Etiketë: Eugent Bushpepa

Data 3 maj shënon edhe provën e dytë të Shqipërisë në skenën e Eurovizionit.

Eugent Bushpepa nesër do të ngjitet në skenë për herë të dytë dhe të fundit para se të këndojë në gjysmëfinalen e Eurovizionit.

Bushpepa do të këndojë këngën e tij “Mall” herët në mëngjes, në kuadër të ditës së provave.
15 këngëtarë nesër do të këndojnë për herë të dytë në provë, para se të ngjiten në skenën e madhe.

Eurovizioni fillon me 8 maj, me 10 maj është gjysmëfinalja e dytë dhe me 12 maj është finalja e madhe.

Me datë 4 maj do të jetë prova e parë e shqiptarit Ermal Meta – i cili përfaqëson Italinë, ndërsa provën e dytë Ermali e ka me 6 maj.

Provat janë të rëndësishme pasi juria i përcjellë ato dhe vlerëson secilën pikë të performancës. / KultPlus.com

Mediat britanike nuk i kanë kursyer elozhet për këngëtarin shqiptar Eugent Bushpepa, i cili dhuroi një performancë të shkëlqyer vokale gjatë provave të këngës “Mall”.

Bushpepa do të përfaqësojë këtë vit Shqipërinë në festivalin kontinental “Eurosong”, që do të mbahet më 8 maj në Portugali.

“Kjo është një këngë tepër e vështirë vokalisht, megjithatë Eugenti ia ka dalë në të gjitha performancat. Ka disa nota të larta dhe shumë këngëtarë kryesorë grupesh ‘do vrisnin’ për të dhënë një performancë të tillë. Këngëtari shoqërohet nga dy vokaliste dhe një grup i vogël muzikantësh, duke përfshirë një baterist, basist dhe një kitarist (akustik dhe elektrik).

Nëse ndryshimet e skenës për vitin 2018 do të vendosnin më shumë theksin tek këndimi sesa tek paraqitja skenike, kjo i përshtatet më së miri Shqipërisë. Me këtë performancë, Eugenti ka shumë shanse që të kualifikohet. Eugent Bushpepa po lufton shumë që të kualifikojë Shqipërinë në finalen e Eurovizionit, gjë që nuk është arritur prej tre vitesh. Performanca më e mirë e Shqipërisë deri tani ka qenë ajo e Rona Nishliut në vitin 2012, e cila siguroi vendin e 5-të në finalen e Eurovizionit. Shqipëria me Eugent Bushpepen këtë vit, ka shumë shanse të futet në listën e 10 këngëve më të mira të Eurovizion. Eugenti do të performojë i treti me datën 8 maj në Lisbon,”- shkruan “Metro”./shekulli

Nëse çdo gjë shkon ashtu siç është planifikuar, Eugent Bushpepa sonte do të këndojë në Amsterdam.

Bushpepa e ka konfirmuar pjesëmarrjen në Eurovision in Concert që mbahet sonte në Amsterdam.

Në këtë koncert rreth 30 këngëtarë nga Evropa, që këtë vit përfaqësojnë shtete të ndryshme në Eurovizion, do të ngjiten në skenë për të promovuar veten dhe këngët e tyre.
Bushpepa, i cili e ka nisur këtë vit me shumë pak paraqitje dhe promovim të këngës “Mall”, sonte do të këndojë në AFAS Live, Amsterdam, në koncertin që fillon në ora 20:00.

KultPlus do t`iu informojë për më të rejat nga ky koncert dhe për paraqitjen e Eugentit. Eleni Foureira dhe Ermal Meta – dy shqiptarët tjerë që do të këndojnë në Eurovizion, sonte nuk e kanë konfirmuar pjesëmarrjen në koncertin në Amsterdam.

Ka mbetur më pak se 1 muaj deri në Eurovizionin e këtij viti. / KultPlus.com

Janë zbuluar emrat që do t’i bashkohen Eugent Bushpepës në skenën e Festivalit të Këngës – Eurovizion, që do të mbahet në fillim të muajit maj.

Nga emrat që janë bërë të ditur së fundmi Eugentit në skenë do t’i bashkohen Greta Radovani dhe Erinda Agolli. Po ashtu, atij do t’i bashkohen edhe Denis Hima – kitarist, Besnik Nikolli – basist dhe bateristi Gerti Hima.

