Akademia e Filmit dhe Multimedias Marubi dhe Ambasada e shtetit të Izraelit për nderë të ditës memoriale të Holokaustit do të sjellin premierën e filmit “Aida’s Secrets” të Alon Schwarz, shkruan KultPlus.
Ky film do të shfaqet javën tjetër, më 27 janar në Akademinë e Filmit dhe Multimedias Marubi në Tiranë, ndërsa do të filloj në ora 19:00. /KultPlus.com
Aida's Secrets Trailer from JIFF on Vimeo.
Më një rrëfim të fuqishëm, kastë aktorësh kosovarë e një ekip të madh pas syrit të publiku, regjisori kosovar Besim Ugzmajli sjellë filmin e tij të metrazhit të shkurtër “Forgive me”, shkruan KultPlus.
“Forgive me” i cili para pak ditësh përfundoi do të shfaqet premierë në festivalin Manchester Film Festival, ka njoftuar vetë regjisori Ugzmjali përmes një publikimi në rrjetin social Facebook.
Një djalë i ri, i quajtur Bujar, manipulohet nga një imam kosovar që t’u bashkohet grupeve terroriste që luftojnë në Siri. Ai i bashkohet luftës tinëzisht dhe pastaj i kërkon ndihmë vëllait të tij t’ia dërgojë në Siri edhe gruan. Por vëllai tmerrohet nga veprimet e Bujarit dhe i kërkon të kthehet në Kosovë. Bujari e kërcënon gruan e tij se nëse nuk i bashkohet në Siri do të martohet me një grua që ka mbetur e ve nga lufta.
Ky rrëfim do të shfaqet në këtë festival i cili ka rezervuar datat nga 1 deri me 4 mars ndërsa filmi kosovar do të shfaqet më 3 mars me fillim nga ora 13:00. http://www.maniff.com/shorts-2018
““Forgive me”eshte premiere ne Manchester Film Festival, ku pjesmarres ne kete Festival jane edhe Sean Penn, Jodie Foster, Jonathan Meyers e shume artist te tjere”, ka shkruar Ugzmjali i cili poashtu ka publikuar edhe traileri-n e filmit.
“Forgive me” është jetësuar nga aktorët: Agron Shala, Semira Latifi, Bibi Qena, Kushtrim Asllani, Ekrem Sopi, Sherif Bega, Orik Berani, Adrian Obertinca, Kosovare Hoti.
Ndërsa drejtor fotografie në këtë film ishte Latif Hasolli, tonist Gezim Rama, kostumografe Samka Ferri…/ KultPlus.com
I mbështetur nga dy qendrat e kinematografisë shqiptare, ajo e Kosovës dhe e Shqipërisë, filmi i metrazhit të gjatë “Aga”, me regji të Lendita Zeqiraj, tashmë është na fazën e fundit, dhe shumë shpejt pritet që të jetësohet në një ekran të madh kinematografik, shkruan KultPlus.
Kjo gjë është bërë e ditur nëpërmjet rrjetit social Facebook, në fanpage të këtij filmi, ku janë shpalosur të gjithë aktorët që kanë jetësuar skenarin e vetë Lendita Zeqiraj.
“Përderisa vazhdojmë me post-produksion, duam t’ju njoftojm me kastën tonë të mrekullueshme të aktorve”, kanë shkruar në rrjetin social Facebook.
Arti Lokaj, Basri Lushtaku, Rozafa Çelaj, Adriana Matoshi, Shengyl Ismaili, Meli Qena, Rebeka Qena, Molikë Maxhuni.
Producent i filmit është Bujar Kabashi ndërsa “Aga”, flet për një djalë të ri i cili qëndron në një shtëpi të grave…/ KultPlus.com
Sarandë Selimi
Në janar të vitit 1999 në njërin nga qytet e Kosovës ne shohim Dritën, një grua të izoluar. Ajo nuhatë që lufta që po zhvillohet nëpër fshatra po vije edhe në qytet. Fillimi është një memorie historike, një perspektivë e atyre që kanë jetuar nëpër banesat kolektive të kohës.
Më skenar të Armend Smajlit e regji të Rita Krasniqit, “Drita”, filmi i metrazhit të shkurtër i subvencionuar nga Qendra Kinematografike e Kosovës, tashmë është në përfundim të procesit. Me një ekip me emra të njohur në kinematografinë shqiptare, ky është skenari i parë për film i aktorit Armend Smajli, i cili në një intervistë për KultPlus, shpalosi disa detaje interesante që kanë të bëjnë me filmin, dhe me jetësimin e tij, në ndonjërin ekran të festivaleve ndërkombëtare.
“Më gëzon fakti që në këtë periudhë jam sfiduar edhe me një fushë të re artistike.
Inspirimi, rrugëtimi dhe tregimi për skenarin është shumë më i gjatë sesa filmi por ne besojmë se të gjitha ato copëza të menduara e të imagjinuara do të shfaqen në ekran”, thotë Smajli, i cili vazhdon të tregojë për KultPus, se “Drita”, në fund të janarit të viti 2018-të do të jetë i përfunduar.
“Fundi janarit 2018 filmi do të jetë i përfunduar. Dhe do të shohim edhe në biseda me QKK, do të aplikojmë nëpër festivale dhe të shohim se ku do të kemi fatin ta japim premierën botërore”, u shpreh për KultPlus, Smajli.
Filmi më producent vetë skenaristin Armend Smajli, ka sjellë një kastë aktorësh si: : Irena Cahani, Alban Ukaj, Bislim Muçaj, Florieta Bajraktari. “DOP” e filmit është Sevdije Kastrati ndërsa produkcioni “EVA Film”./ KultPlus.com
Filmi “Yjet e së ardhmes” rikthen në kinema aktorët e njohur Tinka Kurti, Margarita Xhepa, Reshat Arbana dhe Luftar Paja. Regjisori Edmond Topi trajton në film dialogun e munguar në shoqërinë shqiptare mes brazave, pa harruar mungesën e vëmendjes ndaj artistëve, që kanë kontribuar në artin e këtij vendi.
Filmi “Yjet e së ardhmes” me skenar të Uli Bree dhe regji të Edmond Topit vjen i përshtatur për publikun shqiptar nga sot në të gjitha kinematë e kryeqytetit. Vëmendja e regjisorit kësaj here është tek mosha e tretë, tek marrëdhëniet që ka ndërtuar shoqëria më këtë brez.
