Fitues i edicionit të 68-të të Festivalit Evropian të Këngës “Eurovizion 2024” është shpallur përfaqësuesi nga shteti i Zvicrës Nemo me këngën “The Code”. Ndërsa vendin e dytë e ka fituar Kroacia me këngën “Rim Tim Tagi Dim” të Baby Lasagna, kurse vendin e tretë Ukraina me këngën “Teresa&Maria” nga dyshja Alyona Alyona & Jerry Heil.
Kënga “The Code” ka arritur të siguroj bindshëm fitoren e “Eurovizon 2024” pasi u shpall fituese duke siguruar votat e jurisë dhe ato të publikut.
Në finalen e madhe të festivalit garuan 25 vende pjesëmarrëse. Vendet dhe këngët finaliste të “Eurovizion 2024” ishin:
Ukrainë | alyona alyona & Jerry Heil – Teresa & Maria Gjermani | ISAAK – Alëays On The Run Luksemburg | TALI – Fighter Izrael | Eden Golan – Hurricane Lituani | Silvester Belt – Luktelk Spanja | Nebulossa – ZORRA Estoni | 5MIINUST x Puuluup – (nendest) narkootikumidest ei tea me (küll) midagi Irlandë | Bambie Thug – Doomsday Blue Letoni | Dons – Holloë Greqi | Marina Satti – ZARI Mbretëria e Bashkuar | Olly Alexander – Dizzy Norvegji | Gåte – Ulveham Itali | Angelina Mango – La Noia Serbi | TEYA DORA – RAMONDA Finlanda | Windoës95man – No Rules! Portugali | iolanda – Grito Armenia | LADANIVA – Jako Qipro | Silia Kapsis – Liar Slloveni | Raiven – Veronik Gjeorgji | Nutsa Buzaladze – Firefighter Austri | Kaleen – We Will Rave.
Shqipëria këtë vit u prezantua nga këngëtarja Besa Kokëdhima me këngën “Titan”, e cila pavarësisht se pati një paraqitje dinjitoze nuk arriti të çoj Shqipërinë në finale.
Finalja e madhe e Edicionit të 68-të të Eurovisionit u mbajt në Malmo Arena, në Suedi. Përderisa në të dyja netët paraprake të Eurovizion 2024, u dhuruan emocione të forta me shumë ngjyrime të traditave dhe kulturave së vendeve pjesëmarrëse. / KultPlus.com
Edicioni i 68-të i Eurovision sonte e zhvillon natën finale, në një mbrëmje ku pritet të dëgjohen 26 këngët garuese. Shfaqja fillon në orën 21:00 dhe zhvillohet në Malmo të Suedisë, ndërsa transmetohet drejtpërdrejt nga RTK dhe RTSH.
Shqipëria u përfaqësua këtë vit nga Besa Kokëdhima me këngën “Titan” e cila performoi në natën e dytë gjysmë finale, por nuk arriti të shkoj në finale, transmeton RTSh.
Këngët pjesëmarrëse në garë:
Suedi | Marcus & Martinus – Unforgettable
Ukrainë | alyona alyona & Jerry Heil – Teresa & Maria
Gjermani | ISAAK – Alëays On The Run
Luksemburg | TALI – Fighter
Holandë | Joost Klein – Europapa
Izrael | Eden Golan – Hurricane
Lituani | Silvester Belt – Luktelk
Spanja | Nebulossa – ZORRA
Estoni | 5MIINUST x Puuluup – (nendest) narkootikumidest ei tea me (küll) midagi
Spektakli europian i këngës “Eurovision Song” ka ngritur siparin mbrëmjen e sotme në Malmö të Suedisë.
Natën e parë magjike e ka hapur këngëtarja me orgjinë shqiptare Eleni Foureira ndërsa festivali europian i këngës mban sloganin “Të bashkuar nga muzika”.
Mbrëmja e sotme shënon gjysmëfinalen e parë të këtij eventi ndërsa të enjten më 9 maj do të jetë gjysmëfinalja e dytë ku do të garojë edhe Shqipëria me këngëtaren Besa Kokëdhima. E shtuna do të shënojë finalen e madhe më 11 maj prej nga do të dalë fituesi i festivalit europian të këngës.
Pas renditjes nga ana e organizatorëve të edicionit të 68-të të Eurovision 2024 Malmo, të gjithë shqiptarët, të cilët prej dekadash ndjekin këtë ngjarje të madhe të muzikës evropiane dhe botërore, do të kenë mundësinë të dëgjojnë përfaqësuesen e Shqipërisë në këtë edicion, Besa Kokëdhima më 9 maj, në gjysmë-finalen e dytë.
Kënga e saj “TITAN” do të jetë e dyta që do të këndohet në mbrëmjen e dytë të gjysëm finales.
Versioni i ri në anglisht i këngës vjen si një bashkëpunim me producentë të njohur botërorë si Gia Koka, Serban Casan dhe Alias LJ dhe producentin e njohur shqiptar Kledi Bahiti. Video-klipi është realizuar në Stamboll dhe vjen si një trinom që kombinon tekstin, mesazhin dhe muzikën.
Me këngën “Zemër n’dorë” (TITAN), Besa Kokëdhima fitoi besimin e publikut për të përfaqësuar Shqipërinë në edicionin e 68-të të Eurovizion, në Festivalin e 62-të Këngës në RTSH.