Eugenti është një këngëtar dhe kompozitori i zhanrit rock që vjen nga Rrësheni i Shqipërisë. Ai ka kënduar fillimisht në Festivalin e Këngës në vitin 2008, ku është paraqitur me një duet me Rovena Dilo, ku ata u vendosën në vendin e 12-të nga gjithsej 20 këngëtarë pjesëmarrës, shkruan KultPlus.

Kënga “Mall” do të performohet në gjysmëfinalen e parë të këtij viti në Eurovision Song Contest, që do të zhvillohet në Lisbonë këtë maj, me datë 8 saktësisht në natën kur këndon Eugenti.

Shqipëria debutoi në Festivalin e Këngës në Eurovizion në vitin 2004. Shqipëria pati sukses me paraqitjen e parë me “The Image of You” të Anjeza Shahinit, duke lundruar nëpër gjysmëfinale në vendin e katërt dhe përfundimisht arriti të jetë në vendin e 7-të në finalen e madhe. Shqipëria ka qenë pjesë e Festivalit të Këngës në Eurovizion çdo vit që nga debutimi i tyre, duke e bërë kështu vitin 2018 paraqitjen e 15-të me radhë.

Rona Nishliu deri sot mban pozitën më të mirë për shqiptarët në Eurovizion, në finalen e Eurovizionit në vitin 2012-të. / KultPlus.com

Eugent Bushpepa do të këndojë i treti në gjysmëfinalen e parë të Eurovizionit këtë vit.

Sot ka dalë kësisoj radhitja përfundimtare e dy gjysmëfinaleve të Festivalit Evropian të Muzikës.
Bushpepa, me datë 8 maj, në Portugali do të këndojë i treti.

Numri 3 nuk është më i miri pasi preferohen këngët që këndohen kah fundi i natës, por vokali i Bushpepës premton shumë dhe ai do të angazhohet që të dallohet nga këngëtarët tjerë.

Gjysmëfinalja e parë është “gjysmëfinalja e nxehtë” e këtij Eurovizioni. 19 këngë do të garojnë, ndërsa vetëm 10 prej tyre do të futen në finale, shkruan KultPlus.

Azerbejxhani do ta hapë natën, ndërsa Qiproja do të këndojë e fundit. Në natën e parë, krahas Eugentit do të garojë edhe Eleni Foureira – për Qipron, një shqiptare tjetër në këtë Eurovizion.

Në gjysmëfinalen e dytë, me 10 maj, mbrëmja hapet me Alexander Rybak nga Novergjia dhe përfundon me këngën nga Ukraina. / KultPlus.com

Ka vetëm disa ditë që është publikuar videoklipi i këngës ‘Mall’ nga Eugent Bushpepa, por tashmë kjo këngë ka marrë mbi 84 mijë klikime në Youtube, shkruan KultPlus.

Në kanalin zyrtar të Eurovizionit në Youtube është publikuar kënga ‘Mall’, këngë kjo e cila do të përfaqësojë Shqipërinë në Eurovizion 2018, gara e fuqishme e muzikës moderne evropiane.

Komentet të cilat kanë ardhur nga dëgjuesit e këngës janë pozitive. Disave prej tyre iu kanë lënë përshtypje edhe kostumet të cilat shfaqen në videoklip, me elemente kombëtare. Mirëpo ka edhe të tillë të cilët mendojnë se Shqipëria nënvlerësohet nga votuesit e kësaj gare.

“Njerëzit çdo herë janë ankuar se Shqipëria po dërgon vajza të cilat brohorasin pasi që ato kapin nota të larta në garë. Kësaj radhë Shqipëria ka ardhur me diçka krejtësisht tjetër por përsëri njerëzit nuk po e vlerësojnë këtë”, është komenti i i cili ka ardhur nga një ndjekës i garës nga Kroacia.

Dje ka filluar edhe votimi i OGAE – grupeve të fansave të organizuar të Eurovizionit nëpër Evropë. Secili shtet kësisoj deri në ditët kur mbahet Eurovizioni dërgon votat zyrtare dhe në fund shihet lista e OGAE.

Deri sot, dy shtete kanë dërguar votat e tyre, dhe asnjë votë nuk shkon për Shqipërinë.

Votimi OGAE deri sot:

Israeli / 24 pikë
Republika Çeke / 12 pikë
Suedia / 12 pikë

Megjithatë, kënga italiane me këngëtarin shqiptar Ermal Meta ka marrë gjashtë pikë, ndërsa kënga e Qipros kënduar nga tjetra shqiptare, Eleni Foureira, ka vetëm një pikë.