Prandaj, ai ka zgjedhur më së miri, që këtë komunitet “ta sjellë” në kinema nëpërmjet artistëve më përfaqësues të kinematografisë shqiptare. Por, kjo zgjedhje është bërë me vetëdije prej regjisorit, për të konkretizuar edhe vëmendjen e paktë, që ekziston për këta artistë të njohur në këtë periudhë tranzicioni, e cila paska qenë më e gjatë nga sa e ka menduar shoqëria shqiptare.
“Filmi tenton të orientojë vëmendjen e komunitetit pikërisht në ato vlera, që nuk lidhen me moshën, por me standardin profesional e qytetar dhe i referohet moshës së tretë për të tërhequr vëmendjen e publikut për nevojën dhe epërsitë e angazhimit të një brezi, mundësitë potenciale, të të cilit të panjohura ose të injoruara, përbëjnë energji të pallogaritshme në shërbim të zhvillimit qëndrueshëm dhe nxitjes së harmonisë shoqërore”, shprehet regjisori Topi për mediet.
Duke dashur të transmetojë mesazhin, se çdo moshë ka ëndrrat, mundësitë, sukseset dhe zhgënjimet e veta, filmi i vë brezat t’i ndajnë ato me njëri-tjetrin, shpjegon Mirela Oktrova, duke i afruar ata në komunikim intensivë për përjetime, vlera, plane, dështime dhe suksese të përbashkëta. Filmi tenton të sjellë kështu krejt natyrshëm dhe në mënyrë organike argumentin, se brezat mund të bashkëjetojnë shumë mirë nëse komunikojnë dhe njihen mes tyre. Dialogu i munguar në shoqërinë shqiptare dhe paragjykimet, që vijnë kryesisht nga mosnjohja, tentohet që në film të vijnë përmes situatës herë absurde, herë të papranueshme, herë tragjikomike, por jo rrallë edhe optimiste.
Përmes modelit të një grupi të moshuarish fillimisht në krizë vetmie edhe harrese, të cilët vullneti, këmbëngulja dhe dashuria për jetën i shtyn drejt një suksesi të pa ëndërruar, duke i shndërruar në heronj edhe për të rinjtë, filmi e sfidon komunitetin lidhur me qasjen shoqërore ndaj moshës së tretë: suksesi, lumturia e madje edhe dashuria as kanë dhe as njohin moshë, nëse tenton drejt tyre, ato mund t’i bësh të tuat deri në ditët e fundit të jetës… mjafton të duash, të kesh vullnet edhe të tentosh drejt tyre… Ky është një nga qëllimet e këtij filmi shpjegon Oktrova, e cila është konsulente artistike, në film.
“Kasti i aktorëve, si Gazmend Paja, Elia Zaharia, Tinka Kurti, Reshat Arbana, Margarita Xhepa, Luftar Paja, Ema Andrea, Karafil Shenaj, Sadush Ylli etj., kanë ndërtuar një ansambël harmonik në energji, talent dhe përkushtim, duke na transmetuar me çdo forcë dramat, pasionin, brengat dhe ngadhnimet e një jete të jetuar në dehje, në çdo rast dhe deri në fund. Tre breza artistësh, performojnë së bashku në një sfidë suksesi dhe mundësish, në një himn dashurie për jetën edhe besnikërinë ndaj ëndrrave të pajtuara”, shton Topi…/ KultPlus.com
Angelina Jolie së fundmi në një intervistë ka treguar se vendimi për të bërë një film së bashku me ish-bashkëshortin e saj Brad Pitt në vitin 2015, më pak se një vit përpara ndarjes së tyre, kishte qenë një ide e gabuar shkruan Hello, përcjellë KultPlus.
Ata së bashku janë paraqitur në filmin “By the Sea”, që është një dramë romantike amerikane e vitit 2015 e shkruar dhe dirigjuar nga Angelina Jolie.
“Doja që ne të bënim një punë serioze së bashku, dhe doja ta shihja atë duke e bërë këtë punë, prandaj mendova se mund të ishte një mënyrë e mirë që të komunikonim me njëri-tjetrin , dhe një njëfarë mënyrë edhe ka qenë e tillë. Në anën tjetër ne kemi mësuar disa gjëra gjatë asaj kohe, por ka pasur një hidhërim gjatë asaj situate që vazhdoi edhe më tutje “, është shprehur aktorja gjatë intervistës.
Duke folur për marrëdhëniet e tyre, ajo shtoi “Gjërat ndodhin për arsye të ndryshme”. Ylli gjithashtu tregoi edhe për jetën e saj të hershme, dhe pranoi se fakti i asaj që prindërit e Jolie, kishin qenë aktorë dhe që ajo ishte rritur në Hollywood, pritjet ndaj saj kishin qenë të bëhej aktore.
Ajo më tutje shpjegoi: “Shumë njerëz në këtë qytet mendojnë se të jesh një aktor është gjëja më e madhe në botë dhe profesioni më i mirë, kështu që ju jeni të shtyrë të jeni e tillë para se të jeni në gjendje të shqyrtoni mënyra të tjera të jetës”, është shprehur tutje aktorja Jolie./ KultPlus.com
Në edicionin e 55-të të Golden Knight Malta International Film Festival, janë shfaqë dy filma të metrazhit të shkurtër e që vijnë me rrëfim, me ekip dhe sheshxhirime nga Kosova, shkruan KultPlus.
Në të dy këta filma, me rol kryesor paraqitet aktori i mirënjohur kosovar Xhevat Qorraj.
“Memory”, është filmi i metrazhit të shkurtër që për skenarist e regjisor ka Ilirjan Himaj ndërsa filmi tjetër është i regjisores së re në moshë Lorena Sopit, ku “Përjetësisht fëmijë” vjen po me skenar të Sopit.
Festivali ka nis më 28 nëntor ndërsa sonte ka natën e fundit të tij.
KultPlus, po sjellë rrëfimet e këtyre filmave bashkë me ekipin që i kanë jetësuar ata:
“Përjetësisht fëmijë” është film me skenar e regji të Lorena Sopit. Ky film trajton raportin e rrënuar familjar mes babasë autoritar dhe fëmijut të mitur. Moni, një djalë dhjetë vjeçar, jeton me të atin Xhemën në varfëri të madhe. Gjatë një dreke fatale, i ati Xhema vret aksidentalisht djalin e tij, Monin. Gjatë gjithë jetës së tij, Xhema do të ndjenë peshën e mallkimit, duke bartur mbi vete fajin për atë që ka ndodhur. Në ditët e tij të fundit, në moshë të shtyer, Xhema kthehet në shtëpinë ku ka ndodhur vrasja për të kërkuar falje nga djali i tij i vdekur,me shpresë se do të liroj shpirtin nga pesha e fajit dhe do të pushoj i qetë në jetën e përtejme.
