Etiketë: forcat e armatosura

Koncert i Forcave të Armatosura në qytetin e Peshkopisë

Posted on by Kult Plus

Një shfaqje unike me muzikë të përzgjedhur ka gjallëruar qytetin e Peshkopisë, duke krijuar një atmosferë festive dhe emocionuese.

Shfaqja erdhi në kuadër të 80-vjetorit të çlirimit, e organizuar nga Big Band, Orkerstra Simfonike e Forcave të Armatosura si dhe Ministria e Ekonomisë, Kulturës dhe Inovacionit, duke ofruar një përvojë të re për publikun.

Ky aktivitet kombinonte tingujt e muzikës tradicionale të Big Band-it me ritmet moderne të DJ-ve, duke sjellë një set të veçantë të këngëve patriotike të remiksuara. Aktiviteti erdhi si një bashkim kulturash duke nderuar historinë dhe traditat e vendit në një mënyrë inovative.

Koncerti u pëlqye nga të pranishmit. Peshkopia ishte një ndër ndalesat e turneut që do të përfshijë 6 qytete. Më herët Orkestra Simfonike e Forcave të Armatosura u mirëprit edhe në Elbasan e Tiranë.

Sot Muzeu i Forcave të Armatosura do të organizojë një veprimtari të veçantë, në sheshin para bashkisë në Berat, në kuadër të 80-vjetorit të çlirimit. Një pjesë e ekspozitës me arte-fakte nga Lufta e Dytë Botërore do të zhvendoset për të sjellë më afër publikun dhe për të ndihmuar në përkujtimin e ngjarjeve historike. Aktiviteti do të shoqërohet nga interpretimi i Big Band./atsh/KultPlus.com

‘Ti ke forcën që nderon kombin’, Distria Krasniqi pjesë e Ministrisë së Mbrojtjes

Posted on by Kult Plus

Kryeministri i Shqipërisë, Edi Rama, kishte njoftuar para disa javëve se kampionia olimpike nga Kosova, Distria Krasniqi, do të jetë pjesë e Ministrisë së Mbrojtjes dhe Forcave të Armatosura, shkruan KultPlus.

Përmes një njoftimi në rrjete sociale, Ministria e Mbrojtjes ka shpërndarë një fotografi të Krasniqit, duke shkruar se Ti ke forcën që nderon kombin’.

“Distria KRASNIQI, xhudistja e pamposhtur nga Kosova fitoi medaljen e artë në Lojërat Olimpike “Tokio 2020”. E para në botë në kategorinë deri në 48 kilogramë me 5,920 pikë. Distria, është pjesë e Ministrisë së Mbrojtjes dhe Forcave të Armatosura që nga viti 2021”, thuhet në postimin e tyre.

Ndërkaq, Krasniqi po bëhet gati edhe për Lojërat Olimpike 2024, që do të mbahen në Paris. /KultPlus.com

Kurti uron Ramën në ditën e Forcave të Armatosura: Gëzohemi e krenohemi me ju

Posted on by Kult Plus

Në Ditën e Forcave të Armatosura të Republikës së Shqipërisë, Kryeministri i Republikës së Kosovës, Albin Kurti, i ka dërguar letër urimi Kryeministrit të Republikës së Shqipërisë, Edi Rama, shkruan KultPlus.

Kryeministri Kurti në letrën e tij ka kujtuar dhe nderuar sakrificën, qëndresën, forcën dhe përkushtimin ndaj atdheut të brezave të ushtarëve e patriotëve.

Ai ka theksuar rolin e Forcave të Armatosura të Republikës së Shqipërisë që përveçse në mbrojtje dhe siguri të Shqipërisë, shtrihet edhe përtej kufijve dhe i kontribuon edhe paqes në rajon dhe botë.

“Në këto 109 vite, Forcat e Armatosura të Republikës së Shqipërisë, na falën nder e krenari të gjithë shqiptarëve”, ka shkruar Kryeministri Kurti në letrën e urimit.

“U gëzohemi sukseseve tuaja, sikurse edhe thellimit të bashkëpunimit ndërmjet forcave të dy vendeve tona, zhvillimit dhe avancimit të kapaciteteve ushtarake, në shërbim të mbrojtjes dhe sigurisë në vendet tona dhe në rajon”, ka shkruar ai.

Kurti dhe Rama u takuan për herë të fundit në mbledhjen e përbashkët mes dy qeverive. /KultPlus.com

Rama tells Kurti: Get ready to remove Kosovo-Albania border

Peleshi tregon historinë e jashtëzakonshme të dy heronjve të heshtur të FA-së: Krenar për ta (VIDEO)

Posted on by Kult Plus

“Disa njerëz shkëputen nga toka dhe takojnë qiellin për të qenë heronj”. E këta janë heronjtë e heshtur të Forcave të Armatosura, të kudo gjendur në ndihmë dhe në mbështetje të qytetarëve.

Të tillë janë edhe rreshter Bledi Zaimi dhe tetar Ermir Locaj, të cilët rrezikojnë edhe jetën e tyre për t’u ardhur në ndihmë të gjithë atyre që kanë nevojë.

Ministri i Mbrojtjes, Niko Peleshi ka publikuar historitë e jashtëzakonshme të dy anëtarëve të FA-së, Bledit dhe Ermirit, duke i cilësuar “heronj të heshtur”.

“Njerëz të zakonshëm në ditë të jashtëzakonshme pranë komunitetit. Rreshter Bledi Zaimi, aeroshpëtues në grupin e helikopterëve dhe tetar Ermir Locaj, vinçier në grupin e helikopterëve”, shprehet Peleshi.

Reshter Bledi Zaimi rrëfen një prej momenteve më të vështira më të cilat është përballur gjatë një operacioni shpëtimi në Mallkuç në 2017-ën. “Në vjen informacioni që në zonën e Mallkuçit rrezikohet jeta e një familje, si fillim. Në jetën time nuk isha përballur ndonjë herë me një tronditje aq të madhe. Shkojmë te familja e parë ku ndodheshin 8 persona”, rrëfen Zaimi, duke shtuar se të parët që u morën ishin gratë dhe fëmijët.

Edhe tetar Locaj tregon ato moment të vështira të shpëtimit të banorëve të cilët kishin dalë në tarracë dhe po kërkonin ndihmë.

Të shpëtosh jetë dhe të shohësh që shpresa rilind sërish nuk është thjesht një punë, por një mision i rëndësishëm për të cilin ata ndihen krenarë./atsh/ KultPlus.com