Data 8 maj do të jetë dita kur Eugent Bushpepa do të performojë në natën e parë të festivalit EUROVIZION, për të provuar kualifikimin në finale. / KultPlus.com

Eugent Bushpepa do të përfaqësojë Shqipërinë në Eurovizion dhe përgatitjet për këtë garë po marin formë, shkruan KultPlus.

Tashmë kjo këngë ka edhe videoklipin zyrtar, videoklip i cili sapo është lansuar.
KultPlus ju sjellë këtë video që sjellë këngën “Mall”, që do të garojë me shumë këngë të tjera në Eurovizion./KultPlus.com

Është publikuar versioni final i këngës “Mall”, nga Eugent Bushpepa, që do të përfaqësojë Shqipërinë në Eurovizion, shkruan KultPlus.

Kënga ashtu siç edhe pati paralajmëruar këngëtari, është krejtësisht në gjuhën shqipe. Ndryshimi i vetëm që është bërë, është heqja e disa pjesëve dhe riradhitja e atyre që kanë mbetur. Një gjë e tillë është bërë pasi kënga në Eurovizion nuk lejohet të jetë më e gjatë se tre minuta.

Data 8 maj do të jetë dita kur Eugent Bushpepa nën flamurin kuq e zi do të performojë në natën e parë të festivalit.

Ky është versioni i ri i këngës Mall.

Një pritje e gjatë
E ëmbël e zjarrtë
Ca hapa trokasin si zemër ketë natë
Unë ndjek ritmin e saj
Dy duar që zgjaten përpijnë ngrohtësi
Ky mall që të djeg nuk njeh kufi as largësi
Si me magji hëna shikimet përpin
Me sjell vegimin tënd
Refreni
Lot i pathare ndriçoje ketë nate
Sonte kumbo prej shpirtit pa fjalë
Vetëm një çast dhimbja të më ndale
Ky lot i pathare një ditë do shteroje
Nga puthjet e zjarrta që ëndërroi
Në atë çast dhimbja do ndalojë
Dua të hesht në ketë natë i shtrire në këtë shtrat
Ku ëndrrat hyjnore shërojnë çdo plagë
Të shoh portretin e saj
Momentet kalojnë
Sekondat nuk falin
Orët pasojnë por ndjenjën se ndalin, jo
Si me magji hëna shikimet përpin
Sytë tanë puqen serish edhe pse është fantazi
Jetën do ta fal ty
Refreni
Lot i pathare ndriçoje ketë nate
Sonte kumbo prej shpirtit pa fjalë
Vetëm një çast dhimbja të më ndale
Ky lot i pathare një ditë do shteroje
Nga puthjet e zjarrta që ëndërroi
Në atë çast dhimbja do ndalojë

KultPlus.com

Në edicionin e këtij viti të festivalit europian, Shqipëria do të shpresojë të sigurojë fitoren me këngëtarin Eugent Bushpepa, por a do t’ia dalë?

Kështu e nis tabloidi ‘The Sun’, materialin që i kushton këngëtarit shqiptar, i cili do të përfaqësojë Shqipërinë në kompeticionin ndërkombëtar me këngën Mall, përcjellë konica.al.

Eugent Bushpepa, i njohur me shkurtimin Gent, lindi në Rrëshen të Shqipërisë, në 2 korrik të vitit 1984, shkruan tabloidi. Ai nisi të këndonte në moshë të re dhe në mënyrë që të përmbushte ëndrrën e tij, në 2006-ën iu bashkua një programi ‘Talk show’, në Top Channel, si këngëtar.

Që atëherë, Eugenti ka qenë pjesë e skenës muzikore, duke u bërë një prej këngëtarëve më popullorë në vend, vijon më tej ‘The Sun’. Tablodi kujton se Bushpepa ka performuar me legjendën e ‘Guns n roses’, Ron Thal. Pavarësisht se është pjesë e industrisë që prej 2006-s, Eugenti nuk ka publikuar ende një album të plotë, por vetëm një numër këngësh.

E përditshmja britanike shkruan se Bushpepa u shpall fitues i edicionit të 56 të këngës në Shqipëri, nga një juri profesionale duke mundur një sërë këngëtarësh të tjerë të suksesshëm.

Në festivalin europian të këngës do të paraqitet me këngën Mall, e shkruar posaçërisht për Eurovizion. Shqipëria ka marrë pjesë 14 herë në Eurovision, që prej debutimit në vitin 2004, duke përmendur Rona Nishliun si përfaqësuesen shqiptare të renditur më mirë në klasifikim./KultPlus.com