Etiketë: fillojnë

Orkestra e Filharmonisë së Kosovës fillon provat për koncertin e parë të këtij viti

Posted on by Kult Plus

Orkestra e Filharmonisë së Kosovës ka filluar tashmë provat për koncertin e parë të këtij viti, nën drejtimin e dirigjentit italian Jacopo Sipari di Pescasseroli.

Filharmonia e Kosovës ka paralajmëruar koncert me interpretim unik me vepra të autorëve Sibelius, Bruch dhe Rachmaninoff.

“I njohur për energjinë dhe vizionin e tij artistik, me këtë koncert do të shënojë një kapitull të ri për Filharmoninë e Kosovës, duke sjellë një interpretim unik të veprave nga Sibelius, Bruch dhe Rachmaninoff”, thuhet në njoftimin e Filharmonisë.

Koncerti mbahet më 17 janar, në Atelienë e Pallatit të Rinisë, prej orës 19:30./ KultPlus.com

Fillojnë përgatitjet për sezonin e ri të Filharmonisë së Kosovës

Posted on by Kult Plus

Kori i Filharmonisë së Kosovës ka njoftuar se kanë filluar përgatitjet për sezonin 2024-2025.

Kori ka nisur punën nën drejtimin e dirigjentit Hajrulla Syla për një prezantim të përbashkët me Orkestrën Shtetërore të Selanikut dhe Korin e Përzier të Selanikut, të drejtuar nga dirigjentja Mary Konstantinidou.

Ky koncert do të mbahet në Sallën e Koncerteve të Selanikut “Megaron” më 27 shtator 2024 dhe pjesa qendrore e programit është oratoriumi “Krijimi” nga Joseph Haydn. Koncerti do të drejtohet nga dirigjenti i mirënjohur grek Kornilios Michailidis me pjesëmarrjen e solistëve Siranous Tsalikian (soprano), Electra Manousi (mezosoprano), Mihail Mihaylov (tenor) dhe Tassos Apostolou (bas).

Për informacione të tjera rreth përgatitjeve të sezonit të ri, Filharmonia jep detaje ditët në vijim.