Fillim”, pjesë nga vargjet e Naim Frashërit, sikurse që në këtë album ka sfiduar vetën edhe në cilësinë e kompozitores.

Ky album është edhe paralajmërim për një shpërthim të suksesshëm të Erza Muqollit, pasi që tashmë është planifikuar edhe turi i saj i koncerteve në shumë shtete të Evropës.

Erza Muqolli njihet si një ndër talentet e rralla të vendeve frankofone, pasi që me vetëm 8 vjet ajo ka marr pjesë në një talent show të madh të Francës, e cila është përzgjedhur në mesin e finalistëve. Për disa vjet ajo ka kënduar me një grup të fëmijëve, e cila ka realizuar shumë ture të koncerteve, prej të cilave kanë dhuruar mbi 2 milionë euro për fëmijët në nevojë, sikurse që kanë shitur miliona kopje të albumit.

KultPlus ju sjell këngën me vargje të Naim Frashërit, sikurse edhe linkun se ku mund ta blini albumin e Erza Muqollit./KultPlus.com

E ka titulluar “Fillimi”, por kënga që do të jetë edhe kënga e parë në albumin solo të Erza Muqollit, e që është në gjuhën frënge, do të tingllojë edhe në gjuhën shqipe, pasi që, Erza Muqolli në këtë album ka përzgjdhë vargjet e poetit të madh shqiptar Naim Frashëri “Ti Shqipëri më jep nder”, shkruan KultPlus.

Mehmet Muqolli, menaxher i Erza Muqollit ka bërë të ditur për KultPlus se kjo këngë është edhe kënga që hap albumin e Erza Muqollit.

“Albumi i saj i parë do të nisë shqip, me vargjet e Naim Frashërit. Dhe kënga ëshët xhiruar në Kosovë, pasi që kemi dashur që përpos këngës në gjuhën shqipe, të sjellim edhe imazhe të Kosovës”, ka thënë Muqolli.

E vecanta e kësaj pjese të gjuhës shqipe është se ky album është punuar nga një ndër kompozitorët më të famshëm francez, dhe ky album është mjaftë premtues për këngëtaren shqiptare, sikurse që ka treguar sukses të madh edhe përgjatë viteve të fundit.

Erza Muqolli në të njëjtën kohë ka lansuar edhe një këngë tjetër nga albumi i saj i parë, dhe ajo tutullohet “Devent”, kurse albumi do të lansohet më 25 tetor.

Erza Muqolli së fundi ka mbajtur koncert edhe në Kosovë, e cila ishte e ftuar nga gazeta e parë për art dhe kulturë  KultPlus, e cila është prezantuar para audiencës kosovare në kuadër të projektit “Ta zbardhi ftyrën”, poashtu projekt i KultPlus.

KultPlus ju sjell të dy projektet e fundit të Erza Muqollit, “Fillimi”, që është i shoqëruar edhe me videoklip, kurse “Devent”, tash për tash është lansuar veteëm si audio./KultPlus.com

“Dommage” është kënga më e re e këngëtares shqiptare Erza Muqolli, shkruan KultPlus.

Kjo artiste shqiptare, që po depërton me suksesin e saj në vendet frankofone dhe jo vetëm, ka publikuar këngën e dytë nga albumi i saj i parë që pritet të publikohet më 25 tetor.  

“Para publikimit të këngës së dytë, Erza Muqolli është prezantuar me një koncert në Francë, koncert që është filmuar dhe do të prezantohet nëpër kinematë franceze prej 19 tetorit e deri më 25 tetor, atë ditë edhe kur do të lansohet albumi”, ka thënë Mehmet Muqolli, menaxheri i Erza Muqollit.

Ndërkohë, tash është prezantuar edhe coveri i albumit, duke u pëfshirë edhe titujt e këngëve, por edhe turi i Erza Muqollit që do të realizohet pas promovimit të albumit.

