Etiketë: express

Media britanike ‘Express’: Riviera Shqiptare – parajsa e plazhit me 300 ditë diell në vit

Posted on by Kult Plus

Vetëm tre orë larg me fluturim nga Britania e Madhe ekziston një vend i bukur ballkanik me 300 ditë me diell në vit, shkruan Schannell Kanyora në të përditshmen britanike “Express”.

Spanja është destinacioni kryesor për turistët britanikë kur bëhet fjalë për pushimet me diell – Costa Del Sol ofron mot të ngrohtë në pjesën më të madhe të vitit.

Por pak më larg, ndodhet një destinacion që krenohet me mbi 300 ditë me diell në vit…dhe çmime shumë më të lira.

Riviera Shqiptare është një destinacion i domosdoshëm për adhuruesit e plazhit apo këdo që kërkon një klimë më të ngrohtë, veçanërisht gjatë muajve të verës.

Ky rajon piktoresk bregdetar, i vendosur në Shqipërinë jugperëndimore përgjatë detit Jon, është i njohur për ujërat e tij të pastra kristal, plazhet e pacënuara dhe peizazhet mahnitëse që shtrihen nga qyteti i Vlorës deri në fshatin e Ksamilit.

Në Spanjë, kostoja mesatare e një hoteli me katër yje është 185-207 paund në natë.

“Drejtohuni në lindje drejt Rivierës Shqiptare dhe do të gjeni të njëjtën dhomë që kushton rreth 85 paund në natë”, sipas Booking.com.

Riviera Shqiptare është e mbushur me fshatra mahnitës si Palasë, Dhërmiu, Himara dhe Ksamili, ndër të tjera.

Muajt më të mirë për të vizituar Rivierën Shqiptare është maji, qershori ose shtatori.

Gjatë kësaj periudhe, moti është i ngrohtë dhe plazhet nuk janë shumë të populluara.

Ka shumë mundësi aktivitetesh që mund të bëni gjatë vizitës tuaj në këtë rajon idilik, me një gamë të gjerë plazhesh të bukura për t’u vizituar:

Plazhi i Ksamilit: I famshëm për ujërat e tij të kristalta dhe ishujt e afërt

Plazhi Filikuri: I aksesueshëm me varkë ose shtegut, ofron rërë të pacenuar dhe ujëra të pastra

Plazhi i Jalës: Një plazh në formë gjysmë hëne me ujëra të kaltra

Plazhi i Gjipesë: I njohur për mjedisin e tij unik dhe pamjet mahnitëse

Plazhi i Himarës: Një gji me guralecë në fshatin e peshkimit të Himarës

Plazhi i Dhërmiut: Ofron një sfond mahnitës malor

Këto plazhe ofrojnë një përvojë emocionuese krahasuar me pikat e tjera të nxehta të Mesdheut, duke ruajtur një bukuri autentike dhe të paprekur.

Ekspertja e udhëtimeve, Emma Hurren rekomandon Rivierën Shqiptare si një nga vendet e saj të preferuara për të zhvilluar një itinerar.

“Vizitoni Shqipërinë nga veriu në jug. Nisni turin tuaj në Vlorë, qyteti i tretë më i populluar në Shqipëri dhe një vend i njohur për ata që do të udhëtojnë në Rivierën Shqiptare”, tha ekspertja.

“Më pas, udhëtoni drejt jugut në Parkun Kombëtar të Llogorasë – një nga atraksionet kryesore të maleve shqiptare. Aty do të gjeni pyje të dendura ku dreri, derri i egër dhe ujqërit bredhin të lirë, së bashku me disa shtigje ecjeje që ofron parku”, shtoi ajo.

“Vazhdoni turin tuaj në Dhermi, në një nga vendet e mia të preferuara përgjatë Rivierës Shqiptare. Atmosfera e gjallë dhe jeta e natës e qytetit, kombinohen bukur me peizazhin e tij mahnitës përreth, duke përfshirë malet dhe ullishtat”, tha ajo.

Qyteti i Sarandës ofron një ndërthurje të historisë, plazheve të bukura dhe kulturës së gjallë, kështu që nuk është çudi që ekspertët e kanë përfshirë në listën e tyre. Këtu do të gjeni qasje të lehtë në ishullin grek të Korfuzit, duke lejuar udhëtime ditore ose ekskursione më të gjata.

