Etiketë: Familja mbretërore britanike

Familja Mbretërore britanike mund të padisë Netflix

Posted on by Kult Plus

Familja mbretërore thuhet se mund të padisë Netflix për “The Crown”. Avokatët pretendojnë se familja mbretërore mund ta padisë gjigandin e transmetimit me pretendimin se e kanë paraqitur familjen e tyre në një dritë negative.

“Miqtë e familjes mbretërore kërkuan këshilla ligjore. Këshillat që ata morën do të vlejnë edhe për familjen mbretërore.”, tha një burim për The Sun. Sezoni i pestë po xhirohet në Mbretërinë e Bashkuar dhe do të publikohet në Nëntorin e ardhshëm.

Një tjetër burim i tha The Sun se seriali i ardhshëm mund të jetë shumë i dëmshëm, veçanërisht pasi shumë njerëz besojnë se shfaqja është një dokumentar dhe jo një dramë.

Të shqetësuar se si do të portretizohen në serinë e pestë të ardhshme, miq të ngushtë të familjes mbretërore thuhet se iu drejtuan firmave ligjore Farrer & Co dhe Harbottle & Lewis. Në foto: Imelda Staunton si Mbretëresha në serialin e ardhshëm./KultPlus.com

Familja mbretërore britanike në takime urgjente pas akuzave për racizëm

Posted on by Kult Plus

Anëtarë të lartë të familjes mbretërore britanike po zhvillojnë takime urgjente të krizave pas akuzave të rënda të Dukës Harry dhe Dukeshës Meghan në një intervistë televizive.

Princi Harry dhe bashkëshortja e tij ,Meghan, në këtë intervistë folën për racizmin, shëndetin mendor, mediet dhe anëtarët tjerë të familjes mbretërore, shkruan BBC, transmeton Gazeta Express.

Meghan, anëtarja e parë me racë të përzier në familjen mbretërore moderne, tha se pika e ulët në raport me anëtarët tjerë u arrit kur Harry u pyet nga një familjar se sa e errët mund të jetë ngjyra e lëkurës së djalit të tyre, Archie.

Princi Harry më vonë i ka thënë moderatores së intervistës se kjo pyetje nuk është bërë nga Mbretëresha Elizabetë apo nga Duka i Edinburgut.

Në intervistë, dukesha thotë se jeta mbretërore i dukej aq e vështirë, saqë nuk donte të ishte më gjallë dhe kur kërkoi ndihmë, nuk iu ofrua.

Shefi i opozitës britanike, Sir Keir Starmer, tha se akuzat e dukeshës rreth racizmit dhe mungesës së përkrahjes për shëndetin mendor do të duhej të merreshin shumë seriozisht.

Ndërkohë kryeministri britanik, Boris Johnson, të hënën refuzoi që të komentonte për këtë çështje, por tha se gjithmonë e ka vlerësimin më të lartë për mbretëreshën dhe për rolin unifikues që ajo e luan.

I pyetur se a beson që familja mbretërore është raciste, ai tha: “Kur bëhet fjalë për familjen mbretërore, gjëja e duhur për kryeministrat është që të mos thonë asgjë.” / KultPlus.com