KultPlus ju sjellë këngën e dytë të këngëtares së famshme, e cila së fundi ka qenë e pranishme edhe në Kosovë, në projektin e KultPlus “Ta zbardhi ftyrën”./ KultPlus.com

Xhemile Hysenaj

E magjishme! Kjo është fjala e duhur për ta përshkruar performancën e mbrëmshme të Erza Muqollit në Prishtinë.

Me një zë kumbues, të mahnitshëm e me një fuqi artistike të paparë, Erza argëtoi publikun kosovar për herë të parë, në sallën e Amfiteatrit të Bibliotekës Universitare.

300 ulëse u mbushën dhe rreth 200 të pranishëm të tjerë shijuan koncertin e Erzës, një udhëtim nëpër muzikën dhe jetën e saj.

Kjo mbrëmje nisi me prezantimin e një videoje në monitor ku u shfaqën shkrimet të cilat KultPlus, organizator i kësaj mbrëmjeje, ka realizuar pas çdo suksesi të Erzës ndër vite. Dalja në skenë e moderatorit Arbër Selmani, redaktor në KultPlus, ishte një tjetër shenjë që tashmë gjithçka ishte gati.

‘Qielli i kulturës nuk e njeh fundin. Nën këtë qiell jeton edhe KultPlus, gati për të qenë arma më e fortë e gazetarisë kulturore ndër shqiptarë. Aty ku suksesi i shqiptarëve na e shton jetën, aty ku ka depërtuar letërsia dhe fjala e shkruar, aty ku e bukura ekspozohet në mure, aty ku muzika ka jehuar e jehon, aty më shpesh se rrallë, do të jetë KultPlus’, u shpreh Selmani i cili pas këtyre fjalëve ftoi Erzën në skenë.

Ky prezantim erdhi në kuadër të edicionit të tretë të “Ta zbardhi fytyrën”, ngjarje kjo kulturore e organizuar nga KultPlus, që ka për qëllim të shpalosë para publikut shqiptar rrugëtimin e artistëve tanë që po na bëjnë krenarë në botë. E kësaj liste nuk ka si t’i mungojë edhe Erza e cila ka arritur ta bëjë për vete gjithë Francën dhe jo vetëm.

Duke zënë vend në skenë bashkë me moderatorin, ata nisin bisedën, ku ajo fillimisht falënderoi të pranishmit dhe u shpreh e lumtur që për herë të parë është në Kosovë për një paraqitje të tillë.

 “Nuk kam menduar se kemi me pas sukses në krejt botën”, u shpreh Erza për grupin e saj United Kids, ku në moshë shumë të re, me po këtë grup ajo ka filluar turneun rreth botës që për qëllim ka pasur kauzën humanitare duke u fokusuar te fëmijët me pamundësi për shkollim.

Intervista e Erzës herë pas here shoqërohej me video-prezantime ku shfaqej rrugëtimi i saj, duke filluar nga performanca e saj e parë e deri më sot.

KultPlus në këtë mes kishte edhe një surprizë për Erzën, ku kishte përgatitur katër video nga pjesëtarët e grupit të saj me të cilët edhe nisi gjithçka. Në gjuhën frënge ata i shprehen urimet me të bukura Erzës.

Tutje në ekran u shfaqën edhe videoklipet e saj. Pas intervistës së shkurtër ku Erza shpalosi rrugëtimin e saj në muzikë dhe kënaqësinë që ishte në një mes ku ajo ndihej më së miri, pianoja po e priste për t’i lëshuar tingujt e parë në sallë.

Themeluesja e KultPlus, Ardianë Pajaziti, u shpreh shumë e kënaqur për bashkëpunimin me prindërit e Erzës. Pas fjalimit të saj të shkurtër por që përmbledhte rrugëtimin e gjatë të KultPlusit për paraqitjen e Erzës para publikut kosovar ajo ftoi në skenë edhe babain e Erzës.

I emocionuar, Mehmet Muqolli mori fjalën, duke falënderuar publikun e pranishëm si dhe punën e palodhshme për organizimin nga KultPlus.