Gjithashtu, mos humbisni një vizitë të fundit në “Maldivet e Shqipërisë” – Ksamil.

Nëse jeni duke kërkuar një vend ku mund të uleni buzë plazhit gjatë gjithë ditës, dhe më pas në mbrëmje të keni një darkë të qetë në një restorant – ky fshat i bukur nuk do të jetë asgjë më pak se një ëndërr. /atsh/ KultPlus.com

Media britanike “Express”: Shqipëria ndër destinacionet më të mira evropiane për pushime

Posted on by Kult Plus

Ekspertët e udhëtimit këmbëngulin që të vizitoni këtë vend të bukur me ujëra të kristalta, plazhe që duken si Maldive dhe rrënoja të lashta. Është gjithashtu i lirë, shkruan Lucy Marshall në të përditshmen britanike “Express”.

Kur bëhet fjalë për të shkuar me pushime, shumë prej nesh udhëtojnë në të njëjtat destinacione, por një ekspert i udhëtimit këmbëngul që të vizitoni këtë vend pushimesh – i cili është i lirë dhe i mbushur me atraksione mahnitëse.

Shumë prej nesh shpresojnë të shijojnë çdo vit pushimet jashtë vendit, por realiteti është se shpesh mund të kushtojnë shumë shtrenjtë.

Por, ka shumë vende më pak të njohura për t’u vizituar që nuk do të shtrëngojnë buxhetin tuaj.

Shqipëria është një nga destinacionet më të përballueshme të udhëtimeve në Evropë.

Esencialet e udhëtimit si akomodimi, ushqimi dhe pijet janë të përshtatshme për çdo lloj buxheti.

Qyteti i Sarandës, në Shqipërinë e Jugut është vendi i përkryer për turistët që kërkojnë të shijojnë plazhet e bukura, shëtitjet përgjatë shëtitores dhe të eksplorojnë vendet historike.

Gjithashtu, ka shumë bare dhe restorante fantastike për të shijuar.

Ndërsa qyteti është i përkryer për një udhëtim, nëse kërkoni të ndaloni në një vend pak më të qetë, ose dëshironi të kaloni ditën larg turistëve, fshati i bukur i Ksamilit është vetëm 20 minuta larg me makinë.

Ekspertja e udhëtimit, Laila nga Suedia, e ka përshëndetur Shqipërinë si një nga destinacionet më të mira të udhëtimeve për turistet me buxhet të kufizuar.

“Shqipëria është një nga destinacionet më të mira evropiane të udhëtimeve kur keni një buxhet të kufizuar – dhe ku mund të shijoni plazhe të mahnitshme me ujëra të kristalta, bare plazhi dhe restorante mahnitëse”, tha ajo.

“Çmimet? Ka shumë hotele të lira për vetëm 25 euro. Ne qëndruam në nje hotel me 3 yje, ku rezervuam një dhomë të këndshme me ballkon dhe me pamje nga deti – përfshirë mëngjesin për 19 euro. Ushqimi ishte gjithashtu i lirë dhe një vakt kushtonte 5-10 euro”, tha Laila.

Në Ksamil do të gjeni ujëra të pastra kristal, një atmosferë të qetë dhe shumë plazhe të bukura për t’u eksploruar më këmbë. Plazhet e bardha dhe ujërat e kristalta në “Lori Beach” duken të ngjashme me fotot e broshurave të Maldiveve.

Në anën tjetër të plazhit të Ksamilit është plazhi Bora Bora ku mund të shijoni baret e gjalla të plazhit dhe sportet ujore.

Turistët shpesh marrin me qira një kajak për të vizituar ishujt e pabanuar aty pranë.

Nëse adhuroni historinë, 15 minuta larg me makinë nga Ksamili ndodhet Parku Kombëtar i Butrintit – një vend i Trashëgimisë Botërore të UNESCO-s – që është i mbushur me rrënoja të lashta./atsh/KultPlus.com

Media britanike “Express”: Shqipëria – destinacioni i ngjashëm me Maldivet me ujërat më të pastra në Evropë

Posted on by Kult Plus

Është e vështirë të mos pëlqesh të udhëtosh për pushime, por, sipas blogerëve të udhëtimeve, ekziston një vend që mund të dëshironi ta vizitoni së shpejti, shkruan Katie-Ann Gupwell në një artikull të botuar në të përditshmen britanike “Express”.

