Në Sarandë ka mbërritur në orët e para të mëngjesit për herë të parë kroçera “Explorer of the Seas”, me 2700 turistë në bord.
“Eksploruesja e Deteve” është një kroçerë e klasit Voyager, në pronësi të gjigantit të kroçerave ‘Royal Caribbean International’. E ndërtuar në vitin 2000, ajo mund të mbajë në bord mbi 3000 turistë.
Me një gjatësi 311 metra dhe gjerësi 49 metra, me një tonazh prej 137308 gt si dhe me një numër personeli 1180 persona.
Turistët e saj kanë zbritur në Portin e Sarandës në orën 08:00 dhe do të largohen në orën 17:00.
Turistët kanë vizituar Butrintin dhe sitet turistike e arkeologjike të Sarandës si dhe kanë shijuar kulinarinë shqiptare të zonës./atsh/KultPlus.com