Në kastën e aktorëve bëjnë pjesë: Në rolin kryesor paraqitet aktori i njohur Xhevat Qorraj dhe Miran Zymberaj. Në rolet e tjera vijnë Sheqerije Buqaj, Beslidhe Bytyqi, Kosovare Hoti, Joni Thimi…
“Përjetësisht fëmijë”, ka korrë disa suksese nëpër festivale të ndryshme ndërkombëtarë ndërsa për publikun shqipfolës ende nuk është shfaqur. Filmi është prodhim i AS Film Production dhe Fakultetit të Arteve të Universitetit të Prishtinës
“Memory” me skenar e regji të Ilirjan Himajt, sjellë rrëfimin e plakut Sylë, i cili është i sëmurë me Alzaimer. Ai del nga shtëpia për të blerë një lodër për nipin e tij. Në përballje me sëmundjen, të ftohtit e dimrit dhe reshjet e borës, ai nuk arrin të kujtojë rrugën e kthimit për në shtëpi.
Ky film vjen nën lojën e aktorëve: Xhevat Qorraj, Igballe Qena, Selman Lokaj, Avdullah Gjikokaj, Besim Ajeti, Agron Krasniqi, Labinot Lajçi, Agron Shala. Producent i filmit është Agron Shala kurse edhe “Memory” deri më tani është shpërblyer në disa festivale shumë prestigjioze ndërkombëtare.
Të dy filmat për drejtor fotografie kanë Latif Hasollin./ KultPlus.com
Më 11 nëntor “Memory” me skenar e regji të regjisorit kosovar Ilirjan Himaj, është shfaqë si pjesë e konkurrencës zyrtare në edicionin e 16-të të Cornwall Film Festival në Angli.
Kësisoj filmi i Himajt, që trajton një temë mjaft interesante e të realizuar goxha mirë, nuk ka kaluar pa u vlerësuar nga juria profesionale e këtij festival me nam në Angli.
“Memory”, në edicionin e 16-të të Cornwall Film Festival, morri çmimin e filmit më të mirë të shkurtër, lajm ky i cili u nda ekskluzivisht për KultPlus, nga vetë regjisori Himaj.
Juria në përbërje të: Alison Wallace, Stephen Ryan, Steve Holland, John Scarlett Davis, Ben Howe, Nat Tier, Anna Navas, Brian Clay, Mattheë Warner dhe Faye, e vlerësojë shumë filmin “Memory”, dhe pikërisht çmimi erdhi mbi atë se “Memory” paraqiti një film të jashtëzakonshëm.
KultPlus, po sjellë vlerësimin në gjuhën angleze pa intervenuar në të:
“Every year Cornwall Film Festival presents an award for best short film, and this year we would like to award it to yourself for your incredible short film, Memory, which was reviewed highly by all of our judges”, thuhet në njoftim.
“Çdo vit Cronwall Film Festival prezanton çmimin për filmin më të mirë të shkurtër, ku këtë vit ne këtë çmim do të ta japim ty për filmin e mrekullueshëm “Memory”, i cili u vlerësua lartë nga e gjithë juria”.
‘Memory’ sjellë rrëfimin e plakut Sylë, i cili është i sëmurë me Alzaimer. Ai del nga shtëpia për të blerë një lodër për nipin e tij. Në përballje me sëmundjen, të ftohtit e dimrit dhe reshjet e borës, ai nuk arrin të kujtojë rrugën e kthimit për në shtëpi.
Filmi është jetësuar nga aktorët: Xhevat Qorraj, Igballe Qena, Selman Lokaj, Avdullah Gjikokaj, Besim Ajeti, Agron Krasniqi, Labinot Lajçi, Agron Shala.
Ky film deri tani është shfaqur në disa festivale ndërkombëtare, përfshirë këtu edhe 31-th Edmonton International Film Festival (Oscar qualifying), 50-th Humboldt International ku edhe është shpërblyer me dy çmimet kryesore të festivalit, Best narrative dhe Best of fest overall, 65-th Columbus International Film and Video Festival, ku dhe ka pas premierën botërore dhe në 17-th Festival Internacionale De Cine de Lanzarote ndërsa së fundmi është shfaq edhe si pjesë e konkurrencës zyrtare në edicionin e 30-të të Virginia Film Festival, i cili mbahet në Virginia-USA.
‘Memory’ me skenar dhe regji të Ilirjan Himaj për Drejtor Fotografie dhe montazher ka Latif Hasollin, producent është Agron Shala ndërsa kompozitor Memli Kelmendi./ KultPlus.com
“Nëntori i dytë” filmi që tregon udhëtimin e Ismail Qemalit drejt Vlorës për të ngritur aty flamurin e shqiptarëve, vazhdon të jetë një ndër filmat më historikë në historinë e kinematografisë shqiptare. Çdo 28 nëntor ai është simboli që çdo shqiptar do donte ta rishihte si pjesë e krenarisë së tij.
Filmi u realizua në vitin 1982 nga regjisori Viktor Gjika nën skenarin e Dhimitër Shuteriqit dhe Kico Blushit. Me muzikë nga Kujtim Laro kolona zanore e filmit vazhdon të shoqërojë çdo përvjetor të pavarësisë së vendit. Por ajo çfarë i dha suksesin këtij filmi nuk ishte vetëm historia, por dhe një kastë e zgjedhur aktorësh me kujdes nga regjisori Gjika.
Ai zgjodhi për Ismail Qemalin një karakter të fortë të teatrit e kinemasë shqiptare siç ishte Sandër Prosi. E kush mund ta kishte interpretuar më mirë se Prosi Ismail Qemalin. Në atë rol ai sapo kishte kaluar të 60-at dhe vetëm tre vjet më vonë ai do të ndahej nga jeta në mënyrë tragjike. Isa Boletini, përfaqësuesi i Kosovës në festën e madhe të shqiptarëve do të interpretohej nga Reshat Arbana. Atëherë mbi të 40-at Arbana kishte trupin dhe mendjen e Boletinit duke sjellë një karakter impulsiv dhe të matur njëkohësisht që e personifikon më së miri Isa Boletinin. Mario Ashiku do të interpretonte Shpend Dragobinë.
