Etiketë: filharmonia e Berlinit

Koncerti “Nga Bjeshkët” në Filharmoninë e Berlinit

Posted on by Kult Plus

Këngët me motive shqiptare dhuruan shumë emocione për audiencën berlineze. Performanca e Korit Siparantum nga Peja në Filharmoninë e Berlinit, përmes koncertit “Nga Bjeshkët”, kaloi nëpër zhanre të shumta.

Ata performuan laramani vepra të periudhave të ndryshme solistike, që nga muzika e renesancës deri tek muzika bashkëkohore, përfshi vepra të kompozitorëve botërorë dhe shqiptarë.

Koncerti u organizua nga Ambasada e Republikës së Kosovës në Berlin dhe CHORALSPACE – International Academy for Choral Arts në prag të festimit të përvjetorit të 15-të Pavarësisë së Republikës së Kosovës. / KultPlus.com

Siparantum: Jemi të lumtur që për herë të parë në histori një kor nga Kosova ngjitet në skenën më të rëndësishme të muzikës

Posted on by Kult Plus

Së fundmi Kosova ka performuar në Filarmoninë e Berlinit, gjë që është historike. Ishte Kori Siparantum ai që shënoi këtë sukses të radhës në kuadër të muzikës korale kosovare, shkruan KultPlus.

Kori Siparantum tashmë është bërë pjesë e sallës më të njohur koncertale në botë “Berlin Philharmonie”. Për këtë sukses ka reaguar edhe vetë Kori nëpërmjet një postimi në rrjetet sociale.

“Jemi vërtetë të lumtur që për herë të parë në historinë e muzikës korale shqiptare, një kor nga Kosova ngjitet në skenën më të rëndësishme të muzikës, #BerlinPhilharmonie

Në këtë skenë kanë përformuar artistët më të mëdhenj të muzikës klasike në botë, që konsiderohet ëndërr e çdo artisti. Përgatitjet për këtë koncert kanë filluar tash e disa muaj falë vullnetit dhe sakrificës së koristëve për me qellim të përbashkët të promovimit të vlerave tona kulturore në skenat më të mëdha botërore.

Falenderojmë të gjithë përkrahësit tonë të cilët bënë të mundur që #SiparantumChoir të prek një ndër skenat më të mëdha të muzikës në botë siç është Berlin Philharmonie“, ka shkruar Kori.

Fotografitë: Peter Adamik / KultPlus.com

Anton Çivlaku performon në instrumentin e Lahutës përballë sallës më të njohur koncertale në botë (VIDEO)

Posted on by Kult Plus

Së fundmi Kosova ka performuar në sallën më të njohur koncertale në botë, “Filharmoninë e Berlinit”, gjë që është historike. E Kosovën më së miri e prezantoi Kori Siparantum i cili po vazhdon të shënojë histori për muzikën korale kosovare, shkruan KultPlus.

Duke shënuar suksese të njëpasnjëshme, Kori Siparantum mori pjesë në Filharmoninë e Berlinit në kuadër të ‘Choral Celebrations’ në mars të vitit 2022.

Ndërkaq, sot KultPlus ua sjell një video të shkëputur nga performanca e Anton Çivlakut në instrumentin e Lahutës, në kishën St. Matheus, ballë për ballë sallës së Filharmonisë së Berlinit. / KultPlus.com