Ministri i Kulturës, Hajrulla Çeku, ka bërë të ditur se ka nisur faza e fundit restauruese e Hamamit të Gazi Mehmed Pashës, në Prizren.
Ministri Çeku po ashtu ka thënë se gjatë kësaj faze do të finalizohet restaurimi i brendshëm, rregullohet hapësira e jashtme dhe detajet e fundit të mbetura.
“Punët e suksesshme në trashëgimi janë jetike për ruajtjen dhe promovimin e identitetit tonë kulturor”, ka thënë Ministri Çeku./ KultPlus.com
Mbrëmë, në Prizren u bë inaugurimi i punimeve të fazës së parë në Hamamin e Gazi Mehmed Pashës.
Hamami u hap për komunitetin në një aktivitet që bëri bashkë qytetarë të shumtë, përfaqësues të institucioneve, organizatave e shoqërisë civile.
Minitri Çeku në fjalën e tij foli për rëndësinë e investimeve në trashëgimi kulturore që po bëhen nga Ministria e Kulturës, gjithashtu për profesionalizmin e punimeve të deritanishme në Hamamin e Gazi Mehmed Pashës.
Fjalën e mori po ashtu drejtori i QRTK-së në Prizren, Samir Hoxha që njoftoi të pranishmit për fazën e fundit të punimeve në Hamam dhe punët e bëra deri tani./KultPlus.com