Etiketë: Freddie Mercuryn

Shtatë gjëra që nuk i keni ditur për Freddie Mercury-n

Posted on by Kult Plus

Freddie Mercury do të mbahet mend për gjurmët e mëdha që la në historinë e muzikës botërore, për vokalin e tij të fuqishëm dhe për energjinë e tij të mrekullueshme që shpaloste në skenë, shkruan KultPlus.

Më poshtë mund të lexoni disa fakte jo shumë të njohura për këngëtarin.

Bohemiian Rapsody- Një histori e shekullit rreth traumave të Freddie-t

Freddie e shkruajti këtë këngë në 1975 dhe në atë kohë “Bohemiian Rapsody” u konsiderua kënga më e gjatë e regjistruar ndonjëherë. Kënga zuri vend në albumin e katërt të grupit, A Night at the Opera. Mediat e huaja shkruanin në atë kohë që kënga në të vërtetë fliste për traumat që këngëtari kishte përjetuar në fëmijëri.

Festat deri në mëngjes me Princeshën Diana

Thuhej se princeshë Diana takohej me Freddien dhe ekipin e tij gjatë kohës kur kishte probleme martesore me princin Charles. Duke parë atë të trishtuar, Freddie i kishte thënë Dianës: “Eja e dashur, dil dhe argëtohu pak”. Pasi ishte e pamundur që Diana të vizitonte klubet e natës, Freddie ishte ai që i kishte sugjeruar që princesha të maskohej si burrë dhe të dilte në klubet për personat gay. Diana e pranoi idenë me entuziazëm, dhe u gëzua veçanërisht me “lirinë” që fitoi ngase mund të argëtohej si çdo person i zakonshëm.

Pse nuk donte të dihej varri i tij?

Në testamentin e tij, Freddie në vullnetin e tij të fundit e detyroi ish-të fejuarën e tij Mary Austin që të kujdesej për hirin dhe kurrë të mos tregonte publikisht atë që kishte bërë me urnë. Në fillim të këtij viti, një pllakë u zbulua në Varrezat e ëest London: “Në kujtim të Farok Balsar. Unë gjithmonë do të jem me ju me dashurinë time. M”. Ende, askush nuk ka konfirmuar zyrtarisht se urna e muzikantit legjendar ndodhet poshtë pllakës.

Freddie nuk ka asnjë përmendore në Londër

Ndikimi i tij vihet ende në diskutim në publikun britanik. Konservatorët mohojnë rëndësinë e tij, kryesisht për shkak të zgjedhjeve private dhe mënyrës së jetesës. Edhe pse adhuruesit e tij janë përpjekur të ngrenë një monument në Londër për vite me radhë, kjo ende nuk ka ndodhur. Busti i tij përkujtimor ndodhet në Zvicër, në qytetin Montreux, i cili është bërë një vend pelegrinazhi për tifozët e Freddie dhe grupin Queen.

Koncerti për Guinness

Gjysmë viti pas vdekjes së Freddie, grupi organizoi një koncert në stadiumin ëembley të Londrës. Të gjitha të ardhurat shkuan për bamirësi për një organizatë në luftën kundër AIDS, Fondi “Mercury Phoenix”. Koncerti është në Librin e Rekordeve Guinness dhe konsiderohet të jetë koncerti më i madh bamirës rock ndonjëherë.

Ai ishte tejet i turpshëm

Edhe pse ai ishte i njohur për performancën e tij të egër dhe “skandaloze”, shumë njerëz që e njihnin Merkurin personalisht thonë që ai ishte shumë i turpshëm, kjo është një nga arsyet që ai rrallë paraqitej në intervista.

