Së shpejti në skenën e vogël të Teatrit Kombëtar të Kosovës do të mbahet leximi skenik i dramës “Jam unë ajo” së Valmira Thaqit dhe Dituri Nezirajt, përcjell KultPlus.
Të martën me fillim nga ora 12:00, “Jam unë ajo”, do ta lexojnë aktoret si: Valmira Hoti dhe Fitore Broqi.
Dija dhe Vesa janë dy portagonistet e dramës përmes të cilave vjen rrëfimi për gjendjen emocionale dhe psikolgjike të grave lehona dhe periudhën e rimëkëmbjes pas lindjes. Midis luftës së brendshme dhe asaj të jashtme, ato gjejnë veten në një botë të pakuptimt, të errët fajtore për sjelljen në jetë të një krijese aq delikate dhe të pastër. Të paafta për këtë mision aq të vështirë, ato shpesh vdekjen e tyre e gjejnë si shpëtim. Të gjitha këto peripeci, vijnë nga depresioni i paslindjes, i cili nuk flitet, nuk ndihmohet dhe nuk trajtohet klinikisht, siç duhet. Kjo temë fatkeqësisht është ende tabu, si pasojë e mentalitetit tradicional.
Kjo ngjarje mbështetet nga Minstria e Kulturës Rinisë dhe Sportit. / KultPlus.com