Eurovision 2024 do të transmetohet drejtpërdrejt nga Radio Televizioni Shqiptar. Vetëm 20 shtete do të zgjidhen nga dy gjysmëfinalet për të vijuar më pas në finalen e madhe që do të zhvillohet më 11 maj, të cilat do t’u bashkohen 5 shtetet e përhershme finaliste dhe vendi mikëpritës që është Suedia.
Nga gjysmëfinalja, dhjetë finalistët vlerësohen nga vota e publikut. Votohen në dy forma: Shqiptarët që ndodhen në shtetet që janë në garë në natën e dytë gjysmëfinale mund të votojnë me kodin 02 në numrat e telefonit vendosur në dispozicion nga shteti ku ata jetojnë, nga vendet pjesëmarrëse.
Ndërsa, të gjithë shqiptarët që ndodhen kudo nëpër botë, në votimin “rest of the world”, ku mund të votohet online 24 orë përpara se të çelet votimi i online, mund të votojnë për Shqipërinë deri në 20 herë nga çdo vend i botës./rtsh/ KultPlus.com
Suedia ka shtuar sigurinë në Malmo ku pritet të mbahet Eurovision Song Contest në datat 7,9,11 maj. Qeveria suedeze thotë se këto ditë janë planifikuar demonstrata të mëdha që përkojnë me ngjarjen dhe vendi tashmë është në gatishmëri të lartë.
Policia dhe organizatorët thonë se janë të përgatitur mirë dhe shpresojnë për mbarëvajtjen e festivalit.
Rreth 100,000 vizitorë do të zbresin në Malmo, të Suedisë për konkursin më të madh në botë të muzikës.
Shefi i policisë tha se nuk kishte kërcënime specifike për ngjarjen, por niveli i alarmit u rrit gushtin e kaluar, pas një vale djegiesh të Kuranit që zemëruan botën myslimane.
Një raport i brendshëm i policisë, i theksuar nga transmetuesi publik suedez SVT , e përshkroi Suedinë si një “objektiv prioritar” për grupet e dhunshme xhihadiste. Vlerësimi i kërcënimit prej 23 faqesh për Eurovizion përmendi gjithashtu trazirat, sulmet kibernetike dhe ndërprerjen e transmetimit si rreziqe të tjera të mundshme.
Besa Kokëdhima do të përfaqësojë Shqipërinë në Eurovizion 2024 me këngën “Zemrën n’dorë”/rtk/KultPlus.com
Transmetuesi publik i Izraelit ka kërkuar ndryshime në tekstin e këngës së paraqitur për konkursin e këtij viti në Eurovizion.
Organizatorët e ndaluan atë javën e kaluar për shkeljen e rregullave mbi neutralitetin politik.
Transmetuesi izraelit Kan ishte zotuar të mos ndryshonte tekstin e shiut të tetorit – një referencë e dukshme ndaj sulmit të Hamasit ndaj Izraelit më 7 tetor, raporton BBC.
Por presidenti i Izraelit Isaac Herzog bëri thirrje për “rregullime të nevojshme” për të siguruar që Izraeli të mund të hyjë në shfaqje.
Izraeli ka fituar katër herë më parë Eurovision Song Contest. Ngjarja e këtij viti do të mbahet në Suedi – i cili fitoi përmbajtjen e vitit të kaluar – në maj.
Kan është në procesin e zgjedhjes së hyrjes së tij, me October Rain kryesues dhe Dance Forever në vendin e dytë.
Në një deklaratë të dielën, Kan tha se kishte kontaktuar me tekstshkruesit e të dy këngëve dhe u kishte kërkuar atyre që “të ripërshtatnin tekstet, duke ruajtur lirinë e tyre artistike”.
Presidenti Herzog, shtoi ai, kishte “theksuar se pikërisht në një kohë kur ata që na urrejnë po kërkojnë të shtypin dhe bojkotojnë Shtetin e Izraelit”, vendi “duhet të ngrejë zërin” në forumet ndërkombëtare.
Muajin e kaluar, kur Unioni Evropian i Transmetuesve tha se po vlerësonte tekstin, Kan tha se “nuk kishte ndërmend ta zëvendësonte këngën”.
Hyrja e Izraelit, që do të performohet nga këngëtari 20-vjeçar Eden Golan, do të konfirmohet të dielën e ardhshme.
Dy anëtarë të ABBA kanë këmbëngulur që ikonat suedeze të popit nuk do të performojnë në festivalin e ardhshëm të Eurovision.
Në një intervistë për t’u transmetuar në Britani të enjten, Björn Ulvaeus dhe Benny Andersson, e përjashtuan mundësinë që të performonin në finalen e festivalit, pavarësisht se Suedia do të organizojë Eurovision-in në vitin që përkon me 50-vjetorin e fitores së ABBA në Eurovision me këngën e famshme “Waterloo”.
Kombi nordik do të organizojë festivalin pasi këngëtarja suedeze Loreen fitoi konkursin e këtij viti.
“Unë nuk dua,” tha Benny Andersson. “Dhe nëse nuk dua unë, as të tjerët nuk duan. Është e njëjta gjë për të katërt ne. Nëse dikush thotë jo – është jo.”
Ulvaeus shtoi: “Ne mund të festojmë 50-vjetorin pa qenë ne në skenë.”
