Etiketë: Fitore Berisha Alisdottir

Artistja Fitore Berisha Alisdottir ftohet nga Presidentja Osmani, diskutohet për ndikimin e artit

Posted on by Kult Plus

Artistja Fitore Berisha Alisdottir është ftuar nga Presidentja Vjosa Osmani për të diskutuar rreth ndikimit të artit që mund të ketë për përmirësim të vazhdueshëm, shkruan KultPlus.

Artistja Berisha e cila së fundmi ka realizuar një mural nën titullin “Andrrat e thyera”, mural ky që i dedikohet grave dhe vajzave që u vranë nga burrat, gjithashtu ia ka bërë një dhuratë Presidentes Osmani.

Ajo me këtë rast ka realizuar një vepër të cilën e ka punuar duke u bazuar në metodat tradicionale të leshit që janë përdorur me shekuj në vendin tonë.

“Presidentja e Kosovës Vjosa Osmani më ftoi të diskutojmë ndikimin që mund të ketë arti për përmirësim të vazhdueshëm. Ajo pranoi dhuratën time për të, një vepër të cilën e punova duke u bazuar në metodat tradicionale të leshit që janë përdorur me shekuj në vendin tonë”, ka shkruar Berisha në rrjetet sociale. / KultPlus.com

“Andrrat e thyera” në zemër të Prishtinës, u dedikohet grave të vrara nga burrat

Posted on by Kult Plus

Arti është mjeti më i mirë për të reaguar ndaj problemeve shoqërore.

Prishtinës i është shtuar një mural i ri përmes së cilit synohet të ngritet vetëdija për vrasjen e grave dhe dhunën me bazë gjinore.

“Andrrat e thyera” u dedikohet të gjitha grave dhe vajzave që janë vrarë nga burrat apo partnerët e tyre.

Veprat e tilla të artit janë një mënyrë e fuqishme për të bërë të dukshme çështjen e vrasjeve të grave, dhe për të sfiduar normat dhe stereotipet që e justifikojnë dhunën e që janë të rrënjosura thellë në sistemin patriarkal në Kosovë.

Murali është realizuar nga Qendra Kosovare për Studime Gjinore së bashku me artisten/piktoren e mirënjohur Fitore Berisha Alisdottir, ndërsa projekti është mbështetur nga Ministria e Kulturës, Rinisë dhe Sportit, Komuna e Prishtinës dhe UN Women. / KultPlus.com

“Andrrat e thyera”, Fitore Berisha Alisdottir realizon mural dedikuar grave dhe vajzave që u vranë nga burrat

Posted on by Kult Plus

Artistja Fitore Berisha Alisdottir ka realizua një mural shumë domethënës që i dedikohet të gjitha grave dhe vajzave që u vranë nga burrat apo nga partnerët e tyre, përcjellë KultPlus.

Artistja bashkë me Qendrën Kosovare për Studime Gjinore e sjellin këtë mural për të ngritur vetëdijen e shoqërisë dhe institucioneve rreth dhunës ndaj grave. Murali u dedikohet viktimave të vrasjeve të grave (femicidit) dhe te dhunës me bazë gjinore.

Veprat e Artit të tilla janë një mënyrë e fuqishme për të bërë të dukshme çështjen e vrasjeve të grave, dhe për të sfiduar normat dhe stereotipat që e justifikojnë dhunën e që janë të rrënjosura thellë në sistemin patriarkal në Kosovë.

Qendra Kosovare për Studime Gjinore dhe artistja/piktorja Fitore Berisha shprehen se e kanë pa si të nevojshme që kryeqyteti i Kosovës të ketë një vepër arti, dedikuar grave qe kanë humbur jetën në mënyrë të dhunshme por edhe që vazhdojnë të jenë viktima të dhunës.

“Ky projekt synojë ta ngrisë vetëdijen për vrasjen e grave dhe të shërbejë si mjet për krijimin e një dialogu më të gjerë shoqëror rreth dhunës me bazë gjinore dhe vrasjes së grave.”

Projekti është mbështetur nga Komuna e Prishtinës dhe Ministria e Kulturës, Rinise dhe Sportit, UN Women. / KultPlus.com