Aktori i talentuar do të shndërrohej i tëri në djalin luftëtar të Jah Elezit nga Dragobia, Malësi e Gjakovës i cili ishte delegat i Kosovës në Vlorë më, 28 nëntor 1912 kur u shpall pavarësia e Shqipërisë. Shpend Dragobia ishte mik i ngushtë dhe bashkëluftëtar i Isa Boletinit. Gjenerali turk do të interpretohej nga aktori shkodran Sulejman Dibra. Demir Hyskja do të interpretonte Mytesarifin. Bujar Lako do të interpretonte Luigj Gurakuqin i cili në qeverinë e përkohshme të Vlorës do të zgjidhej më vonë Ministër i Arsimit. Robert Ndrenika do të interpretonte Hakiun. Petrit Malaj atëherë një aktor i ri do të luante Adem Boletinin.
Luan Qerimi do të luante Sali Drenicën. Gyljem Radoja do të luante Lym Kepin ndërsa Harjie Rondo do të ishte gruaja e Lym Kepit. Ilia Shyti do të ishte Mullai i Beratit, ndërsa Pandi Raidha do luante Demir Arbanën. Spiro Urumi do të interpretonte Xhaferr Bej Kadenën. Këta janë aktorët që i dhanë jetë një prodhimi të jashtëzakonshëm kinematografik që formatoi në kujtesën e shqiptarëve një udhëtim të gjatë dhe historik që do të shënjonte përgjithmonë një histori tjetër të shqiptarëve, shkruan GSH. Dhe pse shumë pjesë të filmit nuk u shfaqën për shkak të censurës së kohës, kjo nuk e pengoi regjisorin Gjika të sillte me këtë film udhëtimin e shumëpritur në shekuj të shqiptarëve./ KultPlus.com
Ekipi i filmit “Martesa” me skenar dhe regji të Blerta Zeqirit, me aktorët: Adriana Matoshi, Alban Ukaj e Genc Salihu në rolet kryesore janë në ethet e premirës së këtij filmi, që pikërisht në ditën e flamurit ka premierën në një festival shumë prestigjioz në Estoni. Në një intervistë për KultPlus, pikërisht para nisjes në Estoni, regjisorja Blerta Zeqiri ka treguar për pritjet që ka për këtë film. Për këtë film që ka guxuar të prekë për herë të parë një temë mjaftë të ndjeshme, atë të dashurisë në mes gjinisë së njëjtë, Zeqiri ka thënë se pret të hapë debat në shoqërinë kosovare, dhe pikërisht premiera në Prishtinë, sipas saj i jep ethe më shumë se sa paraqitjet jashtë vendit. Për filmin “Martesa”, sa i përket lojës së aktorëve, skenarit, regjisë, fotografisë dhe shumë elementeve të tjera që përbëjnë realizimin e filmit, ajo ka thënë ta ketë zemrën plot, pasi që realizimi i filmit ka tejkaluar edhe pritjet e saj.
Ardianë Pajaziti
KultPlus: Tashmë jeni në ethet e premierës së filmit “Martesa” që do të prezantohet më 28 nëntor në festivalin e kategorisë A në Estoni, një pritje e gjatë, por duket të jetë një pritje e suksesshme, me çfarë emocioni jeni duke e kaluar këtë periudhë?
Blerta Zeqiri: Tani po bëhen 5 vite prej kur kemi filluar punën në këtë film. Ka qenë punë e gjatë, shumë sfiduese, herë herë e lodhshme, por gjithnjë me shumë dashuri e entuziazëm, sepse kemi pasur një ekip të mrekullueshëm. Jam shumë e gëzuar që më në fund do ta japim premierën e filmit dhe e pres me padurim ta shoh nëse ky film do të komunikojë edhe me publikun, ashtu siç ka komunikuar edhe me profesionistët e idustrisë së filmit, sepse shpesh një film mund të pëlqehet nga industria, por jo edhe nga publiku. Jam duke i numëruar ditët deri në premierë.
KultPlus: Është filmi i parë kosovarë që ka guxuar të prekë një temë më të ndjeshme, sikurse është dashuria në gjininë e njëjtë, dhe zakonisht këto tema shumë shpesh janë përcjellë me zhurmë, je e përgatitur për këtë “zhurmë”?
Blerta Zeqiri: Prej momentit kur kemi filluar punën në këtë film, e kemi diskutuar gjithmonë këtë çështje. Kemi folur edhe për zhurmën që do ta bëj ky film tek ne. Unë kam dëshirë shumë që filmi të shikohet dhe të hapë debat në shoqëri. Kohët e fundit kam parë shumë projekte artistike që kanë trajtuar këtë temë dhe nuk kanë shkaktuar skandale. E kam ndjenjën se në Kosovë ka ndodhur një lloj përparimi sa i përket të drejtave të komunitetit LGBTIQ- natyrisht ende jo aq sa duhet – por mjaftueshëm sa projektet artistike të kuptohen dhe të trajtohen si të tilla.
KultPlus:Filmi është një ndërlidhje: skenar, regji, aktorët, fotografia dhe shumë elemente të tjera, megjithatë, cilën e konsideroni si pikën më të fortë të këtij projekti?
Blerta Zeqiri: Mendoj se natyrshmëria e lojës së aktorëve është ajo që më së shumti karakterizon punën time dhe më së shpeshti ndjehem krenare me lojën e aktorëve në film. Kësaj radhe është hera e parë që përveç aktrimit, në film ndjehem krenare për të gjitha elementet e filmit: çdo element i dizajnit të produkcionit (udhëhequr nga Lendita Zeqiraj), ka qenë jashtëzakonisht mirë i punuar, si skenografia (Burim dhe Blendina Arifi), kostumet (Yllka Brada), grimi(Leonora Mehmeti), ndaj dhe kemi arritur të kemi një fotografi shumë të bukur të drejtuar nga syri i Sevdije Kastratit.
Montazhin në film e ka punuar Keka Kreshnik Berisha dhe është kjo një montazhë shumë fluide e cila e ngrit lart punën e aktorëve duke e arritur që të bëj filmin të duket shumë i vërtetë.