Grupi ABBA – që përbëhet edhe nga Agnetha Faltskog dhe Anni-Frid Lyngstad – fitoi famë ndërkombëtare pas suksesit të tyre në Eurovision në 1974.
Hite të tjera globale përfshijnë “Dancing Queen”, “Super Trouper”, “Money, Money, Money” dhe “Knowing Me, Knowing You”.
Albina dhe Familja Kelmendi do të ngjiten sonte në skenën e Eurovizionit për të perfomruar për së dyti herë këngën e tyre „Duje“, pasi që siguruan finalen.
Shqipëria në natën e dytë gjysmë finale ishte e para që u kualifikua në finale.
Performanca e Albines dhe Familjes Kelmendi në bazë të klikimeve në Youtube është një ndër më të shikuarat. Aktualisht ka arritur 1 milion klikime, derisa shifra milionshe kanë kapur edhe Izraeli, Kroacia, Norvegjia, Suedia, Italia, Çekia.
Albina dhe familje e saj sonte do të përformojnë të dhjetit në radhë./21Media/KultPlus.com
Këngëtarja nga Kosova, Albina Kelmendi, e cila denjësisht po përfaqëson Shqipërinë në Eurovision, të enjten mbrëma u ngjit në skenën e Liverpulit.
Ajo së bashku me Familjen Kelmendi elektrizuan sallën e “M&S Bank Arena” dhe kështu siguruan të parët votat e audiencës për ta çuar vendin që përfaqësojnë në finalen e madhe të kësaj gare evropiane.
Me të nisur kënga “Duje”, e gjithë skena e këndimit u shndërrua në kuq e zi – ngjyra këto që përkonin me flamurin kombëtar.
Për paraqitjen më të rëndësishme në karrierën e saj deri më tani, Albina ishte përkujdesur që të vishej me një kostum të zi e të dekoruar me copëza metali që në tërësi dukej si ato veshjet tradicionale të nuseve shqiptare, por njëkohësisht ngjasonte edhe me heroin kombëtar shqiptar, Gjergj Kastrioti Skënderbeu.
Madje në një çast kur kënga u bë edhe më ritmike, Albina & Familja Kelmendi i nxorën pecetat dhe filluan të vallëzojnë (pjesërisht) valle kombëtare – kështu duke e vulosur identitetin e tyre.
Pas kualifikimit, ajo ka bërë një prononcim për media, ku ka thënë se Kosova dhe Shqipëria janë si vëlla dhe motër që kanë një nënë Shqipërinë e Madhe.
“Ne jemi të një gjaku, të të njëjtit nacionalitet. Kosova dhe Shqipëria janë si vëlla dhe motër dhe ne kemi një nënë që është Shqipëria e Madhe”, tha Albina.
Shtetet tjera që arritën të kualifikohen në natën e dytë gjysmëfinale janë edhe Qiproja, Estonia, Belgjika, Austria, Lituania, Polonia, Australia, Armenia dhe Sllovenia.
Ndërkaq, në natën e parë gjysmëfinale, për finalen e së shtunës u kualifikuan Kroacia, Moldavia, Zvicra, Finlanda, Çekia, Izraeli, Portugalia, Suedia, Serbia dhe Norvegjia.
Tani këto 20 shtete, plus gjashtë të tjera, në mesin e tyre fituesi i vitit të kaluar që është Ukraina, por edhe “pesëshja e madhe”, Britania e Madhe, Gjermania, Franca, Spanja dhe Italia, do të garojnë të shtunën mbrëma për finalen e madhe të Eurovision 2023, me ç’rast juria dhe publiku do të vendosin për fituesin.
Kujtojmë se nga viti 2004, kur Shqipëria u paraqit për herë të parë në këtë garë, asnjëherë nuk arriti ta fitojë atë. Pozita më e lartë e arritur është vendi i 5-të në vitin 2012 me këngëtaren Rona Nishliu.
Tani Albina & Familja Kelmendi shpresojnë se do ta shkruajnë historinë duke u renditur më së larti në Eurovision.
Kush është Albina Kelmendi?
E lindur në Pejë më 27 janar të vitit 1998, qysh në moshë të re ajo nisi të merrej me muzikë dhe shkrim të teksteve.
Kelmendi mori famë në moshën 16-vjeçare në finalen e “The Voice of Albania”, kur të katër gjyqtarët pëlqyen paraqitjen e saj.
Në qershor të vitit 2022, ajo publikoi albumin e saj debutues, “Nana”, i cili u vlerësua pozitivisht.
Ndërsa më 23 dhjetor 2022, Albina & Familja Kelmendi u shpallën fitues nga votat e publikut me këngën “Duje” në edicionin e 61-të të “Festivalit të Këngës” në RTSH. Me këtë fitore u vendos se ata do ta përfaqësojnë Shqipërinë në Eurovision 2023.
E quajtur Albina & Familja Kelmendi, asaj i bashkohen në grup nëna Albana, babai i saj Bujari, vëllai i saj Albini dhe motrat Vesa dhe Sidorela.
