Poezi nga Serafina Lajçi.
Kanë shtegtu dallëndyshet
Prej shikimit tand t’ngrysun
Në nji kodër matanë detit
Në nji det matanë kodrës
N’buzën tande asht formu nji kore
Korja n’buzën tande asht e paprekshme
E paprekshmja n’buzën tande asht kore
N’hapat tu asnji gjurmë
Gjurmët hapin e kanë kalu
Prej shikimit tand t’ngrysun
Veç nji vetull
N’atë vetull
Vjerr nji hije
E kujt hije ishe ti?