Pas fjalës së përfaqësueses së Ambasadës së Francës në Kosovë, erdhi koha për të pritur në skenë Erzën dhe për të dëgjuar teksa këndon plot emocion e shpirt.

Gjatë këtij interpretimi ajo promovoi edhe këngën e saj më të re ‘Je chanterai’ e cila është pjesë e albumit që do të publikohet në fund të muajit gusht. Por, krejt për fund ajo kishte një surprizë për të pranishmit. Ishte kënga shqipe ‘Xhamadani vija vija’ që nën interpretimin e Erzës erdhi edhe më e bukur e më emocionuese. Publiku nisi të këndonte bashkë me të, e duartrokitjet e shoqëruan gjatë gjithë kohës. ‘Back to black’ dhe ‘La Boheme’ ishin në mesin e këngëve të cilat Erza zgjodhi t’i këndonte mbrëmë.

Të mahnitur nga performanca magjike e Erzës, publiku u nda shumë i kënaqur. Erza me zërin e saj të ëmbël e të fuqishëm arriti të mbajë publikun gjatë gjithë kohës në emocion.

E një yll në moshë kaq të re si Erza, fansat më të mëdhenj i ka moshatarët e saj. Olisa Zari kishte ardhur enkas nga Franca për të qenë e pranishme në performancën e Erzës.

“Nesër është ditëlindja ime dhe kjo është dhurata ma e mirë që e kam marrë. Unë jam fanse e Erzës prej këngës së saj të parë, dhe e kam pasur ëndërr ta takoj. Erza po na bënë krenar”, tregon ajo për KultPlus.

Me mbarimin e koncertit të Erza Muqollit, të pranishmit ishin të ftuar në hapjen e KultPlus Caffé Gallery – Qendrës më të re Kulturore në Prishtinë. Hapja e Caffe Gallery-s u bë nga Erza Muqolli dhe pronarja e KultPlus, Ardianë Pajaziti. Me hapjen e kësaj qendre të kulturës, Erza filloi menjëherë me foto dhe autografe për publikun. I gjithë ky event nuk do të ishte i mundur pa KultPlusin, portal ky që është bërë si një sinonim për kulturën mbarëshqiptare.

Mbrëmjen artistike “Ta zbardhi ftyrën” me Erza Muqollin e kanë mbështetë: Ministria e Integrimeve në Kosovë, Bucaj, Coca Cola, Lierac, Glamour In, Amc Corporation.  / KultPlus.com

Me datë 30 korrik, duke filluar prej orës 20:00, vajza simpatike Erza Muqolli me ftesë nga gazeta e parë shqiptare online dedikuar tërësisht artit dhe kulturës, do të jetë mysafire e një koncerti madhështor në Prishtinë.

Mbrëmja do të mbahet në Amfiteatrin e Bibliotekës Universitare në Prishtinë, ku Erza do të performojë por edhe do të jetë pjesë e një bisede artistike.

Mehmet Muqolli, menaxheri i Erzës ka konfirmuar se edhe mediat nga Franca kanë shprehur dëshirë ta përcjellin Erzën në këtë rrugëtim i cili është pjesë e turneut të Erzës.

Kush e ka dëgjuar Erza Muqollin në performancat e saj, duhet patjetër të vijë e të jetë pjesë e koncertit. Nuk ka nevojë për bileta apo ftesa, hyrja është e lirë për të gjithë ata që e duan artin dhe kulturën, Erzën dhe karizmën e saj muzikore.

KultPlus ju fton të gjithëve në këtë mbrëmje.

Erza Muqolli për herë të parë do të prezantohet para audiencës kosovare, e cila është figura e edicionit të tretë “Ta zbardhi ftyrën”, projekt ky brenda platformës për art dhe kulturë “KultPlus”.

Erza Muqolli e cila me hapa gjigant është duke shënuar suksese në vendet frankofone, fillimisht si fëmijë e tashti edhe me lansimin e këngës së parë të albumit solo, album që pritet të lansohet së shpejti, po vjen në Kosovë në fund të muajit korrik.