Ky është teksti i këngës përfaqësuese të Shqipërisë në Eurosong:
Diçka mrena Frymën ma nal’ S’di çka bohet, bohet Po du me e nal’ (Ç’ka o ka bohet?!) Krejt tu i pas’ E krejt tu i pas’ S’po muj me u k’naq
Jan’ tu u nda Vec për nji fjal’ Jan’ tu u nda Dashnin’ kan’ vra Jan’ tu u nda E kan’ harru Se kan’ nji shpi Sofër me f’mij’
Duje! Si dikur ti duje At’ dashni ti ruje! Si jeten ti duje! Mos e gjuj me gure! Si dikur ti duje At’ dashni ti ruje Sa jeten ti duje!
Jan’ tu u nda Vec për nji fjal’ Jan’ tu u nda Dashnin’ kan’ vra Jan’ tu u nda E kan’ harru Se kan’ nji shpi Sofër me f’mij’
Duje! Si dikur ti duje At’ dashni ti ruje! Si jeten ti duje! Mos e gjuj me gure! Si dikur ti duje At’ dashni ti ruje Sa jeten ti duje! (Duje , duje) Jan’ tu u nda (Duje, duje) Vec për nji fjal’ Jan’ tu u nda Dashnin’ kan’ vra ( Duje, duje) Jan’ tu u nda (Duje, duje) E kan’ harru Se kan’ nji shpi Sofër me f’mij’ (Duje, duje)/Klan Kosova/KultPlus.com
Rita Ora e cila ishte e ftuar speciale e edicionit të sivjetmë ka shkëlqyer me performancën e saj, shkruan KultPlus.
Ajo në fillim u shoqërua nga Sofia, valltare nga Ukraina e cila është refugjatë në Britaninë e Madhe e më pas ajo është prezantuar me copëza të hiteve të saj nëpër vite, e cila natyrisht që ka elektrizuar audiencën prezente, por edhe të gjithë ata që e kanë përcjellë nëpërmjet platformave të ndryshme.
Rita Ora është shoqëruar me shumë balerinë, të cilët kanë sjellë edhe koreografi të shkëlqyer, por natyrisht që edhe dukja e saj ishte e mrekullueshme.
Eurovision sonte pat natën e parë, për të vazhduar nesër me të dytën ku edhe do të zgjidhen finalistët për mbrëmjen prej nga edhe do të nxjerr fituesin. Edicioni i sivjetmë po mbahet në Liverpool, alternativë për Ukrainën, pasi që fituesi i vitit të kaluar ishte nga Ukraina. / KultPlus.com
Kënga shqiptare mesazh i fortë për rëndësinë e familjes, shkruan BBC për këngën konkurruese të Shqipërisë në Eurovision Song Contest.
Këtë vit, Festivali Evropian i Këngës në Liverpul do të ketë 37 vende që do të garojnë për t’u kurorëzuar kampion.
”Teatrale dhe dramatike, kënga shqiptare mbart një mesazh të fortë për rëndësinë e familjes dhe pranimin e njerëzve që doni për atë që ata janë”, shkruan BBC.
”Vokali mbresëlënës dhe harmonitë ballkanike ndërtohen në një kor tërheqës, me Albinën e shoqëruar në skenë nga pesë anëtarë të familjes së saj, përfshirë nënën dhe babain e saj”, shton BBC.
”Zëri i Albinës të prek telat e zemrës”, thekson ajo.
Shqipëria do të paraqitet në këtë festival me këngën ”Duje” të Albinës dhe familjes së saj./atsh/KultPlus.com
Mbreti Charles III dhe Madhëria e saj The Queen Consort vizituan sot Liverpool Arena, ku ndezën skenën për ta shpalosur atë për publikun për herë të parë.
Skena u zbulua nën tingujt e një kolone zanore me temë të Eurovizionit 2023.
E dizenjuar nga Julio Himede, skena mbresëlënëse është projektuar mbi parimet e ‘bashkimit, festës dhe komunitetit’.
Në më shumë se 450 metra katrorë të skenës, i bashkohen dhe 220 metra katrorë të tjerë ekrane video që lëvizin dhe rrotullohen në mënyrë të pavarur, si dhe mbi 700 pllaka video të integruara në dysheme dhe më shumë se 1500 metra drita LED.
Eurovision 2023 do të nis me datë 9 maj deri me 13 maj në Liverpool. Albina dhe Familja Kelmendi do të përfaqësojnë Shqipërinë me këngën “Duje” ku dhe morën çmimin e parë në Festivalin e Këngës në Radio Televizionin Shqiptar. /rtsh.al/ KultPlus.com
Finalja e madhe e Eurovision Song Contest do të transmetohet drejtpërdrejt në kinematë në të gjithë Mbretërinë e Bashkuar për herë të parë, është bërë e ditur.
Liverpool do të presë ngjarjen të shtunën më 13 maj, pas dy gjysmëfinaleve në fillim të javës. Organizatorët thonë se shfaqjet do të inkurajojnë veshje të bukura dhe singalong.
Biletat personale për finalen e madhe në Liverpool Arena u shitën në më pak se 40 minuta pasi u publikuan në fillim të këtij muaji.
John Travers i CinemaLive, i cili do të shpërndajë ngjarjen në kinema, tha se kompania ishte “e kënaqur” që po punonte me BBC për të sjellë konkursin në ekranin e madh.
