Wikimedia ka shpallur sot fituesit e garës së fotografisë në Wikimedia Commons, fotografi këto që do të jenë të shfrytëzueshme për përdorim në Wikipedia dhe faqet e tjera të projekteve të Fondacionit Wikimedia, e cila synon të promovojë imazhet e kuzhinës e ushqimet tradicionale shqiptare, shkruan KultPlus.
Në këtë garë e cila u hap me 13 shkurt, janë ngarkuar afër 400 fotografi që paraqesin në forma të ndryshme ushqimet tradicionale shqiptare.
Fotografitë e ngarkuara janë vlerësuar nga një juri profesionale dhe janë shpallur 3 fitues.
Vendi i parë ka shkuar për fotografin Nok Selmani i cili në fotografinë fituese ka prezantuar ushqimin më autentik shqiptar, flinë gjatë procesit të përgatitjes me saç. https://commons.wikimedia.org/…/File:Flia_gjat%C3%AB…
Vendi i dytë ka shkuar për përdoruesin Rrahmani.v , i cili ka prezantuar lakrën turshi dhe lëngun e lakrës, apo siç njihet me emrin rasoj.
https://commons.wikimedia.org/wiki/File:L%C3%ABng_Rasoji.jpg
Vendi i tretë ka shkuar për Violeta Myftari e cila ka prezantuar ushqimin tradicional, sarma me lakër turshi.
https://commons.wikimedia.org/…/File:Sarma_Gatimet….
Organizatorët e garës së fotografisë kanë falënderuar të gjithë pjesëmarrësit që garuan për Fotografinë e Ushqimit Tradicional Shqiptar 2023. / KultPlus.com