Kolonën zanore gjithashtu e kemi të mrekullueshme: kemi këngë shumë të bukura që i interpretojnë aktorët kryesorë të filmit (Genc Salihu dhe Alban Ukaj), kemi muzikën popullore nga grupi Melodia e Vjetër me solisten e mrekullueshme Nezafete Shala. Zëri i filmit (Pëllumb Ballata) është i punuar për mrekulli. Kemi këngë nga artistë të ndryshëm kosovarë, si Shpat Deda, Nesim Maxhuni, Armend Xhaferi, Labinot Sponca, Bicalko e Iliros. Thjeshtë secili ka bërë punën e tij me përkushtim dhe kjo shihet në rezultatin final të filmit.
KultPlus: Ju pastaj keni rrezikuar në përzgedhje të aktorëve, duke përfshirë edhe jo profesionistë, sikurse është rasti me Genc Salihun, pse besove kaq shumë te Genci?
Blerta Zeqiri:Performancat e Gencit gjithmonë i kam përcjellur, sepse është i mrekullueshëm kur është para publikut: këndon, folë, imiton, luan, të gjitha i bën pa pikën e kompleksit, ndaj dhe kam qenë e sigurt se do t’ia del edhe kësaj sfide. Gëzohem shumë që nuk kam gabuar, sepse Genci ka realizuar një performancë të mrekullueshme në film.
KultPlus: Në anën tjetër, rolet kryesore në këtë film vijnë nga aktorët më të treguar të periudhës së fundit, sikurse është Adriana Matoshi e Alban Ukaj, sa keni nxjerrë ndryshe këta aktorë, duke pasë parasysh se tashmë kanë pasë shumë role?
Blerta Zeqiri: Albani e Adriana janë aktorë të përkryer. Jam shumë e lumtur që kanë qenë pjesë e projektit që nga fillimi (viti 2012). Kisha pasur shumë dëshirë t’i falenderoj publikisht, sidomos Albanin, me të cilin nuk kam punuar asnjëherë më parë, për besimin që ka pasur në mua dhe që ka pranuar të bëhet pjesë e projektit ende pa u shkruar skenari, atëherë kur filmi ka qenë vetëm një sinopsis. Zakonisht draftet e para të skenarit nuk janë edhe aq të mira dhe unë jam frikësuar shumë se Albani me të cilin nuk kisha punuar më herët, nuk do të qëndroj në projekt. Por, fatmirësisht që të tretë kanë qëndruar në projekt dhe bile kanë kontribuar në punën e skenarit, sepse pas çdo drafti të rëndësishëm kemi bërë punëtori, ku e kemi lexuar skenarin, kemi diskutuar për karakteret, aktorët kanë bërë improvizime të skenave të ndryshme dhe këto prova i kemi xhiruar, pastaj kemi inkuadruar gjëra nga provat në skenarin final. Aktorët, kanë arritur të mishërohen aq shumë me personazhet e tyre në film, sa që ata për mua në film janë Bekimi, Anita dhe Noli.
KultPlus: Personalisht, si skenariste dhe regjisore e keni zemrën plot me nxjerrjen e këtij rrëfimi?
Blerta Zeqiri: Unë e kam përshtypjen se ky film është filmi më i mirë që unë kam punuar deri më tani. Ndoshta nuk do të pëlqehet nga të gjithë për shkak të temës që trajton, porse si realizim, unë mendoj se është puna më e mirë e imja deri më tani. Po. Zemrën e kam plot. Gjithmonë ka mundësi që diçka të jetë edhe më mirë, porse ky film i ka tejkaluar pritjet e mia dhe ndjehem krenare për realizimin e tij.
KultPlus: Filma me tema të tilla kanë përfunduar si filma shumë te suksesshëm, po guxon të mendosh për një sukses të tillë?
Blerta Zeqiri: Filma që kanë trajtuar këtë temë kanë qenë shumë të suksesshëm në botë viteve të fundit. Nganjëherë kam frikë se kjo temë për botë nuk është shumë interesante, sepse ata i kanë trajtuar këto tema shumë. Porse, gjithsesi do të jetë një film i rëndësishëm për ne në Kosovë dhe ndoshta në rajon. Por tani filmi do të ketë premierën në Tallinn Black Nights dhe kjo më gëzon, sepse e shoh mundësinë e një suksesi edhe ndërkombëtar.
KultPlus: Filmi më pas do të prezantohet në dhjetor edhe në Kosovë, cila audiencë të jep ethe më shumë, ajo e Estonisë apo e Prishtinës?
Blerta Zeqiri: Së shpejti do ta lajmërojmë edhe datën e premierës në Kosovë. Mua definitivisht gjithmonë më japin ethe paraqitjet në Kosovë, sepse kam dëshirë që filmi të përjetohet si i vërtetë dhe audienca të harrojë se është duke shikuar film dhe të zhytet brenda rrëfimit. Audienca jonë më së miri e gjykon këtë, ndaj dhe reagimi i publikut tonë është shumë i rëndësishëm për mua.
KultPlus: Keni marë ndonjë konfirmim për ndonjë prezantim tjetër?
Blerta Zeqiri: Së pari do të shfaqet filmi në festival, pastaj nuk besoj se do të mungojnë edhe prezantimet tjera, porse të gjitha do të vijnë pas premierës.
KultPlus: Dhe për fund, ju jeni regjisore e shperblimeve me filma të metrazhit të shkurtë, mendon se jeni prej atyre regjisoreve që jeni e bërë vetëm për çmime?
Blerta Zeqiri: Hahahahah. Si me u përgjigj në këtë pyetje? Po e marr si kompliment, faleminderit Ardianë!
Po provoj të përgjigjem disi: Unë i bëj filmat sipas vizionit tim dhe fatmirësisht deri më tash ky vizion më është shpërblyer. Por bota e filmit të gjatë është krejt tjetër dhe nuk e kam as edhe ndjenën më të vogël se si do të shkojë puna me këtë film. Besoj se do ta përcjellim bashkarisht jetën e këtij filmi./KultPlus.com
Filmi “Derë e hapur” ka bërë bashkë regjisorin Florenc Papas dhe producentin Eno Milkani. Një filmi cili sjell në role aktorë të njohur të kinemasë shqiptare, por dhe emra të rinj, një projekt me skenar nga Florenc Papas dhe Ajola Daja.
Ky është një film i metrazhit të gjatë dhe regjisori tregon se xhirimet kanë përfunduar, duke shtuar se ka shumë rëndësi në aktivitetin e tij ky projekt. “Për mua realizimi i këtij projekti kinematografik ka rëndësi dhe përgjegjësia është e madhe. Një regjisor debutant merr një përgjegjësi ndryshe nga ato të karrierës, pasi vepra e tij do ta ballafaqojë me audiencën dhe me industrinë e filmit. Nga ana tjetër përgjegjësia vjen dhe prej bashkëpunëtoreve të tu, institucioneve financiare dhe një gjë e rëndësishme është sfida që ti bën me veten”, tregon regjisori. Sipas regjisorit Florenc Papas në këtë film në qendër është njeriu i thjeshtë.