“Ne duam që audienca të kënaqet, të vijnë në grupe, të veshin fustanin tuaj të bukur dhe të mblidhen së bashku për të shijuar këtë rast historik në ekranin e madh,” tha ai. Biletat për shfaqjet e kinemasë, të transmetuara në më shumë se 500 kinema, do të jenë të disponueshme për t’u blerë nga ora 10:00 BST e hënë (27 mars).
Audienca do të jetë gjithashtu në gjendje të shohë një pamje paraprake të shfaqjes së re të takimeve të BBC Three, I Kissed A Boy, të prezantuar nga Dannii Minogue, përpara se finalja e madhe të fillojë në orën 20:00 BST
Eurovizioni po mbahet në Liverpool pasi pjesëmarrësi i vitit të kaluar në Mbretërinë e Bashkuar Sam Ryder përfundoi në vendin e dytë.
Ndërsa lufta në Ukrainë e pengoi vendin fitues të priste festivalin e vitit 2023, organizatorët thanë se Mbretëria e Bashkuar do të organizonte shfaqjen në emër të tyre./21Media/KultPlus.com
Qeveria e Britanisë së Madhe ka premtuar 10 milionë funde për Eurovizionin e sivjetmë, që do të mbahet në Liverpool, shkruan KultPlus.
Ndërkohë, 3000 bileta do të rezervohen vetëm për ukrainasit që tashmë jetojnë në Britani të Madhe.
Do të ketë një tarifë prej 20 £ për çdo shitje, me koston e subvencionuar nga DCMS për ata në skemën Homes for Ukraine, Skemën Familjare të Ukrainës dhe Skemën e Zgjerimit të Ukrainës, të cilët kanë të drejtë të aplikojnë për bileta.
Financimi i qeverisë ka për qëllim “të mbështesë sigurinë, marrëveshjet e vizave dhe aspekte të tjera operacionale të konkursit”, tha Departamenti për Dixhital, Kulturë, Media dhe Sport (DCMS).
Paratë do të mbështesin gjithashtu Këshillin e Qytetit të Liverpool-it, si dhe transmetuesin pritës, partneritetin e BBC-së me aktet ukrainase “për të siguruar një shfaqje bashkëpunuese”.thuhet në një deklaratë. Është hera e parë që qeveria konfirmon kontributin e saj financiar./ KultPlus.com
Ukraina ka zgjedhur dyshen pop Tvorchi si përfaqësuesin e saj për Eurovizionin e vitit të ardhshëm në një transmetim të drejtpërdrejtë nga një strehë e bombave në Kiev.
“Heart of Steel” është kënga e parë që konfirmohet për konkursin e 2023-ës në Liverpool.
Anëtari i shokuar i grupit, Andrew Hutsuliak tha: “Ne do të përpiqemi të bëjmë gjithçka për ta paraqitur Ukrainën me dinjitet.”
Kujtojmë që Orkestra Kalush e Ukrainës fitoi konkursin e këtij viti, por Mbretëria e Bashkuar do të jetë mikpritëse në vitin 2023 për shkak të luftës.
Një stacion metroje në Kiev u shndërrua në një studio televizive për shfaqjen përzgjedhëse të së shtunës.
Ndalesa nëntokësore është përdorur si një strehë për bomba që nga pushtimi i Rusisë në shkurt./KultPlus.com
26 emra të njohur dhe të rinj të skenës shqiptare janë përzgjedhur për të performuar në Festivalin e 61-të të Këngës në Radio Televizionin Shqiptar. Do të jenë 26 performanca nga artistë që do të konkurrojnë për vendin fitues dhe që më pas do të përfaqësojë vendin tonë në “Eurovision Song Contest 2023” që do të zhvillohet në Britaninë e Madhe.
Komisioni përzgjedhës i këngëve, pasi dëgjoi dhe vlerësoi të gjitha krijimet e paraqitura, vendosi që në konkurrim të marrin pjesë 22 këngëtarë dhe 4 grupe muzikore, ku mes tyre ka edhe artistë që vijnë më kompozimet e tyre apo edhe si poetë.
Në konkurrim janë emra të njohur të skenës muzikore, por edhe artistë të rinj të cilët synojnë të prekin skenën më të madhe të muzikës shqiptare.
Fituesi i Festivalit të 61-të të Këngës në Radio Televizionin Shqiptar do të përfaqësojë Shqipërinë në Festivalin Evropian të Këngës.
Komisioni përzgjedhës i këngëve, pasi dëgjoi dhe vlerësoi të gjitha këngët konkurruese për pjesëmarrje në Festivalin e 61 të Këngës në RTSH, ka vendosur të përzgjedhë dhe të kualifikojë në cilësinë e këngëve pjesëmarrëse konkurruese në Festivalin e 61 të Këngës në RTSH, këngët me titujt, me autorët e kompozimit muzikor dhe të tekstit, si dhe me artistët interpretues, në cilësinë e këngëtarit, si më poshtë:
Me siguri edhe ju jeni mërzitur që Shqipëria nuk u kualifikua në finalen e këtij evenimenti muzikor. Pavarësisht debateve të lindura mbi performancën e Ronela Hajatit, sërish gjithsecili nga ne do të donte që Shqipëria të ishte në finale. Është çështje krenarie dhe bëhet fjalë për një eveniment shumë të rëndësishëm.