Kur bëhet fjalë për t’i bërë njerëzit të lumtur, udhëtimi me avion për pushime, zakonisht i plotëson të gjitha kërkesat.

Në fund të fundit, nuk ka asgjë më të mirë se ndjesia e diellit në lëkurën tuaj, rëra në gishtat e këmbëve dhe ndjenja sikur të gjitha shqetësimet tuaja janë me milje larg.

Nëse po kërkoni një vend për të kaluar një kohë të paharrueshme, atëherë Shqipëria do të ishte vendi ideal.

Ekspertët e udhëtimeve kanë rekomanduar Shqipërinë – një “parajsë” e fshehur – e cila është shtëpia e ujërave më të pastra në Evropë.

Kur sheh sa bukur duket Shqipëria, është e lehtë të kuptosh pse turistët po bien në dashuri me të – pasi duket sikur ajo është duke ecur përgjatë një plazhi në Maldive.

Mbi 770 000 persona e kanë parë videon e Shqipërisë në TikTok deri më tani, dhe ata kanë mbetur të habitur.

Mijëra njerëz ndanë gjithashtu mendimet e tyre dhe pranuan se destinacioni i ri evropian dukej mahnitës.

Destinacioni ndodhet në Evropën Juglindore në Ballkan, në detet Adriatik dhe Jon brenda Detit Mesdhe.

Një person tha: “Cili plazh është ky? Shpresojmë të shkojmë verën tjetër.”

Një tjetër u përgjigj: “Është një vend kaq i mahnitshëm.”

Një i tretë komentoi: “Unë do të udhëtojë në Shqipëri këtë verë. Uji është kaq i pastër!”

Në komente u konfirmua se plazhi në video ishte Ksamili. Shumë njerëz u shprehën të gatshëm për të vizituar Shqipërinë, ndërsa pranuan se dukej një vend i bukur.

A është e sigurt Shqipëria për t’u vizituar?

Shumë njerëz e konsiderojnë Shqipërinë të sigurt për t’u vizituar.

Këshilla e qeverisë thotë: “Marrëdhëniet mes shumicës myslimane dhe grupeve të tjera etnike në Shqipëri janë përgjithësisht të mira”.

“Shprehja e pikëpamjeve ekstremiste apo antiperëndimore është shumë e rrallë.

Në qendër të Tiranës janë mbajtur demonstrata politike – ku janë raportuar disa incidente.

Raportet për krime që synojnë turistët janë “të rralla”./atsh/KultPlus.com

‘Express’: Dhërmiu – destinacioni i bukur evropian për pushime në 2024

Posted on by Kult Plus

Dhërmiu – është një nga destinacionet më të lira të Evropës për pushime në vitin 2024, shkruan Esther Marshall në të përditshmen britanike “Express”.

Fshati i mrekullueshëm bregdetar, mund të jetë zgjidhja perfekte për pushime të lira në vitin 2024.

Dhërmiu ndodhet në detin Jon dhe ofron plazhe spektakolare si dhe ambiente argëtuese të jetës së natës.

Riviera Shqiptare është një nga destinacionet turistike me rritjen më të shpejtë në Evropë, por mbetet ende një vend i përballueshëm për turistët britanikë që kërkojnë çmime të ulëta.

Ju mund te akomodoheni në hotele (me katër yje) në fshatin e bukur bregdetar për vetëm 50 paund nata, në korrik.

Ndërsa Aeroporti i ri i Vlorës është ende në ndërtim e sipër, për momentin, turistët do të duhet të fluturojnë drejt Aeroportit të Tiranës për të arritur në Dhërmi.

Edhe pse duhen rreth tre orë e gjysmë për të vizituar Dhërmiun, ia vlen të sakrifikoni për këtë destinacion të jashtëzakonshëm.

Çfarë duhet të bëni në Dhërmi

Vija bregdetare e Dhërmiut është një nga më të vlerësuarat në “Tripadvisor”.

Dhërmiu ofron plazhe të mrekullueshme me guralecë, det të kaltër dhe një ambient të qetë pa turma vizitorësh.

