Etiketë: fanella

Fanella “Last Dance” e Michael Jordan shitet në ankand dhe vendos rekord botëror

Posted on by Kult Plus

Një fanellë e veshur nga ylli i basketbollit Michael Jordan gjatë një prej sezoneve më të famshme në karrierën e tij në NBA u shit për një rekord prej 10.1 milionë dollarë në një ankand në Nju Jork të enjten, përcjell KultPlus.

Shuma me tetë shifra ishte më shumë se dyfishi i vlerësimeve fillestare, duke vendosur një rekord të ri ankandi për një pjesë të relikeve sportive të veshura nga loja, sipas Sotheby’s, i cili organizoi shitjen.

Jordan veshi fanellën e Chicago Bulls në lojën e parë të finaleve të NBA-së të vitit 1998, kulmi i një sezoni të famshëm të njohur si “The Last Dance” që u shfaq në një seri dokumentarësh të vitit 2020 të ESPN dhe Netflix me të njëjtin emër.

Më 3 qershor 1998, Jordan e veshi fanellën për një ndeshje kundër Utah Jazz, duke shënuar 33 pikë në 45 minuta në humbjen e Bulls.

Bulls vazhduan të fitonin kampionatin pavarësisht ndarjeve të mëdha të brendshme që kishin ndikuar në sezonin e tyre, me Jordanin që fitoi unazën e tij të gjashtë të fituesve të NBA, duke u bërë njëri ndër lojtarët më të mirë në histori të kësaj loje. /KultPlus.com

Tifozi i çmendur pas Messit: Koleksion me 200 fanella të argjentinasit

Posted on by KultPlus

Pasioni për Lionel Messin nuk njeh kufi, dhe këtë e dëshmon Surya Wijaya, një tifoz nga Indonezia i cili e zotëron koleksionin më mbresëlënës të fanellave të superyllit argjentinas.

Ai nuk ka vetëm fanella të ndryshme të Messit në Barcelonë, por edhe fanella të Argjentinës me emrin e Messit në ngjitur në shpinë.

“I kam 200 fanella. Për ta pasur koleksionin që e kam sot kam shpenzuar shumë para dhe kohë në 11 vjetët e fundit të jetës sime”, tha Wijaya për MARCA.

“Shumë njerëz më thonë se jam i çmendur që e kam këtë hobi, por unë iu them atyre se kjo është jeta dhe pasioni im”, shtoi ai.

“Disa prej tyre i kam blerë në dyqane në Indonezi, por shumicën prej tyre në internet. Të gjitha janë origjinale, por nuk e kam asnjë fanellë të Messit me të cilën ka luajtur një ndeshje”, theksoi ai.

Wijaya thotë se, megjithatë, ai ka qenë tifoz i Barcelonës edhe para se Messi të dilte në skenë.

“Kam qenë tifoz i Barcelonës dhe Argjentinës edhe para Messit, sepse më pëlqente Riquelme”, shtoi ai. /Gazeta Express/ KultPlus.com