Shumë persona e komentojnë Eurovizionin si një organizim me përzgjedhje tërësisht politike, ku vende tëndryshme votojnë përgjithësisht fqinjët territorialë, ose shtetet me të cilat kanë raportet më të mira politike. Mirëpo nuk funksionon kështu. Kam vite që e ndjek këtë organizim dhe me futjen në funksionim të votave të publikut, fitorja përgjithësisht ka qenë e merituar për këdo nga artistët e viteve të mëparshme.
Për më tepër, nëse e patë edhe sistemin e votimit të këtij viti, Gjermania mbeti në vend të fundit me 0 pikënga juritë dhe shumë pak pikë nga publiku. Nëse gjithçka do të ishte politike, Është e sigurtë qëGjermania prej jurive të shteteve të ndryshme do të siguronte shumë më shumë pikë, pasi mbetet shteti më i fuqishëm politikisht dhe ekonomikisht në Europë. Fakti që u rendit e fundit, do të thotë që ideja e përfshirjes politike nuk është e drejtë.
Ndërsa për sa i përket këngës fituese, shumë prej nesh e prisnin fitoren e Ukrainës për shkak të luftës Rusi-Ukrainë. E ndjenim, ama jo sepse Ukraina kishte këngë fituese. Unë mendoj se Ukraina fitoi për shkak të situatës, në të cilën ndodhet, jo për shkak të një kënge që të linte mbresa, apo një vokali tëjashtëzakonshëm. Kishte plot pretendent për fitore ndër atyre që realisht diskutoheshin për vokal dhe këngë, si Mbretëria e Bashkuar, Spanja, Suedia apo Greqia. Ndërkohë fitoi Ukraina, e cila pak kohë mëparë rrezikonte edhe skualifikimin. Por Eurovizioni mbetet një eveniment që kërkon të transmetojë diçka. Çdo këngë fituese është zgjedhur edhe vite më parë për të dhënë një mesazh dhe mesazhi i këtij viti ështëtepër i qartë. Të gjithë ne, të gjitha vendet, jemi me Ukrainën./bota.al/ KultPlus.com
Bendi ukrainas i quajtur “Kalush Orchestra” ka bërë të ditur se do të marrë pjesë në “Eurovizion 2022”, por jo personalisht pasi që Vladimir Putin poshtoi vendin.
Ky bend folk-rep këtë e bëri të ditur përmes rrjeteve sociale, me ç’rast anëtarët e tij treguan se paraprakisht do të xhirojnë performancën, këtë nga një vend i sigurt.
Ata në rrjetet sociale po ashtu shkruan se përkundër luftimeve në Ukrainë, bendi “Kalush Orchestra” videon e xhiruar do t’ua dërgojnë organizatorëve të garës së këndimit, e në rast se fitojnë, atëherë delegacioni i tyre do të udhëtojë për në Itali që të interpretojë live për tërë Evropën.
Ky njoftim erdhi pasi që Rusisë iu ndalua të marrë pjesë në Evrovizion për shkak se pushtoi Ukrainën.
Me këtë rast, Unioni Transmetues i Garës në një njoftim tha se përfshirja e Rusisë në garë muajin maj do t’i jepte reputacion të keq asaj.
Përgjegjës të Eurovision-it, para këtij lajmi fillimisht njoftuan se do të pranonin Rusinë të marë pjesë në të, por më pas u përballën me kritika nga vendet përfshirëse, si Islanda, Finlanda, Norvegjia dhe Holanda.
Bendi “Kalush Orchestra” tani për tani po bëjnë provat e këndimit ndaras të këngës ‘Stefania’, me të cilën do të përfaqësiojnë Ukrainën. Këngëtari i bendit, Oleh Psiuk ka thënë se kënga është si një himn për vendin e tij. Ai këtë e ka thënë në një intervistë për Sky News.
“Natyrisht këngën ia dedikoj nënës time, por ajo i dedikohet edhe nënave të tjera”, ka thënë ai.
Pas lajmit për ndalimin e Rusisë në pjesëmarrje në Evrovizion 2022, u bë e ditur po ashtu se as rusët nuk mund të votojnë për këngët përfaqësuese, pasi që do t’u bllokohet e drejta e votimit./ KultPlus.com
Mahmood dhe Blanco, artistët italianë janë të detyruar të modifikojnë këngën e tyre për të marrë pjesë në “Eurovision Song Contest”. Kënga “Brividi” do të duhet të shkurtohet deri në tre minuta për shkak të rregullave të spektaklit evropian. Versioni aktual i këngës është 3 minuta dhe 21 sekonda.
“Ka një problem teknik për Eurovision sepse kënga është e gjatë. Ne u munduam ta shkurtojmë në çdo mënyrë, por nuk ja dolëm. Por rregulli është strikt dhe nuk bëhen përjashtime. Po bëjmë të pamundurën bashkë me stafin që të heqim 30 sekonda, megjithëse janë shumë për një këngë.
Ndaj ‘Brividi’ do vijë në një version tjetër, ndryshe nga ai i festivalit, por premtojmë që do jetë njësoj i bukur. Prandaj do të jetë një version ndryshe nga ai i Festivalit, por ju premtojmë se do të jetë gjithsesi e bukur”, u shpreh Mahmood në një intervistë. / KultPlus.com
Pas deklaratës së djeshme se nuk do ta përjashtojnë Rusinë nga Eurovizioni, meqë është garë kulturore dhe s’ndërlidhet me politikën, Unioni Evropian i Transmetuesve sot ka marrë vendim që të mos lejojë pjesëmarrjen e Rusisë në Evrovizionin e këtij viti.
