Etiketë: filharmonia e kosove

Sot Kori i Filharmonisë së Kosovës do mbajë koncert në Shkup

Posted on by Kult Plus

Filharmonia e Kosovës sezonin për këtë vit do ta vazhdoj në Maqedoninë e Veriut, me Korin e Filharmonisë së Kosovës, shkruan KultPlus.

Kjo është bërë e ditur nëpërmjet një postimi në Facebook, nga faqja zyrtare e Filharmonisë së Kosovës ku shkruhet se ky koncert në kuadër të sezonit 2021/2022, do të mbahet sot në Filharmoninë e Maqedonisë – Salla e koncerteve në Shkup, duke filluar nga ora 18:00.

Numri i pjesëmarrësve që mund të marrin pjesë në koncert është i kufizuar.

Për të rezervuar vendin tuaj, shkruani në [email protected] me titullin / Rezervim 16.10.2021 – Emri / Mbiemri.

Përmes një e-maili ju mund të rezervoni maksimumi dy vende.

Për shkak të masave për të parandaluar përhapjen e Covid-19, mbajtja e maskës është e detyrueshme. / KultPlus.com

Janë shitur të gjitha biletat për koncertin e Filharmonisë, koncerti do të transmetohet edhe LIVE

Posted on by Kult Plus

Këtë vit rreth 2 mijë njerëz kanë shfaqur interesimin e tyre për të dëgjuar këtë koncert. Pikërisht ky interesimi madh i ka vënë në hall drejtuesit e këtij institucioni.

Ditë më parë Filharmonia e Kosovës, bëri të ditur se ‘Koncerti i Viti të Ri’ do të mbahet në dy orare, në orën 17:00 dhe 20:00 më 23 dhjetor. Madje për këtë koncert ky institucion për herë të parë ndau edhe biletat të cilat ishin falas. Mirëpo tani të gjitha biletat janë shitur dhe duke parë interesimin e madh Filharmonia ka vendosur që këtë koncert ta transmetoj edhe LIVE.

“Të nderuar, ju kërkojmë ndjesë që bileta për koncertin e Filharmonisë së Kosovës të datës 23.12.2018 nuk ka më. Koncerti është organizuar në dy terminë vetëm për t’ju dhënë mundësinë sa më shumë të interesuarve për të ndjekur koncertin. Duke parë këtë kërkesë, Filharmonia e Kosovës në bashkëpunim me RTK-në do të bëjë transmetimin direkt të koncertit nga ora 20:00. Kosova nuk ka një sallë koncertale me parametra standard, andaj kërkojmë mirëkuptimin por edhe mbështetjen tuaj në kërkesën për ndërtimin e sallës së Filharmonisë së Kosovës. Ju faleminderit për mirekuptimin!”, është njoftimi i Filharmonisë./ KultPlus.com