“Shpella e Piratëve” në Dhërmi është gjithashtu një nga atraksionet e saj kryesore, të cilën turistët mund ta eksplorojnë si pjesë e një turneu me varkë.

Fshati i vjetër i Dhërmiut, është një vend i mrekullueshëm për një shëtitje relaksuese.

Nëse jeni në kërkim të aventurave, mund të provoni të ecni në kanionin e Gjipesë, i cili zgjat rreth dy orë.

Çfarë duhet të hani në Dhërmi

Dhërmiu ka disa restorante fantastike që shërbejnë ushqime deti, ndërsa vegjetarianët do të gjejnë ushqime të freskëta vendase.

Turistët që marrin me qira një makinë ose zgjedhin transportin publik në Shqipëri mund të zgjasin pushimet e tyre për të eksploruar më shumë vendin.

Tirana është një nga vendpushimet më të lira të Evropës, me disa muze interesantë dhe bare koktejlesh të përballueshme. /atsh/ KultPlus.com

Media britanike ‘Express’ i kushton artikull turizmit shqiptar, Rama: Vëmendje të madhe i ka kushtuar aeroportit të ri të Vlorës

Posted on by Kult Plus

Kryeministri Rama ka publikuar në rrjetet sociale një artikull që media britanike “Ekspress” i ka kushtuar turizmit të Shqipërisë.

Një vëmendje të madhe i ka kushtuar dhe aeroportit të ri të Vlorës. Që do jetë një arsye më shumë që shumë vizitorë britanikë të udhëtojnë drejt jugut të vendit tonë.

“Pas “The Guardian” është radha e tabloidit britanik “Express” që t’i kushtojë një reportazh turizmit të Shqipërisë me vëmendjen tek aeroporti i ri i Vlorës si një arsye më shumë që vizitorët britanikë të udhëtojnë direkt drejt jugut dhe plazheve të rivierës sonë. Rreth 240 mijë vizitorë anglezë mirëpritëm në vitin 2023, dhe e sigurt që më të shumtë do të jenë”, shkruan Rama.

Media britanike “Express” në artikullin e saj shkruan: Vitet e fundit, Riviera Shqiptare ka përjetuar një rritje të vizitorëve, përfshirë britanikët, të cilët kanë zbuluar se ujërat e saj të bruztë, plazhet me rërë dhe peizazhet e bukura mund të përjetohen me një çmim shumë të lirë. Dhe ky destinacion së shpejti mund të mirëpresë shumë pushues të tjerë pasi po përgatitet të vërë në punë aeroportin e tretë ndërkombëtar, i cili do t’i shërbejë një prej qyteteve më të bukura të Rivierës Shqiptare, Vlorës.

Vlora është bërë veçanërisht e popullarizuar në mesin e turistëve falë vijës bregdetare shkëmbore, plazheve të bukura, ushqimit të jashtëzakonshëm të ndikuar nga kuzhina italiane dhe historisë së pasur. Ndërtimi i Aeroportit Ndërkombëtar të Vlorës me siguri do të sigurojë një arsye tjetër për turistët për të udhëtuar drejt kësaj rivierë, pasi do të shkurtojë kohën e udhëtimit nga qendra ajrore në bregdet./topchanel/KultPlus.com

‘Express’: Shqipëria ka gjithçka që një turist mund të dëshirojë për pushime

Posted on by Kult Plus

Vendi befasues ka gjithçka që një turist mund të dëshirojë për pushime, mot të shkëlqyer, ujëra mahnitëse bruz dhe madje rrënoja të lashta romake, shkruan Aditi Rane në një artikull të publikuar në të përditshmen britanike “Express”.

Ndërsa vendet klasike të pushimeve në Evropë pritet të jenë të mbipopulluara këtë verë, një numër në rritje vizitorësh po kërkojnë destinacione më pak të frekuentuara për të udhëtuar.

Butrinti, i vendosur në qarkun e Vlorës, është një park kombëtar dhe një vend arkeologjik që ofron gjithçka që turistët mund të dëshirojnë për pushime, mot të shkëlqyer, ujëra mahnitëse bruz dhe madje rrënoja të lashta romake.