““Derë e hapur” do të jetë një film intim, ku në qendër është ai njeriu i thjeshtë me plot ndjesi dhe komplekse brenda tij”, zbulon ai për filmin e tij që ka përfunduar xhirimet. Rolet në filmin “Derë e hapur” i janë besuar aktorëve të njohur për publikun por nuk mungon dhe një djalë 5 vjeçar. “Kasti i aktorëve përshin një shumëllojshmëri aktorësh, që nga djali i vogël 5-vjeçar deri tek emra të mëdhenj të kinemasë shqiptare si Guljelm Radoja, Lutfi Hoxha dhe Sotiraq Bratko”, vijon më tej regjisori. Ai tregon se dy personazhet kryesore i luajnë emra të njohur të ekranit Luli Bitri dhe Jonida Vokshi.
“Një dyshe mjaft e mirë dhe do ta quaj me plot bindjen të suksesshëm bashkëpunimin. Surpriza më e madhe ka qenë djali i vogël, i cili mund ta quajmë kryesor në film pasi përshkon edhe ai gjithë rrugëtim dhe ai është Maxwell Guzja”, shprehet mes të tjerave Florenc Papas regjisor i filmit “Derë e hapur” që ka përfunduar xhirimet gjatë vjeshtës. Shumë shpejt regjisori bën me dije se do të fillojë postproduksioni i filmit. Projekti kinematografik i filmit artistik me metrazh të gjatë “Derë e hapur” është financuar nga Qendra Kombëtare e Kinematografisë në Shqipëri, Qendra Kombëtare e Kinematografisë në Kosovë, por ka gjetur financime dhe nga Eurimages, SEE Cinema Network. Producent Eno Milkani, Co-producent Besnik Krap, Goran Stojilkovic, Line producer Gerta Qurku
Ngjarjet në film
Filmi “Derë e hapur” i vendos ngjarjet në ditët tona dhe zhvillohen sipas regjisorit në Tiranë, Krrabë, Prrenjas dhe Lin. Filmi ka në qendër tre personazhe, dy motrat Rudina dhe Elma dhe djalin 5 vjeçar të Rudinës. Sipas regjisorit, personazhet e tjera janë episodike, por të rëndësishme përgjatë udhëtimit të tre personazheve kryesore. “Ka këtë gjeografi, pasi zhanri i filmit i përket asaj që quhet road-movie, pra filmi ndodh në rrugëtim dhe hera- herës skenat zhvillohen në “kutinë” e veturës së personazhit kryesor.
Një hapësirë e limituar nga ana vizuale, por e fortë dramaturgjikisht për dy heroinat e filmit”, cilëson regjisori Florenc Papas. Filmi “Derë e hapur” tregon historinë e rrugëtimit të dy motrave, duke shkuar tek babai i tyre në fshat, tek e shkuara, fëmijëria e tyre. Motra e vogël kthehet shtatzënë dhe e pa martuar nga Italia. Motra madhe e pret në port dhe të dyja nisin rrugën për në fshat pa ditur se si do ballafaqohen me babain e tyre. Pas shumë peripecish dhe një mori marrëdhëniesh midis motrave, në një moment në histori ato i lidh e shkuara dhe i bën bashkë derisa ja dalin të shkojnë të babai i tyre në fshat, shkruan SotNews./ KultPlus.com
Fillojnë xhirimet e filmit dokumentar “Gdhend emrin tënd duke shkatërruar”, me skenar të Ervin Lera dhe regji të Parid Andoni, shkruan KultPlus.
Ky film vjen nën prodhimin e Shtëpisë Kinematografike Filter Film. Ndërsa është financuar nga Qendra Kombëtare e Kinematografisë./ KultPlus.com
Me regji të Kreshnik Jonuzi dhe Luftar Von Rama dokumentari ‘Triumph’ do të shfaqet këtë të shtunë më 25 nëntor në kinemanë “The Prince Charles Cinema” në Londër, shkruan KultPlus.
Ky film të sjellë histori të ndryshme duke prekur aspektet kulturore, politike dhe historike, prapa lojës midis Serbisë dhe Shqipërisë në vitin 2014.
Ky film përfshin ngjarjet e kësaj loje që nga moment kur lojtarët shqiptarë arrijnë në stadiumin serbë e deri kur dalin nga aty.
Stadiumi i mbushur me tifozë serbë u bëri jehonë këngëve raciste dhe kërcënimeve me vdekje ndaj futbollistëve shqiptar. Tensionet e kësaj loje u ngritën kur u lëshua droni me flamurin ‘Autokton’, ku ishte harta e Shqipërisë së Madhe bashkë me dy figura të shquara të kombit shqiptarë si Isa Boletini e Ismail Qemaili.
Tifozët e zemëruar serb nxituan në fushë, duke sulmuar lojtarët shqiptarë, duke bërë që kjo ndeshje të përfundojë.
Të pranishmit gjatë shfaqjes së këtij dokumentari do të kenë mundësinë që të takojnë dhe të përshëndesin futbollistin e njohur shqiptar, Lorik Canën ku edhe do të kenë mundësi të bëjnë pyetje.
Të ardhurat nga kjo mbrëmje do të ndihmojnë në përfundimin e postproduksionit të filmit dhe për Fondacionin “Lorik Cana 5”./ KultPlus.com
Genc Berisha regjisor i filmave “Të Mjerët”, “Me mujt me bo e kishim bo” dhe “Zonjusha” do të filloj xhirimet e filmit të metrazhit të gjatë me titull “Diamanti”, shkruan KultPlus.
Ne Gusht të këtij viti A&G Production, ka njoftuar se ka angazhuar skenaristët Besart Sllamniku dhe Lulzim Bucolli, për të shkruar skenarin për vazhdimin e pjesës së dytë të filmit “Zonjusha”, dhe në atë kohë nuk është ditur emri i filmit cili tash është vendosur “Diamanti”.