“Tashmë gjithcka është e konfirmuar. KultPlus sivjet do të shënojë edicionin e tretë të ngjarjes kulturore “Ta zbardhi ftyrën”, që organizohet nga KultPlus, dhe që ka për qëllim paraqitjen e artistëve me ndikim në botën e jashtme, sikurse që është duke e shënuar një sukses të tillë edhe Muqolli në Francë dhe jo vetëm”, ka shpjeguar Ardianë Pajaziti, themeluese e platformës për art dhe kulturë “KultPlus”.

Pajaziti ka bërë të ditur se kjo ngjarje kulturore do të mbahet më 30 korrik në Amfiteatrin e Bibliotekës Universitare prej orës 20:00, ku Erza Muqolli para të pranishmëve do të tregojë për rrugëtimin e saj në Francë, sikurse që do të jetë edhe pjesa e performancës së saj.

Kjo ngjarje kulturore është mbështetur nga Ambasada e Francës në Kosovë dhe Ministria e Integrimeve.

Kjo mbrëmje në Kosovë vjen menjëherë pas paraqitjes së Erza Muqollit në Francë, e cila është prezantuar në një koncert që është ndjekur nga 40 mijë të pranishëm.

Erza Muqolli është shprehur e kënaqur që po shënon paraqitjen e saj të parë para audiencës kosovare, dhe pikërisht kjo paraqitje po ndodhë nëpërmjet gazetës online për art dhe kulturë KultPlus.

“Ta zbardhi ftyrën” edicionin e parë e ka nisë me Sislej Xhafa e Imer Kutllovcin, edicionin e dytë e ka shënuar me Flaka Gorancin, kurse sivjet do të shënohet me Erza Muqollin./KultPlus.com

Këngëtarja kosovare Erza Muqolli sapo ka lansuar këngën e parë të albumit solo, kurse sot e ka prezantuar edhe me videoklip, shkruan KultPlus.

Erza Muqolli ka njoftuar për KultPlus se kënga “Je Chanterai” është realizuar me tekst dhe kompozim të këngëtarit të famshëm francez Vianney.

 “Je Chanterai” apo në shqip “Do këndojë” përcjellë vullnetin dhe dëshirën e Erzës që ka për këndimin.

Kënga sapo është lansuar edhe me vidoklip dhe kjo këngë i paraprinë albumit të saj të parë./KultPlus.com

Këngëtarja kosovare Erza Muqolli sapo ka lansuar këngën e parë të albumit solo, shkruan KultPlus.

Muqolli ka vendosë që këtë album ta nisë me publikimin e këngës “Je Chanterai”, e cila ndërkohë do të publikojë edhe këngët e radhës.

Erza Muqolli ka njoftuar për KultPlus se kënga “Je Chanterai” është realizuar me tekst dhe kompozim të këngëtarit të famshëm francez Vianney.

“Kënga është lansuar tash vetëm audio, kurse shumë shpejt pritet të lansohet edhe videoklipi, i cili është realizuar poashtu nga Vianney”, ka thënë Mehmet Muqolli, babai i Erzës.

“Je Chanterai” apo në shqip “Do këndojë” përcjellë vullnetin dhe dëshirën e Erzës që ka për këndimin.

KultPlus merr vesh që albumi i parë i Erza Muqollit është punuar në gjuhën frënge, mirëpo në disa pjesë do të dëgjohen edhe pjesë në gjuhën shqipe.

Lansimi i këngës së Erza Muqollit tashmë mund të ndiqet në disa kanale si: kanakev @applemusic , @deezerfr , @spotify , @tidal dhe në faqen zyrtare të Erzës në You Tube, Erza Muqoli.

Pas publikimit të albumit mësohet se Erza Muqolli do të nisë një tur nëpër vendet frankofone që të bëj promovimin e albumit./KultPlus.com

Erza Muqolli do të bashkëpunojë në këtë album me kompozitorin e njohur francez Vianney. I çertifikuar dy herë me albume platini, Vianney është një ndër këngëtarët dhe kompozitorët francez që është vlerësuar me çmimet më të rëndësishme në Francë dhe jashtë saj, shkruan KultPlus.