Butrinti është cilësuar si ‘Maldivet’ e Evropës, por gjithashtu strehon rrënojat romake.

Ky park kombëtar është krahasuar me “Maldivet”, falë detit piktoresk, plazheve me rërë të bardhë dhe klimës së ngrohtë verore.

Vizitorët në Butrint mund të shijojnë shëtitjet në natyrë, vendet historike, diellin, rërën dhe detin.

Parku Kombëtar i Butrintit, një vend i Trashëgimisë Botërore të UNESCO-s, shtrihet në një sipërfaqe prej 9 424 hektarësh, duke përfshirë kodra, liqene, ligatina dhe kënetat e kripura.

Parku përfshin qytetin antik të Butrintit, i banuar që nga kohërat parahistorike dhe më vonë i zhvilluar si një vendbanim grek, romak, bizantin dhe venecian.

Pasuria e tij historike është e dukshme në rrënojat e ruajtura mirë që shtrihen nga shekulli i IV deri në shekullin e XIX, duke përfshirë një teatër, kisha, porta, kulla dhe bazilika.

Hyrja në Parkun Kombëtar të Butrintit është e përballueshme, kushton më pak se 5 paund për person, duke e bërë atë një opsion të shkëlqyer të një udhëtimi ditor.

Vizitorët mund të eksplorojnë bukurinë natyrore, të admirojnë rrënojat, të vizitojnë kështjellën dhe madje të marrin një traget për të vizituar kështjellën më të vogël veneciane përgjatë kanalit të Vivarit, që ofron pamje të strukturave të lashta romake dhe otomane./atsh/KultPlus.com

‘Daily Express’: Shqipëria, një nga xhevahiret e fshehura të Evropës për pushime në shtator

Posted on by Kult Plus

Nuk është tepër vonë për të rezervuar pushimet e shtatorit në destinacionet më të mira për këtë vit!, shkruan gazetarja Esther Marshall në një artikull të botuar në të përditshmen britanike “Daily Express”.

Shqipëria është renditur mes destinacioneve më të mira për pushimet e shtatorit, pasi vendi ofron klimë të ngrohtë, plazhe të bukura dhe çmime miqësore.

Shqipëria

Shqipëria padyshim që është një pretendente e vërtetë. Me plazhet që rivalizojnë fqinjët e saj mesdhetarë dhe kulturën e bollshme, është një vend që nuk duhet humbur!

Shqipëria është një vend i larmishëm me plazhe, qytete dhe male për t’u eksploruar.

Pse të mos zbuloni destinacionin e ashtuquajtur “Maldivet e Evropës”?

Turistët që kërkojnë pushime në qytet mund të rezervojnë një udhëtim në Tiranë ose të explorojnë historinë osmane të vendit në Berat.

Berati

Qyteti historik i Beratit është një nga xhevahirët e fshehur të Shqipërisë.

Berati ndodhet në lumin Osum, në Shqipërinë qendrore, rreth dy orë me makinë nga kryeqyteti i Shqipërisë, Tirana.

Një vend i Trashëgimisë Botërore, Berati rrethohet nga male dhe kodra.

Një udhëtim në Berat është jashtëzakonisht i përballueshëm dhe kushton vetëm 18 paund për një natë në qytet, me mëngjesin të përfshirë.

I njohur si “Qyteti i një mijë dritareve” për arkitekturën e tij unike, qyteti ka qenë i banuar për mijëra vjet.

Pamjet nga Kalaja e Beratit, e cila daton në shekullin e XIII shfaqet mbi qytet.

Qyteti i Vjetër i Beratit është një labirint kafenesh dhe restorantesh, me shtëpi me arkitekturë osmane që i dhanë emrin qytetit.

Nëse do të qëndroni në Berat për shumë ditë, mund të bëni një udhëtim në grykën befasuese të Osumit ose të bëni një shëtitje në mal.

Shtëpitë janë të ruajtura mirë dhe shumë prej tyre kanë dekorin e tyre origjinal të gdhendjes në dru, që ofron një përvojë vërtet autentike.

Nëse kërkoni të eksploroni më shumë Shqipërinë, vizitoni kryeqytetin e saj Tiranën ose një nga vendpushimet më të mira të plazhit në Rivierën Shqiptare!/atsh/KultPlus.com