EBU ka njoftuar se asnjë këngë ruse nuk do të marrë pjesë në Eurovizionin e këtij viti.
“Bordi Ekzekutiv i EBU mori vendimin pas një rekomandimi më herët sot nga organi drejtues i Eurovision Song Contest, ‘Grupi Referues’, bazuar në rregullat e ngjarjes dhe vlerat e EBU,” tha organizata në një deklaratë sot.
“Vendimi pasqyron shqetësimin se, në dritën e krizës së paprecedentë në Ukrainë, përfshirja e një pjese të Rusisë në konkursin e këtij viti do ta çonte konkurrencën në reputacion. Ne mbetemi të përkushtuar ndaj mbrojtjes së vlerave të një konkursi kulturor që promovon shkëmbimin dhe mirëkuptimin ndërkombëtar, bashkon audiencën, feston diversitetin përmes muzikës dhe bashkon Evropën në një skenë.”
Organizatorët e ‘Eurovision Song Contest’ ishin goditur me një sërë kërkesash për të ndaluar Rusinë të konkurronte në konkursin e këtij viti.
Kështu kanë bërë të ditur përmes një komunikate për media EBU, duke treguar se një gjë e tillë është bërë me rekomandim të organit drejtues të Evrovizionit, në pajtim më rregullat dhe vlerat e EBU-së. / KultPlus.com
Një ndër këngët më të bukura që ka pasur Eurovizioni deri më tani është padyshim kënga me titull “1944” e artistes Jamala, e për të cilën fitorja është arritur nga shteti i Ukrainës në vitin 2016, shkruan KultPlus.
Duke pasur parasysh zhvillimet e fundit ku Rusia ka nisur në orët e para të së enjtes sulmet e para ushtarake ndaj Ukrainës, derisa gradualisht po depërton në territorin e këtij shteti, shumë qytetarë ukrainas janë parë duke u larguar nga vendi i tyre, me kolona të gjata nëpër rrugët kryesore që çojnë në vende të tjera të Evropës.
Ndërkohë, kënga “1944” po vazhdon të dëgjohet e të komnetohet edhe sot, me c’rast zëri mahnitës i Jamalas duket se po shndërrohet në shpresë për shtetasit ukrainas. / KultPlus.com
Edhe pse në një kohë të pazakontë, edicioni i 59-të i Festivalit të Këngës në RTSH, pritet të mbahet edhe këtë fund-dhjetor, si gara më e madhe muzikore që nuk u ndal asnjëherë, pavarësisht vështirësive politike, ekonomike e sociale që kaloi vendi në 90-ën apo 97-ën.
Ka ende kohë për t’u njohur me kushtet e diktuara nga pandemia, mbi të cilat do të organizohet ky edicion, por RTSH-ja është në fazën e parë të Festivalit: atë të pranimit të këngëve në datat 1 dhe 2 tetor 2020. Radio Televizioni Shqiptar fton të gjithë krijuesit dhe interpretuesit të marrin pjesë në konkurrim për të qenë pjesëmarrës në Festivalin e 59 të Këngës. Përzgjedhja e këngëve pjesëmarrëse do të kryhet nga komisioni i seleksionimit të këngëve në bazë të dëgjimit të tyre. Konkurrentët duhet të dorëzojnë pranë stafit të festivalit në Radio Tirana ose në postën elektronike [email protected] këngën e plotë me të gjitha specifikimet teknike si më poshtë:
1. Versionin përfundimtar të këngës të kënduar në formatin wave 16 bit 44.1 khz. 2. Versionin përfundimtar të bazës orkestrale me backvocal në formatin wave 16 bit 44.1 khz. 3. Versionin përfundimtar të bazës orkestrale pa backvocal në formatin wave 16 bit 44.1 khz. 4. Partiturën Vokale (me nota) të këngës e shoqëruar me tekstin përkatës në çdo masë. 5. Partiturën e plotë të këngës në nota (transkiptimin) e cila do të ekzekutohet live, për të gjithë formacionin orkestral të Festivalit (orkestër simfonike + band). 6. Versioni MIDI FILE i këngës. 7. Tekstin e plotë. 8. Foto të këngëtarit nëse është pjesëmarrës për herë të parë në Festival. 9. Biografi e shkurtër artistike e këngëtarit (aktiviteti, pjesëmarrjet, çmimet etj).
Të gjitha materialet e kërkuara më sipër duhet të jenë përfundimtare dhe të dorëzohen në datat 1 dhe 2 Tetor 2020 në zyrën e Festivalit në Radio Tirana ose postën elektronike [email protected] Mosplotësimi i njërit prej elementëve të kërkuar e skualifikon këngën nga konkursi i përzgjedhjes. /News31 / KultPlus.com
Për ata që ende ndjehen të shqetësuar pas anulimit të konkursit të sivjetëm të këngës “Eurovision”, dhe duhet të ketë një ose edhe dy nga ju atje – këtu është diçka për të shtuar boshllëkun, një komedi nga Will Ferrell që është ashtu si vetë nata e “Eurovision”-it.