“Diamanti” ka për temë vazhdimin e jetës së personazheve kryesor të filmit Zonjusha, që do të thotë se nuk do të jetë vazhdimi i përrallës së filmit të parë. Në këtë film i cili do të korrespondoj edhe me ata që nuk e kanë pa Zonjushën, tema do të bazohet tek një rrugëtim dy ditësh të Vuces (Armend Balokut), Bullit (Besart Sllamniku) dhe Zagit (Muhamed Arifi) të cilët detyrohen të vjedhin një Diamant për të shpëtuar nga vdekja.
Producentet e filmit kanë njoftuar se kësaj here në bashkëprodhim iu janë bashkangjitur edhe IKONE Studio dhe GjirafaVideo në cilësinë e Ko-Produksioneve.
Po ashtu kastës së aktoreve kryesor iu bashkëngjiten edhe aktorët që tashmë kanë qenë pjesë e filmit Zonjusha si Ylber Bardhi, Edona Reshitaj, Dukagjin Podrimaj, por vlen të përmendet se “Diamanti” është pasuruar edhe me aktor si Luan Jaha, Ilir Prapashtica, Irena Cahani, Lulzim Bucolli…
Xhirimet do të fillojnë më 25 nëntor, dhe pritet të përfundojnë rreth datës 20 dhjetor ndërsa 95% e xhirimeve do të bëhen në Prishtinë, ka thënë për KultPlus, skenaristi Besart Sllamniku.
Premiera e filmit pritet të dal në verë e viti 2018./ KultPlus.com
Më 20 qershor të vitit 1982, u patë dhënë premiera e filmit të njohur shqiptar “Lepuri me pesë këmbë”. Është vështirë të gjendet një qytetar shqiptar i cili nuk e përmend këtë film, skenarin e të cilit e ka shkruar Rifat Kukaj ndërsa erdhi nën regjinë e Ismail Ymerit.
“Lepuri me pesë këmbë”, mblodhi rreth vetës një ekip si para kamere ashtu edhe prapa saj me emra të njohur shqiptar, të cilët i dhanë jetë këtij filmi dhe arritën ta skalitin në memorien shqiptarëve.
“Prapë ju kapi xekrri a. Dervishi në dardhë, dervishi në dardhë”.
“Ikini more shejtana. Sa kambë i ka lepuri dervish? Një mijë herë u kam thënë. Të lutem dervish, sa këmbë i ka lepuri? Pesë shejtan, pesë”.
“O dervish, o dervish, a don pite a qervish”
Personazhet e filmit 115 minutësh, erdhën përmes aktorëve Abdurrahman Shala, Beqir Gashi, Istref Begolli, Muharrem Qena, Bislim Muçaj, Lavdije Thaçi, Naim Kryeziu, Xhevat Qorraj, Lumnije Muçaj, Milazim Dukolli, Milihate Ajeti, Xhevdet Gashi…
Producent i filmit ishte Kosovafilm me drejtues Azem Shkrelin, muzika nga Bashkim Shehu, kamera Afrim Spahiu, skenografia Agush Beqiri, vendi i prodhimit Kosovë, montazha Agron Vula ndërsa kostumet Samka Ferri.
KultPlus, po e publikon sot komplet filmin “Lepuri me pesë këmbë”, i cili vitin e kaluar ishte publikuar në YouTube nga Pika./ KultPlus.com
https://www.youtube.com/watch?v=Qf8wAxA_g9k
Sot më 15 nëntor me fillim nga ora 14:00 në ambientet e Universitetit AAB, shfaqet filmi artistik “Tuneli” me regji te Ilir Harxhit, shkruan KultPlus.
Ky film vjen me një kaskë të përzgjedhur aktoresh, ndër ta janë aktorët Robert Ndrenika dhe Evner Petrovci.
Pas shfaqjes së filmit do të mbahet edhe një konferencë për medie, ndërkaq nga nesër filmi do të shfaqet në Kinemanë ABC në Prishtinë me fillim nga ora 20:00./ KultPlus.com
Miley Cyrus është e njohur për publikun që nga viti 2003, kur ajo mori famën më të madhe në Disney Channel në rolin e Hannah Montanas, si një yll i popit, shkruan Elle, përcjellë KultPlus.
Që nga atëherë, 24-vjeçarja është shndërruar në një yll të filmit, dhe më vonë emri i saj është i njohur edhe si këngëtare dhe kompozitore.
Por tani ajo ka ardhur në përfundim se roli i Hannah Montanës ka lënë shenjë të pashlyeshme në mendjen e saj. Ajo ka shpjeguar se linjat e paqarta mes përfaqësimit të vetës dhe të Montanës kanë shkaktuar një ndikim konfuz në trurin e saj.
“Unë mendoj se njerëzit e pëlqenin Hannah Montanën sepse ka qenë një personazh shumë real dhe kjo për shkak se unë fshihesha pas saj. Por pas kësaj ka qenë shumë e vështirë për mua të balancoja gjithçka. Kur fillova turneun si të dyja – jam përfaqësuar si Hannah Montana dhe si unë – dhe mendoj se kjo ka lënë shenja jo të mira tek unë. Kjo ka shkaktuar disa dëme në psikikën time” ka thënë Cyrus./ KultPlus.com
Filmi “Hajnat e Kosovës” është komedi me një stil të lirshëm dhe gati irracional, ku përmes ironisë, batutav dhe paradokseve trajton problematikat e Kosovës, ku dikush për të mirën e vendit është bërë milioner “Sa për idare” e dikush tjetër “Sa për idare” vjedh.
Pra gjithçka në Kosovë bëhet sa për idare.
“Hajnat e Kosovës” është prodhim i Produksionit “FURRA” dhe së shpejti, varësisht nga marrëveshja, do të transmetohet në njërin prej kanaleve televizive dhe më pas do të jetë online në platformën ëëë.gjirafa.com.
Në këtë film luajnë aktorët: Bashkim Alaj,Besfort Berberi, Besart Zeneli, Blin Sylejmani, Flutur Mustafa dhe Fatos Berisha. Producent dhe skenarist është Agush Mulliqi, regjia nga Arlinda Morina ndërsa skenograf Dhurim Ismaili./ KultPlus.com
“Amazon” ka njoftuar të hënën se ka blerë të drejtat televizive të trilogjisë “Lord of the Rings” për të kthyer në serial televiziv.
Transmetimi do të bëhet përmes shërbimit “Prime Video”.
“Deadline” raportoi se franshiza me amë botërori i kushtoi “Amazonit” 200 milionë dollarë.