Para se të bëhej yll rocku, punonte në aeroport

Shumë kohë para se të bëhej një nga këngëtarët më ikonikë në historinë e muzikës, Freddie nxirrte jetesën duke punuar në aeroportin Heathroë të Londrës. / KultPlus.com

76 vite nga lindja e këngëtarit më me ndikim në histori, Freddie Mercury

Posted on by Kult Plus

Suksesi i jashtëzakonshëm dhe i papritur i “Bohemian Rapsody”, filmi mbi historinë e grupit ”Queen”, që me një buxhet prej 52 milionë dollarësh ka arritur të fitojë një miliard dollarë duke fituar katër Oscar, përfshirë atë për aktorin më të mirë në rolin kryesor (Rami Malek), është demonstrimi më i bujshëm i asaj që grupi përfaqëson në historinë e rock-ut dhe deri tani në imagjinatën kolektive, transmeton KultPlus.

Dhe nëse kjo histori fillon të ngatërrohet me mitin, kjo ndodh sepse Freddie Mercury ishte një nga personazhet më shpërthyes, më transgresivë dhe më të guximshëm që është parë ndonjëherë në skenë.

Fatkeqësisht, Fredi, i cili vdiq më 24 nëntor 1991 në Londër, është gjithashtu një nga viktimat më të famshme të SIDA-s, të cilin e vrau në moshën 45-vjeçare, në rezidencën e tij në Londër, kur HIV pozitiv ishte ende një dënim me vdekje.

Siç e kujtojnë shumë tani falë filmit, emri i tij i vërtetë ishte Farrock Bulsara.

Ai u lind në Zanzibar dhe kishte prejardhje parsiane dhe indiane.

Me grupin e tij, së bashku me Brian May, John Deacon dhe Roger Taylor, ai kishte gjetur sintezën e personalitetit të tij si një roker i dashuruar pas operës, por i cili, i rritur në vitet ’60 dhe i formuar në vitet ’70, adhuronte  Jimi Hendrix, Elvis Presley, Led Zeppelin,  Black Sabbath, Liza Minnelli, David Bowie dhe rock Glam i Marc Bolan.

Ai ishte padyshim një njeri me kuriozitet të madh muzikor që i pëlqente të përziente zhanre, i aftë për njohuri të shkëlqyera si “Bohemian Rapsody” dhe pjesë të këndshme si “Barcelona Barcelona”.

Një dashamirës i hiperbolës, me një sens humori provokues, ai vazhdon të nderohet nga një audiencë transversale dhe që ka lënë pas një seri mbresëlënëse hitesh nga “We Are The Champions” te “Radio Ga Ga”, nga “Love of My Life” te “Under Pressure”, nga “Somebody To Love” te “Love of My Life”, “Crazy Little Thing Called Love” apo “We Will Rock You” .

Ai ishte një interpretues që përdorte teatralitetin si armë dhe shpesh pasqyronte një ndjenjë çlirimtare që shkonte së bashku me aftësitë e tij të jashtëzakonshme vokale dhe talentin e tij si pianist.

Freddie Mercury ishte thjesht i paimitueshëm. / KultPlus.com

Grupi “Queen” do të jetë subjekt i pullës së re postare britanike

Posted on by KultPlus

Posta Mbretërore Britanike njoftoi për planet për ta shënuar 50-vjetorin e formimit të “Queen”, duke e vendosur bendin në një pullë postare më 9 korrik, njofton Linns.

Detajet nuk janë konfirmuar ende, por kjo do të jetë hera e dytë që bendi është nderuar, pasi që këngëtari Freddie Mercury është vendosur në një pullë në vitin 1999.

Në vitet e tij të hershme, Mercury ishte një koleksionist i zjarrtë i pullave, dhe koleksioni i tij u hodh në ankand dy vjet pas vdekjes së tij në vitin 1991, me fitimet që shkonin në Mercury Phoenix Trust, shkruan KOHA Ditore. “Bomi, babai i Fredit, fillimisht e frymëzoi koleksionin e tij të pullave dhe besohet se Fredi e ndërtoi koleksionin e tij midis moshës nëntë dhe 12 vjeç”, tha Muzeu Postar në vitin 2011.

Ai e mblodhi koleksionin e tij sipas gjeografisë, madhësisë dhe ngjyrës, duke i mbledhur ato në mënyrë të kujdesshme në një libër të zi. Një grup i pullave ishte vendosur në formën e shkronjës F. “Freddie” ishte pseudonimi i ri i Farrokh Bulsara dhe ai shtoi “Mercury” rreth kohës kur u formua “Queen”.