Erza Muqolli e cila ka shënuar një sukses shumë të madh me këngët e saj në Francë, tashmë ka nënshkruar kontratë me dy shtëpi muzikore në Francë, dhe brenda vitit do të prezantohet me albumin e saj të parë solo, shkruan KultPlus.

Mehmet Muqolli, menaxheri i Erza Muqollit ka konfirmuar për KultPlus se tashmë kjo kontratë është nënshkruar dhe këngët do të bëhen në bashkëpunim me tekstshkruesin, këngëtarin dhe kompozitorin më të njohur francez Vianney.

“Do të jetë një album shumë i veçantë, është duke u përgatitë një album madhështor, do të jetë një album i mirë jo vetëm për francezët, por edhe për shqiptarët. Ky projekt është një projekt që do të sjellë risi në muzikën franceze, por edhe në atë botërore”, ka thënë Muqolli për KultPlus.

Kurse Erza Muqolli ka treguar për KultPlus se ky album do të përbehet nga 12 këngë.

“Publikimi i albumit besoj që do të realizohet në fund të këtij viti, kurse videoklipi i parë po nga ky videoklip do të publikohet rreth muajit maj ose qershor”, ka thënë Erza Muqolli, e cila poashtu ka njoftuar se ky album do të shënojë edhe rrugëtimin e saj në karrierën muzikore si e rritur.

Kurse Mehmet Muqolli ka treguar se tematika e këngëve do të jetë e ndryshme, por ai ka thënë se ka edhe dicka shumë të rëndësishme rreth këtij albumi, por sipas tij, ai këtë eksluzivitet do ta ndajë poashtu me KultPlus, sapo të vijë momenti i duhur.

Erza Muqolli me këngët e saj si e vogël është konsideruar si një ndër fëmijët më të suksesshëm në Francë. Ajo poashtu është prezantuar në skenë edhe me artistët më të mëdhenjë shqiptarë si: Dua Lipa, Inva Mula e artistë të tjerë të rëndësishëm.

Kurse ky bashkëpunim me kompozitorin e njohur francez, konsiderohet të jetë një etapë tjetër për Erza Muqollin, pasi që përgatitjet rreth këtij albumi premtojnë sukses të madh./KultPlus.com

Në datën 19 nëntor, artistët shqiptarë si Inva Mula, Dua Lipa, Genc Tukiçi, Eno Peçi, Lorik Cana, Olen Çezari, Elhaida Dani dhe Ermal Meta; do të bëhen bashkë në teatrin “Argentina”, për të nderuar heroin tonë kombëtar, Skënderbeun.

Me kërkesë të kreut të Misionit Diplomatik të Shqipërisë në Selinë e Shenjtë, Majlinda Dodaj, Papa Françesku do të takojë përfaqësues të popullit shqiptar në Vatikan, të cilët do të shoqërohen nga autoritet e larta të qeverisë shqiptare dhe nga liderit e të gjitha besimeve fetare.

Mes emrave të njohur do të jetë edhe vogëlushja shqiptare, Erza Muqolli krenaria jonë në Francë, aty ku 13-vjeçarja po ndjek karrierën e saj si këngëtare. Erza Muqolli ka lindur në Francë por prindërit e saj janë me origjinë nga Drenica. Erza u bë e njohur me zërin e saj unik në Francë, duke tërhequr vëmendjen në mbarë botën.

Vogëlushja konsiderohet si një nga talentet më të mëdha të së ardhmes. Muqolli konkuroi në emisionin “France’s Got Talent”, ku arriti të renditet në 5 finalistet e para dhe më pas fitoi çmimin e tretë. Vajza e vogël është shumë e njohur në Francë dhe e kanë krahasuar me shumë emra botërorë, një ndër ta edhe francezja Indila.

Tashmë Erza është pjesë e grupit Kids United, i përbërë nga 5 fëmijë të talentuar, të cilët këndojnë nëpër qytete të ndryshme të Francës./ KultPlus.com