Tre filmat “Lord of the Rings” grumbulluan në total gati 3 miliardë dollarë në arkat filmike./ KultPlus.com
Helen Mirren e cila ka luajtur rolin e mbretëreshës Elizabeta, së fundmi ajo është shprehur se do të dëshironte ta luaj edhe rolin e Presidentit Trump, shkruan NY Daily News, përcjellë KultPlus.
“Do të isha qesharake sa Trumpi,” i tha Mirren reporterit të Hollivudit.
Aktorja legjendare nga Britania ka shtuar tutje, “Do të më pëlqente ta luaj këtë rol. Po thuajse edhe flokët e mija janë të ngjashme! Do të ishte një rol i jashtëzakonshëm”, ka thënë aktorja Mirren.
Mirren, e cila tani është 72 vjeçare, i bie të jetë vetëm një vit më e vjetër se Presidenti Trump. Ajo tha se nuk do ta kishte të vështirë ta kopjonte karakterin e Presidentit. ./ KultPlus.com
Filmi i metrazhit të shkurtër ‘Gardhi’ nga Lendita Zeqiraj pati parapremierën në Paris me datë 9 nëntor 2017 në Cinéma Le Méliès, – Montreuil e organizuar nga bashkëprodhuesi francez Sacrebleu Productions.
Kjo parapremierë priti në Paris njerëz të rëndësishëm nga industria e filmit, regjisorë, producentë dhe investitor të fondacioneve të ndryshme. Prezent ishin edhe regjisorja Lendita Zeqiraj dhe producenti Bujar Kabashi.
‘Gardhi’ është bashkëprodhim i shtëpisë filmike kosovare N’art, Sacrebleu Productions nga Franca dhe Woof Films nga Kroacia, dhe është përkrahur financiarisht nga Qendra Kinematografike e Kosovës, Cinema Fondacioni – Region Ile De France, dhe me mbështetje nga Komuna e Prishtinës.
Në këtë film luajnë: Arti Lokaj, Ilire Vinca, Adriana Matoshi, Rozafa Celaj, Melihate Qena, Xhejlane Godanci, Kumrije Hoxha, Arta Selimi, Alketa Sylaj, Edita Dula, Timur Urqan, Norik Xhemajli dhe qenushja Nina./ KultPlus.com
Azem Vllasi vazhdon të jetë i pranishëm në jetën publike edhe pse karriera e tij si zyrtar i lartë politik është mbyllur gati 30 vite më parë.
Dje në Beograd ai ka marrë pjesë në një debat ndërkombëtar ku është folur rreth shkatërrimit të Jugosllavisë. Vllasi ka akuzuar Sllobidan Millosheviqin duke thënë se Kosova nuk ka pasur fuqi ta shkatërrojë këtë shtet edhe po të kishte dashur.
Në mars të këtij viti Vllasi ishte plagosur nga një pjesëtar i organizatës “Syri i Popullit” e cila kishte marrë përsipër te likuidonte figura politike përfshirë edhe njerëz të lidershipit aktual të Kosovës përfshirë edhe Presidentin Hashim Thaçi.
Por, Vllasi në periudhën 1989-90 i kishte mbijetuar edhe një situate mjaftë të rëndë politike. Heqja e autonomisë së Kosovës dhe Greva e Minatorëve, për të cilën Vllasi ishte akuzuar nga Beogradi, e kishte çuar atë për 14 muaj në burgun e Toćak-ut nën akuzat për veprimtari armiqësore ndaj shtetit jugosllav, për çka parashihej edhe dënimi me vdekje.
Pas lirimit nga burgu, Vllasi, ishte në telashe financiare. Gazeta kroate “Slobodna Dalmacija” i kishte ofruar të shkruante si kolumnist. Aty Vllasi kishte shpalosur përvojën e tij në burg ndërkohë që nga këto shkrime ishte botuar libri ” Mjeshtërit e Errësirës”.
Ajo çfarë i kishte ndodhur ish- liderit komunist shqiptar kishte tërhequr vëmendjen e regjisorit Faruk Sokolovic, i cili kishte vendosur që historinë e funksionarit kosovar ta shndërrojë në film.
Për rolin e Vllasit angazhohet njëri nga aktorët më të njohur jugosllav i njohur edhe për rolet e tij në filma të Hollywood-it, Rade Serbedzija. Filmi është punuar sipas skenarit të Azem Vllasit ndërkohë që flet për periudhën e kaluar në burg, raportet me të burgosurit tjerë dhe administratën e burgut.
Filmi i zhanrit dramë fillon me pamjet e një mitingu masiv në Beograd ku turma e serbëve të mbledhur i kërkon Millosheviqit: “Arrestojeni Vllasin”.
Vetë Vllasi në një intervistë për mediat në Bosnjë ka thënë se “Majstori Mraka” është një film i mirë, por që ka mbetur nën hijen e ngjarjeve të asaj kohe. (Marrë nga Insajderi)./ KultPlus.com
Filmi i metrazhit të shkurtër “Bisedë për jetën” me regji të Agim Abdula e producent Bunjamin Kurtishit, është pranuar në dy festivale në Indi, shkruan KultPlus.
Ky film, do të marrë pjesë në Delhi International Film Festival – Neë Delhi, INDI dhe AFC Global Fest, Kolkata – INDI.
Ky film është prodhuar nga produksioni “Galaktika Pictures”, ndërsa tashmë ky produksion shumë shpejt sjellë edhe dy filma të tjerë të shkurtër si: “The Beginning” dhe “Conscience”./ KultPlus.com
Festivali Ndërkombëtar i Filmit të Animuar Anibar hap thirrjen për filma të animuar për edicionin e nëntë. Ky edicion i festivali do të mbahet me datat 13-19 Gusht 2018.
Anibar ka një gamë të gjerë të kategorive që janë në konkurrencë (të cilat janë të shënuara më poshtë) dhe pranon stile të ndryshme të animacionit, duke përfshirë animacion në kombinime me live-action.
Lista e plotë e kategorive të filmave:
– Ndërkombëtare,
– Student,
– Ballkan,
– Filmat e animuar të metrazhit të gjatë,
– Videoklipet e Animuara Muzikore,
– Kids and Teen.
Anibar do të ndajë gjashtë çmime në vlerë prej 3000 euro për filmat fitues dhe nga një kurorë (trofeu i Anibar). Data e fundit për të dërguarin filmin tuaj në Anibar është 30 Prill 2018./ KultPlus.com
Më shumë informata rreth rregullores dhe procedurave të aplikimit, klikoni në www.anibar.org/apply