Etiketë: Frankofonia

Ismail Kadare vlerësohet për punën dhe rolin e tij nga asambleja e Frankofonisë

Posted on by Kult Plus

Asambleja e Përgjithshme e Frankofonisë, për Europën këtë të premte në mbledhjen e kësaj të premte ka vlerësuar akademikun dhe shkrimtarin Ismail Kadare.

Akademikut i është akorduar dekoratën “Kalorës i Madh i Urdhrit të Yllësisë së Frankofonisë dhe dialogut midis kulturave”.

Dekorata e shkrimtarit i është dorëzuar zonjës së tij Helena Kadare

“Ansambleja e Përgjithshme e Frankofonisë, për Europën, e mbledhur sot në Tiranë në sesionin e saj të 33-të, i ka akorduar akademikut dhe shkrimtarit Ismail Kadare dekoratën e lartë: “Grand Chevalier de l’Ordre de la Pléiade de la Francophonie et du dialogue des cultures” (“Kalorës i Madh i Urdhrit të Yllësisë së Frankofonisë dhe dialogut midis kulturave”).

Deklarata e lartë iu dorëzua zonjës Helena Kadare”, bëhet me dije nga nsambleja e Përgjithshm e Frankofonisë për Evropën./abcnews.al /KultPlus.com

Vlera Kastrati në Javën e Frankofonisë: Kisha nevojë t’i tregoj storjet e Kosovës përmes perspektivës sime

Posted on by Kult Plus

Në kuadër të javës së frankofonisë që po mbahet në Prishtinëë në Kino Armata, po zhvillohen një numër i madh i aktiviteteve kulturore.

Në një diksutim zhvilluar ditën e sotme për artin dhe kulturën në vendin tonë ka qenë e ftuar edhe artistja Vlera Kastrati. Kujtojmë se përvçëse në muzikë Vlera e ka dëshmuar veten edhe në shkrim.

Fjalët, mendimet dhe qëndrimet e saj Vlera i ka hedhur në librin “Anatomy of a Kosova woman’s soul”, ndaj në takimin e sotëm ajo ka vendosur që të ndaj përvojën e saj gjatë shkrimit të këtij librit si rrëfim inspirues për artdashësit në Kosovë dhe më gjerë.

Vlera përmes shkrimit të këtij libri tha se ka arritur t’i rigjej copëzat e fshehura të saj dhe të rijetoj jetën e saj si dhe të gjej sërish dëshiren e saj për muzikën.

“Për herë të parë në jetën time e ndjeva nevojën për të kuptuar se kush jam, t’i jap vetes sime një identitet dhe t’i jap vetes sime zë për t’i treguar storjet e Kosovës përms perspektivës sime”, ka theksuar Kastrati.

Të gjitha ngjarjet e këtij libri rrëfehen me anë të formës innovative të përdorimit të gjuhës dhe muzikës.

Në këtë takim artistja në fjalë ka theksuar edhe një herë rolin e kulturës dhe artit në jetën e njerëzve duke u nisur nga vetja për të përshkruar rëndësinë që kishte pasur shkrimi i librit në jetën emocionale të saj duke vënë në dukje rëndësinë e tregimit dhe përzgjedhjeve të ngjarjeve. / KultPlus.com

Një film shqiptar në pranverën e frankofonisë

Posted on by Kult Plus

Në javën e 26-të Gjuhës Franceze, Ambasada Shqiptare në Zvicër dhe Lihtenshtajn ka njoftuar se do të mundësojnë shfaqjen një prej filmave më të njohur shqiptar, “Slogans” (Parrullat), transmeton KultPlus.

“Fituesi i “Grand Prix” në Festivalin Ndërkombëtar të Filmit në Tokio, filmi i regjisorit regjisorit Gjergj Xhuvani do të transmetohet të hënën më 22 mars në orën 18:00. Ky prodhim konsiderohet si një nga filmat më të rëndësishëm postkomunistë të Shqipërisë.

“SLOGANS” tregon historinë e Andreas, një mësues i ri, i bukur që mbërrin në një shkollë fillore të një fshati malor. Nën sundimin e ashpër të drejtorit të shkollës, André zbulon se misioni i tij i vetëm është të prodhojë një parullë politike. Kjo është një detyrë fizikisht e kërkuar për mësuesit dhe studentët e rinj që duhet të bëhet me gurë në kodra. Ndërsa zhvillohet një histori dashurie midis Andreut dhe mësueses së bukur ftë gjuhës frënge, Diana, realiteti absurd i jetës nën diktaturën shqiptare të fund viteve 1970 tregon fytyrën e tij të vërtetë. / KultPlus.com

Kosovës i avancohet statusi në Frankofoni, bëhet anëtare e asociuar

Posted on by Kult Plus

Në Samitin e 17-të të Frankofonisë, që po i zhvillon punimet në Jerevan të Armenisë, shtetet anëtare të Organizatës Ndërkombëtare të Frankofonisë kanë votuar unanimisht që Republikës së Kosovës t’i avancohet statusi i saj në këtë organizatë, nga vëzhguese në anëtare të asociuar.


Presidenti Thaçi ka thënë se ky është lajmi i mirë i radhës për Kosovën.

“Lajmi i mirë i radhës për Kosovën vjen nga Armenia. Nga vëzhguese, Kosova u bë anëtare e asociuar e Organizatës Ndërkombëtare të Frankofonisë. U jemi mirënjohës shteteve anëtare për afirmimin e Kosovës në familjen frankofone dhe për mbështetjen e vazhdueshme të tyre”, ka thënë Thaçi.

Në mesin e krerëve të shteteve që po marrin pjesë në këtë samit janë edhe Presidenti i Francës, Emmanuel Macron, Kryeministri i Kanadasë, Justin Trudeau, Princi Albert II i Monakos, Kryeministri i Shqipërisë, Edi Rama, si dhe shumë liderë të tjerë të vendeve frankofone. / KultPlus.com