E qeshura spora do t’ju shoqërojë përgjatë filmit 95-minutësh, por regjisori David Dobkin merr zero pikë zero për zgjatjen e filmit në dy orë. Megjithatë, edhe në atë kohë vrapimi të egër, ai kurrë nuk zgjidh plotësisht problemin se si të parodizojë një ngjarje që prej kohësh është bërë një parodi e vetvetes.
Ferrell luan rolin e Lars Erickssong, një version islandez i karakterit të tij të njohur njeri-fëmijë. Larsi ka qenë i dashur për “Eurovision”-in që nga fëmijëria, kur performanca e Grupit Abba me këngën “Waterloo”, e tërhoqi atë nga errësira për vdekjen e nënës së tij, shkruan DailyMail.
Me shoqen e tij më të mirë Sigrit Ericksdottir (Rachel McAdams), ai formon një duet dhe interpretojnë një këngë të zhanrit pop. Ata dëshirojnë të përfaqësojnë Islandën në konkursin e ardhshëm, i cili po zhvillohet në Edinburgh. Kur të gjithë pretendentët e tjerë vdesin misteriozisht në një shpërthim të madh, ata marrin mundësinë e tyre për të përfaqësuar vendin.
Nëse ata fitojnë, Islanda do të duhet të mirëpresë shfaqjen vitin e ardhshëm – kjo është arsyeja pse ministri i financave të vendit dëshiron që ata të dështojnë, pasi kostoja do të fundoste ekonominë e përhumbur të vendit.
Babai peshkatar i Lars Erick (Pierce Brosnan, por mos u shqetësoni, ai nuk këndon) pret plotësisht që ata të dështojnë, në bazë të faktit se Lars ka qenë një humbës gjatë gjithë jetës së tij. Heck, djaloshit nuk i pëlqen as era e peshkut.
A mundet që Lars të hutojë pritjet e ulëta të babait të tij? A do ta kuptojë ndonjëherë ai që Sigrit është i dashuruar me të? Mund të jenë madje vëlla dhe motër, duke pasur parasysh që Erick është burri më i pashëm i Islandës dhe ka dalë me shumë femra? Në Edinburg, këto dhe pyetje të tjera gjejnë përgjigje.
Mjerisht, as premisa dhe as skenari (i shkruar nga Ferrell) nuk mund të përballojnë gjatësinë e filmit.
Filmi është një satirë politike nganjëherë e mprehtë, nganjëherë e munduar, e shkruar dhe me regji nga komediani amerikan dhe ish-prezantuesi Jon Stewart.
Kolona zanore e filmit e titulluar “In the Mirror” këndohet nga artistja e famshme Demi Lovato, gjersa filmi i plotë është publikuar sot (e shtunë) dhe do të jetë pjesë e platformës Netflix. Klan Kosova / KultPlus.com
Këtë pasdite, Unioni Evropian i Transmetuesve ka njoftuar transmetimin e një shfaqje të re me titull “Eurovision: Europe Shine A Light” e cila do të transmetohet në vend të Konkursit të Këngës Eurovizion 2020 në të Shtunën, me 16 maj.
Me qëllim të nderimit të punës në konkursin e këngëve të Eurovizionit të anuluar nga transmetuesit holandezë NPO, NOS dhe AVROTROS, “Eurovision: Europe Shine A Light” do të jetë një prodhim bashkëpunues midis këtyre transmetuesve holandezë dhe EBU. Përveç kësaj, shfaqja do të prezantohet nga Chantal Janzen, Edsilia Rombley dhe Jan Smit i cili ishte zgjedhur për të prezantuar në Eurovizion në Rotterdam Ahoy muajin e ardhshëm.
Sipas eurovision.tv, shfaqja e gjatë dy orë do të nderojë kryesisht të gjitha 41 hyrjet e zgjedhura për konkursin e vitit 2020. Për më tepër, ai synon të sjellë së bashku të 41 artistët nga Eurovision 2020, këngën hit të Eurovizion-it të vitit të kaluar, si këngë e përshtatshme për situatën sfiduese me të cilën po përballet bota.
Rreshtimi i saktë i shfaqjes, si dhe lista e transmetuesve të EBU që do të transmetojnë shfaqjen, do të konfirmohen në javët e ardhshme. Për më tepër, yjet e mirënjohur të Eurovizionit nga vitet e fundit gjithashtu do të ftohen të marrin pjesë në shfaqje ndërsa NikkieTutorials do të krijojë përmbajtje të veçantë në internet për transmetimin.
Kur aktivitet kulturore në të gjithë vendet e prekura me Covid-19 janë pezulluar pa një afat, në pikëpyetje është nëse këtë vit do të mbahet Festivali i Këngës Europiane, ku këtë vit Shqipëria është në garë me Arilena Arën. Përmes një postimi në Instgram, faqja zyrtare e Eurosongut, bën me dije se po shihet situata por që ende nuk ka një përgjigje finale për fatin e festivalit.
Postimi i plotë
“E dimë që me ankth po prisni lajme për të ardhmen e Eurovision Song Contest. Me një ndryshim të vazhdueshëm të situatës rreth koronavirusit dhe për shkak të numrit të madh të njerëzve për t’u konsultuar, çdo element i rëndësishëm ka nevojë të merret në konsideratë. Ju lutem, të durojmë së bashku. Shpresojmë të kemi më shumë informacion së shpejti”. /KultPlus.com