“Koleksioni i Fredi Mercury përfshin pulla nga një gamë e gjerë e vendeve në të gjithë botën”, thekson muzeu. “Shumica prej tyre janë nga Perandoria Britanike, dhe ato me interes të veçantë filatelik janë nga Zanzibari, vendlindja e Mercuryt.

Albumi gjithashtu përmban një përzgjedhje të gjerë të pullave nga Evropa Lindore dhe vendet e Commonwealthit. Si relikte e popit dhe për referencë kulturore, koleksioni i Fredi Mercuryt është shumë i vlefshëm”.

Publikimi i vitit 1999 shkaktoi polemikë, sepse bateristi i “Queen”, Roger Taylor mund të shihej në prapavijë. Rregullat e Royal Mail thonë se njerëzit e vetëm të gjallë që mund të ilustrohen në pulla duhet të jenë anëtarët e familjes mbretërore.

Shërbimi postar u përgjigj se “si ‘Queen’ po ashtu edhe familja e Fredi Mercury e kishin miratuar modelin e saj përfundimtar”./ KultPlus.com

E konfirmojnë shkencëtarët: Freddie Mercury është këngëtari me vokalin më të mirë në histori

Posted on by KultPlus

Një grup shkencëtarësh austriakë, çekë dhe suedezë kanë bërë një hulumtim, të cilin e kanë publikuar në Logopedics Phoniatrics Vocology, duke e shpallur Freddie Mercuryn këngëtarin me vokalin më të mirë në histori.

Derisa nuk e kanë konfirmuar mitin se ai ka kënduar në katër oktava të plota, ata kanë zbuluar disa fakte magjepsëse rreth zërit të këngëtarit.

Edhe pse është njohur kryesisht si tenor, në fakt, ai ka qenë shumë më pranë baritonit. Këtë zbulim, shkencëtarët e kanë bazuar duke i dëgjuar gjashtë intervista të tij, ku është shfaqur një frekuencë mesatare prej 117.3 Hz.

Edhe sa ishte gjallë, Freddie kishte refuzuar të bënte një duet në opera, sepse kishte frikë se fansat do ta kuptonin zërin e tij bariton – ndërsa kjo është një tjetër dëshmi se këngëtari ka qenë aq i talentuar saqë ka mundur ta tejkalojë bazën e tij vokale.

Ekipi i shkencëtarëve më pas e angazhoi rokerin Daniel Zangger Borch për ta imituar zërin e Mercuryt. Ata e xhiruan laringun e tij në 4.132 korniza për sekondë, në mënyrë që të shikonin me saktësisë se si ka arritur Freddie ta bënte atë që ka bërë.

Ekspertët e kuptuan se ai ka përdorur subharmoninë – një mënyrë e të kënduarit ku flegrat ventrikulare (flegra të mukozës membranore që e mbështjellin ligamentin vestibular që njihen edhe si korda të rrejshme vokale) vibrojnë njëkohësisht me flegrat vokale.
https://www.youtube.com/watch?v=o8Eg-mWdDLc
Hulumtimi ka treguar se kordat vokale të Mercuryt kanë lëvizur shumë më shpejt në krahasim me njerëzit tjerë. Derisa një vibrato tipike do të lëvizte ndërmjet 5.4 Hz dhe 6.9 Hz, te frontmeni i “Queen” kjo vlerë ka qenë 7.04 Hz.

Në studimin e tyre kishin shkuar:

Analizat sasiore duke shfrytëzuar një parametër të sapo futur për të vlerësuar rregullsinë e vibratos së vokalit, konfirmoi natyrën e tij të parregullt, duke sugjeruar se (pa)rregullsia e vibratos është një tipar dallues i zërit këndues.

Imitimi i mostrave subharmonice të fonacionit nga një këngëtar profesionist i muzikës rok, i dokumentuar nga një xhirim me shpejtësi të lartë endoskopik në 4.132 korniza për sekondë, zbuloi një frekuencë 3:1 të flegrave vokale dhe flegrave ventrikulare./KultPlus.com